 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
29-04-2009, 12:16 PM
|
#1 (permalink) |
|
الكاتبة القديرة
 
تاريخ التسجيل: Jul 2005
الدولة: حبيبــــــــــ قطرــــــتي
رقم العضوية :34550
المشاركات: 4,921
|
رحلة عمل و سياحة الى LoNDoN
لــــــــــــــــــــــــندن .... دائما كنت اقول عنها (( وع ماافكر اروح لندن والسبب : : كثرة العرب فيها والزحمة الغير طبيعيه وانا من طبعي مااحب اني اكون مراقبه من كل اتجاه ومااحل اسمع تعليقات ومااحب اشوف اشكال ونظرات تضايقني فكان هذا هو السبب الرئيسي عن عدم تفكيري في لندن كمكان اروح له في الاجازه هذا طبعا غير ان الله ماكان رايد اني اروح لها )))
بعد هذه المقدمه الغير جميله ابدأ تقرير رحلة العمل في لندن والي استمرت 9 ايام ... 5 ايام عمل و4 ايام ضحك ولعب وجد (( بس مافيه حب مسافره مع اخوي  ))وقت سفري اعتقد كان وقت مثالي بالنسبة لي حيث الجو الجميل و ماشفت عرب وايد في لندن و كنت احاول اتجنب اماكن تواجدهم  والسبب احب احتفظ فيه لنفسي  بس اذا مصممين بقولكم  المهم ... وقت الرحلة كان بتاريخ 27-3-2009 الى 4-4-2009 نهاية موسم التنزيلات وبداية الربيع  وكانت درجة الحرارة تتراوح في النهار بين 16-20 وفي الليل ابرد طبعا ...شكل ماقلت لكم المسافرون هالمره اثنين نفر بس انا واخويسكنا في فندق يقع مقابل الهايد بارك وجنب لانكستر اندرقراوند واسمه كورس هوتيل (( اربع نجوم)) وهاي صور غرفتي (( غرفة مفرده )) <<<<<<<<<<<< غرفة عزوب على قولة اخوي الفاضل رابط الفندق Corus hotels for UK accommodation, meetings, conferences and leisure breaks بشكل عام تقيمي للفندق انه ممتاز وماعليه كلام   هذا السرير وخلفه الشباك ---------------------------------------  وهاي المكتب ومعلق التلفزيون فوقه  هالتلفزيون مافتحته الا مره وحده ... وبالمناسبة النت غير مجاني ولازم لك اشتراك بالشبكه العامه وبامكانك الاشتراك عن طريق بطاقتك الاتمانية الساعه بـ 5 انا خذت شهر بـ 28 باوند-------------------------------------   هذا الحمام مريح وجيد وعلى المزاج بس انه صغيرون حبتين بس كافي حق شخص واحد----------------------------------- اما بخصوص العمل الي رايحة عشانه كان مكانه في وسط لندن قرب محطة موورقيت وهاي الخريطة تبين المسافة بين الفندق و مكان العمل .. وطلعا تنقلاتي كانت بالاندر قراوند (( ربع ساعة مسافة السكة ))  H = hotel W= work لو تلاحظون ان السافة بعيده نوعا ما في الخريطه بين الفندق والعمل بس الله يخلي الاندرقراوند او المترو (( مقرب البعيد )) وهاي الطريق الي اسلكه كل يوم بالمترو  اخذت تذكرة لمدة اسبوع لزون 1 بقيمة 25 باوند تقريبا وهاي خريطة موورقيت ويقع مكان العمل في نفس مركز ماركس اند سبنسر بجانب محطة المورقيت في الفاينزبيري  ----------------------------------------------------------------------- اول يوم ... كان يوم مفتوح واستكشافي لمنطقة العمل ... كانت منطقه حيه فيها محلات و مطاعم ومكاتب .. وبعد اكتشاف المنطقة ... قضينا وقت حر في الهايد بادرك   ---------- و تمشينا في الاكسفورد ستريت وبوند ستريت مرورا بالماربل ارش ...  --------- وفي نهاية اليوم كنا محتاجين بترول ... اخذناه من محل فلافل قريب من السلفرج و كانت الاسعار رخيصة جدا جدا جدا فتسوقت في ذاك اليوم ورجعت محملة بالخير  -------- وبهذا انتهى اليوم الاول .... -------- اما اليوم الثاني فهو يوم الباص المكشوف ... قصينا التذاكر واخذنا مره وحده تذاكر لبرج لندن + ومدام توسو + لندن اي + لندن دنجوان ورحنا لاقرب محطة للباص وهي محطة الماربل ارش  وقبل مانركب الباص اخذنا سندويشات وقهوه من كانتين في الهايدبارك وقعدنا ناكل ونأكل الحمام  وبعدها بدأت رحلة الباص المكشوف وكان هاليوم من ابرد الايام هناك ونزل بردي ومظلتي بغت تطير   هاي جسر لندن من بعيييييييد  حسب المخطط نزلنا اول شيء الى لندن دنجوان وهو مكان اشبه ببيت الرعب يعرضون فيه طرق التعذيب القديمة و بعض ابشع الجرائم الي صارت في لندن وشلون كان الظلم سائد في تلك العصور المظلمه .. عجبني المكان وبصراحه استمتعت فيه وحسيت ان احنا من يومنا بخير وانهم اشرار ومافي قلوبهم رحمه هاي رابطهم The London Dungeon | The Dungeons | London Attractions | London Dungeon Tickets وماراح اقول لكم ايش صار داخل عشان مااحرق عليكم المكان (( ارجوج)) وبعد الدنجوان رحنا لبرج لندن  بس بصراحه حسيت هالمكان مقلب وابدا ماعجبني والاسباب هي :- 1- تدخل لساحة البرج لكن الدخول للبرج ممنوع 2- تدخل متحف المجوهرات الملكيه وهاي المقلب الاكبر تمشي في خط وراك وقدامك ناس يعني لامجال للتراجع لازم تمشي الخط لين النهايه و الي تشوفه مجرد عرض فيديو لمجوهرات الملكه واخر شي يدخلونك قاعه فيها القليل من الحلى والمجوهرات والتيجان الملكيه لكن بعد ان تدخل لـ 3 قاعات على الاقل في كل قاعه ماتشوف الا عروض فيديو ممله 3- توجد قلعه تدخلها بس لترى صور الملوك الي حكمو وبعدين ترا مجسمات لخيولهم وبعض الدروع بختصار المكان ابدا ماعجبني لان كل الي تشوفه شيء ليس من الواقع واغلبه صور وعروض فيديو وهاي الشرطه شفناهم هناك انا بصراحه في البداية عبالي انهم يمثلون بعدين اكتشفت ان هاي ليس استعراض بل انهم شرطه حقيقين او بالاصح حرس  وهاي لندن تاور من داخل  بعد ذلك طلعنا من لندن تاور وزاد البرد والمطر و نزل علينا بردي بغى يبط راسي من قوته فقررنا ننزل ونروح للهارودز  اما الهارودز موضوعه مب خالص ... لما دخلته انسدت نفسي ... بصراحه متررررررررررروس ناس من الي ماعندهم شغل غير انهم يتعدلون و يترززون ويطالعون الناس وينطرون حد يطالعهم بصراحه انا انقرف من هالاجواء وكنت مقرره نتعشى في الهارودز بس لما شفت الحركات القرعة الي داخل وان الشخص طول ماهو ماشي يبقى مراقب من قبل ناس مايعرفهم فضلنا نروح نتعشى خارج هالمكان الموبوء ورحنا تعشينا في مطعم صيني معتبر  وبعدها رجعنا الفندق وانتهى اليوم الثاني ... --------------------------------------- اما اليوم الثالث كان يوم حلو ومنوع و من بكرا راح ابدا العمل فحبيت احلل هاليوم كثر مااقدر .. بدأنا الرحلة بالتوجه الي احد الكوفي شوبات في بيكر استريت عشان نتريق ومنه انطلقنا الى مدام توسو وهو متحف الشمع او الدمى الي تشبه البشر طبعا دخلنا على طول لان احنا قاصين التذاكر مسبقا.. هاي العملاق الاخظر عجبني بالذات لما تتعلق على يده وتصور  وهاي صور لبعض المجسمات هتلر  مايكل  مارلين مونرو  وبعد التجول في باقي متحف مدام توسو .. ركبنا المترو او الانتدرقراوند ورحنا الى محطة ووتر لوووو عشان لندن اي وهاي بيق بن ...  وهاي لندن اي  وبعد ماوقفنا في الطابور لان اساسا ماكان في طابور الي يوقف على طول يدخل هاي اضافتاً الى اننا قاصين التذكره مسبقا وهاي بق بن من فوق  وهاي حركات بركات  وبعد لندن اي تمشينا في الممشى الموجود جانب النهر وكان حلو كله فعاليات وناس يغنون ويرقصون و يستعبطون (( طراره او شحاته محترمه ومسليه )) وطبعا نط علينا واحد وقال لاخوي اتفضل اشتري ورده للمدام ... (( قصده انا )) الا اخوي قال له اي مدام هاي مش المدام هاي اختي خخخخ رد وقال ماشي خد لها ورده بيضه ... يبا شكرا مانبي ماراضي يفهم .. ورده بيضه تفضل حظرتك (( شكرا مانبي )) يالله يالله فهم انه لازم مايلزق ويصير مثل لزقة عنزروت ------------------------------------------------------------- اما باقي الايام في لندن فقضيتها في العمل + في شارع اكسفورد وبوند ستريت + قضيت اجمل ليالي العمر في البيكادلي وليالي الانس في البيكادلي كانت غير شكل .... بصراحه واااااااااااايد حبيت المكان كله اضائات في الليل و شحاته محترمه ومكان حي حلو فيه مطاعم و طبعا خرابيط مثل الكازينوهات (( مالنا شغل فيها )) والمسارح كان خاطري ادش المسرح بس اكتشفت ان الحصول على تذكره مب بهالسهوله لان المسارح تكون التذاكر مباعه قبل العرض بفتره وهاي صور من البيكادلي  وهاي واحد من الرسامين المنتشرين في البيكادلي و طبعا ماخليت في خاطري وخليته يرسمني بصراحه صج رسام  و آآآآآآآآآآآآآآآآآآآآآآآآآآآآآآآآآآآآآآآآهـ ما أرق البيكادلي تالي الليل    وهاي الحي الصيني القريب من البيكادلي  في احد ليالي البيكادلي كنا جوعانيين وناوين نتعشى طبعا ... وانا مااحب اكل الفاست فود بالذات في السفر فقمنا ندور مطعم يعجب حظرتي ... ولقينا باب صغير ومكتوب عليه المطعم تحت السلم ... وطعا الباب وعلى طول سلم ياخذك الى الاسفل .. وشفنا القائمه المكتوبه في الخارج .. والاكل عجبنا والي اذكره - هوم ميد بيف برجر - ستيك لحم - سكالوب دجاج - ربيان مقلي - سالمون فيش اند جبس هاي الي اتذكره فتوكلنا على الله ونزلنا ... المطعم صغيييير عباره عن 4 طاولات صغار و صاحبة المطعم هي وزوجها هم الي يطبخون ومشغلين اغاني انقليزية قديمة (( عرفت من اللحن ومن اسلوب الغناء )) والاجواء حلوووه والاكل لذييييذ وهاي صوره للمطعم  --------------------------------------------- وبهذا ينتهي التقرير البسيط السريع جدا عن زيارتي للندن ... بس انطباعي عنها بعد الزياره انها مدينة حيه وجميلة وبصراحه استمتعت جدا فيها ... بس مااعتقد اني افكر اروحها في الصيف ... لاكن اهلاً وسهلاً بها في اي وقت اخر من ايام السنه I Love London |
|
|
|
29-04-2009, 12:40 PM
|
#3 (permalink) | |
|
الكاتبة القديرة
تاريخ التسجيل: Jul 2005
الدولة: حبيبــــــــــ قطرــــــتي
رقم العضوية :34550
المشاركات: 4,921
|
اقتباس:
وانت الجبار لانك اول القراء |
|
|
|
|
|
01-05-2009, 09:45 AM
|
#7 (permalink) |
 
تاريخ التسجيل: Jul 2006
الدولة: قطــ عمــ يــ الله ــا ــري ــر
رقم العضوية :100606
المشاركات: 2,036
|
احلى من العقد الوقت الي كنتي فيه في لندن من احلى الوقات
وتوفقتي في هاذا الوقك لندن تكون فيه رووعه انا رحتاها العام في شهر 2 فتكرت اني ماراح استانس بل بلعكس استانست اكثر من الاصيف ورجعت لها في الصيف في شهر 7 ياليتني مارحت لندن افتكرها نفص الاشتا بس طلعت ماتنطاق من الغلا و زحمه العالم وقلت ايذا باروح لندن ماراح اروح الا في الشتا وبس وتقريرج قمه في الابداع يا صاحبه القلم المميز والله يوفقج وحمدالله على السلامه |
|
|
|
|
01-05-2009, 05:05 PM
|
#8 (permalink) |
|
مسافر خبير
تاريخ التسجيل: Dec 2006
الدولة: <<Riyadh >>
رقم العضوية :118293
المشاركات: 2,151
|
احلاااا من العقد، و لندن دائما ولا احلا..
بداية رااااائعة ولندن راائعة جدا. معاكي في تقريرك اختي والنفر المراافق ... لتعيدي لنا احلا الذكريات عندي سؤال: البيكاديلي وشو الحلوفيه؟؟ كل مره اروح له بس ماشوف فيه شي ملفت!! |
|
|
|
|
01-05-2009, 09:53 PM
|
#10 (permalink) |
|
مسافر فعال
تاريخ التسجيل: Apr 2009
الدولة: saudi
رقم العضوية :253520
المشاركات: 100
|
حلو وشغل وتقرير وتصوير مرتب
يا أحلى من العقد الا شلون سويتي الصورة تاعت حركات بركات ؟ هههههههههههههههه عجبتني يعني انتي اخذتيها من فوق لندن آي ... وهي توقف والا تمشي بطيئ وعجبني المطعم حسيته دافي وشي خاص مميز  أجل تحسبين الحرس يمثل ههههههههههه وطلعو شرطة حقيقين  تقرير حلو شكرًا  |
|
|
|
|
02-05-2009, 01:22 PM
|
#12 (permalink) | ||||||
|
الكاتبة القديرة
تاريخ التسجيل: Jul 2005
الدولة: حبيبــــــــــ قطرــــــتي
رقم العضوية :34550
المشاركات: 4,921
|
اقتباس:
ياهلا فيج والله يعافيج ويسلمج ان شاء الله ... بصراحه انبسطت وايد ومن عقب انفلونزا الخنازير الواحد صار يخاف يسافر وانا اختج الله يبعد عنا وعنكم الشر اقتباس:
الظاهر ان مودي توافق مع مودك على قولة طلال سلامه عاد تصدق ان في ناس يقولون لي حلاة لندن انج تشوفين العرب فيها والحياه والزحمه والي ماتشوفينهم في البلد تشوفينهم اهناك بصراحه مااااااااااااحب اشوف احد خخخخخ ماااحب الملاغة احب الهدوء وسعت الصدروشكرا على المدح ياجميل والله يسلمك اقتباس:
سؤالك بصراحه .... يخليني افكر شنو الحلو في البيكادلي .... تصدق حبيته من اول نظره  بصراحه ماعرف شنو بالضبط الحلو فيه بس الاجواء بشكل عام عجبتني مسارح في كل صوب و واضواء وانارات حلوه والناس كلهم منطلقين والمطاعم حلوه ماعرف حبيت المكان حسيته غير عن اي مكان اخر في لندن ... الرسامين منتشرين في كل مكان والفقارا الي يسون حركات حلوه يوسعون الصدر والناس تحسهم سعيدين ماعرف والله بس حبيته .. احب امشي فيه دون توقف واشوف المحلات والمسارح والكازينوهات من الخارج تشوف اشكال غريبه خخخخ هاي الي اقدر اقوله الباقي ماعرف اعبر عنه اقتباس:
اقتباس:
وبالنسبه للمطعم بعد انا حبيته وووواااااايد واذا الله كتب لي اروح لندن مره ثانيه لازم بروح اكل فيه بس ان شاء الله القاه ... يمكن اكون ضيعته خبرك الدواعيس والطرقات كلها تفتح على بعض ياهلا فيك وفي ردك الظريف ... اقتباس:
اهم شي انه خفيف على المعده |
||||||
|
|
|
|
03-05-2009, 01:18 AM
|
#13 (permalink) |
|
مسافر متالق
تاريخ التسجيل: Dec 2008
الدولة: الكويت
رقم العضوية :232426
المشاركات: 982
|
ما شاء الله تقرير خفيف وحليو ولندن حلوة في كل وقت بس الزحمة اهي اللي تخربها
....بس شنسوي حبيناها على كل شي فيها...ودنا نروح هالسنة ونجرب خارج لندن الارياف وغيرها من مناطق بس طلعت لنا سالفة انفلونزا الخنازير  |
|
|
|
|
03-05-2009, 08:08 AM
|
#14 (permalink) | |
|
الكاتبة القديرة
تاريخ التسجيل: Jul 2005
الدولة: حبيبــــــــــ قطرــــــتي
رقم العضوية :34550
المشاركات: 4,921
|
اقتباس:
والله سالفة هالانفلونزا سالفه مالها حل بس اذا بتروحون روحو الارياف وايد احلى واحسن اكيد من الزحمه والفرجه وياهلا فيك |
|
|
|
|
|
03-05-2009, 12:18 PM
|
#15 (permalink) |
|
مسافر متميز
تاريخ التسجيل: Jun 2007
الدولة: دبي
رقم العضوية :140523
المشاركات: 511
|
الحمد الله ع السلامة اختي
وينج مطول الغيبات ... صار لج فترة غايبة عن المنتدى .... وينج تقرير حلو ... بس ليش ما مددتي مدة الاقامة كمن يوم عشان تلفينها لندن عدل .... بالتوفيق حبوبة .... |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 04:37 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||