 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى فرنسا. |
 |
|
|
أدوات الموضوع | انواع عرض الموضوع |
|
|
20-06-2009, 11:30 PM
|
#1 (permalink) |
|
مسافر متالق
تاريخ التسجيل: May 2009
رقم العضوية :256678
المشاركات: 1,044
|
برنامج مقترح لشخصين لمدة 7 ايام
برنامج مقترح لرحلة مكونة من شخصين ، قولولي رايكم ، و اذا فيه معلومة خطأ ياليت تفيدوني .. المكان : باريس الفندق : Elysee Park Hotel المدة : 7 ايام اذا كان الوصول قبل موعد ال Check Inn في الفندق ، روحوا الفندق و خلوا الشنط عند الريسيبشن ، و انزلوا على الشانز ، اتمشوا شوي و مروا على سوبرماركت اسمه Monoprix اسعاره حلوة و اهم شي اشتروا الموية من السوبرماركت لان الي بالفندق مو اقل من 20 ريال .. السوبرماركت قبل فندق الماريوت على اليمين (على الشارع العام ) ، قريب من سيفورا . بعدين اتغدوا في احد المطاعم العربية الي في الشانز : مطعم نورا الديوان : شارع جورج الخامس Gorge V على اليسار ، سندويتشات و مشاوي . جولستان (ايراني ) يمحدون اكله ، على الشارع العام عند Nike على اليسار العجمي شاورما ... الخ ، خلي الفوكيت على يسارك و ادخلي يسار ، يجيك العجمي على اليسار و فيه مطاعم اجنبية مثل انتركوت ، PAUL ، كونفوفيوم Convivium ايطالي غرب قوس النصر في شارع فيكتور هوجو ، مطعم زيتي ايطالي Ziti بعد هاجن داز ، مطعم ديب Deip ( صيني ) قريب من زيتي الايطالي ، و عندك بيتزا بينو مرة مشهور ، Quick هذا زي ماك ، و هاجن داز هناك مسوي زحمة و جلسته حلوة .... اليوم الاول : اول شي لازم تاخذون الباص الاحمر ، عشان تعرفون وين تروحون ثاني يوم ، وممكن تنزلون في مكان اذا عجبكم و تركبون مع الباص الي يمر نفس المكان الي نزلتوا فيه ، كل 10 دقايق يمر باص في نفس المكان و يكمل للمحطة الي بعدها . التذكرة تاخذينها من سواق الباص ، و معها سماعات تسمعين شرح للمكان الي تمرون فيه ، و خريطة لمحطات التوقف ، في كل شارع تلقون اشارة يوقف عندها الباص ، فيه تذاكر يوم او يومين او ثلاث ، اذا شريتوها انتبهوا للتريخ لان دايم ينصبون على السياح فيها ، تدفعين ليومين و يعطونك يوم ، اغلب السواقين مغاربة (الي في الباص الاحمر ) هذا الباص يدور فيك على اهم معالم باريس .. وهذا مسار الباص الاحمر ، تبدأ الرحلات و تنتهي في الشانز عند قوس النصر بالضبط .. (مقتبس من الاخت ام سيف ) Champs-Elysees الشانزليزيه Arc de Triomphe قوس النصر Concorde كونكورد Madeleine مادلين Opera الأوبرا Louvre Museum متحف اللوفر Cite, Saint Louis الاستشهاد ، وسانت لويس Notre-Dame نوتردام Seine River نهر السين Orsay Museum Orsay Invalides Eiffel Tower Trocadero ــــــــــــــــــــــــــــــــــ تستمر الرحله ساعتين وربع . اذا خلصتوا بيرجعكم الباص نفس المكان الي اخذتوه منه في الشانز ، ممكن تكملون مشي في شوارع الشانز ، و تتعشون في مطعم او تقعدون في قهوة .. المطاعم الي فيها لحم حلال يكون مكتوب على الباب من برة حلال .. اليوم الثاني : بعد ما تفطرون ( في الفندق او في الشانز ) اركبوا الباص الاحمر وانزلوا عند برج ايفل Eifel Tower، او روحوله مشي ، ربع ساعة من الشانز ، هذا وصفه اذا بتروحونله مشي : من الشانز العام ، ادخلي شارع جورج الخامس الي فيه الفور سيزن و فندق جورج الخامس اسم الشارع بالفرنسي Gorge V ، و امشي على طول لين اخر الشارع ، يجيك جسر اسمه Potn de L'alma كملي مشي فوق الجسر لين توصلين آخره و ادخلي يمين ، يجيك برج ايفل قدامك .. البرج قدامه طابور عشان تشترين تذكرة و تطلعينله ، التذكرة انواع حسب كم دور تبين ، احلى شي تطلعين لاخر دور ، و بعد ما تنزلين من البرج ، لازم تاكلين كريب من الكشك الي عند البرج ، و بعدين تاخذين قارب في نهر السين ، مع غداء او عشاء او بدون شي ، ياخذك لفة في النهر تشوفين كل معالم باريس ، القارب احلى في النهار ، و بعدين بيرجعك للبرج مرة ثانية ، بعد كذا ارجعي مشي للشانز من نفس الطريق ، او كملي للحديقة الي قدام برج ايفل مرة حلوة وبعدين ارجعي للشانز بالتاكسي او مشي .. اليوم الثالث : متحف اللوفر Musee De Louvre ، ممكن تروحينله مشي من الفندق لانه مرة قريب بعد اللوفر عندك متحف الشمع ، اسمه Musee Grevin ، مكانه ورا اللوفر تحت على النهر ، يفتح من 10 الى 6:30 ماعدا السبت و الاحد ، بعده اطلعي على مجمع اسمه Fourum De Halles مجمع و حديقة. وفيه الشارع الي فوق اللوفر اسمه ريفولي Rue De Rivoli فيه محلات كثيرة و امتداده الى جهة الشانز ، اذا خلصتوا خذو ميترو و روحوا محطة chaussee d'Antin- la Fayette ، عشان تروحين مجمع جالاري لا فييت Gallery La Fayette و مجمع البرنتان Les Prentamps ، او روحوا مشي اذا فيكم قوة .. المجمع الاول غالي و كله ماركات ، 7 ادوار ، و الثاني اسعاره عادية . بعدين ارجعوا الفندق مشي او اذا معكم اشياء كثير ارجعوا بالباص الاحمر يرجعكم على طول للشانز ، او بالتاكسي لانه مرة قريب . اليوم الرابع : يورو ديزني Euro Disney و الاوت لت La Valee Village عن طريق ال Rer A4 يعني القطار ، لان ديزني تعتبر خارج باريس و الميترو ما يطلع للمناطق البعيدة ، اذا شريتي تذكرة القطار Rer تاكدي انها ذهاب و عودة 2 ways . ( الشانز فيه 4 محطات ميترو و فيهم وحدة بس الي فيها Rer هي محطة (Etoil Charle De Gaulle ) تطلعون منها لديزني . تذاكر ديزني تاخذونها من محل ديزني الي بالشانز عشان الزحمة الي في ديزني خاصة في الصيف ، او من نفس الفندق احيانا يكون عندهم في اللوبي ، و التذاكر نوعين : الاول ب 49 يورو تقريبا بس تدخلك منطقة الالعاب و المطاعم ، و الثانية ب 59 يورو للالعاب و المطاعم و الاستوديو الي فيه تصوير افلام الكرتون و الخدع السينمائية . و نفس تذاكر الدخول ممكن تستخدمونها للالعاب ، بعد ديزني روحوا للاوتلت ، بس انتبهي تراه يقفل 6:30 المغرب ، فيه باصات من ديزني توديك للاوتلت و العكس ، اذا ما تبين ديزني ممكن تروحين على طول للاوتلت .. الرجعة من نفس محطة الوصول .. بس انتبهوا اذا وصلتوا شوفوا متى يتحرك اخر Rer لا يروح عليكم .. اليوم الخامس : اذا تبين جنيف روحي محطة اسمها Gare De Lyon طبعا تروحينلها بالميترو او اتاكسي لانها بعيدة شوي بعد جالاري لا فاييت ، و مدة الرحلة باريس جنيف دايركت 3 ساعات و نص ، ممكن تحجزين بالنت ، او اسألي الفندق اذا هم يحجزونلكم ، هذا موقعهم www.raileurope.com تختارين Round Trip يعني ذهاب و عودة، و تختارين From Paris to Geneva و تحددين التاريخ و عدد الاشخاص ، طبعا الدفع بيكون بالفيزا ، و ممكن تختارين موعد الرحلة ، اذا بتروحين و ترجعين بنفس اليوم خذي اول رحلة الصباح ، ترى جنيف حدها ليلتين ما فيها معالم كثير بس طبيعة و جلسة على النهر . اذا ما تبين جنيف روحي قصر فيرساي Versailles ، تروحينله بالميترو لمحطةVersailles Rive Gauch4 ، او بالباص الي يودي للقصر ب 10 يورو ، اسألي الفندق عنه ، و اشتري التذاكر الي تدخلك القصر و الحديقة مع بعض ، بعد ما تخلصين القصر ، ياخذ تقريبا 5 ساعات ، انزلي للحديقة و استأجري قطار ، او حصان ، او سيارة جولف و هي الاحلى طبعا ، بس لازم زوجك ياخذ رخصته .. ـــــــــــــــــــ هذه مقترحات لليوم السادس ... -اذا بتقصين شعرك في صالون يمدحونه مرة في الشانز ، اسم المحل Alexander Zouary هذا رقمهم بس ترى ما اعرف اذا عندهم قسم محجبات ، المحل هذا له فرع في جدة و انا مجربتهم .. محلهم خيااااالي ، هذا رقمهم +33147239700 ، موقعهم في الشانز في شارع Avenue De President ، تروحين نفس طريق برج ايفل من شارع جورج الخامس على طول لين يجيك الدوار الي قبل الجسر الي يوديك لبرج ايفل ادخلي يمين ، المحل في هذاك الشارع .. -و فيه منطقة اللاديفانس La Defiance مقابلة للشانز من الجهة الثانية عكس اللوفر ، تروحينلها بالميترو رقم 1 الاصفر من الشانز ، محطة الوصول لهاLa Defense ، هذه اكبر محطة و تنزلك على المول على طول ، و فيها محطة قطارات Rer ، هذه المنطقة كلها ناطحات سحاب و مباني جديدة ، و كلها مشي ماتدخلها سيارات ، فيها مجمعين Le Dome و 4 Temps . -و فيه حي الرسامين عند هضبة مونتمارت Montmartre ، فيها محلات كثير و مطاعم ، محطة الميترو Lamarck Caulaincourt -في شركة سياحية توديكم للاماكن البعيدة و اي مدينة ثانية في اوروبا ، عندهم عروض يوم كامل او 6 ساعات مع غداء او عشاء ومرشد سياحي ، هذا موقعهم وفيه الاسعار : Paris Vision - Excursions, visites guidées, séjours à Paris et en France en autocar ou minibus و هذا www.pariscityrama.com اذا احتجتوا اي شي فيه مكاتب استعلامات في كل شارع لوحتهم زرقا ، ممكن تسألونهم عن اي شي ، و في اللوبي بعد دايما يكون فيه كونسيرج Concierge مرشد سياحي يقولكم اوقات عمل الاماكن السياحية و محطات الميترو لكل مكان ، و يظبطلكم حجوزات المطاعم الي في الشانز (ترى اغلبها لازم حجز خاصة في الصيف ) .. و بالسلامة ان شالله .... |
|
|
|
21-06-2009, 03:35 PM
|
#3 (permalink) | |
|
مسافر متالق
تاريخ التسجيل: May 2009
رقم العضوية :256678
المشاركات: 1,044
|
اقتباس:
مشكور اخوي على المرور و ياليت اذا فيه معلومة خطأ تعلمني ... |
|
|
|
|
|
21-06-2009, 07:48 PM
|
#4 (permalink) |
|
مسافر فعال
تاريخ التسجيل: Jun 2009
رقم العضوية :260810
المشاركات: 80
|
أختي الجدول جميل ورائع وغطى باريس حته حته على قولتهم ومناسب للجميع بس فيه ايام فيها فراغ كبير يعني لو بنفصل كل يوم بالساعات راح نلاقي ان بعض الاشياء تاخذ ساعه او ساعتين وبعدها يكون اليوم فاضي يعني مثلا اول يوم انتي قلتي انهم واصلين قبل الشيك ان يعني الظهر تقريبا وراحوا تغدوا وبعدين ركبوا الباص يعني اتوقع ع الساعه 5 او 6 بالكثير هم خالصين من الباص ويبقى نص اليوم تقريبا هاذي وجهة نظري الشخصيه لاني من الناس اللي يطلع الصبح ومايرجع الى اخر الليل ههههههههه <<<<<<< يحلل كل يوم من السفر
 |
|
|
|
|
21-06-2009, 08:44 PM
|
#5 (permalink) | |
|
مسافر متالق
تاريخ التسجيل: May 2009
رقم العضوية :256678
المشاركات: 1,044
|
اقتباس:
بيني و بينك انا احب اخلص المشاوير بدري يعني قبل 8 ،ومن بعد 8 في الشانز و السهر وسعة الصدر  ـــــــــــــــــــــــــــــــــــــــــــ حياك اخوي و نورت الموضوع بردودك ... و اذا عندك برنامج مقترح غيره ياليت تنزله .. و انتظر ردك على موضوعي الثاني (( اروح جنيف ولا لأ )) ؟؟؟  |
|
|
|
|
|
22-06-2009, 09:09 AM
|
#6 (permalink) |
|
مسافر متميز
تاريخ التسجيل: Aug 2007
الدولة: Kingdom Of Saudi Arabia
رقم العضوية :152510
المشاركات: 343
|
خطييييييييييييييييييرة سهلتي عليا كثييير ...بالضبط انا اذا الله سهل روحتنا حتكون جلستي 7 ايام بس الي لحد الان مو متاكدة منه كيف طريقه تذكرة دزني والاوت لت بالمترو يني لو نزلت في الاوت لت اقدر استخدم نفس التذكرة توديني لدزني وارجع منها للشانز؟؟؟؟؟
ياليت لو عندك فكرة تشرحيلي وغير كذا الاوت لت تنصحيني يوم لحاله ولا اخليه بنفس اليوم مع ديزني... تحياتي |
|
|
|
|
22-06-2009, 06:21 PM
|
#7 (permalink) | |
|
مسافر متالق
تاريخ التسجيل: May 2009
رقم العضوية :256678
المشاركات: 1,044
|
اقتباس:
شوفي حبيبتي اذا انتي راعية ماركات و سوووق انصحك تخلية الاوت لت اقل شي 5 ساعات ، و تراه يقفل 6:30 المساء ، فرتبي جدولك على هذا الاساس ... اذا مطوله في ديزني خلي الاوت لت يوم ثاني لحاله .. و بالنسبة للميترو ما عندي فكرة والله ، ياليت الاخوان يفيدونا ... بس الي اعرفه ان فيه باصات في ديزني توديك للاوت لت ، و العكس ، و الرجعة للشانز من نفس المحطة الي فيها الرير ، بس لازم تكون التذكرة ذهاب و اياب ... 2 ways شكرا على مرورك و نورتي موضوعي ... |
|
|
|
|
|
24-06-2009, 11:26 PM
|
#10 (permalink) | |
|
مشرف بوابة فرنسا
تاريخ التسجيل: Aug 2007
الدولة: الكويت
رقم العضوية :152802
المشاركات: 1,537
|
اقتباس:
ننتظر أراء خبراء باريس لأنني لازلت أتعلم منهم , وأنت خبيرة ممتازة بعد هذا البرنامج الرائع والذي حتما سيتفيد منة الكثيرين . الى الأمام ولا تؤلين جهدا ولا تثبط همتك بتقاريرك ومشاركاتك تنهض البوابة الفرنسية للامام  |
|
|
|
|
25-06-2009, 12:16 PM
|
#11 (permalink) | |
|
مسافر متالق
تاريخ التسجيل: May 2009
رقم العضوية :256678
المشاركات: 1,044
|
اقتباس:
ابشر باحلى تقرير من باريس كل يوم بيومه ، و احتمال يصير تعديل على الرحلة يمكن ازيد عليها يوم في بروكسيل بس انتظر الاخت Qatar 2007 ترد على بعض استفساراتي ... مشكور على المرور ونورت الموضوع .. حياك ... |
|
|
|
|
|
28-06-2009, 06:48 PM
|
#15 (permalink) | |
|
مسافر متالق
تاريخ التسجيل: May 2009
رقم العضوية :256678
المشاركات: 1,044
|
اقتباس:
بالنسبة للفندق ابشرك دخلت اشوف الاسعار طلع مافيه غرف من سبتمبر الى نوفمبر  \اما بالنسبة للاكل و السوق و الاماكن السياحية يمكن لمدة 14 احسبها على انها 200 يورو باليوم ( اكل و معالم و مواصلات + شوية تسوق على خفيف ) |
|
|
|
|
|
«
مع Rawwwaf °·.¸¸.•°سياحة باريسية لمدة 4 أيام°·.¸¸.•°للشخصيات الإستكشافية فقط.
|
ذكريات عائليه في باريس
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 12:10 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||