الموضوع: سوق الأحد في أكــــادير - تصويري makati

حيالله الشباب من جديد

في البداية حبيت أشكر أخي KABAYAN على المجهودات اللي سواها لي من رفع الصور و كتابته عليها هذا غير مشاركته لي في أغلب سفراتي :107:

ياشباب دائما اذكر أسم بعض الاماكن وأغلط فيها ولا انتبه الا اذا صرت ما عاد اقدر أعدل و لا تلموني لأن الكبر له دور مثل ما يقولي كباين

موضوعي اليوم بركز فيه على

سوق الأحد

قمت من نومي قبل طلعة الشمس قلت في باللي ليه ما اروح لسوق الأحد وأصور وأخليكم تشاركوني معايشة الاحداث ...

طلعت وأنا متنيشط عمري و كنت متواعد انا ورفيقي بالمطعم عشان نفطر لكن للأسف المحلات ما بعد فتحت لذلك تقابلنا وصرنا نتمشى لين مرينا سوق الأحد و هذي أول أطلالة للسوق لأننا جيناه من الطريق البعيده عشان نمشي الوقت



وهذه صورة أخرى




وهذي أحد البوابات




والغريب ان أغلب اللي يشتغلون داخل السوق ما معهم سيارات كلها ... شوفوا الصورة




وبعد ما تدخل السوق مع هذي البوابة يجيك محلات بيع الثياب المغاربية وأغلب هذا القسم يكون للملابس

لحد ما تدخل على محلات الكريستال والاواني المنزلية


ومن بعدها تجيك محلات اللحوم وطبعاً ما صورتها خفت تحوم تسبودكم

لين ما توصل أحد البوابات اللي حول اللحوم


بعدها تجيك محلات الخضار


بعدين تجيك أواني منزلية ومن بعدها ادوات الكهرب والجوالات

وفي أقصى السوق تمر على محلات تنجيد وستاير واذا بغيت ترجع تمر على محلات الجزم





وبعدها للملابس



بعدين تمر على محلات الذهب


والعذر والسموحة من لمعة الذهب ما طلعت الصورة زين


بعد ذلك نمر بطريقنا على محلات النحت على الخشب وغالبية هذي المحلات اسعارها مكتوبه يعني ما تنغش فيها







والغريب في هذا السوق تلقى محلات الخياطين بجنب بعض


وبعد كذا تلاقي الحلاقين ايضاً نفس نظام الخياطين


وهذي جولتنا بالسوق الشعبي صحيح انه بسيط لكن فيه كل شي تبيه

يحتاج له ساعتين كحد أقصى

كانت هذي الرحلة يوم الوقفة بعرفة

تحياتي

اخوى مكاتى الصراحه ما قصرت صور روعه وواضحه من جد وفعلا مواقف حق الباعه شى لا ودبابات ما شاء الله عليك دقيق با الحيل تعجبنى هذه الصور واما فلا
الصراحه انا اعجبتنى رصة الحلاقين والخياطين تذكرنى با البطحاء وزحمتها بس من جد سوق ولا روعه وانت بعد اخترت اليوم العالمى للتسوق وهو يوم الوقفه بعرفه ليلة العيد وكل عام وانت بخير(( بمناسبة ليله الوقفه) ههههه
المهم تحياتى لك وما قصرت والله
silnt man

أخي makati

موضوع رائع فعلا .... وهذه أسواق المغرب بسيطة جدا ولكن تلقى فيها إحتاجاتك اليومية ... هذا غير الجو الرائع وأنت تتمشى بها ... بإنتظار جديدك في القريب .... وربي يوفقك

تقبل تحياتي

المسافر

هلا اخوي silnt man

ومشكور لتواجدك معي

لكن اللي يعيب السوق من يشوفونك اجنبي يدبلون الاسعار لذلك اذا قال ب100 قلت ب25 ومن هذا المكاسر

تحياتي أخوي

مكاتي

عاد هذي الاسواق ما تخفاك يا سفيرنا

وأن شاء الله نكون عطينا نبذه ولو بسيطه عن هذا السوق

تحياتي

ماشاء الله.....تقرير روووعه.


ومجهود متميز جداً.


تحياتي لك.

من بعض ما عندكم اخوي الدهمشي

ونحن في أنتظار أكتمال تقريرك عن اكادير

تحياتي

أخي makati

تسلم الايادي :x1: على الصور الرائعه

يعطيك مليون عافيه حبيب قلبي :107:

في انتظار جديدك يالغالي لتتحفنا ببعض الذكريات

مشكور يالغالي وماقصرت مجهود تشكر عيله

لاتطول الغيبه ياولد بلادي :cool:

اخي makati ..

اشكرك بالزاف بالزاف بالزاف ..
على الموضوع وهو اول موضوع عن السوق العجيب ..

سوق الحد يقفل يوم الاثنين ..
موقعه , شرق طريق انزكان , وخلف حي الخيام يعني جنوبه , واقرب فندق له هو فندق المسافر . وقريب من دوار شارع محمد sanq المؤدي الى مرجان ...
فيه كل شي ماعدا بيع السيارات ..
مره حصل لي موقف غريب في السوق , نزلت للسوق اريد اشتري حاجه معينه ,,, نوع من الاعشاب ,,,
فمررت على 3 محلات ولم اجد مبتغاي ..
فذهبت للرابع وإذا به شاب ظريف فقلت له فين الاقي حاجتي فلم اجدها هنايا ؟
فسآلني هل لديك سياره ؟
فجاوبته بنعم ..

فبدآ الشاب بإقفال حانوته وانا مندهش ,,
فقال لي داك الشي كاين في انزكان هيا نمشيو لهيه ..

فآخذني الى انزكان 14 كم من اغادير وعندها سوق بحال سوق اغادير بس لما احد يقابلك في الممرات خصك تمشي عن جنب من ضيقها ,,, وسوق انزكان هذا مشهور بتوفر كل شي فيه بالجمله ورخيص عن اغادير ,,,

وصلنا للسوق واخذنا داك الشي ورجعنا لاغادير وانا مستغرب من تصرفه ..
ونشآت علاقه صداقه بيني وبينه وكل عام ازوره في حانوته وهديه ,,, قرعة برفان ب5 ريال ,,, من محلات كل شي ب5 ريال وربك سميع الدعاء ..
مع العلم انه مجرد بياع في المحل ..
الله يذكرك بالخير ياسي الحسن ..
هذه القصه فسوق الحد ....

اما البرتقال ,, الحامض ,, تاتي القلابات في الصبح وتقلبه بين محال الخضار يعني بطحاء :109:
وشوف اكوام من البرتقال يالله انت وجهدك والكيلو ب درهم ونص ..

اول ماتدخل السوق هناك باعه يبيعون المكاتل ,, القفه ,, الزنابيل ذات حجم كبير لكي تضع جميع خضارك فيه , طبعا مافيه نايلون بحالنا حط كل شي على بعضه في المكتل ,,, وإذا معك دري غلبك لحقه الخضره بالمكتل ,,, :109: :109:

سوق عجيب ..
وهناك باعه متجولين يبيعون النايلون ابو ماركه مسجله اسودx اسود وينادون ,, الميكا ,,
واذا صقع جنبك وانت غافل تطلق اللي في يدك :109: :109:

الذهب ..
عندهم طريقه في البيع وهي ..
تكون قطعه ذهبيه اعجبتك وتكون غاليه ولم تستطع على سعرها ..
فتتفق مع البايع على قسط شهري ويحتفظ بالقطعه عنده حتى يكتمل السعر وسداد كامل المبلغ ومن بعد تاخذ القطعه ....وهذا الحال ينطبق على اغلب بضاعة السوق ..

البال ..
ملابس واحذيه مستخدمه في اوربا وتباع في السوق بسعر معقول ..

49 درهم ..
العطر الماركه العالميه غالي بالمغرب سعره من 550 درهم وانت طالع ..
هناك محل مشهور يعرف ب49 درهم ..
تختار اي عطر ويولف ريحته توليف ,,, نقطه مركزه من العطر + الكول ,,, وتطلع ريحة العطر المطلوب..
بالسعر اعلاه :107:

[poem=font="Simplified Arabic,5,darkblue,bold,italic" bkcolor="transparent" bkimage="backgrounds/4.gif" border="ridge,4,gray" type=0 line=0 align=center use=ex num="0,black"]
والله احبك ياسوق الحد = لاجل الحسن كاين فيك
نشمي ومصواب لابعد حد = واذكر عطرك لاجاء طاريك
[/poem]

نسيت اقولكم ..
عند بوابة السوق الشرقيه هناك باعه معهم كروسات يبيعون حبش وببوش وابو فروه :109: