 |
 |
 |
||
|
|
|
||
 |
|
 |
|
|||||||
| بوابة السفر إلى مصر Egypt في هذه الساحة يتم طرح الأسئلة والإستفسارات السياحية الخاصة بمصر. |
 |
|
|
أدوات الموضوع | انواع عرض الموضوع |
05-07-2009, 10:56 AM
|
#1 (permalink) |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
هل هذا سعر مناسب وردوا بسرعة الله يخليكم
مرحبا
حجزت سيارة تستقبلني من المطار ب124 ريال هنا معقول مو مشكلة بس الذهاب للاسكندرية قالوا لي 453 وكذلك العودة للقاهرة 453 هذي الأسعار غالية أو معقولة وش البديل لو كانت غالية كيف اروح لللاسكندرية لان التاكسي ماتصلح اخاف منها وشكرا |
|
|
|
05-07-2009, 02:03 PM
|
#3 (permalink) |
|
مسافرجديد
تاريخ التسجيل: May 2009
الدولة: الكويـــــــت
رقم العضوية :258944
المشاركات: 40
|
تروح بالقطار للأسكندرية درجة أولى مكيفة و راحة و آمان أكثر من طرق السفر
ب45 جنيه أو 50 بالكثيـر أما بالمطار أكو خدمة ليموزين يوصلك لي فندقك أو شقتك ب80 جنيه (سيارة جديدة و مكيفة) |
|
|
|
|
05-07-2009, 02:34 PM
|
#4 (permalink) |
|
مسافر متميز
تاريخ التسجيل: Jun 2009
الدولة: الكويت الحبيبه حبيبه قلبى
رقم العضوية :262558
المشاركات: 155
|
لاتنخدعون بالموزين سياره قديمه وامكسرة وبمطار القاهرة اجرت لموزين ولمن رحت بركبها ولا السياره كوريه وماتمشى والتكيف حار واخذو منى 75 جنيه يعنى لاتنخدعون بكلمه لموزين لموزين الخليج غير لموزين الى بالقاهرة
|
|
|
|
|
05-07-2009, 04:22 PM
|
#5 (permalink) |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
شكرا لاتجاوب الإخوان
بالنسبة للمطار تعرفون الواحد لسه واصل ومتلخبط شوي فمو مشكلة عندي اجرة الاستقبال بس السعر الي بالاسكندرية غالي الأخت الكريمة نصحتني بالقطار هل يلزم حجز مسبق أو بنفس اليوم أروح أرجو التوضيح ولاتواخذوني على الدلاخة  وهل يصلح استاجر سيارة توصل للاسكندرية بسعر ارخص من هناك ومن وين وشكرا |
|
|
|
|
05-07-2009, 05:19 PM
|
#6 (permalink) |
|
مسافرجديد
تاريخ التسجيل: May 2009
الدولة: الكويـــــــت
رقم العضوية :258944
المشاركات: 40
|
كويت أكيد الليموزين غير
بس اهو مو يركب و خلاص لازم يشوف السيارة .. أهم شي أنا عندي انها تكون مكيفة و نظيفة ,, عاد كورية أو ألمانية مو مهم عندي و 80 أو 75 حلو .. التكاسي الهلكانة ياخذون هالسعر و أكثر أخوي أناديكم الأحسن انك تحجز قبلها بيوم (من محطة مصر) لأن الدرجة الأولى ما تلقى حجز بنفس اليوم و مستحيل انك تلاقي سيارة توديك الاسكندرية أقل من سعر القطار ترى أريح لك ياخوي و سهل ما فيه أي مشاكل .. لا وصلت محطة سيدي جابر بتلقى تكاسي برة واجد و سعر التاكسي بالاسكندرية أرخص من القاهرة حيــــــــــــــــل يعني أكثر شي ياخذ منك 10 أحجز القطار التوربيني و توكل على الله محطة القطار قريب عند محطة رمسيس و أي تاكسي بس قوله يويدك محطة مصر .. مواعيد القطار مضبوطة دير بالك مو تتأخر |
|
|
|
|
05-07-2009, 06:07 PM
|
#7 (permalink) | |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
اقتباس:
جزاك الله خير بتوكل على الله فهمت إني أروح قبلها بيوم لمحطة مصر واحجز إذا قد سافرت بالقطار وش رايك حلو وممتع أو مرهق ليطمئن قلبي الف شكر |
|
|
|
|
|
05-07-2009, 08:52 PM
|
#8 (permalink) |
|
مسافرجديد
تاريخ التسجيل: May 2009
الدولة: الكويـــــــت
رقم العضوية :258944
المشاركات: 40
|
صارلنا الحين أكثر من 5 سنين نروح بالقطار من القاهرة إلى الاسكندرية و العكس
ما راح تحس بالارهاق أبد تجي المحطة قبلها قول بنص ساعة أو ربع ساعة (بس لااا تتأخر) و تركب القطار .. الكراسي مريحة و مكيف و ما يوقف أبد .. يوصل بساعتين بالضبط .. تنزل من القطار على برة المحطة تاخذلك تاكسي و الله انها أبسط ما يكون و مريحة جدا تطمن و أنا أختك .. بس أهم شي احجز عالتوربيني درجة أولى و لا تحاتي أي شي |
|
|
|
|
06-07-2009, 09:16 AM
|
#9 (permalink) |
|
مسافر خبير
تاريخ التسجيل: Jan 2005
الدولة: جزيرة العرب
رقم العضوية :17693
المشاركات: 1,225
|
اخوي اناديكم 124 ريال ليه عسى ماشر يعني 184 جنيه وبعدين اللي اعرفه وفهمته منك انك بتكون في مصر الجديده او مدينة نصر وحتى لو بوسط البلد 70-80 جنيه ماتزيد وترى الامر بسيط من تطلع بتلقاهم قدامك حقين اللموزينات واذا ماعجبك غير وبتلقى 2009 بعد ومكيف ياخي خلك ذيب واعتمد على نفسك شوي تحياتي
|
|
|
|
|
06-07-2009, 11:56 AM
|
#10 (permalink) | |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
اقتباس:
مشكور دوم راعي فزعة لأن إحنا ثلاثة وعتيلة معنا شنط ووشوية عفش مو كثير و مدري عن سيارتهم إذا الي اشوفها في المسلسلات مرح تشيلنا لو فيه فانات حلو مانصحتني بروحة الاسكندرية اروح بالقطار او ابحث عن نقل خاص وكيف وترى خذت بنصيحتك وحجزت بترايمف اربع ليال طيلة ايام الدورة وسعرهم حلو مرة وفعلا قالوا قريبة من عين شمس شكرا والله يوفقك |
|
|
|
|
|
06-07-2009, 12:03 PM
|
#11 (permalink) |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
بس توضيح
الأخوان ينادوني بالأخ وأنا والله أختكم ماصححت هالمعلومة قلت كله واحد أخ أخت الهم الفائدة بس عاد لما كثرت أسئلتي وكلها خوف قلت أوضح لاياخذون فكرة عن أبناء بلدي إنهم خوافين وهم ذيابة على قولتك ياكريم سبلة  أنا رايحة مع أسرة صغيرة و محرم صغير فعشان كذا اسال عن كل شي وفقكم الله |
|
|
|
|
06-07-2009, 12:17 PM
|
#12 (permalink) |
|
مسافر متميز
تاريخ التسجيل: Jun 2009
الدولة: الرياض
رقم العضوية :264610
المشاركات: 435
|
يمكنجيت متاخر شوي لكن انا جربت الاتوبيس ب 40 جنيه حلو ومريح وتتابعون فلم والمسافه ساعتين تقريبا او تزود ربع سعه
والي ركبو القطار بعد يمدحونه بس خوذو vip سعره يمكن 50 جنيه واذا بغيتو سيارة خاصه من مكاتب التاجير بس غالين كثير اما من المطار الا سكنكم لاتدفعون اكثر من 80 جنيه واهم شي توكلي على الله والله الله بالمكاسر لايغرونك بالكلام البرئ رحلة موفقه باذن الله |
|
|
|
|
06-07-2009, 01:25 PM
|
#13 (permalink) |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
أهلين عاشق الكيرو
حضورك بركة وخير لو تعرف مكاتب تأجير سيارات حتى اسالهم لو صار سعرهم غالي بس معقول ممكن لاني مضطرة ومرة اقول قطار فسعره حلو بس متخوفة ماقد ركبت قطار ومرة سيارة ولحد الحين ماجزمت وشكرا جزيلا |
|
|
|
|
06-07-2009, 01:30 PM
|
#14 (permalink) |
|
مسافرجديد
تاريخ التسجيل: May 2009
الدولة: الكويـــــــت
رقم العضوية :258944
المشاركات: 40
|
بما أنج بنت و معاج عايلة ,, أنا اقولك ياخيتي انه احنا نفس الحالة
انا و اختي و الوالدة و اخواني الصغار 14 و 8 سنين يعني احنا اللي نتعامل بالمطار تاخذين فان مكيف 7 راكب ب80 جنيه و يكتبلج فيهم وصل و هو اللي ياخذ الجناط (الشنط) يركبها لج و ينزلها لا وصلتوا بالسلامة أهم شي و انا اختج بما انكم بنات .. لا تناقشون و لا تدخلون بكلام معاهم لأنهم ما يخلصون و سوري يعني ما يستحون انتو حريم أو لأ ما يهمهم انتي اذا ما عجبج سعر أي شي دوري وجهج عنه و توكلي على الله لا تناقشين تريامف مصر الجديدة؟ مو بعيدة عن المطار أكثر من 80 ما ياخذ .. و مرة ثانية أقولج فان و مكيف بعد. قوليلهم بشوفه و ان ماعجبج لا تركبين اما روحة الاسكندرية هم لا تخافين .. احنا نروح معانا أغراض و الله ساعات يوصلون 7 جناط بس عادي في حمالين ياخذون أغراضكم من السيارة و يركبونها القطار 10 جنيه الواحد بالكثير و اذا ما عجبه و قالج كل سنة و انتي طيبة و هالكلام قوليله و انت طيب و اسفهيه لأنهم ما يعجبهم العجب و نفس الشي لما توصلون حمالي ياخذ اغراضكم و يوصلهم التاكسي السوبر جيت اللي قالج عنه الاخ (الباص الكبير) صح مكيف و توصلين بساعتين بس يا اختي طريجهم و الله يخوف! و ما في أحد يشيل جناطكم احنا رحنا فيه مرة و على حظنا لما وصلنا القاهرة كانت محطتنا محطة رمسيس و هو خرب في محطة قبلها .. اضطرينا ننزل بهالحر و نجر جناطنا لباص ثاني بهالخيسة و بعد تعب السفر و الله انه القطار اريحلكم كعايلة. اما السيارة الخاصة فهي مريحة أكيــد بس غالية حيل و انتي شوفي اللي يعجبج و يريحج و سويه و انا اختك |
|
|
|
|
06-07-2009, 05:15 PM
|
#15 (permalink) | |
|
مسافرجديد
تاريخ التسجيل: Jun 2009
رقم العضوية :263869
المشاركات: 43
|
اقتباس:
ماقصرت والله خففتي شوي والأخوان كلهم ماقصروا بعد الي قررته أني مرح أدفع حجوازات للسيارة من هنا عشانها غالية وبتوكل على الله وخلي كل شي بظروفه أهم شي لما أوصل بركد في اختيار السيارة ولاسكندرية لو أخذت سيارة خاصة باخذها من هناك أو بالقطار لأني بروح له وبشوف كيف المحطة ياربي يوفق كل من علق وأجاب وشارك كلكم كذا |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:31 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||