 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الفلبين. |
 |
|
|
أدوات الموضوع | انواع عرض الموضوع |
|
|
06-07-2009, 06:44 AM
|
#1 (permalink) |
|
مسافر متميز
تاريخ التسجيل: Jul 2006
الدولة: kuwaity
رقم العضوية :105672
المشاركات: 618
|
ملاحظات ونصائح مهمة اثناء التواجد بالفلبين
السلام عليكم ورحمة الله قبل لا يسافر اي شخص منها للفلبين يكون متخوف خاصة اول مره اما الثانية والثالثة والى بعدها يكون مشتاق ان يرجع مره ثانية وهذي شوية معلومات استخلصتها من خلال سفراتي للفلبين ممكن تفيد البعض منها ويمكن البعض منا يعرفها او كتب عنها من قبل بس مايضر ان نذكر فيها مره ثانية . 1. بالنسبة للمطار حاول ان تخلي معاك شنطه للظهر تحط فيها اغراضك المهمة مثل اللابتتوب او او الاوراق المهمة الى معاك و خلي تليفونك وكامرتك واذا لابس حزام او كنت تدخن تحطهم في الشنطه علشان اذا مريت على التفتيش مال الاشعة ماتنسى شي وانت طالع ويكون اسهل لك بالتفتيش . واذا كنت مغادر من المطار الدولي خلي معاك 750 بيسو كاش بجيبك ضريبة المطار الدولي و200 بيسو للمطارات المحلية مثل دافاوا او بروكاي وغيرها .  بالنسبة للتكسي المعروف ان تكسي المطار اغلى من التكاسي الثاني الى بالعداد ( الميتر ) بس كل التكاسي الى بالمطار سوا كانت بالميتر او تكسي المطار امان فيها ممتاز لان وانت طالع من المطار الامن عند البوابة ياخذ رقم التكسي والمكان الى انت طالع له . 2. بالنسبة للتكسي اهم شي انك تاخذ رقم التكسي ولا تحاول انك تتهاون بالشي هذا سجله عندك بورقة او بجوالك او حتى لو تصوره بكامرتك لان لا قدر الله صار اي شي تقدر ترجع للتكسي مره ثانية لان بغير رقم التكسي لو نسيت شي بالتكسي انسى ان احد يقدر يجيبلك غرضك او حاجتك وفي فنادق تعطيك وصل صغير لرقم التكسي .  اذكر ان شخص نسى جواله وهو راد من المطار الداخلي يوم هذا طالع الى عنده صوره لرقم التكسي وفيها رقم الشركة اتصل فيهم وعطاهم رقم التكسي وقالوا له تلفونك موجود تفضل تعال اخذه لان ولحد يتهاون باخذ رقم التكسي ويقول مو شايل معي شي بالعكس هو كله رقم تسجله وسلام وعليكم السلام وبالنسبة للسعر بالتكسي فيه عداد يبدا ب30 بيسو . اذا قال لك راعي التكسي لا ابقى اكثر لان المكان بعيد او زحمة هنية تقدر تتفق معاه على سغر معين وكل شي ترا عندهم فيه مكاسر مثلا اذا قال لك ابقى 500 بيسو قول له اعطيك 300بيسو او تقدر تقول لا بالعداد او شف تكسي غيره وغالبا اكبر مشوار بمانيلا ماياخذ اكثر من 150 بيسو ( روحة بس ) في اماكن بعض سواق التكاسي مايطلعون لها الا تحاول مره او اثنين مثل على مول او الى تكون بعيده او زحمة وفي مرات مايحسب لك بالميتر خاصة في الليل و احرص لما تركب التكسي يكون معاك خرده او فكه مثل 100 بيسو او 50 بيسو او 20 بيسو لاتطلع وانت شايل بجيبك ورقة من فئة 1000 او ال500 بيسو لان راح تلقى صعوبة ان تلاقي صرف معاه يعني مثال مشوارك طلع عليك ب120 بيسو تروح تشيل له 1000 وتقول له اصرف لي  انسى بتنزرع بالتكسي لين تقول بس وبعدا بيلهف منك 40 او 60 بيسو يقول لك مالقيت خرده  اذا الفندق اول مره تنزل فيه حاول تاخذ كرت الفندق علشان لاجيت ترد يكون عندك عنوان الفندق لان ممكن بعض السواق مايدل فندقك  3. بالنسبة للفنادق تاكد من سعر الغرفة او السويت الى بتاخذة يعني مثلا يكتب لك او يقول 3000 بيسو ++ او 6000 بيسو بلس يعني في ضريبة خدمة وغيرها قوله ابي المبلغ كامل كم ( التوتل ) ؟ في بعض الفنادق تاخذ منك تامين 500 بيسو او الف او الفين مثل التامين ويعطونك وصل فيهم ولما تطلع يردون لك فلوسك اذا ما استخدمت المني بار او اي خدمة ثانية عليها رسوم واحرص على الوصل علشان تقدر تاخذ مبلغ التامين فيه و تاكد من قيمة اي شي تطلبه في الفندق علشان ما تتفاجه بقيمته لما تطلع ولا الفاتورة تكسر الظهر مثال اذكر البوفية بفندق شانجرلا 1600 بيسو او بعض الفنادق تقدم نظام السينما يعني تدخل على قائمة بالافلام الخديدة وتختار فلم معين واول مايشتغل معاك الفلم خلاص دخلت المصيده يحسب عليك الفلم بمبلغ معين بين 400 بيسو و 800 بيسو . واذ كان حجزك للفندق يتضمن الفطور المجاني تاكد من توقيت الفطور وبالنسبة لمفتاح الغرفة الحين اغلب الفنادق التكيف والاناره والتلفزيون تشتغل على المفتاح مال الغرفة يعني اذا طلعت واخذت المفتاح معاك تجي تلقى الغرفة حاره فحاول تاخذ ثلاث مفاتيح او اثنين واحد تخليه بالغرفة على طول علشان التكيف والثاني معاك عالعموم الموضوع يطول خاصة بالملاحظات هذي بس لي رده للموضوع . |
|
|
|
09-07-2009, 07:37 AM
|
#10 (permalink) | |
|
مسافر متميز
تاريخ التسجيل: Jul 2006
الدولة: kuwaity
رقم العضوية :105672
المشاركات: 618
|
اقتباس:
استاذي لابولابو العفو هذا اقل شي نقدمة للبوابة الى استفدنا منها و اسمك له صدى على قلبي خاصة انه من مكتان آيلند  |
|
|
|
|
|
08-07-2009, 04:05 AM
|
#15 (permalink) |
|
مسافرجديد
تاريخ التسجيل: Dec 2008
رقم العضوية :232733
المشاركات: 15
|
[b][/b]ماقصرت ومشكور بس انا عندي زياده على موضوعك انا انصح ان الواحد يسوي صوره لجوازه وبطاقة الأحوال وصوره شخصيه له عن طريق السكانر ويحملها على الأيميل حقه علشان ممكن يحتاجها في اي وقت من ضياع او غيره وانا مسويها وممكن ارجع لها في اي وقت وفي اي مكان في العالم
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:43 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||