 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain يعنى هذا المنتدى بطرح جميع الإستفسارات السياحية المتعلقة بأسبانيا وذلك في مواضيع مستقلة. |
 |
|
|
أدوات الموضوع | انواع عرض الموضوع |
|
|
17-07-2009, 02:14 PM
|
#1 (permalink) | |
|
مسافر متميز
تاريخ التسجيل: May 2009
الدولة: الخبر-السعودية
رقم العضوية :259116
المشاركات: 494
|
اقتباس:
المسافرين أنا وزوجتي وطفلة عمرها سنتين مسألة يكون وسط الزحمة او بعيد عن الزحمة وقريب من محطة باص هذي بالنسبة لي شيء ثانوي , يعني لو وسط الزحمة وبيزيد السعر وبيكون الفندق غير نظيف لأ طبعاً وحتى لو نظيف زيادة السعر مقابل الزحمة غير محبذة النقطة الاولى المهمة عندي نظافة الفندق وجودته ويكون السعر مغري (لا يزيد عن 90 يورو بالليلة) لك كل التحية والتقدير |
|
|
|
|
17-07-2009, 01:34 AM
|
#2 (permalink) |
|
مسافر فعال
تاريخ التسجيل: Jun 2009
رقم العضوية :266776
المشاركات: 69
|
أخوي الأقرع السلام عليكم ورحمة الله وبركاته
مريت لك هالاسبوع على كم فندق على الطاير وشفت أماكنهم اللي قريب من الشاطئ واللي كنن وده يصير قريب (يعني لو طلعت في السطح تبي تشوف البحر إن شاء الله ) شف يابعدي أنصحك كأول مره تطب أوروبا أبد خلك في برشلونه(4 أيام ) ومدريد(3 أيام) بحكم انهم اكبر مدينتين واشهرهم والتنقل بينهم سهل سواءا بالطياره (حوالي 40 دقيقه) وبالقطار ( حوالي 3 ساعات) ووماراح تخسر وقت في يوم التنقل بينهم اول شي لان خطوط الطيران بتوصلك الى برشلونه او مدريد طبعا اختر الوصول الى وحده فيهم والمغادره من الثانيه بالنسبه لبرنامج برشلونه أبشر به وعطني بس كم يوم (نهاية ذا الويك إند) واعطيك الزبده إن شاء الله نظرا لظروف عملي الشاقه ومدريد صراحه ماعندي خبره فيها مره كان تصبر علي نهاية الأسبوع الجاي بحاول اسيـّر على أهل مدريد في الويك انك واعطيك برضه الزبده ورح مر على مكتب سياحي وشف أسعار الطيران ترا أرخص بكثير من مواقع النت وشف اللي يناسبك بالتوقيت لأني كني أشوفك كاتب (مافيه إلا هي تقصد الخطوط التركيه يعني شكلك مابعد حجزت OK) السعوديه حلوه بس ماتروح الى على مدريد دايركت يعني تصير في البدايه وجهتك مدريد بس في الرجعه بتغير الطيران لأنك بتصير في برشلونه وصعبه ترجع ثانيه على مدريد أما بقية الخطوط الأوروبيه فتروح على كل الوجهتين أنا جربت الألمانيه (Lufthansa) صراحه طياراتهم صغيره وضيقه كنك راكب ورا في سياره كوبيه مادري عن باقي طياراتهم بس كل الطيارتين اللي ركبتهم من الرياض لفرانكفورت ومن فرانكفورت لبرشلونه كانوا صغااار وجربت الخطوط الأردنيه صراحه حلوه مره وخطيييره طياراتهم جديده ووسيعه ونظيف مره وخدمتهم راقيه بس عيب الطيران الاردني لازم ترانزيت في عمان لمدة 10 ساعات ويعطونك غرفه في فندق المطار حقهم وصراحه الله لايعيده من فندق كنه غرف سواويق اييييه ارجع اقول لك لقيت لك كم فندق اللي هم الفندق الأول أروق وأفخم أوتيل صراحه موقعه حلو وعلى البحر والكورنيش حقه جديد وحلو بس في الليل ماحبيته حول ونوادي وبارات شكلها صراحه شبهه في الليل اللي هو Hotel Arts Barcelona وهذا 5 نجوم وسعر الليله بـ 1542 ريال الثاني رايق برضه وحلو وجنب فندقنا الأول بس أرخص منه شوي Pullman Barcelona Skipper هذا 5 نجوم وسعره 1125ريال الثالث H10 Marina Barcelon الهوتيل مستقل مبناه وحلو وجنبك حديقة الحيوان والبحر برضه قريب منك وحتى المناطق السياحيه وهذا سعره 597 ريال وهو 4 نجوم الرابع HOTEL ICARIA BARCELONA هذا 4 نجوم وسعره 552 ريال موقعه لطيف والمساحه اللي قدامه واسعه وممره مشاه كبيرر برضه قريب من هالفندق حديقة الحيوان والبحر والمناطق السياحه برضه اخوي هذي بعض الفنادق اللي دورتها لك في طريقي وشفت مناطقها حلوه ومتوسطه بين البحر وبين المناطق السياحيه وهذا لا يعني انها احسن شي مره بس هذا اللي لقيته حاليا وترا مادخلت جوا يعني ماادري عن مستوى الخدمه والراحه فيها وودي أسألك اذا انتم عجاااازين تبون كل شي جنبكم والا عادي تدقون رجليه ترا حلو المشي  وترا بيصير الجو في وقتكم حلو ورايق وبوييرد شوي في الليلهذا ردي المبدأي وان شاء الله اقدر افيدك اكثر في ردي الجاي وقلت لك اعذرني على التأخير في الرد وشكرا لك |
|
|
|
|
17-07-2009, 10:40 PM
|
#3 (permalink) |
|
مسافرجديد
تاريخ التسجيل: Jul 2009
رقم العضوية :270524
المشاركات: 43
|
أولا" أشكر الجميع على أبداء آرائهم ومساعدتهم وهذا العشم فيهم  بالنسبة للرحلة أنا خلاص قررت تكون بين مدريد وبرشلونة ( 3 أيام مدريد - 4 أيام برشلونة ) حاليا بديت بالحجوزات لخاصة بالطيران والحمدلله انجزت البداية عن طريق الخطوط السعودية من الرياض إلى مدريد من يوم الجمعة 2 / 10 إلى يوم الجمعة 9 / 10 .. بقي البحث عن طيران داخلي سعره معقول ياخذني من تاريخ وصولي إلى مدريد إلى برشلونة لحضور مباراة ( لا أعرف أين أشتري التذاكر  ) ثم التسكع بأجواء المدينة الكاتلونية من الصباح في البحر والسهر والترفيه والملاهي والتسوق مساءا" .. لمدة 4 أيام فقــط ولازالت أبحث عن فندق وأفدتني أخوي أس أم أس بالنسبة لأسعار الفنادق .. العودة من برشلونة في اليوم الرابع إلى مدريد منها سيتم زيارة السنتياغو برنابيو والمتاحف والتسوق .. ولازلت ايضا ابحث عن فندق مناسب قريب من مناطق التسوق ومن السنتياغو أو مجملة المناطق السياحية والعودة تكون مساء الجمعة عن طريق الخطوط السعودية ايضا  وسلامتكم وش رأيكم بالخطة المبدأية |
|
|
|
|
22-07-2009, 07:55 PM
|
#5 (permalink) |
|
مسافر متميز
تاريخ التسجيل: May 2009
الدولة: الخبر-السعودية
رقم العضوية :259116
المشاركات: 494
|
للرفع وبانتظار اخوي زمان شكلي أزعجته بالاسئلة بطل يدخل المنتدى
أما انت يا صاحب الموضوع فليش ما تستأجر سيارة وتروح بها من مدريد لبرشلونة وترجع ؟ ترا الكل يمدح أما إن كنت مصر على الطيارة فخذلك هالموقع vueling.com ستين يورو رايح جاي (مدريد برشلونة مدريد) |
|
|
|
|
22-07-2009, 08:17 PM
|
#6 (permalink) | |
|
مسافرجديد
تاريخ التسجيل: Jul 2009
رقم العضوية :270524
المشاركات: 43
|
اقتباس:
موقعك مضروووب مافيــه رحلات  |
|
|
|
|
|
22-07-2009, 11:16 PM
|
#8 (permalink) |
|
مسافر فعال
تاريخ التسجيل: Jun 2009
رقم العضوية :266776
المشاركات: 69
|
السلام عليكم بعد تسبدي والله يالأقرع
شف يابعدي انت رحلتك في شهر 10 يعني توك عليها انت احجز الطيران OK وطلــّـع الفيزا وعقبها علمني وأبشر بسعدك أنا إن شاء الله بكره الصبح طاير على مدريد لين الأحد وراجع علمني متى بتوصل رحلتك لمدريد (ومتى تبي ترجع لمدريد...العوده) علشان أشوف لك أقرب رحله على برشلونه وأقرب عوده لمدريد ولاتشيل هم يابعدي الرحلااااااااات كثيره وأوقاتها متقاربه وكثيره مره بس مثلا لو بتاخذ رحله بدري الصبح يعني بين الساعه 6 الصبح والساعه 9 بتلقاها رخيصه وكل مازاد التوقيت زاد سعر التذكره تقريبا علشان كذا علمني متى بتوصل رحلتك ( أبي توقيت) وابشر بسعدك ويابعدي مايحتاج تذكره ولاشي اذا حجزت بالنت (وهذا أمره سهل مره , وان بغيت احجز لك أبشر) بيرسلون لك على الأيميل تأكيد الحجز ورقمه والبوابه اللي تروح لها وانت بمجرد ماتجي مطار مدريد تروح تعطيهم رقم الحجز أو حتى اسمك اللي حجزت فيه فقط ويكفيهم (الأمور سهله مره ....) عموما الأسعار من الموقع هذا www.vueling.com في نفس يومك تترواح من 360 ريال إلى 680 ريال تقريبا تعتمد على وقت الذهاب والعوده علشان كذا علمني بالأوقات اللي قلت لك ومنها أشوف لك طيران ثاني مثل spanair وغيره علشان تشوف فرص الأوقات أكثر وأحسن وقت يناسبك تحت أمرك يابعدي في أي وقت وأرجع وأقول لك عذرا على تأخري في الرد نظرا لطول وقت عملي وشكرا لك |
|
|
|
|
23-07-2009, 12:27 AM
|
#9 (permalink) |
|
مسافر فعال
تاريخ التسجيل: Jun 2009
رقم العضوية :266776
المشاركات: 69
|
أخوي fatheroflions هذي اوتيلات مريت عليها وشفت موقعها بنفسي غير كذا من ناحية الخدمة والسعر والأشياء هذي شفتها من النت وكان تقييمها عالي صراحه
هذي بعض الأوتيلات اللي شفتها على طريقي وقريبه من سعرك انت شف الغرف في النت وباقي التفاصيل واذا ماعجبك منها شي علمني وادور لك غيرها Wilson Boutique Hotel هذا (3نجوم) وعلى شارع Aviguda Diagonal الاوتيل موقعه حلو وبعيد عن زحمة الناس وفي نفس الوقت قريب من شارع Passeig de Gracia وغير كذا الشارع اللي عليه شارع تسوق ولطيف وشفت تقييمه في المواقع جدا ممتاز Princesa Sofia Gran Hotel هذا (4نجوم) وموقعه هادي وعلى شارع Aviguda Diagonal في أوله تقريبا, قريب جدا من محطة ميترو 3 (Maria cristina) وقريب جدا من El Corte Ingles وقريب منك ملعب برشلونه Camp Nou وبينك وبين Passeig de Gracia مشي أقل 30 دقيقه Ayre Hotel Gran Vía هذا(4نجوم) موقعه عند Plaza Espanya على شارع عام كبير وقريب من منطقة مونجويك الاوتيل جديد وستايله حلو و عندك ميترو 3 و 1 وقريب منك بعد محطة القطارات Sant Estacio Amister Barcelona وهذا (4 نجوم) على شارع Avinguda de Roma وموقعه لطيف وقريب من شارع Passeig de Gracia وبعيد عن الزحمه والازعاج تحياتي لك وابشر بسعدك ان بغيت غير اللي دورت لك |
|
|
|
|
02-08-2009, 06:33 PM
|
#10 (permalink) | |
|
مسافر متميز
تاريخ التسجيل: May 2009
الدولة: الخبر-السعودية
رقم العضوية :259116
المشاركات: 494
|
اقتباس:
Wilson Boutique Hotel سعره في وقت سفري 260 يورو ل3 ليالي (غير قابلة للترجيع) السعر جيد لكن لا يوجد فطور , المكان هل هو سهل الوصول منه لباقي برشلونة ؟ Princesa Sofia Gran Hotel سعره رائع جداً 343 يورو ثلاث ليال بدون فطور واخالفك الرأي في تصنيفه فهو وبحسب موقعك بوكنق (فندق خمس نجوم) شاهد هذا الرابط Booking.com: Princesa Sofia Gran Hotel, Barcelona, Spain - 676 Guest reviews. Book your hotel now! ونفس السؤال ينطبق عليه ماهو موقعه بالنسبه لسهوله التنقل منه واليه ؟ Ayre Hotel Gran Vía هذا الفندق 4 نجوم سعره مقبول وأيضاً ما رأيك بموقع لك كل التحية والتقدير |
|
|
|
|
|
03-08-2009, 12:51 AM
|
#11 (permalink) |
|
مسافر فعال
تاريخ التسجيل: Jun 2009
رقم العضوية :266776
المشاركات: 69
|
السلام عليكم ورحمة الله وبركاته
أخوي حياك الله بالنسبه للفندق هذا Princesa Sofia Gran Hotel فعلا هو 5 نجوم لعلي أخطأت في الكتابه موقعه جاي زي ماقلت لك في أول شارع Avinguda Diagonal عند دوار كبير والشارع اللي هو عليه انا صراحه احب امشي دائما فيه لأني ماأحصل فيه اجانب كثير (اجانب اقصد مغاربه وهنود ولاتينيين - لاني من اشوفهم يتنكد يومي ) الشارع هادئ ورايق وعليه اكثر من اوتيل فخم منها Hilton وفندق Lill وغيرها وعليه كم كوفي شوب حلو وهادئ وراقي وايضا عليه معرضين El Corte Ingles الشهير وسوق Lill وتقريبا المسافه بين الفندق وشارع Gracia تقريبا 3 كيلو ومن اول شارع Gracia إلى ساحة كاتلونيا تقريبا 1.5 كيلو يعني بالنسبه لي قريب والمشي في الشوارع هذي حلو وممتع وطول طريقك محلات تجاريه وأسواق وكوفيات وغير كذا عندك محطة ميترو Maria cristina الخط رقم 3 (الأخضر) وهذا الخط عليه أغلب الأماكن السياحيه مثل محطة شارع Gracia وسساحة كاتلونيا ومحطة Drassanes اللي عند البحر وفيه حديقه Guell عند محطة Lessepes وايضا عليه ساحة Espanya اللي عند منطقة Montjuic عند النوافير الرائعه وبالنسبه Wilson Boutique Hotel هذا على نفس شارع الفندق السابق بس اقرب لك لشارع Gracia وجاي على الجهه الثانيه من الشارع (واجهته جنوبيه الفندق) بس زي مانت عارف ثلاث نجوم يعني راح تفتقد بعض الخدمات وتبي رايي أنا خلك في فنادق 4 نجوم وفوقها-- ثلاث نجوم اذا كنت في مدينه صغيره أو بالأحرى قريه بحيث الفنادق تكون قليله ويكون مستوى الثلاث نجوم فخم بس كمدينه مثل برشلونه او مدريد ماانصح تاخذ ثلاث نجوم وبالنسبه لـ Ayre Hotel Gran Via هذا موقعه عند ساحة Espanya وعند منطقة Montjuic عند النوافير الرائعه والملعب الأولمبي والحدائق وفيها المتحف الوطني للفنون منطقه تحفه وحلوه وبرضه عندك سوق Gran Via2 سوق تحفه تقريبا 4 كيلو وتقدر تاخذ FGC وينزلك عن السوق مباشره وعن البحر تقريبا 3 كيلو وعن شارع Gracia تقريبا 2.5 كيلو المنطقه هذي حلوه في الليل تروح عند النوافير وتشوف العرض حقها وقريب جدا منك محطة ميترو اسبانيا عليها خط 3 الأخضر اللي زي ماقلت لك عليه أغلب الأماكن السياحيه ولو تبي تروح مشي عندك شارعين كبار طريقهم واضح ومريح الشارع الأول اللي هو نف الشارع اللي عليه الفندق تمشي على نفس امتداد الشارع بيتقاطع معاك شارع Gracia عن نفسي أرى Princesa Sofia Gran Hotel اختيار مناسب كعائله واتمنى ان ردي كان وافي وواضح لك وتحت امرك بأي وقت |
|
|
|
|
03-08-2009, 10:53 AM
|
#12 (permalink) | |
|
مسافر متميز
تاريخ التسجيل: May 2009
الدولة: الخبر-السعودية
رقم العضوية :259116
المشاركات: 494
|
اقتباس:
عندي الفنادق التالية تعطيني رأيك فيهم ؟ Alimara 4 stars Acta millenni madanis 4 stars NH porta Barcelona الموضوع الاخر هو خدمة الshuttle أي نقل المسافرين من والى المطار فهل تنصح بها ؟ حيث تتواجد في عدة فنادق بعيدة طبعاً عن وسط المدينة وأقرب للمطار فما الافضل بنظرك ؟ السكن فيها والاستفادة من هذه الخدمة أو انها غير ذات جدوى ؟ لك كل الحتية والاحترام |
|
|
|
|
|
03-08-2009, 06:01 AM
|
#13 (permalink) |
|
مسافر فعال
تاريخ التسجيل: Jun 2006
رقم العضوية :85327
المشاركات: 128
|
انا الآن في اسبانيا
بالنسبة لبرشلونة سكنت بفندق أوليفيا بلازا olivia plaza موقعة جدا استراتيجي مقابل ساحة كاتلونيا وعلى طرف شارع الرامبلا وجنب الفندق مباشرة الهارد روك كافيه الفندق 4 نجوم لكن الخدمات والاثاث اعطية 5 سعره ممتاز |
|
|
|
|
03-08-2009, 11:39 PM
|
#14 (permalink) |
|
مسافر فعال
تاريخ التسجيل: Jun 2009
رقم العضوية :266776
المشاركات: 69
|
السلام عليكم ورحمة الله وبركاته
اخوي ابد حياك الله بأي وقت وتامرني أمر دامي موجود علمني باللي تبي قبل ما أرجع علشان أمر لك على الموقع بالضبط وأشوف هو مناسب أو لا Alimara 4 stars هذا يابعدي بعيد شوي عن وسط المدينه والأماكن السياحيه وجاي في شمال برشلونه والمنطقه اللي هو فيها قديمه وشوارعها صغيره وزحمه مع إن مكانه في زاويه كبيره بس أتكلم عن منطقته وإلا هو أذكره كان سعره حلو مره كنت أباخذ فيه كم ليله لأنه كان قريب من دوامي وعليه محطة ميترو Mundet الخط 3(الأخضر) اللي أغلب الأماكن السياحيه عليه Acta millenni يابعدي هذا عند شارع Paral lel وهذا الشارع اللي حوله وحواليه كله أجانب من هنود وبنقاليه ولاتينيين يعني مخلط وصراحه أشكال مشبوهه لدرجه في أحد الأيام والله شايف فيه اول الشارع هذا من جهة البحر ناس تدق إبر (مخدرات) مابي أروعك بس الشارع هذا معروف عند الأسبانيين كل اللي فيه اجانب.. ويوم كنت ادور لي شقه قال موظف المكتب ما أنصحك تاخذ على الشارع هذا ولا في منطقته ... madanis هذا والله مهوب بعيد ولا قريب جاي في الطرف صراحه ومنطقته قد مشيت فيها يعني حليوه مقبوله بس الاوتيل كأنه قديم شوي وجنبك مره ملعب برشلونه (Camp Nou) المنطقه أغلبها أسبان وسكنيه وتراه قريب من الفندق اللي قلت لك ( Princesa Sofia Gran Hotel) لكن أقرب ميترو لك رقم 5 (الأزرق) Collblanc NH porta Barcelona هذا بعيد مره عاد ترا ومنطقته قريبه من المناطق الصناعيه والمستودعات يعني كنك على الدائري الشرقي في الرياض مخرج 17 من ناحية خدمة الباصات اللي توفرها الفنادق البعيده عن وسط المدينه هي حلوه بس بتقيدك بوقت يعني بيقول ترا الباص يطلع في الأوقات التاليه وعاد كل فندق وخدمته بس على حسب علمي إنه الخدمه فقط توصيل (ذهاب) يعني في الرجعه انت دبر نفسك وهذا اللي انا اشوفه في فندق جنب مكان العمل اسمه Hesperia tower hotel دايم اشوفهم ينتظرون الساعه 10 الصباح يوصلهم بس في الرجعه كل واحد جاي بتاكسي او ميترو او باص ومن وجهة نظري ودك تاخذ راحتك وماتتقيد بزمن معين يعني تحس براحه نفسيه اذا الفندق قريب وتقدر توصله بأي وقت وطريقه سهل ومريح وآمن في أي وقت حتى الساعه 12 بالليل أخوي لما أقول لك كلمة بعيد يعني مهوب بعيد مسافه كبيره بس ترى برشلونه زحمه مواصلات اذا بتاخذ تاكسي او باص وميترو ماانصح ان عائله تركبه خصوصا حق برشلونه لان اغلب المحطات قديمه ومكتوووووووومه مره مافيه تهويه وزحممممممممممممممممه خصوصا الخط الأخضر رقم 3 لانه اغلب الاماكن السياحيه عليه لو في مدريد اقول لك عادي اركب الميترو وانت مرتاح ودام عندك وقت قبل الرحله خذ راحتك يابعدي اهم شي خلص الفيزا والسكن امره سهل ان شاء الله وتحت امرك بأي وقت وابشر بسعدك |
|
|
|
|
04-08-2009, 11:35 AM
|
#15 (permalink) |
|
مسافر متميز
تاريخ التسجيل: May 2009
الدولة: الخبر-السعودية
رقم العضوية :259116
المشاركات: 494
|
والله ياخي إنك تتكلم وتنطق بدرر وجواهر من مبدأ مساعدة الاخرين وكلامك على العين والراس ,
سبحان الله على قد ما اعطي آراء واجابات اساعد فيها الاخرين ألاقي ناس خيرين أمثالين يساعدوني في الشي اللي يخفى علي , انا محتار الان إذا المترو 3 والقريب من فندقي مادانيس وبرنسيسا صوفيا مكتم ومخيف ومزحوم فإذاً مافي داعي اسكن هناك ؟ ماهي أفضل الاماكن اللي ابحث في فنادقها واسكن بها ؟ أنا تحديداً اريد فندق 4 نجوم ولا يتعدى الليلة مع الافطار مائة يورو (شيك إن 9اكتوبر شك آوت 12 اكتوبر)وبعد ذلك منطقة هادئة محترمة يعني الرامبلا غضيت الطرف عنها من كثر ما سمعت عن سوء السكن بها ما رأيك بمنطقة بلازا كاتالونيا أو سقرادا فاميليا , أعطيني بس أحسن منطقة تراها مناسبة للانطلاق والتمشي يومياً لثلاث أيام في برشلونة ل3 أفراد (انا , زوجتي وطفلتي) لكل كل الدعاء بالخير |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 11:33 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||