 |
 |
 |
||
|
|
|
||
 |
|
 |
|
|||||||
| Tags: رحلةبالسيارة لتركيا |
|
|
أدوات الموضوع | انواع عرض الموضوع |
|
|
27-03-2005, 03:15 PM
|
#1 (permalink) |
|
ابوعبدالعزيز
تاريخ التسجيل: Jan 2004
الدولة: كويتي والهوى تركي
رقم العضوية :1592
المشاركات: 4,261
|
احدى رحلات الباب العالي بالسيارة الى تركيا .. رحلة تحدي
أخواني الاعزاء السلام عليكم بعد الحاح من أخونا العزيز بن بطوطة على كتابة أحدى رحلاتي بالسيارة الى تركيا وجدت أن اكتب رحله فيها نوع من التحدي وكان ذلك التحدي من بعض الاخوان في الديوانية وبعض الاخوان في تركيا وعلشان تعرفون الباب العالي يعشق التحدي  (( مداح نفسه يبيله رفسه ))راح اطلعكم على تفاصيلها وبالصور أن شاءلله في احدى ليالي صيف (2000 )وكان ليلة الجمعة والساعة تقريبا ( 8,30 مساء) والتاريخ (27 /7 / 2000 ) وكنا قاعدين بالديوانية عن واحد من الربع وكنت أنا وبعض الاخوان تونا راجعين من تركيا ما صار لنا اسبوع المهم تكلمنا عن السفروفجاه وصل واحد من الشباب أتصال من واحد من الربع بتركيا وكان في ازمير يقول ياجماعة أنا وصلت والشباب اللي وياى راحو حق اليونان عن طريق الرحلات البحرية منها راح يطلعون على بعض الجزر اليونانية ويمرون قبرص ويردون مرة ثانية حق أزمير وانا ضايق خلقي وقال تكفون ياشباب الفزعة واحد يجيني منكم على الاقل يوانسني وأطلع وياه نفر على مناطق الجنوب التركي ولا نطلع شمال المهم يجيني وابد ماله شغل محمول مكفول كل الشباب قامو يتطنزون عليه ويضحكون أخر شي قالهم عندكم أفلان (يا ……… ) قالوا موجود طبعاً افلان انا واعوذ بالله من قوله أنا  خذيت التيلفون وقال تكفا يابوعزوز تعالي طبعاً عزوز كان عمرة ابو سنه وسبع شهور تقريباً قلت يابن الحلال عندي دوام وتو الاجازة منتهية نط واحد من الربع وقال اتحداك قلت لاتتحدى انا لو ماعندي دوام رحلت لصاحبنا مو مثلك لادوام وعندك الاجازة ولا شغل ولا مشغله رح لصاحبنا . قال انا ماني رايح ، وبعد كلامه هذا دقيت على مكتب سفريات بعمارة الدولية وعلشان ابي أحجز قال كلش مده شهر ما فيه حجز قلت غير بدل قال ما فيه الا طيران الخليج وبعد 10 ايام طبعا الشباب شافوني ادقدق نط الحبيب وقال اتحداك تروح قلت واذا رحت قال لك قيمة تذكرة لتركيا رايح جاي عاد هو مو بخيل بس ناشف شوية  .قلت والله مادام راس بو عزوز يشم الهوى لاخليك تدفعها واشهدو عليه يالربع قالوا خلاص شاهدين عليه ولا يهمك  والله وأعطي الدوام طاف ويقوم واحد من الشباب على الكيف ((شرواكم يالرجاجيل )) قال أنا وياك على السيارة يابو عزوز قلت والله يامرحبا ومسهلا والساعة المباركة . المهم الساعة الحين بعد التفكير حوالي (12 بالليل) وباجر الجمعة والتاريخ (28 /7 / 2000) قلت زهب جنطتك انا ماشي الحين قال الحين قلت الحين . راح ابو عبدلله للبيت وزهب جنطته وانا رحت وزهبت جنطتي عاد تشاورت وياه في شنو الموتر اللي نروح عليه قال انت سيارتك 8 سلندر وانا سيارتي كذلك ما فيه الا سيارة اخوي قلت يامعود سيارتي قال لاسيارة أخوي أحسن 6 سلندر وقوية ومصوروف البنزين فيها زين قلت توكل على الله دقينا على أخوه فهد واخذنا سيارته طبعا أخوه بو عبدالله وياه توكيل من أخوه فهد على السيارة . نوع السيارة (ماكسيما فل اوبشن 1999 ) المهم طلعنا من البيت ووصلنا الساعة (02,00) صباحاً الى مركز ( السالمي ) ومنها الى المركز الحدودي السعودي ( الرقعي ) دخلنا حفر الباطن الساعة (4,45 ) فجراً طبعاً بعد تأخير ماله داعي من الرقعي الله يهداهم ويحسن أخلاقهم  تعبت التكملة في الحلقة القادمة حبايبي : |
|
|
28-03-2005, 09:27 AM
|
#4 (permalink) |
|
مسافر خبير
تاريخ التسجيل: Feb 2005
الدولة: ابشركم في السعودية....
رقم العضوية :17919
المشاركات: 2,005
|
الرحلة فيها تحدي وماكسيما
من جد رايقه الرحلة من اولها ........وسموحه يالباب من الرقعي وغيرها لانه للاسف .....اقولها وانا سعودي وشايف وعارف....يتعمدون تآخيركم بدون ايت ادنى سبب......وانت عارف الكلام الي اقصد حبيبي حقك علي, بس وتكمل قريب ولاتعلقنا......ترني انسان احب سوالفك.....عجبتني الرحله ليش فيها حماس غير طبيعي من اولها [grade="FF4500 4B0082 0000FF 000000 F4A460"]i'm waiting for you[/grade] |
|
|
|
28-03-2005, 02:25 PM
|
#6 (permalink) |
|
ابوعبدالرحمن
تاريخ التسجيل: Oct 2004
الدولة: دولة الكويت
رقم العضوية :15465
المشاركات: 2,956
|
و الله إنك فحل يا أبو عبدالعزيز تعجبني هالفزعات التي تدل على المرجلة
و أنت قدها و الله و قدود ... انا اللحين متسمر ناطر باقي الرحلة تكفه لا تبطي! و اسلم لأخيك أبو عبدالرحمن |
|
|
|
28-03-2005, 04:18 PM
|
#7 (permalink) |
|
مسافر متميز
تاريخ التسجيل: Oct 2004
الدولة: السعودية - جدة
رقم العضوية :15318
المشاركات: 330
|
روووووووووووووووووووووعة
ما شاء الله تبارك الله يا ابو عبدالعزيز بصراحة أنك إنسان رائئئئئئئئئئع. والرحلة أكيد أروع. بإنتظار البقية . الله يحفظك لا تبطيء علينا . بارك الله فيك. |
|
|
|
28-03-2005, 11:22 PM
|
#10 (permalink) |
|
مسافر خبير
تاريخ التسجيل: May 2004
رقم العضوية :3679
المشاركات: 3,774
|
صدق تحدي ...بس الله يستر من هذا الموضوع " التحدي " فى شباب راحوا فيها والسبب التحدي ...
الله يستر عليكم وعلى شبابنا ... بو عبد العزيز .... شو ردة فعل أم عبد العزيز وأنت داش وشال هدومك .... بس تدري هذي حركات أبوي ... أما أخوانى ما يقدرون يسونها ...بس الصغير والمسمي على جدي هو الي يسويها ...يعجبك .... |
|
|
|
29-03-2005, 03:55 PM
|
#11 (permalink) |
|
ابوعبدالعزيز
تاريخ التسجيل: Jan 2004
الدولة: كويتي والهوى تركي
رقم العضوية :1592
المشاركات: 4,261
|
شكراً لمروركم الكريم
أخي العزيز ومشرف القارة الاسيوية  اول حبيب شكراً لمرورك الكريم الله يسلمك وتعرف أحلي شي ترى السفر بالسيارة خاصة في الشتاء ولكن في الحر مزعج السفر ولكن اذا كنت متجه الى مناطق باردة فلا باس ان تحمل مسافة حتى تصل الى الجو البارد من أعيوني نكمل الموضوع هلا بالغالي والاخ العزيز ( هشام ) تعرف ما انظميت لحزب ابو سلطان عبث إلا من واقع تجربه  وأبشر راح أكمله يالغالي هلا وغلا بالشمراني ماكس أفا عليك ومسموح لو الشغلة بيدك جان مااستئذنت منك وعساها ما تحق عليك يالغالي وابشر تعجبك هالرحلة هلا وغلا فيك يالغالي أخ ناظم انت بعد باين من عيونك انك تعشق التحدي لاحظتها في عيونك وحنا نتعشا في القرية النجدية اللى شارع التخصصي وابشر من أعيوني الثنتين مثلك نلبي مطاليبه العمدة ابو عرب أنت الرائع بسمو أخلاقك رفع الله شئنك يالغالي وينك غايب يالغالي ما أشوفك عسا المانع خير يابو عرب ولا ما تسجل اسمك في كشف الحضور وشكراً لمرورك ياطويل العمر والله يخلي لك ابو بكر العزيز راي سلملي على شواربك يالغالي وشكراً لمرورك الغالي والعزيز والقاطع الاسطنبولي هلا بريحة أسطنبول والبوسفور وبحر أيجه والقرن الذهبي ونفحة عبير زهرة التوليب شلونك وشخبارك وينك غايب عن البوابة ترا ولهنا عليك والرحلة تقريبا راح احسبها لك من الرقعي من الرقعي الى الحديثة مروراً بحفر الباطن ورفحاء وعرعر وسكاكة وطريف حوالي ( 1100 ك) ومن الاردني السعودي ((العمري)) الى الحد الاردني السوري (( جابر)) حوالي ( 200 ك) ومن درعا الى باب الهوى وهو الحد السوري التركي مروراً بدمشق ثم حمص ثم حما ثم ادلب حوالي ( 450 ك) . ومن منطقة الريحانية الى اسطنبول حوالي ( 1350 ك ) مروراً ببلين ثم اسكندرونه ثم أضنه ثم بوزنطتي ثم قونيا ثم أفيون ثم كوتايه ثم بورصة ثم يلو ثم اسطنبول . والمكسيما بصراحة أنا أحترمتها كسيارة سفر قوية وثابته بالخط ( بس لاتخلينى أحرق االموضوع راح أقولك بعض الشغلات في الاجزاء القادمة ) ولا تصرف بنزين مثل الشفر او الفورد أو السوبربان شكراً لمرورك الكريم هلا وغلا بالاخت العزيزة مهاجرة أول شي : :: سلميلي على أخوج الصغير الفحل سمي الجد والله وبصراحة قالت : شنو مو تونا رادين وياك وقالت أنا عارف شنو اللي موديك   طبعاً تفكير الحريم كله...........  وبصراحة قالت اذا رحت ورديت راح تلقاني عند أهلي وماراح أرد قلت شنو يعني جايبه شي من عندج  بس ديري بالج تي وحده مكانج وأهنيه افتر الديلكو عندها وظربت فيوزاتها  وتوادعت من الوالدة ومنهاومن ولي العهد وقتها ما كان فيه رئيس مجلس الوزراء يوسف الجزء الثاني أن شاءلله الليلة |
|
|
|
29-03-2005, 06:05 PM
|
#14 (permalink) |
|
مسافر متميز
تاريخ التسجيل: Oct 2004
الدولة: السعودية - جدة
رقم العضوية :15318
المشاركات: 330
|
حبيبي أبو عبدالعزيز
الله يبارك فيك ويحفظك ياالحبيب وانشغلت وعسى الله ما يشغلنا إلا بطاعته. ومن اليوم راح أسجل عندك حضور في موضوعك لمتابعة آخر الحلقات. الله يحفظ لك عبدالعزيز ويوسف وأمهم وكل من تحب. |
|
|
|
29-03-2005, 08:42 PM
|
#15 (permalink) |
|
مسافر متالق
تاريخ التسجيل: Feb 2004
الدولة: الخبر
رقم العضوية :1714
المشاركات: 994
|
  الله الله يالباب العالي أيــــــــها البطل المغوار هكذا فلتكن عزاثم المتزوجــــــــون ألأحرار تفكير سريع ثم اتخاذ قـــــــــــــــــــــــــــرار ثم تجهيز الحقيبة والأنطـلاق بالسيارة أو الى المطـــار فهذه هي عزائم المتزوجــــــون الأحـــــــــــــــــرار فزدنا من تقريرك وبين للعالم قوتك وسيفك البتـــار فأخوانك أعضاء الحزب ينتضرون بطولاتك على نار  |
|
|
«
رحلتي الى استنبول التركية عاصمة الدولة العثمانية
|
نداء للأساتذة كبار المنتدى:نبي فزعتكم في خط ساحن للإجابة
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 01:06 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||