 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الهند وسيريلانكا. |
 |
|
|
أدوات الموضوع | انواع عرض الموضوع |
27-06-2009, 05:49 PM
|
#1 (permalink) |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
راح اعطيكم مشاهداتي live من كوتشي
الان قاعده انتظر اقلاع الرحلة الى الهند كوتشي بقي على موعد الاقلاع ساعتين ياربي تكون رحله موفقه بالذات انا طالعه لوحدي هناك واكيد راح اعطيكم الاخبار اول باول من ارض الحدث
 دعواتكم لي .. وتشكرات. |
|
|
|
28-06-2009, 03:23 PM
|
#5 (permalink) |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
اهلين الجنتل وام الفارس
اقلعت الطائرة الساعه الثامنه والنصف بتوقيت مكه وطبعا درجه اولى على خطوط طيران الخليج وبصراحه اول مره اسافر على هالشركة لكن الحق يقال الاكل فيها اوكي كأنه طبخ بيت والخدمه ممتازه .. وقبل ما نوصل كوتشي بساعه صادتنا غيمه مالها حل ومطر غزير وبدأت الطيارة تفقد توازنها وتخيلت اني قاعده اشوف فلم رعب عن جد مت من الخوف وولا كأنك في قطار الموت مال ماليزيا .. وقبل الهبوط بنصف ساعه وزعوا علينا اوراق فيها رقم الفندق والعنوان والمعلومات العامه وطبعا كتبت المرديان لاني حاجزه فيه وبعدين اعطونا اوراق عن انفلونزا الخنازير وعشان تنجحون خلوا الاجابات كلا NO وحطو صح على كلمة نوووو بالمربع الصغير على كل الاسئلة بس شكلي طلعت دور ثاني راسبه ههه.. بعد مادخلت المطار وقفنا في طابور طويل عشان قاعدين يحطون جهاز على مقدمة الراس شكله خربان لان كل الطابور عدا من عيادة الدكتور اللي هي اصلا مكتب ومش عارفه شكل الجهاز مالهم عطلان لانه مو معقوله مافيه احد حرارته عاليه .. المهم اخذت شنطتي وبدلت العمله وصار الصرف الريال 12 ربيه والدولار ب45 وكسور واخذت التاكسي وعلى فندق لي مريديان وكان الجو غائم ونزل مطر خفيف ولما وصلت وما كذبت خبر على طول حطيت راسي على المخده ونوووووم عميق .. اليوم الثاني على طول قعدت من النوم وقالوا لي فيه مول او مجمع كبير اسمه Bay poide والله لايوريكم مكروه ياهو خايس بالحيل وبعدين سألت وحده وقالت ماتصلح لنا هالمولات الخايسه روحي لمول اسمه براون وبصراحه عجبني يعني قريب من مستوى مجمعاتنا وانصح فيه عموما بس مافيه سينما لن السينما في مكان ثاني مستقل وهذا اسمه REEDHOR يبدا العرض بالصباح وينتهي اخر عرض الساعه التاسعه مساء .. راح اكمل لكم مشاهداتي في وقت لاحق الان طالعه شوبنق باي وتشكرات. |
|
|
|
|
28-06-2009, 04:46 PM
|
#6 (permalink) |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
تصدقون انا فرحانه كثير دايما اشوف التكتك بالافلام وركبته اول مره ياهو يخوف كل شوي اقول راح اطيح وبعدين كان شكلي غلط وسائق تاكسي الفندق وراي قاعد يضحك علي بس قلت يالله حاجه جديده نجربها وعلى فكره هم يسمونها الركشه بس اعجبتني ذكرتني بالحنطور بمصر ..
يقولون فيه تهديد ارهابي على طائرة الخطوط السعوديه الان في مطار كوتشي والحكومه مسوين شغل عدل بالمطار بس لمن سألت واحد بالهوتيل قال طلع واحد سكران حلمان انه رامبو ومسكت السكره غلط وياه الا يعمل عمليه ارهابيه هههه يالله باي . |
|
|
|
|
01-07-2009, 01:23 AM
|
#10 (permalink) |
|
مسافرجديد
تاريخ التسجيل: May 2004
رقم العضوية :4621
المشاركات: 51
|
 الله يوفقك ياختي بس ليه تسافري بنفسك الدنيا ماعادت بخير الله يحفظك ان شاء الله والله شجاعه مش زي ربعي كنا مخططين للهند هذي السنه لكنهم خافوا من انفلونزا الخنازير وطبعا كنسلنا السفر هذي السنه لجميع الدول ماعدا دول الخليج والحمد لله على كل حال وتقرير مباشر رائع جدا والله يعطيك العافيه |
|
|
|
|
01-07-2009, 08:52 PM
|
#11 (permalink) | |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
اقتباس:
انا ممنونه لمتابعتك تقريري المتواضع واقول متواضع لان مافيه صور من هالسوالف.. وبصراحه مابي اسوي زحمه والشارع فاضي يعني لو اصور اي شي اكيد راح يكون موجود بالمنتدى.. لان اللي سافروا قبلي ماقصروا صوروا كل شي وكل ماشفت شي ابي اصوره قلت لا شفته بالمنتدى.. وانا اعترف اني استفدت من تقاريرهم كثير . بالنسبة لتطورات الطائرة راح تجد الاجابه في الحلقة القادمه طبعا هذا عنصر تشويق بس ثواني وارد على اللي بعدك شفت شلون اخراج التقرير ادري راح تقول ماعندك سالفه يافجوره ههه تشكرات . |
|
|
|
|
|
01-07-2009, 09:11 PM
|
#12 (permalink) | |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
اقتباس:
وعلى فكره قرأت في الجريده انهم حطو مدرج مستقل وموقف بعيد عن واجهة المطار للطائرات السعوديه يعني راح يقعدون بها السعوديين اللي جايين بعدي شكلي سافرت الهند ونكبت العالم هناك يالله ماعلينا نكمل التقرير بعد الفاصل ونوااااصل .. تشكرات. |
|
|
|
|
|
01-07-2009, 09:31 PM
|
#13 (permalink) | |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
اقتباس:
المهم سافرت لمونار الجبليه وطبعا عشان اقطع الوقت في الطريق فتحت الاب توب مالي وشبكت كونكت هنديه تشغل الانترنت في كل مكان طبعا هذي للمهتمين في النت مثلي هو الانيس الونيس والصديق الوفي لي .. بالنسبه للكونكت انترنت هي قطعه نسميها كونكت او مجول عموما لونها اصفر واسم الشركه المصنعه لها idea net setter قيمتها 3000 ربيه اي 230 ريال سعودي تقريبا ويابلاش بدون لمت للتحميل ومدة اشتراكها شهر كامل والنت شغال على مدار اربع وعشرين ساعه وهي تعمل في جميع مناطق ومدن الهند فقط فهي خاصه باتصالات الهند وتعمل مع كل شركات الاتصالات المتاحه في المنطقة وانصح فيها وهناك كونكت انتر نت اخرى رخيصه لونها رمادي لا انصح بها لانها رديئة الصنع وسيئة الخدمه ولابد ان تشحنها كل يوم .. بالنسبه لموضوع التكلفه الماليه اعتقد من جيت الهند ماصرفت كثير يعني اعتقد اني سافرت لبلدان كثيره خليجيه او عربيه اصرف اكثر من اللي اصرفه بالهند وعلى سبيل المثال لا الحصر الكونكت مال الانرنت الهندي قيمته 230 ريال بينما نشتريه من موبايلي الله يخرب بيتها >>> اللي فصلو جوالي ظلما وعدوانا عندهم الكونكت الخايس ب 350 ريال ولا زم تشحنينها كل شوي وتحبين فوق روسهم بعد ويقطع الاتصال ديما هههه .. وطبعا عملية التكلفه الماليه عمليه نسبيه تختلف من واحد لآخر هناك المبذرين وهناك المقتصدين >>> شنو الكلام الكبير اللي انا قاعده اكتبه يالله خليك بالعاميه عشان توصل الفكره للقارئ الكريم .. تشكرات .. |
|
|
|
|
|
01-07-2009, 11:31 PM
|
#14 (permalink) | |
|
مسافر فعال
تاريخ التسجيل: Jul 2006
رقم العضوية :103563
المشاركات: 67
|
اقتباس:
ولاتخاف على اختك انا تشجعت لمن قالوا انها منطقه امنه ولافيها اي شيء يخوف وبالفعل المنطقة آمنه جدا جدا وبعدين اختك عن ثلاثة رجال >>> وايد شايفه نفسها ههههه . اما بالنسبة لأنفلونزا الخنازين احب اقولك المكتوب على الجبين لابد تشوفه العين مادري شكلي عفست المثل هههه .. سافر ياخوي واعقلها وتوكل وانفلونزا الخنازير احصائيتها تزيد بالسعودية وبالخليج اكثر من احصائية خساير الاسهم وحوادث السيارات واكثر من نسبة البطالة في بلدي ... تشكرات. |
|
|
|
|
|
02-07-2009, 01:05 AM
|
#15 (permalink) |
|
مسافر فعال
تاريخ التسجيل: Jun 2005
رقم العضوية :23998
المشاركات: 109
|
الحمدلله على سلامة الوصول
والله يعطيك العافيه على هالتقرير الرائع ببدايته ورحلة مووووفقة كم سعر التذكره الدرجه الاولى او البزنسس كلاس على طيران الخليج وكذلك اسعار الفنادق الميرديان ولو انه عاجبني من خلال الصور فندق رامادا كوتشي لك مودتي وتقديري |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 08:50 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||