 |
 |
 |
||
|
|
|
||
 |
|
 |
|
|||||||
| البوابـات الـــــعــــامــــــة في هذه الواحة يتم طرح المواضيع المتعلقة بالسياحة والغير المتعلقة بالسياحة، اذ انها تركز على تنوع المواضيع العامة. |
 |
|
|
أدوات الموضوع | انواع عرض الموضوع |
|
|
27-06-2009, 12:47 PM
|
#1 (permalink) |
|
مسافر متميز
تاريخ التسجيل: Feb 2008
رقم العضوية :172450
المشاركات: 162
|
لا ارجو منكم الا الدعوات الصادقه
السلام عليكم ورحمة الله وبركاته
يا اخوان حبيت اقولكم على قصه صارت لوالدي العزيز مالها الاسبوع تقريبا وما ابغى منكم الا الدعوات الصادقه له فظهر الغيب القصه : انو والدي قبل 5 او 4 سنوات جاته جلطه والحمدالله تشفى بس لاحد الان يعاني من ثقل في يده ورجله طبعا شي طبيعي من اثار الجلطه ومخلى مستشفى لحد يدلو عليه الا راح وللاسف مافي فايده وفيوم من الايام راح والدي يودي وحده من اخواتي الى احد المستشفيات فمكه وكان ينتظرها فسياره وجا واحد من الجنسيه النيجريا (التكارنه) يبع فكس والكلام هذا طبعا شاف الوالد تعبان ورجال كبير وجه باين فيه الطيبه  قام قله انت تبغى دوا حق عصب ابويا المسكين على نيته فرح قلو ايوا عندك قال ايوا خذ هذا الفكس وهذا رقمي حطو يوم واحد وتعال ليا في البيت بس لاتقول لاحد بعدين الدواء مايكون مفعوله كويس والوالد المسكين على نيته قال طيب سوا الي قاله عليه جاء اليوم الثاني اتصل عليه قاله تعال فبيتي تعال عند مسجد بن حسن الي يعرف مكه هذا فشارع منصور وهذا المكان كانو دوله خاصه بي التكارنه الله ياخذهم المهم راح له جابو عند شخص ثاني اسمو الشيخ صالح <<< الله لا يصلح له حال تكروني ثاني قال للوالد تبغى علاج اول شي خذ هذا العطر وشموو وطبعا الوالد على نيته شم العطر وصارت الطامه العظمى قال له لو تبغى علاج لازم تدفع 16 الف الوالد رفض على طول قال لا ما عندي ولما شافه معند معاهم واحد منهم قال طيب يا شيبه ما تزعل خليني ادهن يدك ورجلك بهذا وبعدين نتفاهم والحيوانات جالسين يصلحو الوالد بي الطلس والدجل حقهم والوالد يا غافلين لكم الله المهم بعدها قالو خلاص نعطيك من الدواء بي 6 الاف وطبعا قدهم خلاص صلحوه راح وجاب لهم السته وقالو بعد كم يوم نجبلك الدواء طبعا نحنا ما نعرف عن السالفه هذي اي شي وبعد ما انتهت سالفه الدواء صارو يقولو له اشتري لنا جنيهات ذهب كان تعرفوها 200 الف ريال عشان يكون الدواء مفعوله كويس وطبعا الوالد مصلحينه ومخلينه يلبي كل طلاباتهم وسوا لهم الي يبغوه وصارو على هذا الحال يطلبو 50 الف ومره 30 ومره 40 وحسبي الله عليهم ونحنا مو دارين عن شي فجئه شفنا تصرفات الوالد مره تغيرت صار جدا عصبي ما يتحمل شي وغير كذا ما يبغانا نطلب منه فلوس وكمان لما يدق جواله ما يكلم قدامنا وكمان يخرج مره كثير من البيت وهذا مو حالو كان ياخذ راينا فكل شي وما يخبي علينا شي بصراحه بدا القلق علينا حاولنا اكثر من مره انو نتكلم معاه فكرنا انو ممكن دخل فمشروع وخسر ومايبغى يقولنا حاولنا معاه بشتى الطرق عشان يقول لنا شي بس موراضي المهم مره رقبته واكتشفت انو يروح عند التكارنه وانصدمت فا كنت اموت واعرف ايش السالفه حطيت له تسجيل مكالمات وعرفت انهم نصابين وكنت خايف على الوالد منهم رحت وبلغت في الشرطه وسمعتهم التسجيلات قالو هذا دليل مو كافي لازم تعالجوه وتجيبو شيخ يقرا عليه عشان يجي بنفسو ويبلغ قلنا امرنا لله طيب وبعدها بيوم التكروني اتصل على الوالد قلو بكرا الساعه 9 الصباح اقابلك عند مسجد بن حسن واركب معاك ونروح بس اولاد لا يعرفو ولا احد يعرف مكالمتين كلمو وهو يحذرو لاحد يعرف انا قلبي دقني انهم ناااوين فيه نيه مو طيبه انا خالي عقيد فرحت وكلمته في السالفه وقلي خلاص انا بروح اكلم مدير الشرطه عشان بكرا نجي نحنا والامن الجنائي ونراقبه ونمسكهم المهم جا اليوم الثاني وفعلا جات فرقه من الامن الجنائي عند بيتنا ومعاهم خالي عشان يدلهم على البيت وخرج والدي ومن اصعب لحظات حياتي مره عليا في الوقت هذا كان خوفي انو التكارنه مسلحين وتصير مصيبه راقبوهم لين شارع منصور طلع التكروني مع الوالد وراح على الرصيفه عند بيت مهجور على طول جات سيارتين من الامن الجنائي حوطت السياره ومسكت التكروني الي في السياره ودخلت البيت المهجور ومسكت تكروني الثاني الشيخ قلك الله ياخذه المهم الوالد خلوه في السياره طلع معا واحد من الامن الجنائي وراحو القسم حققو مع الوالد وخلوه يروح المهم للاسف التكرنه اخذو من الوالد مايقارب 650 الف ريال بي السحر حسبي الله عليهم وغير الذهب ومارضيو يعترفو اعترفو انهم اخذو منو 40 الف ونقولهم فينها يقولو صرفوها وعذرا على الكلمه هذي مافي قاونين تردع امثال الناس ذول اذا ممنوع ضرب المجرم او حرمو من الاكل والشرب في التحقيق قال ايه حقوق الانسان حقوق المجرمين وونحنا المواطنين لنا التراب المهم لقيو معاهم مايقارب 6 الاف ريال لما سالنا قلنا من حقنا ناخذها لانهم هما اعترفو 40 الف وما اعطونا هيا قال العقيد لا هذي نوديها بيت مال المسلمين لين ما يحكم القاضي وممكن نعطيكم هيا وممكن تروح لبيت المال وغير كذا التكارنه الاثنين ذول جاين وعليهم قضايا سابقه سحر وشعوذه ونصب واحتيال واختلاس اموواااال فين المسؤلين فين الحكومه امثال ذول الناس مفروض ما يدخلو البلد نهائي مفروض يشوفو الويل في التحقيق عشان يعترفو مستحيل مجرم يعترف بمجرد كلام وهذي فلوس مو قليله قربت على المليون هذي تعيشهم احسن عيشه فبلدهم جاتهم على طبق من ذهب كل الي اقوله حسبي الله ونعم الوكيل واسف على الاطاله بس حبيت اكتب قصتي عشان الناس تستفيد وينتبهو لي ابوانهم الي قلوبهم طيبه وعلى نيتهم من اشكال الناس هذي وكل الي ارجوه انكم تدعو للوالد انو ربي يصبره على المصيبه هذي ويعوض عليه خير هذي الدعوه الي اتمناها واسف جدا جدا جدا على الاطاله بس الله لا يذوق الي ذقناه ويكفيكم شر عيال الحرام |
|
|
|
27-06-2009, 01:17 PM
|
#2 (permalink) |
|
مسافر خبير
تاريخ التسجيل: Jan 2007
الدولة: تحت أقدام أمي
رقم العضوية :119934
المشاركات: 2,013
|
الله يعينكـ ياغالي
والحمدلله على سلامة الوالد وجزاكـ الله خير عالنصيحة أنا أتوقع أن تقدم على الأماره برقيه وكذلكـ برقيه لسمو سيدي وزير الداخليه لتكوين لجنه في هذا الموضوع وبأذن الله يرجع لكم حقكم حسبي الله على المشعوذين والسحره وعسى ربي يبيدهم أجمعين |
|
|
|
|
27-06-2009, 02:32 PM
|
#5 (permalink) |
|
مسافر متالق
تاريخ التسجيل: Apr 2008
الدولة: بين " مد / جزر "
رقم العضوية :180369
المشاركات: 1,053
|
ail ai ail تعرف حاجه؟ خلااااص الوقت هذا مُخيف ! صدقني من واقع تجربتكم .. ومن واقع تجارب كثير من الناس ! يعني قبل تطلع من البيت لازم "تستقري يعني المعوذات وتقول "بسم الله توكلت على الله ولاحول ولاقوة الا بالله العلي العظيم " مايكون للشيطان عليك درب! والله يعافي ويشافي الوالد .. ويعوّض عليه خير .. الفلوس .. بالنسبه للصحه " لاشيئ " ولكن معاك حق, المبلغ جامد |
|
|
|
|
27-06-2009, 06:19 PM
|
#13 (permalink) |
|
مسافر متالق
تاريخ التسجيل: Jan 2009
الدولة: وســـــ الخلاط ــــــــــط
رقم العضوية :238108
المشاركات: 662
|
حسبي الله ونعم الوكيل فيهم
حمدالله على سلامة الوالد أهم حاجه الفلوس مقدور عليها احنا اللي نجيبها مو هيا اللي تجيبنا كثر وجود التكارين في مكه ياخي والمشكله لما يبغو يسافرو يجلسو تحت الكوبري في شارع منصور وتجي الجوازات بكل بساطه تسفرهم ولا احد داري عن مشاكلهم متخلف ومالو اثبات لا والمصيبه التكارين اللي ساكنين خلف المرور في ام الجود ياسلام في حمايه المرور يشيكو ع الدوريات وخفريات الإستلام ... انا افتكر جاني واحد من التكارين في شارع الستين ودخل يده جوة السياره سرق الشنطه حقت الوالده وحاول يشرد .. أصلا ماخليته يلحق يمشي صدمته بالسياره ونزلت أفتريت فيه افترى الحمدلله انا العب تايكواندو حزام اسود 2 دان واخدت الشنطه وسبته مرمي ومشيت الله ينتقم منهم .... معليش ع الإطاله وشكرا ع النصيحه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:29 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||