 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E مخصصة للتقارير المصورة لأعضاء المنتدى عن دولة الإمارات |
 |
|
|
أدوات الموضوع | انواع عرض الموضوع |
|
|
28-04-2009, 09:12 PM
|
#1 (permalink) |
|
مسافر متميز
تاريخ التسجيل: Jul 2007
الدولة: الامارات
رقم العضوية :148376
المشاركات: 466
|
رحلتي الى فندق (( ذي هاربور )) في مرسى دبي بالصور ،،
السلام عليكم ورحمة الله وبركاته
اليوم حبيت انزل لكم موضوع عن فندق في دبي  الوالد الله يطول في عمره ويحفظه لنا يارب عزمنا يعني العائله كلها عزمنا في فندق في في مرسى دبي بس بخبركم شي اول انا بنزل لكم ع جزئين بيكون هو ها الجزء الاول عباره عن تعريف الفندق والجزء الثاني بيكون عن الممشى اللي هو المارينا ووك وفي يوم الجمعه الموافق 29 / 1 / 2009 طلعنا من البيت الساعه 11 الضحى وها نحن في الدرب   وهني خطفنا ع امارات مول   وصلنا مرسى دبي   وها صور الفندق من الداخل   وهني الباركنات   ونحن خذنا شقه عباره عن (( 3 غرف نوم ،، وصاله ،، ومطبخ ،، و5 حمامات تكرمون ،، وبلكونه مطله ع البحر وع فندق اتلانتس ،، وغرفه للخدامه مع حمامها تتكرمون )) وبقولكم عن السعر : : هي عبارة عن 5000 درهم في الليله وهاي قائمة الاسعار   بس نحن عطونا ب 700 درهم والسبب ان ها الفندق تابع لطيران الامارات .. وبما ان الوالد الله يطول في عمره يعمل في طيران الامارات عطونا ها الخصم ..وبقولكم ان تحتنا المارينا حلوو وفيه محل سبينس ونافوره حلوه ومطاعم يعني الفندق غالي لانه تحته المارينا  والفندق عباره عن 4 نجوم  وماشاء الله كتاب الشيخ محمد بن راشد الله يطول في عمره ،، في كل مكان كتاب (( رؤيتي )) وفي كل غرفه موجود   والشقه لازم نستلمها الساعه 2 الظهر وابويه الله يحفظه سار المسيد يصلي وانا سرت ويا اختي احوط في الفندق واستكشفه بس اول شي سرت آكل كرواسون    وبعد في طاولات برع   وها المنظر من برع   وهني ونحن طالعين من المطعم يكون ع ايدنا اليسار الباركنات وجدامنا اللوبي  ودام ان عدنا وقت لين ما تجهز الغرفه سرت اشوف حوض السباحه عندهم وال ( سبا ) وكان في الطابق الخامس وها اول ما طلعت من اللفت  وكان الجوو هااادي وموسيقى رومانسيه ودخلت عندهم وقالولي عروضهم ،، وانهم يسوون مساج ب 300 درهم وفي عندهم جاكوزي عادي فري لسكان الفندق . وها هو حوض السباحه   ورفعت راسي اصور لكم الفندق كامل  وها المنظر مجابل الحوض  المهم عطونا بطاقة الشقه وكانت في الطابق ال 39 المهم تعالوا براويكم حياكم الله اقربوا تفضلوا البيت بيتكم   وهاي الغرفه الاولى ويا حمامها تكرمون    وهاي الغرفه الثانيه ويا حمامها تكرمون   وهاي الغرفه الثالثه ويا حمامها تكرمون   وها المنظر من ها الغرفه  وهاي غرفة الخدامه وياها حمام بس ما صورت من داخل بس هي فاضيه بس فيها شبريه وغساله ومال الكوي  وها حمام في الممر قبل المطبخ  وهاي الصاله    وها المطبخ  وهاي البلكونه  وهاذا غدانا من ايد الوالده الله يطول في عمرها  وها المناظر من البلكونه من كل الجهات مثل ما تشوفون مطل ع النخله وع فندق اتلانتس  ها هو فندق ويستن  وها فندق (( غراند حبتور )) هم عمارتين متشابهات وحده صغيره ووحده كبيره واحلى شي ان الفندق ع البحر  وخلص ها الجزء |
|
|
|
28-04-2009, 09:15 PM
|
#2 (permalink) |
|
مسافر متميز
تاريخ التسجيل: Jul 2007
الدولة: الامارات
رقم العضوية :148376
المشاركات: 466
|
الجزء الثاني
بعد ما اتغدينا  هاذاك الغدا اللذيد وارتحنا شوي وشربنا جاي ،، رقدنا لين العصروالعصر طلعنا من الفندق ولفينا شوي ع النخله وسرنا فندق اتلانتس وهاي هي الصور  ونحن طالعين من الفندق    وصلنا فندق اتلانتس      المهم بعد ما تمشينا ولفينا ع اتلانتس من برع بس ،، ومادخلناه لان قبل سرنا له ولفيناه كامل فماكان له داعي نظيع وقتنا فيه ،، وع طول طلعنا وسرنا The Walk ها الممشى يديد وفيه محلات وكوفيات ومطاعم يبعد عن الفندق 10 دقايق بس بخبركم شوي عن ها الممشى بما انه يديد ,, بصراحه مكان ولا اروع واايد حلوو بس اكثر شي اجانب وكأنه تمشون في دوله اوروبيه والجو كان احلى  والحين براويكم الصور اتمنى انكم تعيشون الجو ويانا                 و ركبنا اللعبه اللي يركبونها 4 اشخاص ركبنا انا واخوي واختي وبنت عموه ،، والله ارتبشنا وصورت لكم الممشى من فوق بس والله كان احساس وااااااايد حلوو والجو كان احلى     و في نفس الوقت اصور اخويه واضحك عليه   طلعنا من ها المكان وردينا الفندق واسترحنا لين الساعه 10 بالليل .. والساعه 10 ونص طلعنا نتمشا تحت الفندق وها منظره بالليل   وصلنا سبينس  ولفينا لفه ع المطاعم وآخر شي استقرينا ع مطعم ايطالي   وتعشينا بيتزا ومعكرونه وسلطه كله اكل ايطالي لذيذ  المهم خلصنا اكل وسرنا تمشينا شوي   ونحن رادين للفندق كان محل (( سينابون )) عدال سبينس وخذنا لنا كم كيكه للسهره   ورجعنا الفندق وسهرنا لين الساعه 4 ورقدنا  وثاني يوم وعيت الساعه 9 ونص وسويت لي سندويش بيض وطماط وكوب حليب ويلست ع البلكونه  والله ما اعرف اوصف شعوري وانا اتريق في ها المكان والله الجوو كان خباااااال والمنظر كأنه لوحه مرسومه وااايد حلوو   وها منظر اتلاتنس الصبح  وفجاه لفيت يسار لقيت القيطار يمشي انصدمت ماكنت ادري انهم شغلوه المهم كان متجه الى فندق اتلانتس بس ما لحقت اصوره بس حلو كأنا مسافرين   وها منظر حوض السبحه من الطابق الـ 39   المهم بعد ما تريقنا وخلصنا جهزنا اغراضنا علشان بنسوي جك أوت وطلعنا ع الساعه 12 الظهر وسرنا مركز دبي فيستيفال سيتي وتغدينا هناك وتسوقنا لين المغرب وردينا البيت،، اتمنى ان الموضوع ينال اعجابكم واسمحولي ع القصور واتريا ردودكم الحلوه، ،وترقبوا مني في الاسبوع القادم (( زيارتي الى فندق المنزل بالصور وبالتفصيل )) ************************************************** ************ بس طلب اخير (( دعواتكم للوالد والوالده لان ها كله بفضل الله ومن ثم فضلهم هم ،، والله يحفظهم ويخليهم لنا يارب )) ************************************************** ************ |
|
|
|
|
28-04-2009, 11:00 PM
|
#3 (permalink) |
|
مسافر خبير
تاريخ التسجيل: Dec 2008
الدولة: الكويت مني وفيني
رقم العضوية :231778
المشاركات: 1,740
|
الحمدالله أول الرادين
(((الله يحفظ والديكم ويخليكم لهم))) ومشكورة والله يعطيج العافية على التقرير الروووعة عن أحلى الأماكن الجديدة أنا جربت الممشى بعطلة الربيع الأخيرة بصراحه ما أروووعه بجو الرووووعة وفي إنتظار تقريرج عن فندق المنزل |
|
|
|
|
29-04-2009, 12:15 AM
|
#5 (permalink) | |||
|
مسافر متميز
تاريخ التسجيل: Jul 2007
الدولة: الامارات
رقم العضوية :148376
المشاركات: 466
|
اقتباس:
ومشكوووره على زيارتج لموضوعي اقتباس:
وتسلمين اختي حصه على المشاركه الحلوه اقتباس:
في الامارات اسمه (( مجبووس )) بس ها اللي كانت امي طابختنه (( برياني لحم )) يمي يمي لذيذ وهي صح الحين في صيانه في هاذي المنطقه بس اكيد بعد كم شهر يكون كل شي اوكي ،، ومشكوور اخوي على المتابعه ،، |
|||
|
|
|
|
29-04-2009, 12:08 AM
|
#6 (permalink) |
|
خبير الامارات
 
تاريخ التسجيل: May 2005
رقم العضوية :22445
المشاركات: 2,364
|
 بعد ها الغدوه الحلوه .... اكيد بتنامون .. نوم العوافي يارب . ( عندنا نسميها كبسه وبالكويت مكبوس ... وعندكم بالامارات ؟؟ ) اللي اعرفه عن الشقق انها بغرفتين وثلاث وفيه عندهم نظام الفلل او الشقق الدورين في الادوار العليا . لكن بسبب اعمال البناء في المنطقه اللي جوار الشقق لم اجرب هالشقق لكن لابد من تجربتها يوم ما . الله يخلي لكم والديكم و يخليكم لهم . تحياتي لك ... ومشكوره على هالصور الحلوه . |
|
|
|
|
29-04-2009, 01:09 AM
|
#8 (permalink) | |
|
مسافر متميز
تاريخ التسجيل: Jul 2007
الدولة: الامارات
رقم العضوية :148376
المشاركات: 466
|
اقتباس:
وتسلمين على متابعتج لتقريري |
|
|
|
|
|
29-04-2009, 01:30 AM
|
#9 (permalink) |
 
تاريخ التسجيل: Aug 2007
الدولة: قلب دبي النابض
رقم العضوية :152356
المشاركات: 2,229
|
هلا ا ختي فراشة سويسرا
الله يخلي لكم الوالد والوالده الموضوع وايد روعه وان شاء الله قضيتو يوم ممتع شكل البرياني لذيييييييييييييذ ياربي عشقي الوحيد البرياني والاكل الهندي على فكره المترو يمشي بس بدون ركاب عليكم بالعافيه يارب |
|
|
|
|
29-04-2009, 06:26 AM
|
#10 (permalink) |
|
مسافر خبير
تاريخ التسجيل: Mar 2004
الدولة: الخبر_ المنطقة الشرقية
رقم العضوية :2075
المشاركات: 6,873
|
الله يعطيج العافية اختي فراشة على هالتقرير المميز بصراحه انا شدني اكثر شي صور الممشى يفتح النفس ويخلي الواحد يستمتع خاصه بالأجواء البارده والمعتدله بأذن الله راح تكون لي زياره لدبي خلال فبراير القادم ونستمتع فيه تحياتي لج : سلطان الشرقية |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 11:15 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||