 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
07-07-2009, 05:23 PM
|
#3 (permalink) | ||
|
مسافر متميز
تاريخ التسجيل: Aug 2008
الدولة: Riyadh .D.C
رقم العضوية :209125
المشاركات: 457
|
اقتباس:
اقتباس:
 |
||
|
|
|
10-07-2009, 06:27 PM
|
#7 (permalink) |
|
مسافر متميز
تاريخ التسجيل: Aug 2008
الدولة: Riyadh .D.C
رقم العضوية :209125
المشاركات: 457
|
هلا بكم من جديد طبعاً بعد ما استقرينا وريحنا شوي قلنا وقت الغداء نزلنا تحت للمطاعم إلي عند المسابح علشان  سلطة يونانية  احلى شوربة ذقتها في حياتي اسمها ( توم يم قونق ) شوربة ربيان وفطر سبايسي شي عظيم   والاكلة الي كانت غداء كل يوم في فوكت الي هي الرز المقلي بالروبيان ( مسكين في الرياض مافيه بحريات  فاقد حنان وخصوصاً الروبيان ) لازم كل يوم . ومستحيل يكون هذا المشروب غائب عن اي وجبة ماعدا الفطور طبعاً  يالزيز يارايق  وبعد ما اكلنا بحمد لله وشبعنا كانت جلسة البحر مره روعه شي عجيب ماتحركنا من المكان وطلبنا شاي اخضر لين بدأت الشمس في الغروب وقلت خلنا نتمشى شوي على البحر . هذا الي على اليسار بار ويقدم عصيرات ومشروبات منوعة وعلى يساره ايضاً فيه مطعم صغير فقط للبيتزاء يعني الي جوعان بعد السباحة يطلب من عندهم على البحر على طول  هنا صوره للجلسات على البحر كانت رايقة  هنا صورة للجلسات والجزء الايمن للفندق  برضو للجهة اليمين  وهنا الجهة الثانية اليسار ، المنتجع صاير بالنص كانه جزيرة لحاله موقعه كان استراتيجي على البحر  صورة بانورامية توضح كيف الفندق صاير  صورة وقت الغروب  هنا صورة للمسابح وقت الغروب  وهنا صورة اخرى في الليل  وهنا صورة البلكونه الي ماراح انساها ابداً  كانت ونيسة مره وشرحة  بعدين قلنا خلنا نعين خير وننام وبكرة نكمل استكشاف بقية اجزاء المنتجع طلعنا واتجهنا للجزء الايسر من المنتجع لانهم قالو في نادي للغطس وفيه فعاليات كثيرة هناك  منظر شدني لان فيه مطر خفيف  وصورة اقرب لقطرات المطر  هذا مكان للتدريب على لعبة القولف ، وماكنت متوقع انها صعبة للغاية انواع الضحك على الناس قبل ماالعب تذكرت توم وجيري يوم كان يحاول يضرب الكورة ولا تحركت من مكانها صار معي نفس الشي بالضبط بس بعد خمس محاولات ضبطت الامور  بس بعد ايش بعد ماتشمتت فيني المدام  المكان هذا عبارة عن عدة ملاعب صغيرة للقولف شي لاف وشي مرتفع وشي نازل يعني كثير مره وهذي محاولة لخليفة تايقر وودز في اللعبة ( افضل لاعب في القولف ) الولد الله يصلحة واولادكم وكل مسلم  وهذا الولد يحاول يجيب سكور سله بس يبدو انها مستحيلة  محاولات بائسة للمساعدة في التسجيل  اخر محاولة وبائت بالفشل ايضاً  وهنا جاء دوري انا ميدان للرماية بالسهام كانت اكثر من رائعة باين من الوقفة وسحبة القوس ان الرجال مايحتاج  وهنا الهدف مثل مانتم شايفين بالضبط اصابة وحده في الابيض والثانية في الاسود فوق ترى لو دققتو في الاصفر الي في النص كان لي اصابة بس طاح السهم ( الله من الصدق ) وبكذا انتهت جولتنا في فندق لي مريديان الي بصراحة كان رائع بما تعنيه الكلمه كان متكامل للغاية قضيت فيه 3 ايام مره روعه لكن مكتوب اني اغيره وللتذكير كان سعر الغرفة الديلوكس المباشرة للبحر 865 ريال سعودي كان الحجز عن طريق مكتب فرسان في الرياض بس سعرهم غالي الفندق عطاني سعر اقل كثير . فندقنا القادم راح يكون موفنبيك الي ماعجنبي كثير بصراحة  انتظروني |
|
|
|
|
12-07-2009, 05:49 PM
|
#9 (permalink) | |
|
مسافر متميز
تاريخ التسجيل: Aug 2008
الدولة: Riyadh .D.C
رقم العضوية :209125
المشاركات: 457
|
اقتباس:
تستاهليـــــــــن الطيـــــــــــب انشاء الله عقبال مايسوون لكم ترقية رويال سويت |
|
|
|
|
|
12-07-2009, 08:43 PM
|
#10 (permalink) |
|
مسافر متميز
تاريخ التسجيل: Aug 2008
الدولة: Riyadh .D.C
رقم العضوية :209125
المشاركات: 457
|
اهلا فيكم  الفندق القادم هو فندق ومنتجع موفنبيك فوكت  بصراحة هالفندق ماعجنبي ابداً لعدة اسباب : * انا كنت متوقع ان فيه شاطي خاص مثل نظام المريديان ولكن تفاجات بان الشاطي بعييييد بالمره ، ولما حاولت اوصل للشاطي لقيت فيه شارع بين الشاطى والفندق ،يعني مافيه شاطي خاص . * الفندق كبير وتضيع فيه ويتعبك مشي . * بعيد عن الباتونق كمان . * ماارتحت من دخلت فيه . حتى صور ماصورت فيه كثير كنت ابي اطلع بالي هيبه  . دورة المياه  عادية للغاية ، عاد منقهر منهم  المني بار  السرير  الاريكة الي بقدرة قادر حولوها لسرير للولد بصراحة استغربت بالمره  ماشافو سرير الي جابوها فندق وستن بانكوك حق الطفل .  البلكونه  شوفو كيف الشاطي بعيــــــــــد  بعيد صدق مو كذب  وهنا المسابح الي تحت والقريبة من المطعم الي يقدم وجبة الفطور وهو على اليسار .  صورة اوضح للمطعم والجلسات .  للاسف بس هذي الصور للفندق ماكان لي نفس اصور ابداً كان سعر الفندق 655 ريال سعودي . ================================================== ====== صورة منوعة من وهنا وهناك تعويض عن صور الفندق القليلة . صورة للشارع القضية  هذا شارع البنقلا الي يكون الوضع فيه بالليل اقل ما يمكن ان يقال عنه انه لخبطه احذر العوائل منه وبشدة ( ينصح بإرشاد عائلي +21 ) مناظر واشكال وتصرفات مقززه ، انواع المعاصي ( تم عمل بعض التأثيرات على الصورة ) أسأل الله ان يحمينا ويتوب علينا وإياكم . من الاشياء الي عجبتني كثير ( الفواكه المجففه ) كان الموز بصراحة لا يقاوم  ايضاً هذي من الحرف المشهوره والموجوده بكثره هناك . الصور تتحدث    لاحظت في كل مكان ادخله حاجة اعجبتني كثيراً وتمنيت لو تحصل عندنا في السعودية وهي وجود جهاز للتسديد الالي ( الشبكة للفيزا والماستر كارد ) في كل مكان اقسم بالله حتى في صالون للحلاقة والسداد ثواني بالماستر كارد مو مثل عندنا تقعد ساعة عند الجهاز ويمكن غير مقبوله بعد . وازيدكم من الشعر بيت عندهم حاجة متطوره كثير ، ماياخذ البطاقة منك ويمررها بالجهاز وبعدين يمررها بالكاشير ( ياقدمي بس ) . عندهــــــــــم هـــــــــــــذا  اذا كانت البطاقة ممغنطة قربها بس فوق الاصفر وانتهى . وصل السداد  الله يرحم الحال بس من الاشياء الي ابدعت فيها وماقصرت معها ابداً ( البحريات ) في كل زاوية ، او خلني اقول في كل مكان .  شوفو كيف حجم روبيان فوكت يسمونه ( التايقر ) او النمر لانه مخطط بالاسود  ايضاً لوبستر فوكت   بعــــــــــد هــــــــذه الجولـــــــــــة المصغــــــــرة يسعدنـــــــي ان اقـــــــــول لكـــــــــــم ( تفضلــــــــو الله يحييكـــــــــم ) شوربة توم يم سوب ( روبيان ومشروم )  سمك مقلي ومطبوخ بطريقة سويت اند سورت ( حامض حلو ) خضروات ومعها اناناس شي عجيب يمكن الكثير يستغرب وش دخل الاناناس بس انا اقول ببساطة طعم خيااااااااالي   الطبق النهائي وختامها مسك ( لوبستر ثرميدور ) جبن وبشاميل   وبالهناء والشفاء وبكذا انتهت جولتنا في فندق موفنبيك للمعلومية كنت حاجز 5 ايام في هذا الفندق وما جلست الا يومين فقط رغم ان الوكيل قال في حالة اي الغاء سيتم حسم ليلة . قلت ماعندك اي مشكلة اهم حاجة راحتي رجعت وحجزت في المريديان مره اخرى التفاصيل في الجزء القادم بحول الله . في امان الله |
|
|
|
|
12-07-2009, 05:47 PM
|
#12 (permalink) | |||
|
مسافر متميز
تاريخ التسجيل: Aug 2008
الدولة: Riyadh .D.C
رقم العضوية :209125
المشاركات: 457
|
اقتباس:
اقتباس:
ابشر بالخير اقتباس:
|
|||
|
|
|
|
19-07-2009, 01:53 PM
|
#15 (permalink) |
|
مسافر متميز
تاريخ التسجيل: Aug 2008
الدولة: Riyadh .D.C
رقم العضوية :209125
المشاركات: 457
|
مرحبا بكم من جديد
رغم اني زعلان عليكم وخصوصاً الي يدخلون يتفرجون ولا يردون لكن انشاء الله يستفيد ولو شخص واحد نكمل التقرير انا بصراحة لما حجزت فنادق بوكيت كنت محتار في فندقين الي اهم لي مريديان والموفنبيك وكان اهم شي بالنسبة لي ان يكون فيه شاطي خاص . الشخص الي حجز لي الله يهديه ويسامحه قالي ان الموفنبيك فيه شاطي خاص وبغى يحجز لي الـ (8) ايام كلها هناك والحمد لله اني ماطاوعته قالي اذا انت مايفرق معاك التنقل جرب المريديان وكان اغلى منه بكثير فقلت اكيد انه ممتاز بحكم السعر قلت نخليها 4 ايام هنا و 4 ايام في الموفنبيك قال لي لا الموفنبيك احلى واكبر وتتمشى فيه بسيارة قولف وفيه شاطي خاص خلها 5 ايام والمريديان 3 ايام قلت اوكيه شورك وهداية رب العالمين . الي حصل اني سكنت في المريديان في البداية وبصراحة عجبني بالمره وكنت متخوف من طلعتي للموفنبيك وحصل الي كنت خايف منه وما عجبني . المهم كلمت وكيل السفر علشان ابي الغي حجز الموفنبيك وارجع للمريديان مع العلم انه راح يخصمون علي يوم كغرامة من اصل الخمس ايام ، انا جلست يومين ويوم حسبوه غرامة . يعني ابي احجز ثلاثة ايام في المريديان قال لي مافيه امكانية من عندنا رح لهم واحجز عن طريقهم قلت الشكوى على الله بروح لهم بس خلني اتصل فيهم قبل ، وفعلا كلمتهم وقالو فيه امكانية قلت ابي غرفة اطلالة على البحر كم سعرها ، قال مع الخدمة والافطار بتكون 7500 بات يعني تقريباً 760 مع العلم اني ماخذها من مكتب فرسان بـ 865 . قالي انت تتصل من وين قلت من فندق موفنبيك قال تقدر تجي . قلت ممكن يتغير السعر قال تعال وبنشوف لك حل ، قلت ثوووووواني واكون عندك  المهم واوصل لهم وبالصدفة لقيت الموظفة الي استقبلتني اول مره . اهلين فيك سلامات وش الي صاير ناسي شي ولا وش فيك قلت والله الموفنبيك ماعجبني وابي ارجع قالت مرحبا بك لا تشيل هم استرح وبجيب لك عصير . بصراحة وبدون مبالغة والله انه خدومين للغاية بدون اي مقابل فعلا التايلنديين تعاملهم مع السائح عجيب جداً . المهم جت وقالت لي بنعطيك تخفيض وممكن الغرفة توصل لـ 7000 بات شاملة كل شي انا كنت بوافق بصراحة لان السعر ارخص من المكتب بالرياض قلت خلني اسولف شوي ، واقولها انا بصراحة الفندق معجبني وانتي عارفه اني طلعت من عندكم قبل امس بس وابي تعطيني سعر افضل .  قالت علشان كذا انا حابه اساعدك . سكتت ، بعدين قالت انت لازم تاخذ غرفة ديلوكس على البحر ، ليه ماتاخذ ستاندر على المسبح قلت هاه وش تفرق قالت تعال شفها ، بصراحة كانت مره حلوه ومافيه فرق كبير الديلوكس كانت مواجهة للبحر وهذي صاير البحر على اليمين ومواجهة للمسابح والمطعم . قالت لي لو كنت على حجزك الاول عندنا كنت جلست الـ 8 ايام كلها في السويت قلت لا تقهريني مكتوب اني اطلع من السويت . المهم قلت كم سعرها الستنادر الي مطلة على المسابح قامت تحسب قالت بطلع عليك 6400 بات يعني 650 ريال تقريباً بصراحة انبسطت كثير ويوم شفتها معطيتني وجه بزيادة وفاضي قلت خلني اقعد لها قلت وش رايك ، انتي باين عليك انك مديرة هنا ، اكبر راسها شوي قلت لها ليه ماتعطيني الغرفة الستاندر وتسوين لي ترقية للديلوكس قالت انت مستعجل قلت ابداً قالت انتظر شوي . والله توقعتها تقول يرحم امك ماعندنا غرف ضف وجهك بس شف الادب . بعد دقيقتين بالضبط جت وهي تضحك قالت بصراحة جيتك عزيزة وغالية علينا وافضل شي ممكن اقدمه لك اني بعطيك غرفة مطلة على الحديقة يعني لا بحر ولا مسبح صايره في الخلف بس بسعر 5200 بات تقريباً 530 ريال شامل كل شي وبسوي لك ترقية للغرفة الستاندر المطلة على المسبح واعذرني على التقصير . قلت لا والله وجهك ابيض انتي ماقصرتي ابداً خدمتيني خدمة كبيرة جداً قلت لا تهون في نفسي خلاص تفضلي الجوازات والماستر كارد علشان اجي بكرة كل شي جاهز قالت مايحتاج ابداً معلوماتك عندنا من الحجز السابق تجي بكرة الساعة 2 الغرفة جاهزة . قلت اشكرك وبشدة ، قالت في المستقبل احجز عن طريق الموقع الخاص بالفندق راح تلقى عروض ممتازة . عطتني كرت قالت هذا الموقع وهذا رقم خاص في معلوماتك للحجز مستقبلاً . قلت لها يسلمووووو المهم طلعت من عندهم متشقق من الوناسة ورحت للموفنبيك ابشر المدام . لما جيت اسوي مغادرة من الموفنبيك بصراحة عجبوني بسؤالهم : ليه طلعت انت المفروض معنا خمس ايام قلت برجع للمريديان جاء المدير المناوب قال فيه احد ضايقك ، شفت شي الفندق مو كويس قلت ابداً ماارتحت ، والشاطي بعيد وعام عطوني ورقة قالو اكتب كل ملاحظاتك على الفندق اذا تكرمت وكتبت لهم بعض الاشياء . شرايكم بالقصه فلم هندي صح نرجع لهذا الفندق التحووووفة  صور للغرفة المطلة على المسبح وهذي رقم الغرفة  دورة المياه اعزكم الله ( مره عادية مقارنة مع دورة مياه السويت )   صورة من المدخل  السرير وحركة الوردة الي عقدتني  صورة من جهة اخرى  الثلاجة والاغراض  صورة للبلكونه  صور من البلكونه للمسبح     وهذي صورتين مسائية ايضاً للمسابح من البلكونه   وهذي سلة الفواكة الترحيبية نفس الاولى  صورة شاطحة اي ( مالها اي علاقة بالموضوع )  وبكذا انتهت جولتي في فنادق بوكت يتبقى انشاء الله في الجزء القادم اخر فندق زرته في تايلند وهو فندق ماريوت بانكوك ياويل الي يدخل يقرا بس ويطلع انتظروني على خير |
|
|
|
|
«
◊۩¯−ـ‗تقرير بانكوكي_2 عن الأراضي البانكوكية في فبراير 2008‗ـ−¯۩◊
|
҉ਿ°●φ¸¸.» تقرير رحلة بانكوك بتايا بالتفاصيل والتكاليف 7/2009 «.¸¸φ●°ੀ҉
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 08:52 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||