عدنا ...

ثانيا: العربيد للدراريع..

الوصول اليه عن طريق الدائري الخامس تلقى لوحه مكتوب عليها الفروانيه وبعد ماتدخل الفروانيه تلقى المجمع ..

طبعا انطباعي عن المجمع..

تحسفنا اننا ضربنا مشوار وتوقعنا نلقى جلابيات حلوه لكن للاسف المكان مره مو مناسب والجلابيات ماهي حلوه ابدا والاسعار غاليه ..

هذي وجهة نظري وقلنا الحمد الله اننا خلينا هالمجمع بعد ماطلعنا من الافنيوز يعني بطريق العوده الى الكويت ولا خلينا وقت طويل له..


ثالثا: المهلب

الوصول اليه في حولي شارع المثنى وشكله زي السفينه وبجنبه كليه الدراسات التجاريه للبنات ..
وكان وقت وصولنا له خروج البنات من الكليه وكان الطريق زحمه مره..
المجمع دايم نروح له اذا زرنا الكويت ونشتري منه لكن للاسف هالمره السوق نايم ومافيه بضاعه جديده وماقدرنا نطلع منه بشي..

بعض المحلات اللي دايم اشتري منها:
نوران للاكسسوارات- انوته- شويس-الطاهر


رابعا: مجمع العثمان

يقع بحولي وبشارع بن خلدون وقريب من المهلب..
ولكن المجمع شكله من اقدم المجمعات بالكويت .. ماعجبني هالمجمع بس اللي عجبني محل لاسنزا لقيت فيه اشياء كثيره ومتنوعه لانه السوق مافيه زوار كثير تبقى البضاعه عندهم اما المجمعات الكبيرة تخلص البضاعه الزينه بسرعه..



خامسا: المباركيه
سوق حلو لملابس البيت من بجايم نسائيه وملابس داخليه رجالي ...
رحنا له وقت قصير من الساعه 11 الظهر الى 1 ونص تقريبا لانهم يقفلون الظهرومايفتحون الا 5 العصر..


سادسا: شرق
يقع على شارع الخليج العربي..
ومن افضل المجمعات على الرغم من انه صغير والمحلات بالدور الارضي فقط وفوق مطاعم ومحلات الكترونيات وغيره..
الا اننا اشترينا اكثر الاغراض منه وتحسفنا اننا مارحنا له من البدايه..
طبعا اكثر المحلات اللي عجبتنا واشترينا منها: ريفا- الطاهر- دبنهامز(مميز والافضل في الكويت)- شويس-انوته


هذي صورتين للقعده بره عند المطاعم ...

المكان روعه وخصوصا انه الجو كان غيم ..






سابعا: المجمعات الموجود بشارع سالم المبارك..

ليلى جاليري- الزهره- البستان- الفنار
المحلات اللي فيها اكثرها غاليه جدا..
حلوه الواحد يروح بس ياخذ فكره بس مايشتري


ثامنا: مارينا مول..
هذا المجمع قصته قصه وكنا ناوين نروح ونقعد فيه نص يوم لانه كبير لكن للاسف رحنا له يوم الخميس بعد

المغرب وماقدرنا نقعد فيه الا نص ساعه..

زحمه غير طبيعيه وبصراحه مكان مايصلح ابدا للعوايل..

تشوف اشكال وانواع من البنات والعيال..

والله حسينا كأن المدارس جايبتهم زياره للمجمع..

ماتلاقي اثنين ثلاثه يمشون مع بعض تقول اصحاب..

لا تحس الفصل كله جاي مع بعض..

والله نشوف تكاسي توقف ينزل منها اولاد بسنه رابع او خامس ابتدائي جايين لوحدهم للمجمع..

حرام والله العظيم ..

بنات واولاد مراهقين مفلتين بالشوارع والمجمعات بدون حسيب ولارقيب..

بصراحه مجمع المارينا مول ماتقدر تروح له الا الصباح او بوقت دوام ..

ومن حظنا النحيس اننا رحنا الخميس بدايه اجازه..

اتوقع المجمع يوم الخميس تحمل اكثر من طاقته..

كأن الواحد بحج مو بمجمع..

وطبعا دام الوضع كذا على طول طلعنا من المجمع وحتى المارينا كرست كنا نبغى نروح نقعد ونطلب من زيت

وزعتر بس للاسف لما وصلنا لهالمنطقه وبالسياره لاحظنا انه الانوار خافته ومليانه شباب وبنات وحسينا

انه المكان شبهة.. وبطلنا طبعا..



ملاحظه.. وبدون زعل

لاحظت الكورنيش انارته خافته جدا جدا .. والمفروض يكون فيه اناره زينه .. لان هالجو مايناسب العوايل

وينحرمون من الجلسه عند الكورنيش..

هذا الجو يساعد على اشياء ما احد يرضاها..

انا استغربت من هالشي ..




بالنسبة للمطاعم..

اكثر اكلنا كان وجبات سريعه بالمجمعات وجربنا فلافل الكلحه كانت مميزه ..

ورحنا مرتين لمطعم ميس الغانم نبغى نجربه ونلاقيه زحمه ونرجع..

لكن المره الجايه ان شاء الله لازم نجربه..



اخواني الصغار..
راحوا للاكوا بارك وانبسطوا مره..



وكان ودنا نزور مجمع الكوت والمنشر بس ماكان الوقت كافي..
والمرات الجابه ان شاء الله..



انتهى التقرير وسامحوني على القصور..
تحياتي لكم