 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
27-03-2005, 03:54 PM
|
#1 (permalink) |
|
مداوي الزعطات
تاريخ التسجيل: Feb 2004
الدولة: K.S.A
رقم العضوية :1709
المشاركات: 3,667
|
سبحان الله...الدهمشي يتحول إلى الطبوزي أثناء رحلته إلى المغرب.
مساكم أو صبحكم الله بالخير جميعاً.....في البداية أحب أوجه خالص الشكر والامتنان لصديقي وعزيزي محسن 1980 الذي ساعدني بكل مايستطيع من معلومات وتفصيلات في سبيل إنجاح رحلتي إلى بلاد الأطلس كما لا أنسى أن أشيد بالمجهود الجبار لمشرفنا المسافر في تحميل الصور إلى موقع استضافة الصور وتنسيقها.....بداية الرحلة....
**ملاحظة كلمة الطبوزي معناها بالمغربي الدبوب. توجهنا إلى مطار الملك خالد الدولي بعد ما كل واحد زبط وربط عفشه <== يمديكم على السجع  طبعاً الرحلة هذي تتكون من شخصين وصحنين بصل وكيلو لحمة <== طلعت طبخه ... وبعد ما الحمد الله كل واحد ختم جوازه ودخلنا الصالة الداخلية.....ويجينا ذاك الشعور اللي خلاص تحس إن مافيه شيء يعوق بينك وبين ديرتك وحبايبك (المغرب) بإذن الله طبعاً....إلا مسافة الطريق <== يعني جبت جديد !!!!!!!....وجلسنا في الانتضار يحدونا الأمل <== والله إني رومانسي .....وكل ساعة تمر كنها دقيقه ....أو مدري كل دقيقه تمر كنها ساعة....اختاروا اللي يعجبكم وخلوا الباقي ....ونبدأ الرحلة بذيك الابتسامة من ذيك المضيفة (ترى مهيب زينة) بس أكيد ابتسامتها أزين اللي تحسسك بالراحة وكل الأمور بإذن الله تمام...... انطباعي عن الطياره بصراحة مهوب ذاك الزود....الخطوط المغربيه يحاولون يجتهدون في خدمتك....لكن طيارتهم تقول راكب من البطحاء إلى العلياء بريالين....بعد ساعتين توقفنا في مطار القاهرة الدولي للتزود بالركاب مهوب للتزود بالوقود أو الاثنين مع بعض....المهم أقلعنا بعد ماجتنا ريحة الفلافل والثوم والبصل مع إخواننا القادمين من مصر (وسمعني أحلى تحية للرقالة) هههه.بعدها استمرت الرحلة حوالي سبع ساعات حتى وصلنا لمطار محمد الخامس وتجينا ذيك الريحة وحنا في الطيارة اللي مدري وشي بس بصراحة زينه <== ايه هين (مهوب نصاب أبد)....وننزل للمطار ونختم جوازاتنا والحمد الله مشت الأمور تمام بالنسبة لي ....حاول الموظف في الجوازات بتزني بس عطيته الهذره اللي يحبها قلبك في الصميم واسكت (مهوب عاقل الشاب رزقي) ....جاني الموظف وقالي وين الإكرامية وقلت له "ماكاينش والوا" وهو اللي يزعل  ويحاول إنه يماطل فيني وأنا راكب راسي مانيب معطيه لو يطير ويوقع....قدامي الأوربيين يمشيهم ولا يحكي معهم بهالأمور وأنا يستقعد لي!!!!!!!!.....المهم بعد إلحاح واقوله "الكاين معايا ترفل تشيك" "بغيتي ترفل تشيك ياك" وأنا أضحك ....وهو يمشيني بسرعه .....بالنسبة لخويي أول مره يروح مسكين وتورط مع واحد وقال له مامعي صرف....قال له أجل عطني أي شيء ....وهو اللي يعطيه خمسين ريال سعودي.....ماعلينا....تعدينا الجمارك.......لأن ماكان معانا شناط.....مأكدين من الرياض على اساس شناطنا تنزل في أقادير لأني عارف الاستهبال اللي في مطار محمد الخامس والإكراميات والبخاشيش ورأصني يا قدع.......بعد ذلك....ونتعدى الحاجز الزجاجي ونطلع الدرج وأشم ذيك الريحة اللي ودي إني معبي منها 10 قوارير (ريحة هواء كازا)<== بيستانس ولد الدرب على هالكلمة  ...... وعلى طول توجهنا إلى شباك الحجوزات الداخلية لأخذ البوردنق على رحلة كازا أقادير (ياعمري على أقادير)...وفعلاً تم ذلك ،،، وبعد كذا حسيت إن في مكان عزيز على قلبي لازم أمره....ألا وهو الكافي شوب المقسوم قسمين بعد الصيدلية....وحنا اللي نجلس فيه ونطلب لك ذاك الأتاي اللي يحبه قلبك...ومن زود الفسق طالبين شوكليت كيك ولا أكلناه.....عجباً أحد يروح للمغرب ويشتهي يآكل!!!!! <== حلووه عجباً. وهذي الصوره. وهذي صوره الأتاي بعد تعمير أكوابنا فيه.  وهذي صورة الأتاي والتشوكليت كيك......  وهذي بعض المشاهدات من مطار كازا بس لا تدققون ترى الكاميرة كاميرة جوالي يعني الوضوح لك عليه لأن كاميرتي في الشنطة ولا طلعتها...بس على قولتهم العوض ولا القطيعه.  نافورة مطار محمد الخامس  صورة مجسم المطار المحفوظ في الزجاج وبعد ما صلينا و أخذنا قسطاً من الراحة في المسجد اللي تحت ......ولا يفوتكم الوضوء فيه.....حاجة غريبة....المويه اللي في دورات المياه عزكم الله تقول طالعه من ثلاجه!!!! بارده جداً ما أدري وش السر!!!!!!....توجهنا إلى بوابة الرحلة وهذي صورة الطيارة الداخليه...ولفت انتباهي كثره الأوربيين المسافرين لأقادير؟؟؟؟ على بالي بس أنا وتميم ومحسن اللي نحبها!!!!! وهذي صورة الطيارة اللي أخذتنا إلى بلاد المحبة والمسرة.  بعد الدخول للمطار ولازم ينتبه الواحد إذا كان مختم في مطار كازا مايتوجه إلى كاونترات الجوازات يطلع على طول <== يعني جايب معلومة جديده أنت ووجهك!!! .....وبعد كذا أخذنا شناطنا وتوجهنا إلى بوابة الخروج ولا مانع من تفتيش خفيف ليس الغرض منه بخشيش (وأنا صادق فيها) وإنما للتأكد فقط....لأنه على ما أضن فيه لزقه حمراء تبين إن الشنطة ماتفتشت في مطار الوصول أو شيء زي كذا.....على العموم وأول ماطلعت من المطار وأنا أصرخ ذيك الصرخه المدويه التي أدت إلى مصرع خمسة أوربيين وبنقلاديشي وثلاثة هنود <== حشا مهيب صرخة مدفع هاون ماشاء الله علي....بصراحة صرخت بأعلى صوتي "راني توحشتك يا اقادير الهناء والسعادة"....وماحسيت بنفسي إلا وخويي يصفقني ذاك الكف ويقول لي أنت مجنون وش فيك تصارخ!!!! قلت لا تلومني ولهاااااااااااان أنا بالحيل ولهاااااااااااااان <== مسوي محمد عبده....... وهذي صورة المطار من الخارج وألتفت من الجهه الثانية وألاقي شخص يناديني سي الدهمشي سي الدهمشي <== ايه هين  .....وأطالعه وإلا هذا صديقي سواك الطاكسي حسين وأسلم عليه وأتحفى فيه <== ترجم أتحفى فيه للمغربي ...."وا صاحبي كي داير كل شيء بخير لا باس عليك...." ومن هالكلام الزوين وحنا نحمل شناطنا ونركب الطاكسي ونتوجه إلى اقادير (صورة الطاكسي)  وصورة خارجية من الطريق المؤدي إلى أقادير  وعلى طول على أسواق المرجان علشان نشتري بعض الأغراض من ماء ومشروبات غازيه وحلويات(تراه ما أشترى كرتون توكس أبد) مشاهداتي في المرجان....سوق مررره حلووو وكبير وكل شيء تبيه تلقاه....وسبحان الله كل الناس جوى مبسوطة وتسلم عليك <== وخروا عن ليوناردوا دي كابريوا ....وبعد ماقضينا تقريباً ساعة ونصف توجهنا إلى مجاهل"<== طلع سفاري في أفريقيا مهوب فندق".... صحارى اللي كل يحكي عنه......وإليكم بعض الصور........صورة مدخل الغرفة بس لا تطالعون شنطتي  صورة الجلسة الجانبية في الغرفة بس لا تطالعون مسجلي  صورة السيفتي بوكس ديالي (بس على فكرة ترى عليه تشارج عشرين درهم في اليوم بدون سعر الغرفة).  صورة السرير اللي ماقد غيروا غطاء السرير (أمزح ). صورة الطاولة الأساسية في الغرفة  صورة الكومادينه <== على باله مثقف أو الطاولة المقابلة للسرير وياعيني على القرعى ديال سيدي علي وهي بارده  صورة البلكونه أو للناطقين بالإنقليزيه صورة البالكوني –تعليق- والله من مره ومره شميت هواء عليل من هالشباك  صورة دورة المياه عزكم الله  صورة الخريطة الإرشادية خلف باب الغرفة لتوخي الحذر والسلامة <== سمعتها في برنامج سلامتك موضح فيها رقم الغرفة وموقعها وموقع مخارج الطوارئ في حالة حدوث حريق لا سمح الله. صورة المرايه الجانبيه عند الدخول للغرفة (بالعربي لزوم الكشخه والتشخيص) . شعار الفندق المعلق على المفتاح...أو بالأصح صورة المفتاح المعلق على شعار الفندق....والله ياهو ثقيل الظاهر وزنه طن....  صورة الثلاجة الداخلية في الغرفة  تعمدت تصوير هذا المنظر وذلك لتحكم عزيزي القارئ على مستوى الفندق وترى فيه وجود بعض التشققات في طلاء جدران الغرفة.  صورة خارجية للفندق من ناحية المسبح أو البي سين (والله إني مثقف)   صورة الكراسي الجانيبة للمسبح يازيني وأنا منسدح على بالي بغير لون بشرتي (تاننق) <== مهوب عاقل هالأوربي.  صورة جانبية للمسبح  منظر جانبي للمسبح من خلف السياج  صورة الجاكوزي الله لا يوريكم....شكلهم ما استعملومه من ايام صلاح الدين الأيوبي  صورة للشاليهات أو الكبائن إن جاز التعبير المجاورة للمسبح  صورة للمسبح من زاوية أخرى <== مهوب عاقل المحقق كونان  صورة جانبية للمسبح <== تراك غثيتنا في ذا المسبح  صورة لحديقة الفندق  صورة أخرى لحديقة الفندق الجانبية  صورة أخرى لحديقة الفندق ويظهر فيها الطريق المؤدي إلى أحد الأبواب الخلفية المؤدية إلى الشارع  صورة خارجة للفندق والذي يعكس في بنائه الطراز المعماري الإسلامي.  صورة لمدخل الفندق الخارجي ولكن من الجهه الخلفية.  الصورة هذي سالفتها سالفة......كنت قاعد أصور وجاني هذا وقالي وش تسوي قلت له اصور الفندق علشان المنتدى...قال أجل صورني معك علشان اصير مشهور...على باله مصور قناة روتانا ....بس بصراحة من أطيب الأشخاص اللي قابلتهم ويعملون في الفندق. صورة أخرى جانبية للفندق  صورة الخيمة المسماه بخيمة أبو نواس....جلستها بعض الأحيان حلوووه وبعض الأحيان ولا بريال...والمطرب اللي فيها لو يدخل مسابقة سوبر ستار....طلعوه من أول اختبار...ماله أي دخل في الطرب ومسوي عبد الحليم  صورة دورات المياه الملحقة عزكم الله بجانب الخيمه  بصراحة ذا الصورة توضح مدى الفضاوة اللي عندي....الساعة 2.30 الظهر وقاعد أجرب الزوم حق الكاميرة بشوف ايش ممكن يصور......ويتضح في الصورة أعلام ماكدونالدز الواقعه أمام الفندق  صورة داخلية للفندق ويظهر فيها اللوبي وفي المساء تأتي مطربة فرنسية لتتغنى على أنغام الموسيقى الهاديه <== بالعربي كل يوم أمر من عندهم وأمشي ....ماله دخل بالرومانسية منظر آخر داخل الفندق وأبيكم تدققون في طراز العماره الإسلامي القديم والفوانيس المعلقه...بس يا خسارة في النهار يطفونها  منظر داخلي للفندق ويبين فيه أدوار الفندق الستة  منظر لسقف الفندق الداخلي ولا تدققون على نظافة القزاز مانظفوه الظاهر من أيام زلزال اقادير عام 1960 وإلا المفروض يصير نظيف ويشع لمعاناً <== سمعتها في دعاية صابون صحون . يا جماعة الخير تراني تعبت......بكمل لكم بعدين..... تابعوا معي الجزء الثاني الدهمشي لابس برمودا على الكورنيش......والمغاربه متصرعين (مغمى عليهم) من جمالي تقبلوا تحيات أخوكم الدهمشي. |
|
|
27-03-2005, 07:28 PM
|
#3 (permalink) |
|
خبير سفر المغرب
 
تاريخ التسجيل: Jul 2004
رقم العضوية :12640
المشاركات: 3,269
|
أخوي الدهمشي
واخيرا طلع التقرير شفت شلون (ريحة هواء كازا) ، عساك خذت نفس عميق عشان خلايا الجسم تنتعش (حرام عليك ليش ماجبتلي معك قاروره هوا) رائع اخي الكريم التقرير من اول حلقه ، صور على كيفك ( والله يانت دقيق بعد بالصور ماخليت حتى شقوق الجدران في صحارى ) المفروض يحطون بدل مجسم المطار المصغر، مجسم لهذاك اللي في التفتيش في مطار محمد الخامس اللي كنه المصك يحتريك يقول كاين شي عمله (تروه معقدني ياناس ناشب في حلقي كل رحله المره الجايه انا بقوله كاين شي عمله) في انتظار التكمله |
|
|
|
27-03-2005, 08:29 PM
|
#4 (permalink) |
|
مسافرجديد
تاريخ التسجيل: Mar 2005
رقم العضوية :18660
المشاركات: 24
|
ويلي ويلي يالدهمشي على التقرير والهدره الواعرة بصراحة ما قصرت على التقرير المفصل والله خليتني افكر بدون تفكير يعني رايح رايح من غير شر . ما شالله عليك غطيت على الاوروبين بتصويرك الحلو ، والمفروض انهم يسكنونك ببلاش لمدة يومين على الاقل عشان الدعاية الحلوة للفندق وكانك ما بغيت اليومين ترا جاهزين ناخذها عنك والله فكره .وفي انتظار بقيت التقرير على احر من الجمر .  
|
|
|
|
27-03-2005, 10:31 PM
|
#5 (permalink) |
|
مسافرجديد
تاريخ التسجيل: Mar 2005
رقم العضوية :19257
المشاركات: 3
|
Hi all my name is fahad i am sorry that i am typing in english but my computer does not support arabic.
so to cut the story short i am going to morroco this wed march 30 inshallah. and i was wandering if as they have told us that they will change some things in the hotle to make it look new. do you know anything about that. thaks. |
|
|
|
28-03-2005, 12:58 AM
|
#6 (permalink) |
|
مستشار سفر وسياحة
تاريخ التسجيل: Dec 2004
الدولة: كبينه القياده
رقم العضوية :16565
المشاركات: 4,736
|
يعطيك العافيه حبيب قلبي على التقرير الرائع
بس الله يهديك مكثر صور  المسبح شويشكلك كل يوم  نازل فيهبس بصراحه انك مصور محترف. بس مو بكميره الجوالولي تعليق  بيسط على الطاوله اللي في الغرفه(( في واحد من الشباب اللي راحو للفندق وجلس فيه 28 يوم وحب هذي الطاوله المهم قال باخذها معي للسعوديه ..عاد شوف كيف بيقنعهم ياخذها. . نزل للأداره تحت وقالهم انا كم يوم جالس عندكم ..قاله المدير 28 يوم قال طيب ممكن اخذ الطاوله اللي في الغرفه والله  أني حبيتها .. بينهم عشق مدري وشو السر اللي يخليه ياخذ الطاوله ... المهم بعد اخذ ورد واستشارات قررو انهم يعطونه ايها مقابل مبلغ معين الولد اسلوب قدر يطلعها منهم .. ثاني يوم شالوها من الغرفه علشان يشحنونها له وهو وصل والطاوله الى يومك ما وصلت )) ماصار هذا شحن !!! مشكور (( الدهمشي )) وبنتظار البقيه يالغالي |
|
|
|
28-03-2005, 07:47 AM
|
#9 (permalink) |
|
خبير سفر المغرب
تاريخ التسجيل: Mar 2005
رقم العضوية :18787
المشاركات: 1,445
|
بصراحه شغل محترم
,لالكن لا تقولنا لا تطالعون الشنطه او المسجل لاني على طول اول ما تنزل الصوره ادور عليها  الشغله الثانه والمهمه قرعة الماي مش سيدي علي !!!!!!!!!! اشم ريحة خيانه اعترف مع اي شركه تعامل ؟؟  وننتظر البقيه وبارك الله فيك |
|
|
|
28-03-2005, 07:49 AM
|
#10 (permalink) | |
|
مداوي الزعطات
تاريخ التسجيل: Feb 2004
الدولة: K.S.A
رقم العضوية :1709
المشاركات: 3,667
|
اقتباس:
شاكر لك أخوي طلتك الحلووه ومرورك الأحلى والأسعار....أسعار ايش بالضبط إذا كان قصدك الفندق...فأنا أخذته بقيمة 286 ريال سعودي من الرياض شاملة الإفطار لشخصين.وحياك الله. |
|
|
|
|
28-03-2005, 08:17 AM
|
#11 (permalink) |
|
مداوي الزعطات
تاريخ التسجيل: Feb 2004
الدولة: K.S.A
رقم العضوية :1709
المشاركات: 3,667
|
ولد الدرب شكراً على مرورك العطر على موضوعي المتواضع...وبالنسبة للشقوق كنت مصورها بس على أساس اصور الفندق بالصورة الصحيحة...وأخذ فكرة كاملة عن الفندق مزاياه وعيوبه.
وذاك الكبير اللي في المطار بصراحة مشبهه عليه...ولاعرفت منهو ويوم رجعت عرفت من كنت مشبهه عليه ===> أبو الهول خخخ. تحياتي |
|
|
|
28-03-2005, 08:22 AM
|
#12 (permalink) | |
|
مداوي الزعطات
تاريخ التسجيل: Feb 2004
الدولة: K.S.A
رقم العضوية :1709
المشاركات: 3,667
|
اقتباس:
الله يسلمك أخوي هذا من ذوقك....ياليتهم يسكنوني ببلاش كم يوم علشان الاستجمام خخخخ. وإن كان ودك تآخذها تراها حلالك خخخخ. شاكر لك مرورك وحياك الله. |
|
|
|
|
28-03-2005, 08:49 AM
|
#13 (permalink) |
|
مشرف سابق
تاريخ التسجيل: Apr 2003
رقم العضوية :208
المشاركات: 1,401
|
أخي الدهمشي
تقرير رائع وصور ولا أحلى .... فعلا جعلتنا جميعا نشعر بأننا معك في هذه الرحلة والصور أكبر برهان.... بإنتظار التتمة والإبداع كما عودتنا .... وربي يوفقك...لقد قمت بتحرير الصور بالموضوع كي تظهر بدلا من الرابط تقبل تحياتي المسافر |
|
|
|
28-03-2005, 09:55 AM
|
#14 (permalink) | |
|
مداوي الزعطات
تاريخ التسجيل: Feb 2004
الدولة: K.S.A
رقم العضوية :1709
المشاركات: 3,667
|
اقتباس:
حياك الله أخوي فهودي معنا في المنتدى بين أهلك واخوانك وتشرفنا بمعرفتك. بالنسبة للفندق من شهر 9 السنة اللي راحت وهم يقولون إنهم بيسكرونه لإجراء بعض التعديلات...وآخر كلام سمعته وأعتقد إنه أكيد...إنه راح يتسكر شهر 9 بس السنة هذي ....وبالنسبة للفترة اللي أنت مسافر فيها مررره روووعه والجو ولا أروع ولا يفوتك البحر وقت الغروب وشاكر لك مرورك وتعقيبك على الموضوع. تحياتي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
الساعة الآن 10:22 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||