 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الفلبين. |
 |
|
|
أدوات الموضوع | انواع عرض الموضوع |
|
|
16-06-2009, 12:24 AM
|
#1 (permalink) |
|
مسافر متميز
تاريخ التسجيل: Jan 2007
رقم العضوية :120241
المشاركات: 221
|
عذرا على التأخير بالتقرير
اخواني الاعزاء انا مواعدكم بالتقرير والصور وانا عند الوعد بس طولوا البال شوي علي لان انزل التقارير على مراحلوالصور في الاخير وابشروا بسعدكم والتقرير سيكون ممل وتحملوني وانا عضو بالمنتدى
سبق ان ذكرت الموقف في مطار الملك خالد ونواصل الاخبار موقف بالطائرة مع الفتاة ال... المهزله في مطار هونج كونج ماذا فعل المضيف الحبشي الوسخ مدير المحطة الصيني الى الله المشتكى  قبل الاقلاع الطائره مستأجرة من خطوط اطلانطا التركيه اعتقد قديمه ومصابه بلانفلونزا جنون البقر اعتقد وعليها شعار السعوديه الله لايوفقهم دنيا واخره اعلن عن ربط الاحزمه حنا ثلاثة والكراسي اربعه يعني واحد فاضي والتفت خلفي واشوف الاربعه الخلفية فاضيه واطمر فيها شوي جتني المضيفة وقالت لو سمحت فيه واحده تبي تجلس هنا جنبك قلت لها لا ما اقبل كله على شان انام والكراسي اصلا فاضيه بس احتلال سلمي اقلعت الطائره واقلعت الكراسي قبله وكنا نطير بالكراسي فقط من الاهتزاز فيها استوت في مسارها الطبيعي شوي وتقديم العصير وبعده العشاء مثل العاده اطفاؤا الاضائه وقالو بالمعنى انطقوا واخمدوا حاولت النوم بس ملل الهدو يملاء الطائره والحناجر في اجازه مؤقته من الكلام بعد ان كنا فوق خليج عمان بعد ثلاث ساعات اعتقد قامت الفوضى والصراخ بصوت كأن الركاب كلهم يصارخون ومصدره من وحده وصياح ركضوا المضيفين لها وهي فلبينية جاها حالة هياج او مثل الجنون واخذت تضرب بيديها المضيفين وهم يسيطرون عليها بس المضيفات افركن بعيد واضاؤا الانوار وكل الركاب في اضطراب وش حصل اخوكم من حب الخبر وصلهم وقف يشوف بس اكرشوني وقالوا اجلس فينا اللي كافينا مثل ماتقول  جاء دكتور ضمن الركاب اعتقد مصري كان جالس جنبي في صالة الانتظار قبل الاقلاع واعطاها حقنه بالوريد وما هجدت الا بعد ربع ساعه  بس الوضع ممل اقبلنا على مطار هونج كونج واعلن الهبوط ليه ما احد يعرف قلنا اكيد على شأ المريضه هبط وهبط الخوف من هبوطه المزعج حتى ان الركاب كل واحد تمسك بالكرسي اللي قدامه على شان يضمن انه بالطائره ماهي سياره اعلن ان الطائره فيها خلل وسوف يصلح بعد ساعه وطلب انا ننطق بالاماكن قلنا الله يستر من الثالثه بعد ساعتين من الملل نزلونا لمطار هونج كونج المطار فخم جدا بس انطلونا وقالوا بعد ثلاث ساعات تطلعون طائره اخرى الوقت الان في حدود 12 ظهرا جا العصر طلبنا من المضيفين ان نتكام مع مدير المحطه توقعنا انه سعودي طال الجدال معهم وحنا السعوديين في حدود 10 اشخاص بس بيض الله وجيهم عمل المضيف الحبشي حركه لنا اعزكم الله ولا نتشرف ذكرها بالمنتدى الغالي حركه وسخه من بعيد تجاهنا بس لو مسكناه بعناه بزبيبه جانا امن المطار وبعد شوي طلع لنا الصيني مدير المحطه السعوديه اخر زمان ما كن فيه كوادر سعوديه محله قلنا سكنونا في فندق بلاش مهازل قال اطلعوا واسكنوا وجيبوا الفواتير وحنا نسددكم  على الذقون قلنا ما حنا مغفلين انت تعرف اننا مامعنا فيزه قال شوي وارجع فرك وارسل العمال يعطونا بطانبات كنا حجاج منقلبين نطل الاكل مجاني الله لايكثر خير الخطوط النصابه صلينا الفجر فيه مسجد صغير بالمطار عباره عن غرفه فيها سجاد ولافته مكتوب مسجد قبل الفجر قالوا لنا فيه سرقه كبيره من يحب يدخل فيها يجي يدفع 400 $ ويطلع بالرحله الجديده نصب ماوراه نصب بس فيه واحد كان جالس معي سعودي دفع لهم المسكين وطلع اعلنوا الساعه 9 فتح الرحله اعتقد نفس الطائره القرمبع او ان الطاقم تغير الى الورده طلعنا وحنا بين شاتم ومشتوم اقبلنا على مطار الورده بانت معالمه  لي عوده واكمال المواقف المعنونه قريبا |
|
|
|
16-06-2009, 05:27 AM
|
#2 (permalink) |
|
مسافر متميز
تاريخ التسجيل: Jun 2009
رقم العضوية :262924
المشاركات: 150
|
هلا اخوي باااسل تعودنا على الخطوط وربي مشكله نعاني منها من زماااااااااااااااان وربي حرام تكون واجهة بلدنا بسمعته
ومكانته على العموم مالنا الا الله يرحمنا برحمته سرق ونهب عيني عينك اجانب في خطوطنا الخارجيه وكنا نطرهم اذا بغينا خدمه تحياتي لك |
|
|
|
|
16-06-2009, 07:16 AM
|
#5 (permalink) |
|
مسافر متميز
تاريخ التسجيل: Sep 2008
رقم العضوية :218472
المشاركات: 176
|
ياهلا ومسهلا.. وكل ماتتأخر في التقرير يحلى اكثر واكثر..
في البداية كان التقرير واضح.. وبعده..  بالنسبالي ياليت تذكر ماهو السبب اللي خله هالمضيف يعمل مثل هالحركه.. فلكل فعل ردة فعل..  وبعدين في شي اسمه مسؤولين وشكاوي واداره وطيران مدني كله يضمن حقك.. والله يعطيك العافيه.. واتمنى تذكر موضوع 400$ وتوضحه لنا بالتفصيل ومنتظرين باقي التقرير ولو تأخر مثل سابقه.. |
|
|
|
|
16-06-2009, 11:22 AM
|
#6 (permalink) | |
|
مسافر متميز
تاريخ التسجيل: Jan 2007
رقم العضوية :120241
المشاركات: 221
|
اقتباس:
اما الحبشي بعد ماصجينا عليه وهو في القيت رفع اصبعه لنا وانت تفهم على شان قلنا نبي نشتكي |
|
|
|
|
|
16-06-2009, 10:48 AM
|
#7 (permalink) |
|
مسافر متميز
تاريخ التسجيل: Apr 2009
الدولة: القصيم _ بهووووول
رقم العضوية :250823
المشاركات: 275
|
هلا بأخوي باسل والله شكله رحله مملوءه بالمواقف يعطيك العافيه وعلى ماقال اخوي رحال تكفى نبي بالتفاصيل حتى نبي وش قالولك يوم تختم في مطار الملك خالد ويعطيك العافيه وحنا معك بس لا تطول علينا تفكى
|
|
|
|
|
16-06-2009, 11:25 AM
|
#8 (permalink) | |
|
مسافر متميز
تاريخ التسجيل: Jan 2007
رقم العضوية :120241
المشاركات: 221
|
اقتباس:
|
|
|
|
|
|
16-06-2009, 10:55 AM
|
#9 (permalink) |
|
مسافر متميز
تاريخ التسجيل: Jul 2007
رقم العضوية :142788
المشاركات: 299
|
اوووووووووووووووووووه
مبين سفرتك فيلم اكشن بسرعة تكفاااااااااااااااا لاتتاخر عليناااااا بس صراحة انت غلطاااااان في احد يسافر على الخطوط السعودية ؟؟؟؟؟؟؟؟؟؟؟؟؟؟؟؟؟؟انا خبري فيها قبل 15 سنة بعد موقف واحد منهم حرمت السفر عليها ومن ذاك الوقت لو يكون مافي الا هي اكنسل السفر ولا اركب معاهم يعطيييييييييك العافية |
|
|
|
|
16-06-2009, 11:28 AM
|
#10 (permalink) | |
|
مسافر متميز
تاريخ التسجيل: Jan 2007
رقم العضوية :120241
المشاركات: 221
|
اقتباس:
لي عوده قريبــــــــــــــــــــــــــــــــــــــــــــــ ــــــــه ان شاء الله |
|
|
|
|
|
16-06-2009, 05:25 PM
|
#12 (permalink) |
|
مسافر متميز
تاريخ التسجيل: Jan 2007
رقم العضوية :120241
المشاركات: 221
|
اقلعت الطائره بعد ساعه ونصف تقريبا شاهدنا معالم الورده كان بجانبي واحد فلبيني وزوجته ومعهم طفل اشغلنا كنه قرد بس يناقز واشغل اللي قدامنا اخوياي راحو في مقاعد ثانيه تشتتنا بس ماهي مشكله اذا شفنا الورده ابتسمنا وراح الزعل اعلن الهبوط هبط بهدوء ممتاز ماهو مثل الكابتن الارفل الاول كنا راكبين حمار عزكم الله من الجوزات كنا موافقين رحلات اخرى والسروات طويله بس مرنه جدا شوي واخلصنا اخذنا الشنط كلها وتجهنا الى خارج المطار ومتجهين الى سيارات التاكسي اللي على اليسار اذا طلعت عدينا الشناط وصارت ناقصه مثل ماذكرت سابق نسينا شنطة الرز طمرت وجبتها اخذنا تاكسي ب 400 بيسو الى مكاتي والحمد لله ان ما عندنا حجز مسبق ولا كان ضاع الى سونيت تاور على طول ولقينا شقه غرفتين بسعر اعتقد اذا مانسيت انها 3000 بيسو المهم الوقت الان بعد العصر التعب عصرنا عصر طلعنا للشقه ونزلنا الشنط قلت للاخوه وش رايكم نتغدا قالو مافينا شدة للغدا النوم النوم دخلو وناموا طمرت الى السوق وجت دجاج طازه ضبطة الكبسه بالكاتم وخليته بعد ماجهز فتحت الباب عليهم وهم شخير وهذا فاتح فمه كنه شكمان تريله والثاني بايم والمخده في جهه وهو في جهه قلت ارقدوا اخذت عمري والى الفراش مادريت اني نمت من التعب اعتقد انني نمت قبل ما اصل السري يوم وليله ما نمنا كله من الخطوط السعوديه عليهم من الله ما يستحقون حيث اهملوا الركاب المه ما دريت الا الربع يقوموني قالوا انت سويت الغذا قلت جاهز تغدينا بعد المغرب المتأخرقريب العشاء (يعني عشاء بنية الغداء دقينا الكبسه ومن التعب مالها طعم جلسنا قلنا نخطط لباكر قلت لا عندي لكم راي باكر الصباح نبي نطلع من مكاتي وانا ما احب العاصمه ابد قالوا ما فوضناك الا لمثل كذا الساعه 12 نمنا وقمت الصباح وهم نايمين وهذي عاده حتى وانا كاشت بالبر اقوم بدري ما اعرف الصفره ضبطنا المهيله وقومتهم تقهوينا ونزلت الى الشارع العام التاكسي الاول ما تفقنا والثاني والثالث نفس السعر كنهم متفقين الى وين الى بطنقس ااه يالبحر اتفقت معه وقلت البنزين عليك ما ادفع اي شي ابشر بالاكل السعر كلهم قالوا 3000 بيسو هذا نزل اى 2500 بس بعد الضحكوحاولت اكسبه شلنا العفش الذيابه منزلينه في البهو الجو ممطر والسياره وسط والسواق مرح بس يضحك ما ادري هو يضحك على اشكالنا بعد التعب ولا هو كذا مبتسم وصلنا بطنقس قال واحد نبي سمك قلنا تعرف تطبخ قال بسيط قلت تراه ماهو ضب بصراحه ما اعرف اطبخ سمك ابشروا لو كان ذبيحه من فضل اللهماهي مشكله بس سمك يفتح الله دخلنا السوق اللي على الشارع التجاري يسار قلنا للسواق تعرف السمك الزين قال شوي ولا قلي قلت وجع فيه بعد للشوي وشي للقلي قال نعم وصلنا على خير قلت لخويي لقينا طباخ السمك ما نتعداك طلعنا واخذنا شاليه بس متواضع مالقينا الا هو مانعرف اللاماكن الراقيه والسواق يمكن غشيم بسعر 2000 بيسو وهو مايسوا ولا 500 يسو بس هو الافضل لفينا بعده وصاراسوا منه رجعنا له نزلنا العزبه والاغراض حتى الشنط معنا ؛ ليه ؟ لانا ماحنا راجعين الى العاصمه ابد الوقت الان قريب الظهر سبحنا وواحد منا الاخوه سمين ماشاء الله كنه فقمه صلحت الرز بس وقلت للسواق تعال ازبط السمك لابارك الله فيك قال ما اعرف رحنا وطي ليه تسوي نفسك فاهم بالسمك وناخذه وتورطنا فيه قال ولا بروبليما قلت للربع وش رايم اكلم ام العيال تعلمنا قالوا رجاجيل ونفزع بحرمه معصي لو يطلع بربسه المهم تجمعنا عليه وحطيناه بالفرن صاج كل شوي نفتح ونذوقه وكل يصرح استوا ما استوا طلعناه وطلع وحده اللي بالوسط زينه والباقي ما كن النار مسته قلنا ماتضيق الا على الرخوم دقوه واسكتوا وجيهنا ماهي وجيه اكل بحري كان جوارنا عائله صينيه مجهزين اكلهم المهم شافوا الصن طالع كانوا كرماء ارسلوا ولد صغير منهم معه صحن صغير فيه وجه بس ما نعرف ناكلها مرق وفيه اعشاب بحري وطعمها ما ينفع قلت تراه مايجوز ناكل من اكلهم ما هم كتابيين قالوا الاخوه على شان طعمه سامج ما يجوز قلت لاولله بس ذكرت المهم بادلناهم بصن رز وقلت للربع عطوهم السمكه اللي ما استوت وفكونا منها قالوا يابخيل نعطيهم نصف السمكه الزينه قلت وش ناكل حنا قالو دق رز دقينا الرز وخلينا السمه اللي ماستوت والسواق دق الثانيه اللي ما ستوت
نواصل ولي عوده |
|
|
|
|
17-06-2009, 09:06 AM
|
#14 (permalink) |
|
مسافر متميز
تاريخ التسجيل: Jul 2007
رقم العضوية :142788
المشاركات: 299
|
هههههههههههههههههههههههههههه
هههههههههههههههههههههههههههه هههههههههههههههههههههههههه حلوة سالفة السمك كان كلمتني !!!!!!!!!!!!!!! طبخ السمك اسهل من عمل البييض اهم شئ تنظفها من الداخل وتحط في بطنها اي بهار عندك وملح وترميها بالمقلاة خمس دقايق او تحطها مع الرز اذا قرب يخلص ويصير احلى مطبق سمك مع تحيات الشييييف خالد كمل بسرعة الله يجزاك خييييييييييييير وكثر من الصور الله يخليك ( عساك صورت السمكة اللي ما ستوت ) |
|
|
|
|
17-06-2009, 10:42 AM
|
#15 (permalink) |
|
مسافر متميز
تاريخ التسجيل: Jun 2005
الدولة: السعودية الرياض - جدة
رقم العضوية :26214
المشاركات: 411
|
والله اخوي باسل الصراحة تبهذلتوا فعلا ... ودي اعلق على موضوع الخطوط وبحقائق دامغه لكن انا اعرف ان كتابتي لاتعجب البعض ...
احسن شي والمقبول نقول الخطوط السعودية لايعلى عليها وهي احسن طيران في الشرق الاوسط |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:26 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||