 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
|
|
30-06-2009, 03:24 PM
|
#2 (permalink) | |
|
مسافر متميز
تاريخ التسجيل: Apr 2009
رقم العضوية :251043
المشاركات: 196
|
اقتباس:
وحبيت استفسر عن محل M&M's اين يوجد وكم اسعارهم تقريباًًوكل التفاصيل  لاني ان شاء اله الصيف بروح وحبيت اروح لة  وجزاك الله الف خير على التقرير  تحياااتيـــ ..., |
|
|
|
|
16-09-2009, 03:09 PM
|
#3 (permalink) |
|
مشرفة بوابة تعليم اللغات العالمية
تاريخ التسجيل: Feb 2008
الدولة: السعودية
رقم العضوية :171988
المشاركات: 3,179
|
مرحبا أخوي
الحمدلله على السلامه ولو أنها متأخره .. اليوم بس فتحت التقرير حتى أستمتع بالقراءه لوقت طويل لكن للأسف لحد الصفحه 3 ما طلع لي صور وأظغط عليها بس ما فيه شيء !!!  بس ما علينا أسلوبك بالكتابه حلو وعفوي وشكل الرحله كانت بجد رهيبه .. الله يعطيك العافيه .. الله يهنيكم دوم ويديم عليكم الفرح والسعاده .. |
|
|
|
|
16-09-2009, 05:58 PM
|
#4 (permalink) | ||
|
مسافر خبير
تاريخ التسجيل: Oct 2008
الدولة: kuwait
رقم العضوية :225996
المشاركات: 2,461
|
اقتباس:
أول شئ شرف التقرير بزيارتج له وردج فيه ومشكوووره على الكلام الحلو وثاني شئ الصور في أول 3 صفحات صار لهم مشكله وبعدين انا نزلت الصور مره ثانيه راح تلاقينهم بنص التقرير ان شاء الله لمه يخلص التقرير راح اكتب أول 3 صفحات مره ثانيه واضبط الصور فيهم واخلي مشرفنه العزيز يضيفهم عندي بالتقرير ويشيل القديم سامحييينه على الغلط الفني اللي صار وأتمنى لج انج تستمتعين بالتقرير وتستفيدين منه لا يطوفج التقرير تره فيه مفاجئات وشغلات حلوه  اقتباس:
مشكوووور على مرورك يالغالي ويعطيك ألف عافيه وشرفتنه بردك بالتقرير موفق يارب |
||
|
|
|
|
17-09-2009, 03:10 PM
|
#5 (permalink) |
|
مسافر خبير
تاريخ التسجيل: Oct 2008
الدولة: kuwait
رقم العضوية :225996
المشاركات: 2,461
|
 جزء Los Angalos - HollywooD-West Hollywood الجزء السابع من هولييوود    اليوم راح نبدأ بجزء جديد ومفاجئات جديده ويوم من يومياتي انا وزوجتي العزيزه في ضواحي Hollywood ما راح اقولكم وين رحنه اليوم تعالوا وياي وتابعوا التقرير  قعدنه من النوم في الصباح الباكر وكان الجو اشوي حر ... صحينه وعلطول على الشور وتبديل الملابس والريوق الخفيف كالعاده واستغلال السياره علشان نبي نروح مكان بعيد شوي اليوم يا ترى وين رحنه وين رحنه .... ! للأمانه انا حسيت انه زوجتي ملت من السوق وتبي شئ جديد يعني تبي تغير وكل شوي تذكرني بدزني والألعاب والوناسه عاد قلت خل أفاجئها اليوم وأوديها مكان فيه ألعاب ووناسه علشان تغير جو وين تتوقعون كان هالمكان .. يالله تعالوا ويانه بالسياره علشان تشوفون وين رحنه ..؟  تقريبا المسافه الي قطعناها بالسياره كانت نصف ساعه من الفندق والحين وصلنه للمكان شوفوا وين  مدينة الملاهي الغير طبيعيه Six Flags  الموقع الالكتروني الرسمي للحديقه http://www.sixflags.com/national/index.aspx وهذي خريطه الحديقه  تم حجز التذاكر من أحد الأكشاك اللي بشارع النجوم بكوداك ثييتر وكان سعر التذاكر للشخصين 55 $ من غير الضرابط ملاحظه : الحديقه من اللي انا شفته بأنها تتميز بثلاث أرباع الألعاب اللي فيها قطارات موت يعني ما تصلح للأطفال بس في شئ ممكن الأطفال يستانسون منه في حديقه مائيه تابعه لل six flags من نفس المدخل بس المدينه المائيه تثير على اليمين والحديقه اللي فيها القطارات على اليسار وبس اليكم بعض الصور اللي التقطها على السريع قبل لا أدخل الحديقه  طبعا المواقف ليست مجانيه سعر المواقف لليوم الكامل 15 $    وهذا الجهاز اللي مصوره لكم اهو عباره عن فاست باست للألعاب بس اسمها بهالحديقه غير يقولن عنها ( Flash Pass ) تأجره من مبنى مكتوب عليه فلاش باس داخل الحديقه في نوعين العادي وفي الذهبي أنا أخذت الذهبي لأنه يشمل ألعاب أكثر لشخصين كان سعره 101 $ دولار من غير الضرابط طبعا راح يطلبون منك اثبات يعني هويه أو بطاقه شئ من هذا القبيل علشان قبل لا تطلع من الحديقه ترجع الجهاز لهم وتاخذ اثباتك  والحين أنا آسف لاني ما قدرت أصور صور داخل الحديقه والسبب انه كل لعبه ما تقدر تاخذ الكاميرا وياك داخل لازم تخليها بسيفتي بوكس وفي كم صوره صورتها بس انا ويا زوجتي طالعين فيها فما أقدر أحطها بالمنتدى راح أعرض لكم بعض الصور عن الألعاب اللي بالحديقه مختارها من النت سامحوووني         وبعد الجوله الجميله واليوم الرائع اللي قضيناه في الملاهي وقطارات الموت اللي خلت جبونه تقلب طبعا أكله أكل خفيف هناك يعني شبس وبيبسي ومن هالحركات والحين أتي الوقت اللي راح نطلع منه من الملاهي لانه خلصناها وصار المغرب فقررنه نرجع الفندق علشان نرتاح وتقضي بعض الحاجات وبعدين نطلع علشان نروح نشوف لنه مطعم ناكل فيه وبعد ما خلصنه من الفندق طلعنه ووقع اختيارنه على هالمطعم التركي طبعا حلال اليكم بعض الصور اللي التقاطناها واحنه بالمطعم طبعا المطعم صاير بمجمع صغير والله حته ما أتذكر اسمه هههههه     وهذا كان اختيارنه من الأطباق وكان الأكل لا بأس به والحمد لله وعبينه البطن وشبعنه والحين قررنه نرجع الفندق علشان نرتاح لانه تعبانين حدنه وهلكانين من التعب فرجعنه الفندق وريحنه علشان باجر عندنهم يوم راح يكون حافل بالنشاطات الحلوه وراح نزور أماكن سياحيه جديده والحين جاء وقت النوم يالله تصبحون على خير  والى اللقاء في حلقه وجزء جديد من أيامنه في ربوع Hollywood أتسودعكم الله ....مع تحياتي اخوكم / the-wise-man  يتبع .... شكرا عفوا    |
|
|
|
|
30-06-2009, 11:16 PM
|
#9 (permalink) |
|
مسافرجديد
تاريخ التسجيل: Jun 2004
رقم العضوية :5576
المشاركات: 41
|
تقرير رائع ومتابعينك بشغف ايام ماكنت مراسلنا في امريكا
 وانا ماشي بعد بكره لامريكا مع العائلة مدة شهرين واول نقطة وصول لي نييويورك وجالس فيها 5 ليالي وحاجز في نفس الفندق حقكم عن طريق موفع booking وبعدها الى اورلاندو وجالس فيها 14 يوم ومنها الى لاس فيجاس وكاليفورنيا وسوف امشي على خطة رحلتك بالضبط بس تكفى لاتطول علينا عشان مانضيع ولا ندري وش نسوي  تحياتي وتقديرري والله يديم المحبه بينكم |
|
|
|
|
30-06-2009, 11:44 PM
|
#10 (permalink) |
|
مسافر خبير
تاريخ التسجيل: Oct 2008
الدولة: kuwait
رقم العضوية :225996
المشاركات: 2,461
|
مشكوووورين على الردووووود جمييييعا ويعطييكم ألف عافيه وبالنسبه للأخت اللي استفسرت عن السكن في لوس انجلوس الحين مو وقته بس بقول السكن كان في منطقتين في الجنوب في مطقة انهايم بفندق رامادا بالداون تاون دزني لاند والفي شمال لوس انجلوس في منطقه هوليوود وكان الفندق ديز ان بجانب شارع النجوم
 وبالنسبه للسكن كان ممتاز والمواقع اللي اخترته كانت جدا ممتازه وقريبه تقريبا من كل الاماكن اللي كنت بزورها واخوي امباك لا تخاف انا ما اقلد مفاجئاتي غير عنك لا تخاف وبالنسبه حق محل M&m محل كبير وفي كل شئ على ام اند ام واسعاره مو رخيصه انا اللي شفته عندهم فرع بنيويورك وشفت الفرع حقهم في نيويورك بمجمع فلوريدا مول واسعاره مو رخيصه تره وبالتوفيقمشكورين على المرور كلكم وسامحوووني اذا قصرت بأي إجابه عن أي استفسار وأتمنى التوفيق للجميع |
|
|
|
|
01-07-2009, 12:08 AM
|
#11 (permalink) |
|
مسافر خبير
تاريخ التسجيل: Oct 2008
الدولة: kuwait
رقم العضوية :225996
المشاركات: 2,461
|
نتابع معاكم تكملت جزء نيويورك
نكمل وياكم اليوم الجزء الباقي في نيويورك من اليوم الثاني لنه اهناك بعد ما ردينه التايم سكوير تمشينه اشوي ورحنه أكلنه في مطعم سباروووو وكان الأكل ممتاز  وبعدها قلنه نروح الى متحف الشمع الشهير ( مدام تيسوو madame tussauds ) ولكن للأسف ما عجبني كثر اللي رحت له بلندن  طبعا كان فيه شخصيات مو موجوده في لندن بس اللي اهناك بلندن وايد احلى ما أدري ليش  مو مشكلتنه اي واحد اللي احله خلكم مع الصور وشوفوا  طبعا الفندق عطاني كريت خصم 5 $ على كل تذكره واخذته معاي اهناك وعطوني خصم على التذكره ما أذكر بالضبط جم كان سعر التذاكر سوري وهذا موقعهم على الانترنت Welcome to Madame Tussauds New York   وهذي صور بعض الشخصيات اللي كانت بالمعرض           وبعدها طلعنه من المتحف وقعدنه نتمشى بالتايم سكوير طبعا الناس مليانين وفي صينيين يقعدون بالتايم سكوير ويرسمون الناس وقعدنه انا ويا زوجتي وخليناهم يرسمونه وبس استانسنه اشوي بالتمشي لمه تعبنه وبعدين رحنه الفندق علشان ننام لانه هلكانين   يتبع .... شكرا عفوا |
|
|
|
|
01-07-2009, 01:30 AM
|
#12 (permalink) |
|
مسافر خبير
تاريخ التسجيل: Oct 2008
الدولة: kuwait
رقم العضوية :225996
المشاركات: 2,461
|
اليوم الثالث بنيويورك
اليوم الثالث لنه بنيويورك قعدنه الصبح من النوم كالعاده يعني تقريبا على الساعه 10 علشان انا ويا زوجتي نحب النوم بس مو وايد المهم طلعنه من الفندق ورحنه أخذنه الباص السياحي وتمشينه فيه اشوي وشفنه بعض المعالم اللي بمنهاتن واليكم بعض من الصور التي تم التقاطها هذي صوره لأحد المباني المشهوره بمنهاتن وعلى ما اعتقد ان تم تصوير فلم في هذا المبنى او شئ من هذا القبيل المهم مالنه دخل وشكله حلو ويلفهت الانتباه  وهذي صوره لمحل مشهور بأمريكا وهو MACYS  وهذي صوره لأحدى المباني اللي عجبتني  وهذي صوره لأحدى المحلات اللي انا احبها  وهذي مبنى عجبني راسمين عليه صوره كدعاية لأحدى الماركات وهي DKNY  وهذي صوره لحديقة احدى الكنائس وهي لمقبره الله يحفظكم كلكم وجميع المسلمين من كل مكروه قولوا آمين  وهذي صورة لأحدى الكنائس عجبني شكل المبنى  وهذي الصوره لهذا المبنى الضخم المشهور في نيويورك والتي تم تصوير فلم سبايدر مان به ( spiderman )  وبعدها وصلنه الى مكان اللي نقدر نركب منه علشان نروح تمثال الحريه واهني كانت المفاجئه اللي سويتها حق زوجتي اهي ما تدري اني انا حاجز لها رحله على الهيلوكبتر ( HELICOPTER ) كانت جوله حول منهاتن لمدة ربع ساعه قضيناها بالجو لمشاهده منهاتن من أعلى والاتسمتاع بأجمل المناظر ورحله كانت غريبه اشوي وجديده علينه انا ويا زوجتي تفاجأت لمه قلت له محنه راكبين القارب علشان نروح التمثال قالت لي عيل وين بنروح وأخذتها وياي مكان ليس بالبعيد عن المكان اللي يطلعون من حق التمثال تقريبا 1 كيلو مشي والا كانت المفاجئه محطة هبوط طائرات هيلوكبتر خافت بالبدايه بس بتشجيعي لها ركبت والحمد لله استمتعنه بهذي الجوله الحلوه والفريده من نوعها وليكم بعض الصور أسعار التذاكر كانو لشخصين 318 $ طبعا الحجز تم عن طريق الفندق   وهذي لقطات لتمثال الحريه    وهذي لقطات لمنهاتن من الاعلى    وهذي لقطه للسنترال بارك central park  واهني خلصت الجوله الجميله اللي قضيناها في ربوع منهاتن بالجو بعدها ردينه مره ثانيه الى مقر تمثال الحريه علشان نركب العباره اللي راح تنقلنا الجزيره وكان الطابور يا ويلي عليه من الكويت الى الرياض وقفنه بالطابور وقعدنه ناكل اشويه شبس  ونشرب ماي علشان نقزر الوقت واليكم بعض الصور لتستمتعوا معنا بجمال التمثال والجزيرة  واحنه واقفين بالطابور لقيت هالسنجاب قاعد يلعب مع نفسه يصعد الشجره وينزل صورته لكم  وهذي صوره للعباره اللي راح تنقلنا الجزيره  وهذي صوره حق حمامه أذتنه صافه ويانه بالطابور وماخذه مكان على الفاضي  هذا اهو تمثال الحريه واليكم بعض اللقطات له   واليكم بعض اللقطات من الجزيره وطبعا الجزيره تتميز بوجود مطاعم بها وكافيهات ومحلات لبيع الهدايا التذكاريه وتقدرون تره تطلعون فوق تمثال الحريه بس للأسف التذكره اللي كانت عنده ما كانت تسمح لنه بالصعود الى اعلى التمثال     وهذي لقطه لمنهاتن من الجزيره   وهذي لقطه لمنطاد كان في الهواء  وبعد ما خلصنه من جولتنه بالجزيره قلنه نمر محل بيع الهدايا التذكاريه فشت هذا الطائر اللي كان قاعد يتأمل بالتمثال قاعد يشوفه بنظرات فصورته  وبعدها ركبنه العباره لكي نعود أدراجنا وبعد الجزيره اللي فيها التمثال راحت العباره لجزيره ثانيه بس انا ويا زوجتي ما نزلنه كملنه للمرسى اللي ركبنه من كنه تعبانين وحدنه ميتين من الجوع قلنه علشان نروح نشوف لنه أي شئ ناكله وهذي صوره للجزيره الثانيه  واحنه في طريق العوده الى المرسى لقيت هالتاكسي اللي كان بالبحر وعلى فكره تره يودي للجزيره بعد بس بسعر أغلى اشوي يسمونه التاكسي البحري وهذي صورته  يتبع .... شكرا عفوا |
|
|
|
|
01-07-2009, 01:48 AM
|
#13 (permalink) |
|
مسافر خبير
تاريخ التسجيل: Oct 2008
الدولة: kuwait
رقم العضوية :225996
المشاركات: 2,461
|
وبعدها رحنه ركبنه الباص السياحي وكملنه جولتنه بعد ما كنه متوقفين عند المحطه اللي بجانب المرسي اللي يودينه حق تمثال الحريه كملنه الجوله لحد التايم سكوير علشان نرجع الفندق نريح اشوي ونطلع بعدها
واحنه في جولتنه الي التايم سكوير مرينه على مبنى الأمم المتحده بس للأسف كنه تعابه وما دخلنه وهذي صورة المبنى من الخارج  وطلعنه بعدها رحنه أكلنه في مطعم الوجبات السريعه المشهور وهو برجر كنج ( burger king )  وظلمت الدنيا وتمشينه اشوي بالتايم سكوير وتسوقنه اشوي ودخلنه السوبر ماركت وزوجتي ما قصرت بالكاكاو على اشوية عصاير على اشوي شبس للتسليه تالي الليل وبعدها ردينه الفندق لانها كانت جولتنه اليوم قويه ومتعبه وفيها مغامرات حلوه وجميله ولن تنسى ووصلنه الفندق وصعدت زوجتي فوق وانا ضليت بالرسبشن كنت ابي اسأل عن شغله وضاق خلقي وصعد فوق والى النوم بعدين باجر اقولكم ليش ضاق خلقي وتكدرت الى اللقاء في الجزء القادم يتبع .... مع تحياتي the-wise-man شكرا عفوا |
|
|
|
|
01-07-2009, 08:18 AM
|
#14 (permalink) | |
|
مشرف الولايات المتحدة الامريكية
تاريخ التسجيل: Jan 2007
الدولة: Dreeming in my Planet Impact !!
رقم العضوية :119956
المشاركات: 13,763
|
اقتباس:
والله انك ضحكتني ! تراني امزح معاك ياغالي .. الله يسعدكم انت وزوجتك ويرزكم ويرزقنا الذرية الصالحة يارب اجزاء جميلة ورائعة وسردك بالفعل يحمس . بس معليش فيه ملاحظة بسيطة : ياريت تكتب مجتمعه مو كل شوي جزء ويتخللها ردوود علشان الاعضاء يستفيدوا من الشرح وما يتعبهم الردوود !! وان شاء الله بعد ما تخلص تسويلهم ملخص للرجوع اليه !! وعلشان تتحمس اكثر تستحق تثبيت الموضوع مادام التقرير يحمس " يثبت " بالتوفيق وفي انتظار الاجزاء القادمة |
|
|
|
|
|
| الذين يشاهدون محتوى الموضوع الآن : 3 ( الأعضاء 1 والزوار 2) | |
| ابو بــدر |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 12:53 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||