 |
 |
 |
||
|
|
|
||
 |
|
 |
|
|||||||
| الدول العربية والإسلامية مملكة البحرين ترحب بكم. |
 |
|
|
أدوات الموضوع | انواع عرض الموضوع |
|
|
11-07-2009, 04:09 AM
|
#1 (permalink) |
|
مسافرجديد
تاريخ التسجيل: Jun 2009
رقم العضوية :266908
المشاركات: 15
|
البانيان تري... زيارة أولى... و لا أتوقع أن تعاد!!!
السلام عليكم... هالويكند قررت أطلع طلعة مفاجئة مع زوجتي و أطفالي إلى البحرين و حجزت ليلة الخميس في البانيان تري العرين ب 249 دينار تقريباً (2490 ريال)... طلعنا من البيت حوالي الساعة 2:10 ظهر الأربعاء حتى وصلنا مطعم زيارة في البحرين عند مجمع السيف الساعة 4:00. المطعم لطيف و أكله لذيذ كأنه طبخ بيت.. بعدها توجهنا إلى البانيان تري... الطريق طويل شوي لكن ما يضيع. وصلنا البانيان تري عند الساعة 6:00 تقريباً و بعد الشيك إن توجهنا إلى الفلة... وصلنا الفلة و كانت معانا موظفة من المنتجع أخذت تشرح لينا الفلة و غرفها.. و هنا بدأت المصايب...... لما وصلنا الحمام و أنتو بكرامة و هي تشرح لينا... إلا زوجتي تأشر ليي (يا الزينبي!!! تعال شوف تعال شوف!!!!)... ها!! ويش صاير؟؟؟؟ إلا هي وزغة الله يكرمكم (يعني سحلية صغيرة).... و أنا صراحة ما أقدر أتعامل مع هالمخلوقات بتاتاً.... كلمت الموظفة و قلت الله يعين.. هذي بدايتنا!!!... جابت الهاوس كيبينج و قفلنا عليهم الحمام.... و طاخ طاخ طيخ صادوا السحلية و طلعوها...... قلنا يالله!!! تحصل في أحسن العوايل....و مشيناها..... طلعت الموظفة و كلمت الريسيبشن يجيبوا لينا سريرين أطفال حق الجهال... و ما قصروا قاموا بالواجب و طلعوا... بعد كذا أخذنا راحتنا في الفلة و توني بسم الله الرحمن الرحيم قاعد في الصالة أتفرج على التلفزيون و زوجتي مع بناتي في غرفة النوم.... إلا حاجة من تحت الثلاجة تناقز!!!! (أخاف من الفار, يطلع لي أسد!!!!  )... إلا هالمرة مو وزغة و انتو بكرامة, طلع فاااااااااار أعووووذ بالله من الشيطان الرجيم.... و بعدين يعني  و أقوم أكلم الريسيبشن و أقوليهم جيبوا ليي الهاوس كيبينج يتفاهموا إيا الفار... طبعاً زوجتي ما تدري ويش صاير جبت الهاوس كيبينج و دخلت أنا الغرفة مع زوجتي و كأنهم جايين لشي عادي عشان ما تعرف و تقلب ليي اليوم محزنةو طاخ طاخ طيخ  و صادوا الفار وخلصنا.......قلت ليهم عاد أنا دافع 2500 ريال مو عشان أقعد مع فيران و ما أدري ويش يطلع ليي بعد!!!! قعدت على أعصابي شوي... حاولنا نتناسى... بعدها سبحنا في البركة شوي و جلسنا و طلعنا تعشينا في مطعم زعفران اللي في المنتجع و رجعنا عند الساعة 11:20 الليل.... جلسنا في الصالة أنا و زوجتي و بناتي الصغيرات نسولف و نتابع التلفزيون... دقايق... إلا حاجة تسرع من عند مكتبة التلفزيون إلى ورا الثلاجة!!!!!!!!  فار ثاني.. و ما يمديك تغبي شي... الكل شايف!!!!!!! صار الضحك و الصياح و العصبية و الاستنكار  و كل المشاعر عند زوجتي....دخلتهم الغرفة و كلمت الريسبشن.. هذا عند الساعة 12:00 الليل....يا جماعة ما يصير, منتجع بهالسمعة في 6 ساعات أتعرف على وزغة و فارين!!!!!!!!! و بعدين يعني!!!!!!!! كيف أنام الليلة .... اعطوني المديييير رجاءاً قال المدير تعرف احنا في منطقة صحراوية و تكثر فيها هالأشياء هذي!!!!قلت له يا حبيبي انت منتجع عندك ميزانية و تستلم 3000 ريال لليلة, لازم تتعامل مع هالأشياء!!!!!!! المهم بعد الهدرة الطويلة قلت له الاستعانة بصديق يالحبيب جيب الهاوس كيبينج!!!!!! و هذا اللي صاااااار... يعني أدفع 2500 ريال عشان أقعد على أعصابي طول اليوم!!!!!!!!! صراحة الساعة 1:00 الظهر يوم الخميس, طلعت من المنتجع, و كأني عدت إلى الحياة من جدييييييييد!!!!!!! إن شاء الله ما طولت عليكم.... و صورت صور حلوة للمنتجع بس صراحة ماليي خلق أطلع فيهم.... بعد كل هذا!!!!!!! تتوقعوا أجرب البانيان تري مرة ثانية؟؟؟؟؟!!!!!!!!!! |
|
|
11-07-2009, 07:22 PM
|
#3 (permalink) | |||
|
مسافرجديد
تاريخ التسجيل: Jun 2009
رقم العضوية :266908
المشاركات: 15
|
اقتباس:
و الله أنا ما أقول إنه خرابة!!!! المحل رايق و حلو و متعوب عليه لكن هالأشياء هذي صراحة عكرت مزاااااجي و يبغى ليهم يركزوا عليها أكثر... و خصوصاً إلى محل بهالمستوى!!!!! اقتباس:
الله يحييش أختي... و بالعكس أهل البحرين حبايب و ما وراااهم قصور.... و الله الصراحة اختي ما كنت متوقع أشوف شي بعد بعد الفار الأول... و الحقيقة بعد الفار الثاني لما كلمت المدير اقترح عليي أغير الفيلا الساعة 12:00 بالليل... لكن رفضت صراحة!!!! ويش يضمن ليي الشقة الثانية ما فيها جمعة الحبايب بعد !!!!!!!!و الله أختي أنا ما أقول ما تحجزوا فيه, لأن المكان فعلاً حلو... لكن أول ما تروحوا الفيلا قولوا ليهم ينفضوها نفض حتى يطلع الخايس و الخنين إنا كان في شي... اقتباس:
حياك أخوي بلادي البحرين.. على الأقل يا خوي في الغابات... أنا أدري إني قاعد في غابة و متوقع هالأشياء بس إني أقعد في منتجع و أتوقع فيران كل شوي واحد مسلم علينا و ماشي!!!!!!!!! ما تنبلع!!!!!! و زي ما قلت أخوي القضاء على الفيران مو بصعب.... يعني المفروض يشوفوا ليهم حل... على الأقل أول ما أستلم الفيلا تكون مشيكة من كل شي..... أخي العزيز thewatcher... إي و الله يا خوي هذا اللي صار!!!!!! و على قولة أخوي بحريني غير... "غير موثق"...... كلامك صحيح أخويي و فكرت فيه من و أنا في الفيلا... لكن صراحة أصور وزغ و فيران و انت بكرامة!!!!!!!!! ما أقدر!!!!!!! عموما تقدر تكلم مدير المنتجع و تسأله عن فيلا 706 يوم الأربعاء 8 يوليو.... و هو يعلمك!!!!!! الأخ العزيز dboor... الله يسلمك أخوي... و زي ما قلت أول... المهم انفضوا الفيلا قبل ما تستلموها... و شكرا للجميع على المرور و المشاركة........ |
|||
|
|
|
11-07-2009, 12:54 PM
|
#4 (permalink) |
|
مشرفة بوابة البحرين
تاريخ التسجيل: Feb 2006
الدولة: *البحرين دار الزين*
رقم العضوية :61701
المشاركات: 4,478
|
حياكم الله بديرتكم الثانيهـ وسامحونا عاللي صار معاكم .. والمفروض من بعد الفار الاول تطلب فيلا ثانيه يمكن مايكون فيها ضيوف غيركم على العموم الحياه تجارب وزين اللي جات على ضيوف صغار زين اللي قريت الموضوع قبل مايحجز زوجي >> أخاف من الذبانهـ يطلع لي .....  |
|
|
|
11-07-2009, 01:27 PM
|
#5 (permalink) |
|
خبير مملكة البحرين
 تاريخ التسجيل: Dec 2006
رقم العضوية :116535
المشاركات: 1,447
|
زين ما طلع لك ضب ولا نمر شارد من العرين
 عيل لو رايح موريشوس شبتسوي هناك الوزغ اسود وعندهم اغوانا وما تقدر تقتلهم ممنوع ولا ماليزيا بعض الفنادق في الغابات تدخل لك السبلان للفيلا وعندهم ثديات من كبرهم الفيران ارحم كثير عموما الشاليهات علي البحر وفي الصحراء توقع فيران ووزغ وحشرات تري عادي، بس كان لازم يعطونك فيلا اخري من اول ما شفت اول فار بعد ما لهم عذر، الوزغ ينبلع لان صعب القضاء علية بس الفيران لا |
|
|
|
11-07-2009, 02:44 PM
|
#8 (permalink) |
 تاريخ التسجيل: Aug 2007
الدولة: مملكة البحرين
رقم العضوية :150769
المشاركات: 690
|
ههههههههه ذبحتيني من الضحك الله يحفظج  انزين حتى في بيتكم ممكن تطلع هالمخلوقات ؟ لو مصورة لنا إياهم كان أفضل على أساس العالم تصدق لأن ممكن أنا أتكلم عن أي فندق بالعالم وأقـــــــــــــــــــــول ما لا يخطر على البال  حسب وجهة نظري يظل ( بنيان تري ) أرقى فنادق البحرين .. وجهة نظر .. والأخت الغالية الزينبي قالت وجهة نظرها بدون مصدر مُوثـق كالصور مثلاً ..  .. |
|
|
|
12-07-2009, 03:45 AM
|
#10 (permalink) |
|
مسافر خبير
تاريخ التسجيل: Jun 2008
رقم العضوية :192539
المشاركات: 2,358
|
وعليكم السلام
شكرا على مشاركتنا تجربتكم ... وازا لهم موقع على النت ارسلهم ايميل تبين فيه انزعاجك وتجربتك السيئة وازا كانوا مهتمين فراح يتفاعلوا ويعوضوك أو على الاقل رسالة اعتذار وازا مافي ارسلهم فاكس |
|
|
|
12-07-2009, 07:53 AM
|
#12 (permalink) | |||
|
مسافرجديد
تاريخ التسجيل: Jun 2009
رقم العضوية :266908
المشاركات: 15
|
السلام عليكم... صبااااااح الورد اقتباس:
حياك أخي العزيز عيون جدة... و شكراً على الاقتراح... و إن شاء الله جاري العمل به...... اقتباس:
إي و الله ياخوي.. أنا الحقيقة لما كلمت المدير حقهم, توقعت إنه بيقول شي من هالقبيل..... بس باجرب اقتراح الأخ عيون جدة و يمكن ينفع...... اقتباس:
و شكراً للجميع على المرور و المشاركة... |
|||
|
|
|
12-07-2009, 03:24 PM
|
#13 (permalink) |
|
مسافر متميز
تاريخ التسجيل: Jun 2009
رقم العضوية :263329
المشاركات: 493
|
كان المفروض تغيرها وتطلب تعوووويض بعد لفلة اكبر ... من اول ما شفت الوزغه ؟؟؟؟ وع عليهم فشلووونا ههههههههه
درس لازم تتعلم منه ... في السفر في كل مكان .. لازم تغير الغرفة وتطالب بتعويض ... لمكان افضل بس البنيان تري روووووووووعه انا شفت صوره زوجي كانو يروحون هناك ... لعمل .. |
|
|
|
12-07-2009, 09:28 PM
|
#14 (permalink) |
|
مسافرجديد
تاريخ التسجيل: Jun 2009
رقم العضوية :266908
المشاركات: 15
|
حياااش اختي ملاك....
المشكلة ما تضمن حتى الفلة الجديدة... و ثاني شي بعد مشوار السفر و مع طفلتين رضع أتوقع إن الواحد يبغى يريح و ما إله بالة يعود يطلع من مكان إلى مكان... بس لو كنت أدري إن هذا اللي بيصير كان غيرت!!!!! عموماً تم ارسال شكوى لمركز خدمة العملاء الرئيسي في سنغافورة و في انتظار الرد.... شكراً للمرور و المشاركة..... |
|
|
|
13-07-2009, 12:14 AM
|
#15 (permalink) |
|
مسافرجديد
تاريخ التسجيل: Jun 2003
رقم العضوية :494
المشاركات: 31
|
والله لو اني مكانك قسما بالله اشيل الفله عليهم فوق تحت واخليهم يرجعونلي فلوسي من ورا خشمهم واذا مارضوا اقولهم بتفاهم معكم عن طريق السفاره والا الشرطه
وش ذالخرابيط تدفع 2500 ريال عشان تنام مع فيران وابارص |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 11:48 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||