انا بصراحه بحاول اشرح لكم التفاصيل حقت اخر رحله للمغرب وبصراحه الرحله هذي قبل ما اعرفك
ولا كان خذت معي ورقه وقلم وكتبت لكم كل شي , ادري تقولون وش ها المقدمه الطويله لاكن ببدا معاكم .

بما ان هذي مش اول ولا اخر سفره للمغرب والجدول لها كل سنه فأن الترتيب للسفره يبدا قبلها بعدة اشهر
ويمكن يبداء بعد السفره على طول

اتصل فيني بوناصر وقال ها وش رايك ناخذ التذاكر اليوم ؟
قلت اكيد يمكن يسكر مكتتب السفريات مع ان السفره باقي عليها اسبوعين
وبصراحه ودي اشوف التذكره لاني استانس اذا اشوفها ونتواعد عند مكتب السفريات الساعة 6 وقبلها
ب نص ساعه كنت موجود هناك وبعد ما دخلت ولا بوفهد قاعد ينتظرني وقلت غريبه قبل الموعد ولا يقول خفت اتأخر وتسافر بروحك
المهم حجزنا لكازا و الرحله الثانيه الى مراكش قلنا له سو لنا حجز وعطنا صورة من التلكس والتذكره بناخذها من كازا لان الانتظار لمدة 4 ساعات
وما استقريتا على راي

فتره الاسبوعين اللي قبل السفر يصير الواحد احسن منه ما فيه
واذا حد طلب منه شي ما يرده وكله من الفرحه وكل شوي افتح درج السياره اتأكد التذكره موجوده ولا لا

المهم وصلنا مطار الدوحه وقلنا لهم الشنط نبغيها تروح مراكش لاني ما اواطن مطار كازا ابد
قالوا ما يصير ما عندكم تذكره وبعد ما اصرينا ان عندنا حجز وتلكس وافقوا وكتبوا على الشنط مطار مراكش

وصلنا بحفظ الله الى مطار كازا وعلى طول مكتب تحويل الرحلات ونسأ ل قالوا ما فيه رحله الا بعد 4 ساعات
يمين يسار قالوا ما فيه امل والتذكره بحوالي 1000 درهم وبعد ما تناقشنا في لاموضوع قلنا التذاكر ب 2000 درهم وفوقها انتضار 4 ساعات
ليش ما نوفر وقت وفلوس ونأجر سياره ونروح مراكش مع ان الوقت في الليل
واتفقنا على الراي والمشكله الحين ان الشنط مكتوب عليها مراكش ونكلم حقت تغيير الرحلات وانتظرنا حوالي ساعه
لين قالو خلاص شناطكم بتكون تحت وخلاص وبصراحه ما نقدر نغير راينا

المهم نزلنا تحت وصلنا للجوازات و ما كان في احد !!!!


الكونترات فاضيه ما فيه موظفين وصرنا نقلب عليهم و نغوط واقول اسي محمد ولا ذاك الموظف الي طالع من واحد من المكاتب اللي
داخل ويقول انعااااام الاخ شافنا واستغرب لان كل الركاب طلعوا وموظفين الكونترات اعتقد عندهم استراحه
وشاف الجوازات الخليجيه قال بس ادور عليهم والله جابهم وياخذنا معاه للمكتب اللي داخل
ويفرفر في الجوازات وبعد ما خلص من خويي افتر علي ويقول انت عندك مشاكل
وقلت له خير انشاء الله ويقول كم باسبور عندك ؟ قلت ما عندي الا اللي بين عيونك .
ويقول ان في الكمبيوتر عنده محصل 12 جواز باسمي !!!! قلت والله ما عندي الا واحد ويمكن شابه في الاسماء
وبعد التحقيق اكتشفنا ان من ال 12 جواز لي منها 3 لاني غيرت الجواز الفترات السابقه
وباقي السماء حق ناس غييري لانهم يدورون بألاسم الاول والاخير.

وطلعنا وهو مهوب مقتنع ورحنا ندور على الشنط وتوها ما وصلت وبعد ما سألنا قال ذاك الوحد دابا انا اجيبها لكم
دخل من وراء السير ولا هو مطلعها والظاهر انه خاشها علشان انه مسوي خدمه لنا .
واهم شي شنطه الشيشه لانه بدون شيشه ممكن الرحله تنلغي

وعلى طول للجمارك وما طلعنا الا حنا معطينه اكراميه لان كان معنا ممنوعات
شيشه ومعسل

طلعنا ونقلب على مكاتب الاجار والنهايه اخترنا شركه معروفه لان خايفين تخترب السياره
واحنا في مدينه مالها فرع فيه ونأجر كليو لونها رصاصي (بتشفونها بعد شوي )

ونطلع من المطار وعلى طول سطات وما رحنا على الطريق السريع لان ما فيه مطاعم ولا حركه
وبعد ما طلعنا من سطات نوقف عن محطه بترول اللي فيها مطعم ونوقف السياره قريب
وننزل ونختار لحم الحولي اللي توهم ذابحينه العصر (المصدر الجزار)
ونعطيه راعي المطعم ونقول له سو لنا أي شي بروشيت طاجين اللي يجي منك وقلنا جيبه لنا بعد نص ساعه
وقعدنا نضبط الشيشه وما خلصنا من الحجر الاول الا العشاء جاهز وتعشينا ونعطيها شيشه مرة ثانيه
لان ما ورانا حاجه
وقاعدين نسولف مع راعي المطعم ولا يسألني يقول انتو من وين وقلت له ايش بان ليك ؟
ولا يقول انتو من النادور (الناظور) وقلت وشلون عرفت ؟اكيد صاحبي قال لك , ولا يقول وحق الله انا عرفت بنفسي وكان مستانس
وقول حق رفيقي يا ولد يبين علينا نواظير


المهم كملنا الطريق الى مراكش مع الشارع تعبان لاكن فرحة الوصول نستنا كل شي
شوي ولا الدرك ويوقفونا ويطلبون الاوراق مع انه ما كنا مسرعين وكل شي سليم
وقعد يدور على السياره ويقول لنا فيه مخالفه !! مخالفه ديال ايش ؟
ولا يقول البولا اللي في الخلف محروقه !!!!!!!!!!!!!!!!!!!!!!!!!
وشلون عرف ان الليت اللي وراء محروق قبل لا يوقفنا وبصراحه حصل له فرصه علشان ندور معاه الاكراميه

المهم وصلنا مراكش وقت متأخر وكنا قبل ما نوصل اتصلنا بصاحبنا اللي بيكري الديور
وقال فيه شقه لالكن اليوم ما تقدرون تأخذونها ولاكن بصرفكم اليوم وبكره نروح لها ,قلنا اوكي ما عندنا حل ثاني

الشقه وكرتون الشيشه

وعلى طول وينك يا الفراش وثاني يوم رحنا للشقه الجديده وحطينا اغراضنا
وعلى طول مرجان وناخذ اغراض حق يومين لان حنا عارفين كل يوم بنروح

على فكرة يسكر 11 مش 10

والعصر رحنا ندورو ونتسارا ونقلب على شي جديد في المدينه
وما شفنا الا شارع فرنسا تغير وصار اسمه شارع محمد السادس والشي
الثاني افتحوا فرع جديد حق اسيما قريب من شقق ليالي وفتحوا ممر المشاه
اللي من عند الكتبيه من شارع محمد الخامس الى الساحه
وبعد محطة بترول افريقيا اللي على طريق كازا صار فيها مطعم محترم
وفيه فرقه زيان من شمال الاطلسي


صوره شارع محمد الخامس ويبين من بعيد الكتبيه


وفي الليل رحنا للساحه ونعطيها حريره






وصرنا كل يوم من صباح الله خير ما خذين الشيشه والقهوه ورايحين متغدين
في شي من المناطق القريبه ومستانسن والعصر راجعين


واتركم مع يع الصور اللي راح اللي اذا شفت فيه اقبال راح انزل عدد كبير منها





هذي مش تصويري بس عاجبتني الصوره






وفيه صور كثيره في الطريق عطوني فرصه وبتشوفون


وراحت علينا اسبوعين كنا يومين وحنا راجعين لا نقول وداعآ ولكن نقول الى اللقاء


وتحياتي للجميع

ابغي رايكم

أخي الغالي Boo3lam


رائع جدا أخوي ، الصور والوصف ، تسلم أناملك الحبيب

صدقني البوابه كسبت بوجودك أخوي عضو هام ومتميز

أكثر ما أعجبني الصورتين حقت قبل وبعد ، يحقلك تخلص جوج مو واحد بس

ولد الدرب , المهاجر , الكابتن فهد Tmeem ,Fares1234 , ,وخا وخا صافي ,الدهمشي ,
شكرا على مروروكم وعلى فكره هذا الواجب .
AJ28
بالنسبه للسياره اخذناها من المطار ومن شركه معروفه (اعتقد كانت من افيس )
وبصراحه ما اتذكر الاجار لاكن بيكون من المطار في حدود 450 درهم وبتحصل اقل
لان فيه سيارت اصغر منها وما فيها مكيف.


واحب اشاركم بعض الصور واسحوا لي على العدد الكبير لان اللي النترنت عنده بطيئ بيتأخر التنزيل


هذي صوره من كوفي شوب قريب من الساحه وتلاحظون الناس كلهم مواجهين الشارع
على فكره كل مقاهي المغر ب بنفس الطريقه واذا تقعد وتعطي ظهرك للشارع على طول يعرفون
انك مو مغربي فهذي نصيحه .


وهذي صوره من مقهى التجار اللي في قليز



وهذي لقطات من شارع محمد الخامس







ماكونالد او على قولتهم ماقدو




صوره ل اسواق السلام


المدخل للساحه



المدينه القديمه


صور لقصر الباهيه






الطريق من اوريكه






وخا وخا صافي عندي سوال لك , الشاحنه هذي شفتها في اقادير ؟
ابغي اتأكد وصل ولا لا .



بركه عليكم من الصور , اللي يبغي زياده خصه يدور معايه (طلعت مغربي عن جد )


تحياتي للجميع

أخي Boo3lam


من رائع الى اروع ، صور معبره جدا عن الحبيبه مراكش
ضروري ندورو معاك تصاوير فن بحالك الشريف

الماكدو ديال قيليز ، وينك أخوي المغترب تجي تشوف ، ذكريات حلوه