الموضوع: بس اهل الشرقيه الكشخه يدشون ..انا عروســـــــــــــــــــــه . . .

السلام عليكم ورحمه الله وبركاته

كيف حالكم ؟؟

ان شاء الله هالاسبوع باجي الشرقيه

الدمام - الخبر - الظهران

.

.


ابي اعرف افضل محلات الماركات الي في المنطقه الشرقيه

ماركات ملابس عرايس

مثل تاااييرات - بدلات - فساتين سهره

.

ايضا



فستان زفاف ..القى محلات جاهزه ؟؟

ولا تفصيل ..

واسعارهم حلوه وذووق ؟؟
.
.

:101:

ايضا العبايات ؟؟

مثل مستوى نهاد ..

ابي عبايات عروووس ..

وين القى ؟؟


.

.

!!

الف مبرووك ياساره

ياعروسه

الله يوفقك

واكيد اهل الشرقيه الكشخه بيفيدونك

!!

عندك السويكت والظهران مول والراشد
وإذاتبين فستان زواج وسهره وملابس من مصممات استعمالها خفيف عندي راسليني

وعليكم السلام ورحمة الله

حياك الله في الشرقيه

والف مبروك مقدماً ياعروسه


بالنسبه لمحلات العبايات..

عندك بالدمام محل (توب بلاك)

في سوق الحب موجود بمجمع اللؤلؤة

عباياتهم مميزة وراقيه ومستحيل تحصلينها بأي محل ثاني

وعندك محلات عبايات في السويكت بعد مميزة وراقيه

فساتين عرايس فيه محل بالسويكت اسمه (الشامخ ) تفصيلهم نظيف وراقي

سواءً جبتي موديلك او هم صمموه لك واسعارهم حلوه مره

وفيه مشاغل بالسويكت كثيييييييييييييييييره كلها فساتين عرايس

ان شاء الله تحصلين طلبك

وفيه محل بسوق الحب اسمه(ليالينا) عنده فساتين جاهزة اذا ناسبتك تشترين واذا ماناسبك تقدرين تغيرين في
الموديل وهو يفصله لك ... واسعره بحدود 3000و2500

فساتين السهره مااعرف كثير لاني من النوع اللي احب افصل على مزاجي ومااشتري جواهز

لكن عندك مارينا مول وفينيسيا مول والجمعه سنتر كلها فساتين سهره جاهزه وبكل المستويات فيه الغالي
وفيه المعقول..

امممممممممممم شنوبعد

تبغين ملابس جاهزة عندك المجمعات الظهران مول والراشد ومارينا مول والشاطىء مول

فيه محلات كثيره روحي واللي يعجبك اشتريه.


اتمنى افدتك وان شاء الله بنات الشرقيه بيفيدونك

العبايات عندك مثل ماذكر توب ابلاك موجود في مجمع الولو وفي سوق السويكت + الأختيار الأفضل في السويكت ومجمع الراشد ومجمع الواحة والشاطى مول
ملابس السهرة عندك لمسات طيبة على كونيش الخبر جنب كافي كاسبر + مختارات العبد الواحد في مجمع الراشد والشاطى مول
الملابس الجاهزة البدل في مجمع الراشد والظهران مول ومرينا والشاطى
فستان عروسة جاهزة تحصلي عند العبد الواحد وتطلبي بعد من كتالوج في كمان في الخبر مول محلات يبيعون جاهز ويفصلو بس إذا تبي تفصيل على كيفك في عندك الخطوط المتجددة في شارع الببسي وفي خياط فن في السويكت

مبروك سارونه و الله يوفقك يا الغاليه

إذا بتطولون في السعوديه ما فيه مثل أسواق جده :24:

اعتقد الاخت مهاااوي
كفت ووفت وكل ماذكرته حلوووووووو
وبقيت اضيف عليها محل للعبايات دائما افصل عنده
وهو محل شمس للعبايات بسوق السويكت
مره راااااااقي
وللفساتين الجاهزه
انصحك بالاناقه البسيطه مرره روعه
والحلو فيه انه يجيب من الموديل فقط قطعتين بهذا الشي تضمنين محد راح يلبس زيك
بالتوفيق حبيبتي

ساره اهلين

مثل عبايات نهاد مافيه ..

و انصحك تمرين ميموزا .. جايبين فساتين حلوه ..و عندك الظهران و الراشد .. و في الشاطىء مول محل كارين ميلن اذا تحبينه فرعهم احلا من فرع الراشد ..


موفقه ساره :)

مبرووووووك يا عروسة


البنات ماخلوا شي اقوله الله يعطيهم العافية

هلا وغلا بالنور كله اجل بتنور الشرقيه هالاسبوع
شوفي يالغاليه انتي عروس واكيد ماتبين الا شي مميز فينسيا والجمعه سنتر بالخبر ومارينا مول بالدمام لاتقربين لهم نصيحتي خصوصا لفساتين السهره مافيه شي حلو عندهم كله مكررر:108:
احلى المحلات الكشخه
ميمموزا ,باكو ديزاين تلقين له فررع عند ميمموزا والثاني كبير تلقينهم بفؤاد سنتر
عندك محلات قريه القصيبي عندهم اشياء مميزه وقريه القصيبي بتلاقينها ملاصقه للجمعه سنتر
الاناقه البسيطه يجيب قطع راقيه وحلوه تلقينه بشارع البيبسي وعندك بنفس الشارع تلقين محل الخطوط المتجدده وبعد بنفس الشارع وراء باتشي والوليمه وشوكولاين محلات حلييوه والله وفيه محل البتلات البيضاء عندهم فساتين زفاف
مممممممم ايش بعد ياربي
طبعا لاتنسين تمرين الراشد والظهران فيه عندهم اشياء حلوه اكيد مثل ماقالت حبيبتي نزوم كارين ميلن حلووو انا دايم اشتري منه جربي روحي فرح الراشد والشاطئ مول
السويكت بعد لازم تمرينه وشوفي محلات فساتين الزفاف اذا عندك الموديل روحي لاحد المحلات وعطيه الموديل وبيفصله لك زي ماتبين والله انا اذكر محل اسمه بحر العرائس والاميرات طبعا هذول موزي مستوى البتلات البيضاء لالا اقل بس اذا جبتي الموديل يضبطونه لك وسعرهم ارخص طبعاا
العبايات ياقلبي عندنا عبايات بالسويكت اهمها عبايات شمس والملكه وفيه محل اسمه الصقر الذهبي بعد حلووو شغلهم واسعارهم انسب من شمس تلقين المحل لما يكون شمس على يدك اليسار على طول فيه لفه ادخليها تلقين المحل على يدك اليسار بعد خليه يوريك من الموديلات اللي عنده داخل بالدولاب:smile:
ان شاء الله اكون افدتك حبيبتي والف مبرووووووووووووووووك والله يتمم لك على خير :106: