 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland هذا المنتدى يعنى بتزويد المستخدم بكافة المواضيع والمعلومات المتعلقة بلندن. |
 |
|
|
أدوات الموضوع | انواع عرض الموضوع |
20-04-2009, 02:18 AM
|
#1 (permalink) |
|
مشرفة الكويت
 
تاريخ التسجيل: Jun 2006
الدولة: الكويت يا أغلى بلد
رقم العضوية :88138
المشاركات: 13,568
|
؛¤ّ,¸¸,ّ¤؛°`°؛¤ المـــــــــــــرام في لندن .. عندي لكم شوية ملاحظات و نصايح ¤؛°`°؛¤ّ
؛¤ّ,¸¸,ّ¤؛°`°؛¤ المـــــــــــــرام في لندن .. عندي لكم شوية ملاحظات و نصايح ¤؛°`°؛¤ّ,¸¸,ّ¤؛
السلام عليكم و رحمة الله و بركاته شلونكم  و الله لكم وحشه انا توني جيت امس من الكويت ل لندن ... على الخطوط الجوية البريطانيه ... كنت خايفه من السفر لدرجة اني اقوم مفزوعه من نومي  لكن الحمدلله من أول ما شفت لندن راح الخوف الفضل يعود لله ثم اخوي الغالي ... القطري جزاه الله خير   ذبحته بالاسئله و الاستفسارات لكنه ما قصر معاي ... يعطيه العافيه و الله يكثر من امثاله بسبب ظروفي ... ما راح أكتب تقارير و أحط صور عن الاماكن السياحيه اللي القاها او اشوفها ... و ممكن يقل تواصلي بالايام الجايه بس حبيت احط نصايحي و ملاحظاتي .. للي يحاتون نفسي ... و أقولكم ما له داعي تحاتون ... و راح نبدأ بالترتيب ... 1: لا تكثرون مشتريات و أغراض ... كل شي موجود ب البقالات احنا اخذنا اغراض شكثرها و اخرتها طلع الوزن زايد 2: الطيران على الخطوط الجويه البريطانيه روعه ... لكن عيبهم انه الحمام ما فيه شطاف  يعني قبل تدخلون اخذوا معاكم ماي صحه او شي تشيلون فيه الماي و العيب الثاني ... يوزعون خمر على المسافرين جتني المضيفه على بالي عصير ... تقول : واينقلت ها؟  قالت: واين قلت بقلبي : هذي من صجها تتكلم ... و اخترعت و قلت : نو نو نو  و انا معصبهيعني ل هالدرجه الغباء؟ مو شايفه اني مسلمه و حجابي على راسي * راح يوزعون وجبتين ... الاولى وجبه خفيفه و الثانيه غدا ... قبل الوصول بشوي ... الصراحه دايم اكل الطياره ما يعجبني الرحله كانت 6 ساعات * قبل تنزلون تعبون ورقة الفورم ... و خلوها معاكم ... يأخذونها بالمطار 3: احنا حجزنا من النت : التاكسي اللي يأخذنا من المطار و الفندق ... : : حجزنا الفندق من موقع بوكينج ... الموقع سهل : كل اللي عليكم تختارون الفندق و الايام ... المده اللي راح تقعدونها و تكتبون بياناتكم و بعدين راح يقولون لكم اطبعوا الصفحه و التأكيد راح يجيكم على الايميل و يدزون معاه رقم الحجز ... احفظوه اسم الفندق : shaftesbury metropolis london hyde park موقع الفندق : بس انا حجزت من بوكينج : Shaftesbury Hotels London هو نظام الموقع انه ما يخصم الفلوس لا بعد الوصول للفندق احنا كنا حاجزين بانهم يخصمون من الماستر كارد لما وصلنا الفندق قالت : تبين تدفعين بالماستر او كاش؟ قلت : اوكي كاش و دفعنا 209 باوند ل 3 ليالي قالت : بس راح نأخذ تأمين 21 باوند .. و لما تجون تطلعون من الفندق راح نرجعه لكم .. قلت اوكي الفندق موقعه حلو وشكله زينه ... لكن الغف صغيره ... بس انا ما تفرق معاي احجام الغرف ملاحظه : خلوا معاكم اسم الفندق و عنوانه عشان لو نسيتوه اما التاكسي ... من موقع والله نسيته ... ان شاء الله يكتبه لكم اخوي القطري حجزت التاكسي بالنت ب 39 باوند و طلع السايق مسلم اسمه يوسف من جزيرة موريشوس لكن من زمان عايش في لندن و ما شاء الله عليه طيب و محترم و رقمه معاي للي يبيه ... ( على الخاص ) 4: اشتروا بطاقة الاويستر ... بطاقة الركوب للباص و الاندرجراوند هي انواع : فيه للباص فقط و فيه للباص و الاندرجراوند مع بعض و فيه تختارون ... البطاقه يوميه او اسبوعيه او شهريه احنا اخذنا يوميه قلنا نجربها ... اخذناها من محطة الماربل ارش ( محطة اندرجراوند ) اعتقد ب 25 باوند التذكره الصراحه نظام الركوب يخرع .... قلنا نبي نجرب الباصات ... و ضيعنا انا و زوجي  و بعد ما ذبحنا الناس بأسئلتنا ... الحمدلله وصلنا  بس شوي شوي ان شاء الله راح نتعلم اللي عرفته انه عند كل مكان تنطر فيه الباص فيه خريطه ... تمشي مع الخريطه بالالوان و برقم الباص * و فيه باص ثاني اسمه : بيق باص هذا مختلف عن اللي فوق ... له بطاقه بروحه ... تشتريها و تركب باص مكشوف يفررك على الاماكن السياحيه ... تشوفها و انت قاعد و يركبونك مركب بنهر التايمز و تقدر تنزل عن اي مكان تبيه و البيق باص تلقون له مكاتب خاصه تبيع تذاكره .. و له محطات باص غير الباص العادي 5: البريطانيين محترمين ... و كل واحد بحاله ... مالهم دخل فيك لكن لو غلطت عليهم ... تحمل اللي يجيك لما كنا واقفين بمحطة الانرجراوند ... كنا واقفين طابور طوووووووووووويل ... جت وحده من اخر الطابور تعدت الناس و وقفت تحجز ... قاموا عليها الطابور كله صياح المسكينه قلب وجهها الوان و تأسفت و رجعتقال زوجي : هذا و هي بريطانيه منهم قاموا عليها ... شنو يسوون فينا احنا 6: الهايد بارك روعه و ما شفتها كلها من كبرها .... لكن فيها مناظر ... الله يهديهم و يصلحهم ... يعني ديروا بالكم لو معاكم جهال لا يشوفونهم و بنفس الوقت شفت فيها خليجين شكثر 7: عجبني شارع الاجورود او شارع العرب و اتمنى اسكن فيه ... لانه يحسسني اني في بلد عربي و انه فيه ناس تفهمني و كل مطاعمه حلال و البقالات حلوه و اكلها عربي و اللحم و الدجاج اسلامي ... بس مشكلته الوحيده ... الشيشه اللي تخنق بالروحه و الجيه + شوية شحاتين يلزقون فيك و المشكله ان الشحاتات لابسات حجاب ... يعني عطونا لاننا مسلمات ... شوهوا صورة الاسلام الله يسامحهم جت جنبي شحاته لازقه فينا طول الطريق و احنا مطنشينها ... ولا تطيح مني خرده ... قلت دام انها طاحت بالارض باعطيها لها عطيتها ولا على طول لقيت اللي تركض و لزقت فيني كأنها تقول ليش تعطينها و ما تعطيني هذا كل اللي اذكره ... ان تذكرت شي راح اقولكم لا تنسون تدعون لي |
|
|
|
20-04-2009, 09:24 AM
|
#7 (permalink) |
|
مشرفة الكويت
تاريخ التسجيل: Jun 2006
الدولة: الكويت يا أغلى بلد
رقم العضوية :88138
المشاركات: 13,568
|
الله يسلمكم
 نسيت أقولكم ... * بالفندق النت مجانا و ب اللوبي فيه كمبيوترين للي يبي يستخدمهم مجانا و الحمام زين ... لكن ما فيه شطاف ... يعني نفس سالفة الطياره ... خلوا معاكم شي تشيلون فيه الماي و بالنسبه لبطاقة الاويستر ... الاحسن تأخذونها ل زون 1 و 2 ... لانهم هم اللي فيهم الاماكن السياحيه و ان تذكرت اي شي راح احطه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:13 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||