 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
13-03-2005, 10:16 AM
|
#1 (permalink) |
|
مشرف استراليا
تاريخ التسجيل: Jul 2004
الدولة: ارض الله الواسعة
رقم العضوية :11670
المشاركات: 3,556
|
التقرير الخطير لمحسن في اغادير
بسم الله الرحمن الرحيم
احبائي بلا استثناء من عشاق المغرب .. اعتذر عن تاخيري بطرح هذا التقرير وذلك بسبب انشغالي وارتباطي المفاجيء والغير متوقع خلال الفترة الماضية ... وللمعلومية اثرت ان اتاخر الى اجل غير مسمى لاتفرغ تماما لكي يعيش الجميع هذه الرحلة التي اقل مااصفها انها رائعه ...ولكن نتيجة للظغوط علي من حزب العمال قصدي حزب المطالبين والمظاهرات المناهضة لي في البوابة بسبب تاخري على التقرير بقيادة الكابتن فهد بغيت اقدم استقالتي مسوي فيها >>>> " توني بلير " فانني اكتب لكم هذا التقرير على عجل والعذر والسموحة منكم .. على فكرة نسيت اقول لكم ان العنوان " التقرير الخطير لمحسن في اغادير " هو بالضبط كما اختاره لي حبيب قلبي ولد الدرب  الحلقة الاولى (افا الدعوه حلقات شكله ناوي يمسك فينا خط مسلسل مكسيكي) الوقت الساعة التاسعة صباحا من يوم الاربعاء قبل موعد الاقلاع ب 20 ساعة .. انا وزيكو و ابو صالح ( وهولاء هم ابطال الرحلة والكومبارس ) نحوس وندوس اللي يدور على ملابس واللي يدور على جزمة وانتم بكرامة وانا عندي شنطة لازم اجهزها وحووووسة .. راح علينا الصبح وحنا من سوق لسوق نقشقش من هالملابس اللي نحتاج واللي مانحتاج .. الظهر خلصنا بعض الاغراض من كارفور .. العصر و سوق ..المغرب برضوا سوق >>>>> لا احد يضحك >>> لكن مالقينا جزمة صح على مقاس زيكو واخرتها يصفى على جزمة حمراء (موب عاقل ريكي مارتن ) .. بعد العشاء كنت مرتبط على عشاء وماخلصت الا الساعة 11.45 .. ويبي لي نص ساعة على بال مااوصل للحلاق لكن الله يخلي حلاقي دقيت علية وصك على نفسة داخل المحل >>> ماصار حلاق صار بياع ... خلصنا من الشنط وكل شي على الساعة 3 تقريبا وعلى طول للمطار (مطارالملك خالد ) واول ماوصلنا وكنا متاخرين بالزاف ونشوف ذاك السر اللي يروع ذكروني بزحمة بنك الراجحي وقت نزول الرواتب وقلنا لخوينا اللي موصلنا للمطار لاتروح الظاهر نبي نرجع معك وهو يقول امين .. بس اول مادخلنا صار السرى على رحلة باكستان .. خلصنا كل الامور وودعنا خوينا وعيونه تقدح شرار حاقد علينا المسكين مايقدر ياخذ اجازة قبل تسع شهور ... ودخلنا للصالة وطبعا الداخلية ونسمع ذيك اللهجة اللي بدات تحي فينا الروح من جديد وانواع الوناسة .. بغينا نطيح في التتن .. وعلى فكرة هالمرة انا وزيكو قلنا نجرب الخطوط المغربية يمكن يكون الجو افضل من والسعودية و الامارتية لكن للاسف .. ركبنا الطيارة ومن يوم شغل الطيار الطيارة وحنا نحس اننا مليصين هنود راكبين في دينا وعلشان تحسون بالمعاناة اكثر تحس وانت في الاقلاع كانك راكب كابرس تسعاوي وتبي ترقى طعس التحدي ...هذا تشبيه زيكو .... المضيفات ماتدري يضحكون في وجهك ولا يضحكون عليك خصوصا اذا بداو يرطنون فرنسي ودك تقوم تتمحض في كروشهم وقبل ماتقلع الطيارة قام ابوصالح يبي يروح للحمام وانتم بكرامه اجل فيه احد يشرب شاهي وبعدها عصير جح قصدي منقا ويختمها بقهوة كل هذا من الفرحة ومير تهاوشة المضيفة وقالت ان الطيار يقول اللي يبي يقوم من مكانه بنجلسة مع العفش ولا بنخلية يكمل اجازتة في المطار .... عاد صاحبنا اعرفة عبييييط لكن ذيك المرة اول مرة اشوفة خاف وقمط في مكانه .. مادري خاف من المضيفة ولا خاف انهم ينزلونه وهو ماحقق حلم حياته للسفر الى المغرب ... ونجلس لنا حمس دقايق وهو بحاله يرثى لها ويلعن ويسب فيهم وبدء الطيار يرطن وابو صالح يقول هذا يبي يقلع ولا ابسويها في خشة المضيفة >>>  ليتكم شايفين خشته .. والخطوط المغربية مشكلتهم انهم يقولون التعليمات بثلاث لغات العربية والفرنسيه والانجليزيه يعني توصل للديرة وهم ماخلصوا ( والمشكلة ولا واحدة من اللغات ينطقونها صح ) لكن يازينهم ويازين نطقهم .. المهم اقلعنا وبدت الهزهزه والخضخضة ويلتف علي ابو صالح يقول الظاهر ان الطيارة كانت مشروع سيكل فشل صار طيارة بالصدفة ..واول ماتعدلت الطيارة ويقوم ابو صالح للدورة والمضيفة تقول له انتظر لين تولع لمبة فك الحزام .. يوم بغى يتباقس هو واياه ودخل العبيط للدورة ويوم طلع وهو منسرح الاسارير ومنفهق من الوناسة ويعطي المضيفة عين مادري عين حب ولا حقد .. بعد ثلاث ساعات الا ربع ( مو قال لكم ابو صالح مشروع سيكل ) وصلنا للقاهرة وقعدنا ساعة وحنا في الطيارة وشلنا ركاب ومابقى ولا مكان فاضي .. وبعدها خمس ساعات كانها خمس دقايق لين نزلنا مطار كازا وفي مطار كازا تمشينا شوي نضيع الوقت بانتظار رحلتنا الى معشوقة تميم اغادير .. وشحنا شرايح الجوال واشترينا لابو صالح شريحة .. ونروح للكوفي اللي على اليمين وانت رايح للكونترات اللي فوق قبل الخطوط الامارتية .. اللي راح لمطار محمد الخامس اكيد يعرفها .. واخذنا لك براد الاتاي اللي يرد الروح مو على شانه زين لكن على شان الاحساس الغريب اللي الواحد يحسة اول مايوصل هناك وبراد يروح وبراد يجي والصراحة صرنا مثقفين شرينا ثلاث جرايد ( الشرق الاوسط وجريدتين مغربيات ) ولا قرينا ولا جريدة وسواليف وضحك والرادار شغال نشوف اللي يروح واللي يجي كاننا مباحث لين جاء وقت رحلتنا الى اغادير .. اقلعنا والمشكلة اني صرت جمب الجناح والله لايوريكم شكل الجناح وهو يرقل وصلنا الى مطار المسيرة اغادير على الساعة 5.45 العصر..   مطار المسيرة اغادير ( اللي احس اني انولد من جديد اذا وصلته ) ومن هنا بدا الضحك .. خلصت انا وزيكو من الجوازات ورحنا الى سير الشنط بسرعة نبي نوهق ابو صالح لانه كان ورانا واول مرة يروح للمغرب ويوم بدا يرطن علية حق الجوازات بالمغربية الدارجة ( شكله عرف ان الرجال دلخ من يوم شافه مفهي .. وابو صالح يقلب دمجتة مايدري هو يهاوش ولا هو يبي بخشيش .. المهم ابو صالح بدا يتكلم انقليزي يمكن يفهم عليه المغربي لكن مارد عليه .. اخر شي طنقر ورمى كل الاوراق عليه وبدا ينادينا بصوت عالي ويسب ويشتم فينا فشلنا الله يفشله اخر شي كان الموظف يقول له وين ساكن ... المهم خلصنا من الجوازات والشنط وركبنا مع حبيب قلبي حسين (سواق الطاكسي ) وبصراحة وافضل وانظف شخص قابلته في المغرب حتى الشباب حبووووه مرة ويستاهل حسين .. من المطار على طول للمرجان وكنا متفقين اننا نمشي مع بعض ونعبي عربية واحدة ونخلص بسرعة وبدا يعبي ابو صالح اللي كان يقول انزلو وانا ابي انام في السيارة ومالقيناه الا بعد ساعة وهو مسفهل ويوم ركبناه بالقوة للسيارة وهو يلعن في كل الاسواق اللي يعرفها من الكوب في بريطانيا الى اللوت تن في كوالالمبور الى ملحق هليتون رمسيس( طبعا ملحق رمسيس مثال نموذجي بايخ جدا ) والله خلق وفرق لكن اللي في بالي مايسمع الا فيه .. الى المركاتو والعثيم وبندة .. وصلنا للفندق على الساعة 9 وبعد ثلث ساعة جاء زيكو عندي بالغرفة ودق على غرفة ابوصالح اللي عيناه المسؤل الصحي والنوم (اكثر واحد يدقق على حكاية الاكل وتصدقون انه يسال الجرسون بالمطعم عن نوع الدجاج " مسوي فاهم " هو ووجهه اعذروة متعود على الاخوين ) وحكم علينا اننا ننام الساعة 10 علشان نرتاح من تعب السفر ونظبط الجدول من بكرا .. بعد 15 دقيقة بالظبط دق علي وقال مافيني نوم الظاهر من الصدمة المسكين ..قلت له مب انت اللي مزعجنا وتقول ناموا يا" .." بقدرة قادر الشباب اللي المفروض ينامون الساعة 10 المساء ناموا الساعة 10 الصبح ... ومن اول يوم من وصولنا واليوم صار عندنا ساعة ومايمديك تشوف الساعة الا اليوم مخلص .. وبابدا باستعراض المواقف فقط .. لاني لو بابدا باستعراض كل يوم بيومة ماراح اخلص ولو بعد سنه .. اول يوم تغدينا في الماكدونالدز والشباب يقولون ياخي طعم الماك تشيكن هنا غير ماك تشيكن الرياض مادري منهم ولا من شي ثاني ..  صورة الماكدونالدز بعد الغداء رجعنا للفندق والشباب طقوا ترنقات الرياضة >>> تشبة طقوم الرياضة اللي يجيبها الفالح اللي فيها مغاط من عند الرجلين ونمشي ثلاثتنا باتجاة الكورنيش   ...وهذه الصورة اخذناها من اول ماطلعنا من الفندق لغاية ماوصلنا للكورنيش(انا ودققوا على كلمة انا واعوذ بالله من كلمة انا) مسوي فيها ياباني على هالكاميرا اللي معي  فندق سوفتيل اغادير  [url] فندق المرديان قصر الورود  فندق اماديل بيتش  بوابة فندق اتلاتنك  صورة لاحدى المطاعم ( يقال ان صاحبة يهودي ) والعهده على الرواي وصلنا للكورنيش طبعا مافيها الا حنا عرب والباقي شياب وعجايز اوربيين اعمارهم ست الآف وسبع الاف الظاهر انهم يوضبون مكاينهم كل عشرين سنة .. وانواع التمشي وابو صالح قاعد يستكشف االمكان والفنادق ( مو عقل كولمبوس) اللي في الطريق ووصلنا على الساعة 5 وجلسنا في احدى المقاهي الى وقت الغروب وصار هذا جدولنا يوميا لازم الغروب على الكورنيش وبراد الاتاي يدهر وهذي الصور مختاره للكورنيش اللي يرد الروح ولااحد راح يحس نفس الاحساس إلا اللي راحوا   وبصراحة صرنا نحس اننا رومانسيين ونحب وقلوبنا صارت خفاقة وصار فينا حنان وكل يوم نجي ونصور الغروب   ولعيونك ياتميم صور الغروب من شاطي معشوقتك اغادير وكل يوم نغير كوفي لكن ابو صالح ازعجنا يبي كوفي النيل الازرق  وهذي صورة للكورنيش بالليل وزيكو ذبحنا وصرنا نتهاوش كل يوم معه >>> تدرون لية ... يموت بشي اسمه بلياردو ...يدخل الفندق يروح للبلياردو ... نروح للكورنيش معنا حنا نجلس في الكوفي هو يروح للبلياردو .... حتى اخر شي اذا جلسناه بالقوة يجلس شوي ويقول عن اذنكم ابي اروح لدورة المياه وبعدين ماندري إلا وهو في البلياردو .. حتى صار يعرف كل الاماكن اللي فيها بلياردو في اغادير من فنادق الى محلات ... وكل يوم عازم لنا مغربي معه من اللي يتعرف عليهم في البلياردو .. ومن روائع حبيبي زيكو يوم من الايام متواعدين على الساعة 8 المساء نتقابل ونطلع نتعشى ونتمشى اشوي ..وندور خوينا وندق عليه نص ساعة وهو معطينا اشكل ومو موجود بالغرفة ...آخر شي طلع ابو الشباب رايح يتابع مبارة برشلونه وساحب علينا .. تارك طوال الشوارب ورايح يشوف رونالدينوا ابو ضروس.. والله عليك جو يازيكو .. واحب انهي الحلقة الاولى هنا لاني قفلت معي من زيكو يوم تذكرت هالموقف البايخ .. وحق الله افل عليكم  .. لكين عييت بالزاف وفيا النعاس والغديا لينا موعدبالسلامة يتبع |
|
|
13-03-2005, 10:34 AM
|
#2 (permalink) |
|
مشرف سابق
تاريخ التسجيل: Apr 2003
رقم العضوية :208
المشاركات: 1,401
|
أخي محسن1980
مشكور حبيبي على سردك الرائع للموضوع  ، وما شاء الله عليك بداية موفقة جدا  ، وأكيد الحلقات القادمة راح تكون أجمل وغنية بالكثير من الصور والمواقف والطرائف.... ولا تتعطل علينا إجمع الحلقات مع بعض كي يتزين الموضوع ويزهي بكامل حليته في أقرب وقت...... وحلوة توظيب مكائن القور كل 20 عام . بإنتظار التتمة.....تقبل تحياتي المسافر |
|
|
13-03-2005, 01:26 PM
|
#5 (permalink) |
|
مــوقــوف
تاريخ التسجيل: Dec 2004
الدولة: Qatar
رقم العضوية :17075
المشاركات: 62
|
اضم "دعوتي" لدعوت اخوي الشاكي الباكي....شدرت فينا يا محسن...اشعلت النار قويا...طقتني البكوه يوم شفت مطار المسيره,,,,بس انا ما عندي مشكله انشالله مسألت كم يوم ,,,,المشكله الشاكي الباكي ...كم شهر باقي لك الشاكي الباكي؟!؟!؟! رائع يا محسن ...بس ما قلت اي فندق سكنت!؟!؟ ثاني شي المطعم اسمه موريسك,,,يهودي ولا مسيحي...كبر دماغك يا محسن ...خل نظامك عالمي..
|
|
|
|
13-03-2005, 03:20 PM
|
#10 (permalink) |
|
خبير سفر المغرب
 
تاريخ التسجيل: Jul 2004
رقم العضوية :12640
المشاركات: 3,269
|
أخي الحبيب محسن1980
 حرام عليك عندك هذا كله وساكت ، ياخي وينك من زمان طلع التقرير أسم على مسمى رائع اخوي رائع ، بكل ماتعنية الكلمه ، وصف جميل وممتع وصور مدروسه بعنايه تدري أخوي محسن أني جاتني قشعريره خفيفه يوم شفت صورتين صوره مطار المسيره ، والسبب أني ماجيت المطار من أكثر من خمس سنوات والسبب لأني اجي بالسياره لأكادير دائما . وصورة الكورنيش وقت غروب الشمس ، كل الناس تطلع على الكورنيش تتمشى ، منظر رائع يقلب على الشخص مواجع كثيره  لأمام أخوي محسن ، وفي انتظار تكمله التقرير الخطير لمحسن في أغادير |
|
|
|
13-03-2005, 11:29 PM
|
#14 (permalink) |
|
مشرف استراليا
تاريخ التسجيل: Jul 2004
الدولة: ارض الله الواسعة
رقم العضوية :11670
المشاركات: 3,556
|
Bluee
وعليكم السلام قبل الكلام .. و تسلم على هالمرور الاكثر من رائع ... وش بقى انا ماقلته ( كل شي قلته من طقطق الى سلام عليكم ) .. كبيت العشاء كلها وانتظر القادم ... مشكور حبيبي |
|
|
|
13-03-2005, 11:39 PM
|
#15 (permalink) |
|
مشرف استراليا
تاريخ التسجيل: Jul 2004
الدولة: ارض الله الواسعة
رقم العضوية :11670
المشاركات: 3,556
|
عزيزي Seattle
افا ياسياتل حتى انت ناويها .. على العموم الله يسهل امرك وتروح وترجع السلامة .. عزيزي مو انت اللي اشتعلت النار فيك انا احترقت وانا اكتب هالتقرير وبالنسبة للمطعم صدقني يوم دريت ان راعيه يهودي قفلت الاخلاق وانسدت نفسي مع العلم اني سبق وان درست عند دكتور يهودي ( واسرائيلي كمان ) وكان من افضل الدكاترة اللي درسونا ... لكن مادري ليش انسدت نفسي من هالمطعم هذا ... وبعدين طالما البدائل كثيرة ليش انفع يهودي ابن ستين كلب .. وبالنسبة للفندق اللي سكنت فيه هو سوفتيل اغادير .. صدقني شرفتني بمرورك اخي الكريم ومشكووووووووووور .. |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:38 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||