 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E مخصصة للتقارير المصورة لأعضاء المنتدى عن دولة الإمارات |
 |
|
|
أدوات الموضوع | انواع عرض الموضوع |
05-07-2009, 10:45 AM
|
#1 (permalink) |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
رحلة الذهب الخالص لدبي صيف 2009 بالصور
بسم الله الرحمن الرحيم أخواني وأخواتي الاعضاء ... وبعد أنعم الله علي الاسبوع الماضي وقمت بزياره لدبي دار الحي لمدة خمس أيام من تاريخ 29/6/2009 حتى 3/7/2009... وكانت ولله الحمد والمنة رحله طيبه و جميله ... وانبسطت فيها كثير وردا للجميل اللي تجملتوا به علي طيلة الايام الماضيه ... و إكراما للأعضاء والمشرفين اللي تعبوا معاي واللي استفدت استفاده كبيره من مواضيعهم وتقاريرهم ... قررت وبالله التوفيق إني أعمل تقرير بسيط عن رحلتي يتضمن بعض الصور اللي أخذتها بالكاميرا اللي كانت معي وبجوالي .. وأنا الآن في طور إعداد الصور قبل وضعها في هذا الموضوع إن شاء الله ... ولكن قبل ما أبدأ ... أحب أشكر بعض المشرفين و الاعضاء اللي استفدت منهم كثير ولهم فضل بعد الله في انجاح رحلتي ... ويعذرنا اللي سقط اسمه سهوا .. أحب أشكر كل من : الاخ ذا واتشر الاخت مزون الاخت بنوتة الامارات الاخ الفارس الاخ سعود بن محمد الاخ ماجد الاخ ناصر الاخ هيمو الاخوان في مكتب عرب لينك وباقي الاعضاء والعضوات اللي ساهموا بشكل مباشر او غير مباشر في ترتيب جدول رحلاتي و تمشياتي وشكرا |
|
|
|
05-07-2009, 11:34 AM
|
#2 (permalink) |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
أولاً : راح أبدأ ببعض المعلومات عن الرحله .. الهدف : كان هدفي من الرحله ككل الاستجمام وتغيير الجو بعد ما تعبت كثير السنه هذي في الجامعه وكمان عشان استعد للترم الصيفي  ..عدد المسافرين : شخص واحد اللي هو أنا ... طبعا كان المفروض إن معي خوي لكن حصلت في عائلة ظروف وفاة فأعتذر عن الرحله .. الحجوزات : كانت عن طريق مكتب عطلات الامارات الموجود في الخبر .. وكان الحجز قبل السفر بيومين .. وكان بكج وهو عباره عن تذكرة طيران ذهاب و عوده ( بحرين -دبي - بحرين ) ... وأيضا حجز في فندق ( لي رويال ميريديان في منطقة الجميرا لمدة ثلاث ليال - خمس نجوم ) وحجز ليله واحده في ( فندق المنزل - 4نجوم )وهو ملاصق تقريبا لمول دبي ... تكلفة هذا البكج : 2940 ريال سعودي ( الطيران و الفنادق )  وبسم الله نبدأ ... في صباح يوم الاثنين وبالتحديد الساعه سته ونص صباحا ... خرجت انا والوالد الله يحفظه من المنزل في الظهران إلى البحرين .. وكان الجسر فاضي تقريبا والامور سهالات .. وصلت مطار البحرين وودعت الوالد ودخلت المطار وخلصت الاجراءات و رحت اتمشى بالسوق الحره .. إلين جاء وقت الرحله وركبنا الطايره واقلعت في وقتها ... وصلنا اجواء دبي ولكن الظاهر انه وصل بدري الطيار .. فصار يلفلف في الجو تقول انه نسر يدور فريسه  .. ونزلنا مطار دبي وصراحه اندهشت من ضخامة المطار و كبره وتنظيمه ...نزلت وسئلت عن مكاتب تأجير السيارات .. ودلوني على هرتز .. ورحت واستأجرت من عندهم سياره هوندا سيتي صغيره .. وطلبت من عندهم خريطه لدبي وكانت خريطه حلوه وواضحه صراحه .. طلعت من المطار و اتجهت فورا لمنطقة الجميرا و اخذت طريق الجميرا حتى وصلت للفندق تقريبا الساعه 12:30 بتقويت الامارات ... وما قصروا الجماعه في الاستقبال وحطوني في غرفتي اللي حاجزها ( مطله على البحر ) وهذي بعض الصور للغرفه و والاطلاله ..    |
|
|
|
|
05-07-2009, 11:54 AM
|
#3 (permalink) |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
ارتحت في الغرفه لغاية الساعه 4 عصرا وصليت العصر ونزلت وكانت وجهتي لـ ( مول ابن بطوطه ) .. وصلت المول وتغديت هناك و قعدت اتمشى في المول الرائع صراحه .. و قابلني هناك مقدّم لقناة انفينيتي وقال يبي يسوي معي لقاء عباره عن اسئله وانا اجاوب .. قال ان البرنامج راح ينعرض في رمضان وقت الفطور .. جاوبنا على اسئلته و كملت اللفه في السوق حتى الساعه السادسه تقريبا .. وبعدها طلعت من المول .. وهذي بعض الصور لمول ابن بطوطه ..    خرجت من المول وكانت وجهتي المقبله مركز تايمز سكوير ... وبالتحديد ( مقهى شيل أوت الثلجي ) .. وصلت المقهى و دخلت و عطوني الجاكيت والقفازات و كان فيه عائلة واحده داخل المقهى .. وطلبت الشوكولاته الساخنه .. والصراحه جتني ساخنه لكن بعد كم ثانيه صارت بارده  ... وكانت تجربه حلوه لي ... وتغيير من الحر الشديد للبرد الشديد ... وما قدرت اكمل داخل اكثر من 30 دقيقه لأني خفت اني امرض ولا شيء وانا جاي انبسط واتمشى ..وهذي صور للمقهى ..     |
|
|
|
|
05-07-2009, 12:45 PM
|
#5 (permalink) |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
بعد ما طلعت من المقهى .. أخذت لي لفه على شارع الشيخ زايد رايح جاي وشفت الفرق الكبير اللي صار في هذا الشارع فقط بين 2006 و 2009 ... وهذي صورتين للشارع اخذتها وانا اسوق  ..  وبعدها توجهت للفندق عشان ارتاح شوفي للعشاء .... وبعد ما صليت العشاء نزلت من الفندق وتوجهت للممشى ( the walk ) .. وهو ملاصق للفندق ..... والفندق يعتبر في رأس الممشى ... وهو يحد الممشى من جهه والشيراتون يحد الممشى من الجهه الثانيه ... وصراحه اعتبر الممشى من التحف المعماريه الرائعه والراقيه في دبي ... وفيه محلات تجاريه و كوفي شوبات راقيه و مطاعم عالميه ... وبجد منظره بالليل كان شيء لا يوصف ... تعشيت في بيتزا هت ( آخر الممشى ) ورجعت تقهويت في احد المقاهي وبعدين رحت للغرفه عشان انام .. وهذي صور للفندق في الليل وصور للممشى ...       وبكذا يكون انتهى اليوم الأول لي في دبي ... أشوفكم اليوم الثاني |
|
|
|
|
05-07-2009, 12:51 PM
|
#6 (permalink) |
|
مسافرجديد
تاريخ التسجيل: Jun 2008
رقم العضوية :192185
المشاركات: 29
|
رحلة موفقة
بس سوال ماطفشت بلحالك الفندق هذا سكنت فية باوغست 1998 ماكان في المنطقة الا كم فندق منهم فندق جميرا بيتش واخذنا الغرفة المطلة على البحر ب300 درهم وكنا سالين عن الجميرا ب575 ريال بس ماكن فيها حجز ( يازين الاسعار اول) |
|
|
|
|
05-07-2009, 01:41 PM
|
#8 (permalink) | |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
اقتباس:
اشكرك اخوي على مرورك ... بالنسبه للطفش ... انا ما طفشت اكثر من اني اشتقت للسوالف ... يعني طول اليوم ما احد يسولف معك إلا اذا اتصلت بالتليفون  ...بالنسبه للفندق ... كان صراحه حلو و غرفه ممتازه ... لكن ملياااااااااان اجانب ... اتوقع اني انا كنت الوحيد الخليجي فيه ... |
|
|
|
|
|
05-07-2009, 01:43 PM
|
#9 (permalink) | |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
اقتباس:
الله يسلمك أخي ذا واتشر ... وصراحه اللي ينكر فضلكم فهو انسان جاحد للجميل ... الله يعطيك العافيه |
|
|
|
|
|
05-07-2009, 02:00 PM
|
#11 (permalink) |
|
خبير الامارات
 
تاريخ التسجيل: May 2005
رقم العضوية :22445
المشاركات: 2,316
|
انا كذلك سكنت الاوتيل هذا تقريبا قبل 10 سنوات
ما نسيت السعر حتى الان .. كانت الغرفه ب 350 درهم شامل الافطار بوفيه لشخصين والسويت ب 750 درهم وانت اول واحد ينزل تقرير عن هذا الاوتيل واللي يتميز فعلا بان اغلب الموجودين خواجات بالاضافه الى مسابح و شاطي روعه لا يقل عن اوتيل الجميرا بيتش تحياتي لك ,,, |
|
|
|
|
05-07-2009, 02:07 PM
|
#13 (permalink) | |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
اقتباس:
الله يسلمك الممشى حلو في كل الاوقات ... لكن الجو هو اللي مو حلو خخخخخ أنا مشيت فيه في صباح بدري ... وكان فاضي و الشمس لسى ما ولعت ومشيت فيه بعد المغرب وكان عز الرطوبه ومشيت فيه متاخر بالليل والرطوبه كانت أخف المحلات والله العالم تقفل 12 بس مو اكيد |
|
|
|
|
|
05-07-2009, 02:14 PM
|
#14 (permalink) | |
|
مسافر متميز
تاريخ التسجيل: Jul 2008
رقم العضوية :197402
المشاركات: 491
|
اقتباس:
الفندق فخم .. وديكوره راقي جدا .. وفطورهم شامل و متنوع .. بالنسبه للمسابح فما قربت منها .. يعطيك العافيه على مرورك اخوي فهد |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:45 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||