 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E مخصصة للتقارير المصورة لأعضاء المنتدى عن دولة الإمارات |
 |
|
|
أدوات الموضوع | انواع عرض الموضوع |
15-06-2009, 01:37 PM
|
#1 (permalink) |
 
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,678
|
*****رحلة الماسة السوداء لدار الحي *****
السلام عليكم ورحمه الله وبركاته
هذا تقرير لرحلتي السريعه لدبي دار الحي الي تقررت فجأه ..ابطالها..الماسة السوداء وبعلولها طول الله في عمره وتقرر ترك حبايب قلب امهم شنقل ومنقل في الديار للحصول على بعض الراحه والهدوء والسكينه  في البدايه بعد ماقريت بعض المواضيع عن الاخوه الكرام في منتدانا قررت الحجز في فندق اتلانتس لكن للاسف الاسيف كان الفندق فل  ولما جاف بعلولي اكتآبي من هالسالفه حاول مع كثير من مكاتب السياحه وحتى الفندق نفسه وقبل السفر بيوم تاكد الحجز للاتلانتس روم واهي اكبر من الغرف العاديه لانها كانت فل وبس حصلنا حجز لليلتين فقط لان باقي الايام كانت فل>>المهم اني اجوفه عن خاطري  سعر الغرفه 1250 درهم غير شامل الفطور لليله وحده والفندق الثاني كان كمبنسكي مول الامارات وحصلته بسعر 900 درهم لليله وحده مع الفطور حجز الطيران كان عن طريق طيران البحرين >>للاسف  وراح اقول السبب في سردي للرحله وسعر التذكره 450 درهم  على ماعتقداجار السياره تم عن طريق مكتب اجار في الرقه وكان سعرها ليوم 75 درهم ونفس السياره في الفندق ياجرونها لليوم ب250 درهم اليوم الموعود.. الساعه 5 العصر تواجدنا بالمطار لان رحلتنا على الساعه 7 ديوتي فري البحرين   المكان كان زحمه حاولنا نحصل طاوله في احد الكوفي شوبات بس للاسف ماكان في مجال قلنا نقعد في ماكدونالدز وناكل جوكليت كيك   وشكل الجوكليت كيك عندهم من اسبوع يابسه جنك تاكل خبز يابسحان وقت ركوب الطياره  كل شي كان تمام وبعد ماطارت الطياره بربع ساعه اعلن الطيار عن هبوط تدريجي  قلنا خلاص الطياره بتطيح فينا خمس دقايق والكابتن اعلن عن اعتذاره والخطأ في الي اعلنه >>جد طاح قلبنا من الخوف وبعد مانزلنا مطار دبي صارت اللويه والحوسه الاخ الكابتن نزلنا في مبنى رقم 3 والمفروض ينزلنا في المبنى رقم 1>>خطأ من الكابتن سليمي مانسى اسمه وانتم نتشاطط من مكان لي مكان ندور على شناطنا والمطار كبير >>والاخت زابره بكعب وبعد السؤال قالو لنا تاخذون تاكسي يوديكم المطار رقم 1  المهم بعد عناء حصلنا شناطنا وخذنا تاكسي يودينا حق الاتلانتس هوتيل (اليوم الاول) دريولنا عاش عاش   وصلنا الفندق وسوينا جيك ان وعلى طول نزلنا اغراضنا بالغرفه  غرفتنا       وبما ان وصلنا متاخرين وكل المطاعم سكرت خذنا تاكسي يودينا صيدليه منها مرينا خذنا لنا عشى من ماكونالدز   |
|
|
|
15-06-2009, 01:40 PM
|
#2 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,678
|
(اليوم الثاني)
يوم ثاني الصبح قمت استكشف المكان المنظر من غرفتي    احد ممرات الفندق  اللوبي  الي الخارج باتجاه السومنق بول والبيج        قعدات خارجيه على بركه السباحه   نرد لداخل الفندق   هالغرفه لاستخدام الانترنت  وهذي الغرفه للتينيجر والشباب على قوله الشخص الي هناك للتعارف والقعدات والاحتفالات بعيد عن انظار الاباء   صور متفرقه لارجاء الفندق من لوبي وممرات ومطاعم وكوفي شوبات               هاللوحه مرسومه في السقف  احد المطاعم  الطريق الي يوديكم للاكوا فينشر (وهي حديقه مائيه دخولها بالمجان للي حاجز غرفه بالفندق اما باقي الزوار فدخولها بفلوس)   كوفي شوب        بعد هالتفرفر صادنا اليوع وبعد ماجفنا المطاعم الموجوده قررنا نتغدى في مطعم الشيف المشهور لوكاتيلي المعروف باطباقه الايطاليه اللذيذه   ضيافه المطعم  صور للمطعم   طلباتنا عباره عن معكرونه مع البيكون والمشروم والدجاج بسوس ابيض   وقطع لحم  الاكل لذييييييذ جدا ويشبع تقريبا البيل كان في حدود ال400 درهم بعدها كملنا ممشانا بالفندق وهذي قسم الاطفال   نادي الاطفال ..يهتمون بالطفل وعندهم برامج لتسليته   قعدات خارجيه رايقه    والعصر توجهت للدراغون مول   طبعا اغلب الوقت ضاع واحنا ندور المكان وهم في الرجعه ضعنا الشوارع كبيره وللاسف غالبا ماتلقى لافته تقودك للدرب والكوبريات الموجوده تضيعك اكثر واكثر وطول وجودي في دبي مالقيت شرطه او مرور على الاقل يساعدونك لو ضعت وبعد عناء ليما دلينا درب الفندق كان الوقت تاخر وصار على ال12 وشي قلنا نطلب العشا بالغرفه  يابو لنا الطاوله وتحتها الفرن حق يطلع الاكل ساخن حبيت الحركه حلوة ورومنسيه  وهذي طلباتنا      علينا بالعافيه ونوم العوافي  ] |
|
|
|
|
15-06-2009, 01:58 PM
|
#3 (permalink) |
|
مسافر فعال
تاريخ التسجيل: Aug 2004
رقم العضوية :13775
المشاركات: 71
|
رووعه...وكفو عليه أبوالعيال يوم أصر على أن يحجز في أتلانتس أما اللوحات فيمكن عشان المكان مازال جديد وفي تطوير مستمر ...مع أني كنت أحبذ لأي مسافر أن يترك اتلانتس للنهاية حتى يستطيع أن يتذوق باقي فنادق دبي قبل التحلاية بأتلانتس...عموما نتمنى لكم طيب الاقامة..
|
|
|
|
|
15-06-2009, 04:13 PM
|
#7 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,678
|
(اليوم الثالث)
قمت الصبح متحمسه حق الاكوافينشر بعد ماجفت البروشرات عنه وبعد ماجفت الزحليقه الي تكون وسط اسماك القرش والاسماك الثانيه المدخل للاكوافينشر   غرفه اللوكرات والتبديل للسيدات  وسمحولي من بعدها حذفت الكاميرا وانطلقت  بس كانت تجربه حلوة ورايقه وخصوصا لما تكون في حوض واسماك القرش حولك بعد ماطلعت واستمتعت قررنا ندخل المتاهه او الدهليز وسعرها 100 درهم للشخص فيها انواع نادره من الاسماك بالاضافه الى مقتنيات نادره مطلعينها من اعماق المحيطات             فوق السقف     واخيرا تم توديع الاتلانتس >>ويه ماكان وده يطلع منه  وباذن الله لي عوده له في احد الايام ... بعدها توجهنا للكمبنسكي مول الامارات فندق راقي وفخم بس ابصراحه الي يسكن اتلانتس ماعتقد بيعجبه فندق غير ماعدا برج العرب  لوبي الفندق  التوجه للغرف  غرفتنا         كالمعتاد صادنا اليوع وفكرنا نروح مول الامارات نتغدى فيه  اللوبي  مول الامارات  احترنا بين المطاعم واستقرينا على مطعم الحلاب اللبناني وكان اختيار موفق   المقبلات حمص وتبوله  مشاوي مشكله كامله  صدر دجاج بالسوس والمشروم  الاكل لذييييذ ويمي يمي انصح فيهبعد ماخلصنا رحنا نهضم بالمشي والتسوق بالمول |
|
|
|
|
15-06-2009, 04:45 PM
|
#9 (permalink) |
|
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,678
|
قررنا ندخل مدينه الثلج بنفس المول
السعر للشخص 200 درهم ويعطونك ملابس خاصه من معطف وبانطلون ودلاغات وقفازات وجوتي ولو بغيت لوكر تدفع 10 دراهم ويرجعونها لك بعد ماترجع بطاقه اللوكر             راح اواصل بعد شوي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:52 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||