هذا الموقع متخصص بالسياح العرب وهو أحد مواقع شبكة مكتوب المسافر.
انضم الآن و احصل على فرصة متابعة أخبار و معلومات و صور و مقاطع فيديو من كل دول العالم.
لا تشترون من منطقة العرب كلهم نصابين والله العظيم إني شريت من عندهم شناط وساعات ولا تهنيت فيهم وبرتب النصابين لكم :
رقم راحد في النصب والإحتيال:
محل بو داوود خذيت من عنده فوق 10 شناط وساعات ماقصرني ولا فلس أسعاره ثابته قلت ماعليه الزين سعره فيه طبعاً كل البضايع عنده بـ 18 دينار بحريني يمكن ألحين زيد سعره مادري آنه أتكلم لكم قبل سنتين وطبعاً أسعاره تزيد بس ماتقصر عن 18 دينار وأكثر شنطه طولت عندي ظلت يمكن يومين من غير مبالغه و معظم الشناط تقطعو أول مارجعت الديره يعني تخيلو شنطه تتفلل بس عشانكم حشرتوها ويا الأغراض
محل فريده
نصابه رقم 2
محل حفيظه
أكثر محل مزدحم بالخليجين أسعارهم نار وبضاعتهم رديئه
محل أوم إلي تسألين عنه
رحت لها في سنة 2006 بضاعتها رووووعه كانت ليحين ألبس ساعاتها والله ولاتغيرت وأسعارها كانت رخيصه أما ألحين صارت نفس النصابين الباقيين وآخر مره رحت ماحصلت عندها بضاعه كانت مصفررره وعلى فكره أسعارها وايد زادت شافت جيرانها النصابين وصارت مثلهم قالت دام سوقهم ماشي خل أصير نفسهم أبيع الردي بسعر أغلى وهالخليجين يشترون على عماهم
محل جاكي
ما بي أظلمه الصراحه من سنتين رحت له وخذت منه ساعه وحده بس ورأيي في هالساعه آنه لي اليوم ألبسها ماشوفها تغيرت بس ما أقدر أحكم على باقي الساعات ماجربت عنده كثير
خلاصة الكلام
هالمحلات كلهم نصابين ما أنصح أي أحد ياخذ منهم روحو مجمع طوكيو وأخذو والله بضاعتهم أحسن صحيح يمكن تطلع أغلى بـ 10 دينار أو 20 دينار بس إخذو شي يتم عندكم مو حده يومين ويتقطع والله حتى فشله لو بتاخذونهم هديه لأحد
الساعات الأصليه تحصلونها عند التايلندين في السوق الصيني تشوفون يبيعونها بالخش مو بالعلن إنتو روحو هالسوق 1000 واحد بيدليكم على بياع الساعات ماشاء الله محذفين في كل مكان
آنه آخر مره خذت ساعه من بياع متجول في السوق الصيني قالي بـ 4000 بات ماعليكم منه رصوه بينزل في السعر آنه وصلته لي 1200 بات شوفو الفرق وإذا مارضى تركوه وإمشو يابتشوفونه بيناديكم أو بتحصلون غيره مليون واحد والبضايع أغلبها متشابهه
أدري طولت عليكم بس فيني حررره على هالنصابين
نصيحه لوجه الله
قاصصو في الأسعار ليش دايما تبينون إنه الخليجي بنك متنقل لازم تكاسرونهم خلهم يعرفون أيام العز راحت خلاص الخليجي ماقام يشرب بترول مثل الأول قمنه نشرب تبن ونسكت
12-10-2009, 02:31 AM
العرض المتطور
