 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالسفر الى لبنان. |
 |
|
|
أدوات الموضوع | انواع عرض الموضوع |
|
|
15-07-2009, 07:02 PM
|
#1 (permalink) |
|
مسافر خبير
تاريخ التسجيل: Sep 2005
رقم العضوية :47352
المشاركات: 1,874
|
تقرير سفرتي المختصر
السلام عليكم ورحمة الله وبركاته
من زمان وانا ناوي اسافر مع العائله بالصيف ومن قبل اربع سنوات كنت مخطط بالصيف اسافر مع العائله ماكتب الله نصيب وسافرت مع الوالده لندن للعلاج وماكتب الله نصيب والسنه اللى بعدها نوينا نروح وعزمنا ولا كتب الله نروح وسافرت فرنسا مع اخوي والصيف اللى فات كنا ناوين نروح لماليزيا ولفيت المكاتب ماكتب الله نصيب نسافر وكنسلنا وعطلة الربيع اللى فاتت حجزنا لماليزيا وطلعنا التذاكر واستلمنا الفاتشور الفنادق وكل شي تمام وكانت بنتي تقولي يلا يوبا متي نروح ماليشيا يعني ماليزيا قلت لها ان شاءالله بعد 48 ساعه بنكون فيها والعيال مستانسين ومزهبين الشنط وكل شي تمام وقبل السفره بيوم قريت بالمنتدي في ماليزيا منتشر مرض حمى الضنك يوم قريت الا العيون مبققه ووقف فكري قلت اغامر واروح ولا استخير الله واكنسل اتصلت علي صاحبي في ماليزيا قال المرض عادي بس خذ حذرك وخلهم يرشون لك الغرفه بالمبيد ومن الامور هذى قلت لا والله انا رايح اسافر للراحه والوناسه مو رايح للتفكير والمحاتي المهم سالت بالمنتدي قسم ماليزيا قالو لي المرض منتشر وابعد عنه اذا تقدرر كنسلت السفره والغيت كل الحجوزات وسافرت الي دبي وغيرنا جو الصيفيه هذى فكرت وفكرت وقررنا نسافر الي لبنان وقعدت احوس واحوس بالمنتدي وانتقل من موضوع الي موضوع واجمع قدر كبير من المعلومات وقدر الله وضبطت كل الامور وبقى عندي مشكله السكن وقعدت ابحث وابحث لين اسقرينا علي السكن وتم الحجز بفندق الشيخ بحمدون وقبلها اتصلت علي سايق صاحبي كان يتعامل معاه الصي ف اللى فات واتفقت معاه علي السعر وينتظرني بالمطار وليلة السفر بالليله حدث شي لم ولا يخطر بالبال كاد يلغي السفره بس الله ستر ولطف وعدى علي خير تبون تعرفون شنو صار لا انزل بعد عليك شوي ههههههههههههههههههه خلاص كمل التنقل والبحث لبكره اكمل الموضوع اللى صار قبل السفره بليله ويومياني اليوميه في لبنان يا جماعه ابي انزل الصور شلون الطريقه الله يعطيكم العافيه وانتظروا باقي اليوميات بما فيها من احداث ومغامرات عن اذنكم الحين |
|
|
|
15-07-2009, 08:22 PM
|
#3 (permalink) |
|
مسافر خبير
تاريخ التسجيل: May 2008
رقم العضوية :188929
المشاركات: 1,849
|
بوعمر شوف هالرابط يمكن يفيدك
كل ما يتعلق بالصوره .. التحميل .. الاطار .. برامج تعديل الصور .. هنا ..!! |
|
|
|
|
20-07-2009, 09:57 AM
|
#10 (permalink) | |
|
مسافرجديد
تاريخ التسجيل: May 2009
رقم العضوية :258653
المشاركات: 16
|
اقتباس:
صبااااح الخير اخوي alkuwaity اذا سعر السواق مناسب يا ليت تعطيني رقمه لان موعد رحلتي يوم الجمعه وباقي مشكلة السيااااااااره وشكرا" |
|
|
|
|
|
20-07-2009, 07:53 PM
|
#12 (permalink) |
|
مسافر خبير
تاريخ التسجيل: Sep 2005
رقم العضوية :47352
المشاركات: 1,874
|
تشكرات يا اصادقاء علي طول البال
ويعلم الله كنت مريض ولله الحمد تعافيك اليوم نرد ونكمل الموضوع اللى صار يا طويلين العمر انه في الليل ولدي الصغير اللى كنت بخليه بالكويت عند جدته وهو يلعب تقريبا الساعه 1 بالليل ماحسينا الا شي طاح وشوي نسمع صريخ الطفل يصيح وكنت لاهي ارتب الامور من تذاكر وجوازات وخلافه المهم الا ام عمر تقول الحق شوف خالد والا اجي ركض عسى ماشر الا ابو الشباب كان يلعب مع اخوه عمر وتعرفون لعب اطفال طيح الا ماشاءالله صماخ خالد وارم وصاير احمر من الطيح وهو يصرخ انا اضحك علي شكله لان شكله هو بلا صدمات يضحك فوق هذا في صدمه ومحمره تذكرت الدكتور كلامه قبل يوم كانت عندي دورى اسعافات اوليه قال اذا الطفل طاح وقعد يرجع عزكم الله ولا داخ ولا نام هذا مو زين واذا ماصار فيه شي من الاعراض اللى ذكرتها الوضع عادي حمدت وشكرت ربي علي اللى صار وجابت ام عمر ثلج وفركناها علي الصماخ ههههههههههه والحمدلله لين هدا ونمنا طبعا هذى الشغله عكرت المزاج شوي فقلت الحمدلله علي كل حال واللي الله كاتبه بيصير صحينا اللصبح وعينا من الله خير ومتفق مع ولد اخوي انه يوصلني المطار لازم نكون بالمطار الساعه 11 لان موعد الاقلاع الساعه 1 نطرت ولد اخوي للساعه 11 الا ربع ما جاء اتصلت عليه الا ابو الشباب نايم بسبعين نومه مستانس توه مخلصل ثانويه عامه وجايب نسبه حلوه الله يوفقه قالي خلاص اوكي يلا الحين البس واجيك ماحسيت الا الساعه 11 وعشر دقايق وصل حملت الشنط وسلمت علي الاهل وتوكلنا علي الله ويوم طلعنا من منطقتنا الا نتذكر العربانه مالت عمر ناسينها قلت ارجع لان اهم شي بالرحله العربه علشان لا يتعبنا ولا ياذينا رجعنا واخذننا العربه وتوكلنا علي الله للمطار ويوم وصلنا للمطار الا ماشاءالله الطابور زحمه للاخر شوي شوي شوي لين وصلت للكونتر ويوم عطيته الجوازات والتذاكر قالي روح غلف العربه وتعال قلت ارجع اصف دور ولا شنو قال لا غلف وتعال بسرعه الا ركض يالله يالله والحمدلله الماكينه لتغليف الشنط فاضيه غلفتهها ورجعت الحين الساعه 12 الظهر بالضبط الا الموظف يطلب من ريس الكونتر فتح الجهاز لان الكونتر سكر لطيارة بيروت قلت عينا خير اولتها خالد وثانيها سكرت الطياره الله يستر من الباقي شوي قال طلعت البوردنتق حق 3 وباقي 2 وجنبي واحد ويا مرته نفس حالتى سكرت الطياره عنا المهم يمين يسار ومني مناك والحمدلله تسهلت الامور والحسن الساعه 12 ونص الظهر اخذت البوردنق الا الارقام مو يم بعض 2 في مقعد رقم 12 و2 في مقعد رقم 24 وواحد في مقعد 26 قلت للموظف شسالفه انا عائله ومعاي اطفال قال روح كلم الرييس مال الكونتر رحت كلمته قال بسلوب ناشف شسوي لك انت جاي متاخر والكراسي اللى موجوده عطيتك احمد ربك رديت عليه بنظره عصبيه قلت الظاهر الضغط عليكم نساكم الاوليه للعوائل وتمشيت اصحابك وعطيته ظهري ومشيت قلت ان شاءالله بضبطها بالطياره لحقت ركض علي المسجد وصليت الظهر والعصر جمع تقصير وركض للطياره لان كان النداء الاخير وانا اصلي طلبت للعيال وجبات من مكاندلوز لانهم تعبانين والجوع كافر المهم يوم صليت الا النداء الاخير اخذت الوجبات وركض للطياره المهم يوم ركبت الطياره قلت للمضيفه وهي من الجنسيه الفلبينه مايصير نقعد جذى لازم ابدل قالت اذا طارت الطياره شوف المكان اللى فاضي واقعد فيه بس ترى الطياره فل قلت لا طارت الطياره شنو الفايده بالعقل انا زوجتي و3 اطفال يعني لو بقعد انا ومعاي طفل وزوجتي معها طفل ييبقى طفل بروحه شلون المهم هواش ونجره مع المضيفين كل ماقولهم يقولون مانجرب الركاب نقومهم من مكانهم جان اروح للمقعد 12 زنظام الطياره كرسين ممر اربع كراسي ممر كرسين احنا كراسين اللى علي الدريشه واطالع الكرسين اللى يم كراسينا الا لبناني وكويتي قلت لهم لاسالفه وجزاهم الله كل خير وبدلو الاماكن الحين ارتحت صارو اربع يمه بعض اطالع الكرسي اللى وراي الا فلبينتين قلت للمضيف كلمو وحده منهم تقوم احد بقعد منا بمكانها تكمل القعده وكلمتها ويالله يالله رضت واخذت الاكياس اللى فيها وجبات وحطيتها فوق بالدرج وربطنا الاحزمه وتوكلنا علي الله وقرينا دعاء السفر وبعدينا بالاقلاع اول ما طارت الطياره الا الكراسي اللى وراي اسمعهم يقولووون ياي شو هيدا من وين عم بينزل الا لبنانيات 2 وعيالهم 2 طالعت فوق الا اشوف البيبسي اللى حاطه فوق هههههههههههههه ماشاءالله يمطر عليهم الا ماقدرت اتصفر الطياره في بدايه الاقلاع وماشاءالله الجو حلو قامت تحرك يمين ويسار الطياره الا قلت مافيها صبر جان اقوم بسرعه واخذ الكلينكس واغطي اللى مغرق الدرج واعتذرت له م وقعدت وشوي الا ينزل بعد مره ثانيه قمت وامسحت اللى مغرق الدنيا واعتذرت لهم مره ثانيه قالت لا عادي انا مقدره وضعت والله يعينك علي الحوسه اللى كنت فيها وويوم وصلنا مطار بيروت الدولي كان بستقبالي السايق ابو محمد اللى متفق معاه علي كلشي متفق معاه علي اليوميه بــ70 $ وكلشي عليه اخذني من المطار وصعود للفندق بحمدون ويوم جيت فندق الشيخ بحمدون الا الاقي صدمه حطمتني تذكر صماخ خالد وتسكريت الطياره وقلت الثالثه ثابته الفندق تبون تعرفون شنو صار بالفندق اكمل لكم بكره اذا الله احيانا وياكم علي خير ان شاءالله |
|
|
|
|
21-07-2009, 03:13 AM
|
#14 (permalink) | |
|
مسافر خبير
تاريخ التسجيل: Sep 2005
رقم العضوية :47352
المشاركات: 1,874
|
اقتباس:
الاماكن والمطاعم في موضوع انا حاطه جدول سبع ايام في لبنان وكنت ماشي علي الجدول ولله الحمد كل اللى فيها حلوه وممتازه بس يفضل المطاعم يوم الاحد تروحون لها بدري لانها بتكون زحمه حيل حيل وان شاءالله تنبسطون في لبنان |
|
|
|
|
|
«
خواتي رايحين لبنان .. ساعدوهم
|
الصيف قرب والسفر حاااااااااااااااااااااااااااااااااااااااان طاريه ( خاص بالصيفيه )
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:46 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||