 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى تايلاند. |
 |
|
|
أدوات الموضوع | انواع عرض الموضوع |
|
|
14-04-2009, 09:47 PM
|
#1 (permalink) |
|
مسافر خبير
تاريخ التسجيل: Mar 2009
الدولة: ديره مامثلها ديره
رقم العضوية :244630
المشاركات: 2,543
|
فندقنا اليوم بيكون ... من اجمل فنادق جزيرة بوكت
The Aspasia Phuket   الفندق جدا راقي ويقع في Kata Beach بجزيرة بوكت ... يبعد عن الشاطيء 5 دقايق فقط ويبعد ساعه 1 واحده عن مطار بوكت .. والفندق يوفر خدمة لموزين مقابل 850 بات لاستقبالك من المطار .. اما بالنسبه لمكان الاقامه .. فالفندق يقع على الشاطيء الابيض الرائع والخيالي جميع أماكن فندق Aspasia تتخللها ديكورات رائعه تعكس طبيعة الارض والنباتات والزهور .. الفندق يحتوي على عدة غرف واجنحه ... وهذا موقع الفندق اللي يتيح لكم مشاهدة الغرف والاجنحه بتصوير طبيعي بالفيديو وايضا باقي مواقع الفندق من مطعم الفطور - الشاطيء - اللوبي - حمام السباحه The Aspasia Phuket - Kata Beach - Phuket      اما طرق الدفع : تقبل بطاقات الائتمان : أمريكان إكسبريس ، فيزا ، اليورو / ماستركارد ، داينرز كلوب ، وجيه سي بي |
|
|
|
14-04-2009, 10:39 PM
|
#6 (permalink) |
|
مسافر خبير
تاريخ التسجيل: Mar 2009
الدولة: ديره مامثلها ديره
رقم العضوية :244630
المشاركات: 2,543
|
صوغتنا ...
صوغتنا ( الهديه المرسله من المسافر لاهله واحبابه ) ... شي حده روعه ...   هذي الاداة عجيبه ... انا شريتها بسفرتي الاولى ... من روبنسون ... ومن خوفي عليها لا تضيع او تخترب ... قمت شريت 2 بالسفره اللي بعدها  وهذي بعد شريتها ... تقريبا وظيفتهم وحده شيسوون ؟؟؟ انا اقولكم ... يبشرون الخضار بطريقه عجيبه ... خيوط رفيعه وطويله ... تصلح حق ( الجزر - الخيار - الكوسا البطاط ) هذيل اللي جربتهم ...  نفس الخيوط ... وهذي اداة تقشر التفاح والمانجا والعرموط ... عجيبه صح .. بس ليش ماشريتها ؟؟    كل هالسوالف تحصلونهم في : روبنسون / سنترال / سوق الاحد ( نهاية الاسبوع ) / شاينا تاون واسعارهم جداااااااا رخيصه ونطروني مع صوغه جديده وغريبه |
|
|
|
|
15-04-2009, 01:16 AM
|
#10 (permalink) |
|
مسافر خبير
تاريخ التسجيل: Mar 2009
الدولة: ديره مامثلها ديره
رقم العضوية :244630
المشاركات: 2,543
|
تعالوا نروح ....
لمحبي التسوق موسوعة عن المراكز التجارية والاسواق الليلية Seacon Square  من اكبر مراكز التسوق في بانكوك ... تم افتتاحه عام 1994م ويقع في منطقة Prawet في بانكوك ... ترى مو بعيد كم كيلو بس عن منطقة نانا  مساحة 500000m2 وفيه أكثر من 400 محل تجاري ... ويشمل ايضا منتزه للاطفال اسمه Yoyo land واايد حلو لليهال ... وهذا موقعهم : : Welcome to Seaconsquare : : ان شاء الله يعجبكم ... اللي يحبون الديكورات والستائر والكفرات والشراشف ... اقدم لكم هذا الموقع PASAYA - Home decor, Luxury Bed Linen, Curtain, Cushion, Dining linen, Neckties, Fabric item وهذا عنوانهم ... المكتب الرئيسي معرض المنسوجات المحدوده 77 /191-192 Sinnsathorn برج 42nd غيلدر ، Krungdhonbur i الثالثة. ، Klongsarn ، بانكوك 10600 تايلاند هدايا ... واااااااااااو   البضاعه حدها حلوه ومتنوعه ... واللي يدش المحل مستحيل يطلع وايده فاضيه ...      كل ستايل في منه طقم ( مداليات - كفر للكلينكس - مقلمه - جنطة ميك اب - فايلات مراييل مطبخ - بيوزه - ابواكه - علب - اكياس - براويز - مرايات - معلقات - علاق ملابس جنط باحجام متعدده - اللعاب - نعل - فوط ....الخ ) طبعا تقدرون تشترون السلعه مفرقه ... موشرط تاخذ الطقم كله والاسعار زينه ... وللبعض ممكن تكون غاليه ... بس المتيريل جودتها جداااااااااااااا عاليه ... على قولتهم كد ومد تبارك الرحمن  انا اذا دخلت المحل ... انسى نفسي ... وقبل لااحط رجلي اليمين ... ابومنيره يبتسم ... ويقول الله يستر ..هههههههههه وليه طلعت ... لازم يسمعني كلمته ... انتي يبيلك كونتينر يالله يكفي هالغش ...هههههههههههههه بعد ياربي طاقين درب ومانتشرا ... موعدل ليمونه ؟؟  هذا فرعهم بمطار بوكت  هذا موقعهم .. تطمشوا NaRaYa: Bags and Accessories لهم عدة افرع بكل تايلند منها : CENTRAL FESTIVAL PATTAYA BEACH NARAYA HEAD OFFICE BRANCH CENTRAL LARDPRAO CENTRAL WORLD PLAZA BAAN SILOM SUKHUMVIT 24 PATPONG DREAM WORLD PHUKET اتمنى انه نال اعجابكم ... بس قرقشوا بيزاتكم اليوم بنروح سوق الاحد / تشاتوشاك هذا السوق يفتح ابوابه خلال يومي السبت و الأحد من كل اسبوع ، وستجد في هذا السوق كل البضائع التي تباع في اسواق تايلند مع الأخذ في الإعتبار بأنها نفس البضائع وبسعر اقل ومن أمثله هذه البضائع الملابس والتحف و الأحذية و الحيوانات و الأثاث والزهور ...الخ ، وللتجول في هذا السوق تحتاج ليوم كامل مع الاحتفاظ بخريطة الموقع معك فهو سوق كبير ...   المكان جدا مزدحم  طيور منوعه وغريبه  مطاعم ماتصلح لنا   ارانب  مساومه ومكاسر  عيش ( رز ) تايلندي اسمر وابيض وبقشوره وبقول وبهارات واعشاب بحريه   لحوم  تحف واواني منزليه  نباتات وزهور  ليتات بكل الاشكال ( انوار - لمبات - اضاءه )  سمك  ماانصحكم تشترون فاكهه مقطعه .. لعدم نظافتها ..  ادوات مدرسيه رخيصه .. وسوالف حق توزيعات المواليد والقرقيعان تنباع هناك  فاكهه وخضراوات بلاستيك ... بس كاسروهم سعرهم شوي غالي  خريطة الطريق الى السوق ... ويبعد عن نانا ربع ساعه بس والتاكسي 100 بات يكفيه ... لاتعطيه اكثر .. وماانصحك عداد الطريق جدا مزدحم  خريطة السوق ... وفيها محدد كل قسم  والحين بعد اللويه بالحر ... بردوا على قلوبكم بعصير ليمون تايلندي بانكوك عاصمة التسوق  البدايه مع ....  هذا موقعه ... تطمشوا ...على كل شي Siam Paragon : The Pride of Bangkok المول وايد حلو وراقي ... اسعاره شوي غاليه ... ومكانه جدا قريب لمنطقة نانا تقريبا 10 دقايق ... وفيه ( سيام اوشن وولد ) عالم المحيطات وايد حلو حق الصغار والكبار وهذا موقعه http://www.siamoceanworld.co.th/ وصج مكان مايتطوف ... الحين بنروح ....  وهذا موقعه ... CentralWorld : The Largest Lifestyle Shopping Destination in Bangkok المول نوعا ما غالي ... وفيه اغلب الماركات العالميه ... وايضا فيه محلات اسعارها مناسبه للبعض وهم مو بعيد عن منطقة نانا ... نــــــــــواصـــــــــــــــــل   وهذا موقعه Center of Fashion Mall & Shopping Plaza in Bangkok Thailand: MBK Center على فكره المول يفتح 11 الصبح ... اما اسعاره مو ثابته لانك تقدر تكاسر في بعض المحلات ... وايضا مو بعيد وايد نـــــــــــــــــــــــواصـــــــــــــــل   وهذا موقعه CENTRAL Department Store المول هذا مثل دبنهامز او نكست ... بضاعته حلوه وعندهم ماركات وفيه سوالف حق اليهال حلوه وكشخه تصلح للعيد و اسعاره شوي غاليه ... او مقاربه لاسعارنا ... وله عدة افرع ...  وهذا موقعه Careers at Big C « Big C Supercenter المول هذا مثل هايبر او كارفور ... تحصلون فيه فواكهه وشوكليت وحلويات وملابس عاديه وادوات تجميل وتنظيف ... ورخيص نــــــــــــــــــــواصل   وهذا موقعه Amarin Plaza: Kolors of Style الصراحه ماني ذاكره المكان للامانه ... بس من خلال بحثي يستحق الزياره وهم قريب ... موبعيد  وهذا موقعه http://www.suanlum-nightbazaar.com/ السوق هذا منوع ووايد حلو ... كل شي فيه .. ملابس وشنط و تحف ورسامين .... وقريب مو بعيد بالمره نــــــــــــــــــــــواصــــل  وهذا موقعه Robinson Department Store هذا بعد يشبه دبنهامز ... وفيه عدة طوابق ... كل طابق متخصص بشي ... اسعاره جيده وللبعض غاليه ... فيه سوالف لليهال وايد حلوه جدا قريب ... وانا من فندق اروحله مشي ... وايد قريب  وهذا موقعه Bangkok Shopping Mall & Guide To Luxury Shops In Thailand : Gaysorn وايد حلو مثل روبنسون وسنترال تقريبا ... وهم قريب نـــــــــــــــــــــــواصـــــــــل   مجموعة اسواق سيام دسكفري / سيام سنتر / سيام تور وهذا موقعهم : : Siam Piwat Co.,Ltd : : منطقه كبيره فيها كثير من المجمعات الشعبيه والمولات والمحلات ... تلقون فيها سوالف وايد حلوه من ملابس واحذيه واجهزه وشنط وكتب واللعاب ...الخ قريبه من منطقة نانا ....  وهذا موقعه Pantipplaza.com مول متخصص في بيع الكمبيوتر واللاب توب والموبايلات والكاميرات و dvd وايد حلو ... وايضا قريب من المنطقه نـــــــــــواصــــــــــــــل   هذا موقعه Emporium Thailand مول حلو وفيه سوالف لليهال ... يبيله تقريبا نص ساعه اليوم بنروح Pratunam هالمنطقه هذي جدا معروف بتايلند ... واليوم صارت اكثر شعبيه عند السواح وخاصه التجار العرب راح تلاقون فيها الملابس ذات الصناعه اليدويه / الحرير / القطن / الفضه / الفخار / المنحوتات الخشبيه / الجلود / ساعات / الات حاسبه / جينزات / تي شيرتات / قمصان / حزم اطعمه ...الخ اعتقد المكان عباره مجمعين وعدة محلات مفتوحه ... واغلبها تبيع 3 قطع بسعر مميز ... وماعندهم مفرق ... المكان اللي نتكلم عنه جدا قريب من برج وفندق بيوك سكاي  جينزات / جوارب / ملابس  هالجنط زوغه يصلحون حق الرحلات والشاليه والتسوق و شيل المطاطير ( الترامس ملوت القهوة والشاي ... ) وسعرهم رخيص  في احجام وموديلات مختلفه  لازم تاخذون 3 قطع ... واسعارهم جدا مناسبه ورخيصه   احذيه منوعه   شباصات / اكسسوارات رخيصه ... نفس اللي mbk والمولات الثانيه   دلاقات ( جوارب ) واندر ويرات لليهال والكبار ... جهزوا عيالكم حق المدارس من هناك  شالات / ملابس    ادوات خياطه ( خيوط - زراير - خرز - دانتيلات - جيبير - خيوط صوف )   اللعاب ... صوايغ ... اخذ 3 بسعر مناسب   قمصان وتي شيرتات رجاليه ... عندهم موديلات حلوه تصلح لطلبة المدارس   جنطه قماش ... تصلح للقرقيعان .. اشرايكم ؟؟  اضاءات متنوعه وحلوه ورخيصه  ملابس تايلنديه تقليديه زبدة الكلام : المكان وايد متنوع بكل انواع البضايع ... ممكن التاكسي مايوقفك بالمكان المطلوب ... حرص عليه افضل وقت لزيارته الصبح ... المكان يبعد تقريبا نص ساعه ... وتقريبا مزدحم ... نصيحه طولوا بالكم ... اذا كنتوا حابين تشترون ... لان المكاسر ياخذ وقت وايضا المكان غير مكيف ... في اغلب المحلات ... وهذي خريطة المكان ..  خريطة مركز التسوق والمحطات القريبة منها في بانكوك  أذا ما عندكم وقت للتسوق السوق الحرة تغنيك عن التسوق في مراكز التسوق والجميل أنه بأمكنك أن تتسوق داخل مركز التسوق التابع لهم وتستلم مشترواتك وأنت في المطار ..يعني بتتسوق يعني بتتسوق وهذا موقعهم http://www.kingpower.com/home.html بس لازم يكون معاك جواز وتذاكر السفر بات بونغ / السوق الليلي ... بانكوك يفتح السوق الساعه 7 مساء ... اهو عباره عن بسطات يايه بشكل طويل ورا بعض وعلى اطرافها محلات ( بارات - shw ) وغير لائقه لنا كمسلمين وعرب شنو ينباع بالسوق ...؟ كل شي تقليد ... الشنط / الجواتي / الملافع / الساعات / البواكه / النظارات / قمصان شنط سفر / اكسسوارات / dvd ...الخ الاسعار جداااااااااا مبالغ فيها ... بس عليكم بالمكاسر ... وعطيه اقل من النص البضاعه بالنسبه لي جداااااااا رديه ... وماتقعد عند الواحد شهر ... واذا بتقولون درجه اولى حتى الدرجه الاولى عندهم رديه ... وهذا رايي الشخصي ... يمكن غيري عاجبته المكان حار ورطب ومزدحم جدااااااااااا ... يعني كتف بكتف بعض البياعين اللفاضهم مو حلوه ... يعني مثلا ليه شافوا وحده خليجيه يناديك ياهلوه يا كميل مصيبه بسرعه يتعلمون عربي ... واحنا سنين رايحين ورادين ماغير سبايدي كاب الصراحه شي بقمة قلة الادب ... وماعجبني المكان ... تجنبي تاخذين اطفال معاك ... ماتسوى تضيعين عيالك على تقليد لو ماركه ممكن هههههههههه اتغشمر اسم الله عليهم اذا كنتي مصممه وبخاطرك شي ... تعالي المكان بالنهار ... في كم محل على اطراف البسطات عندهم سوالف حلوه ... وهم المنطقه بالنهار تكون هاديه علشان الربع نايمين ... ومايصحون الا بالليل ...         اهني قبل لا يحطون بسطاتهم   الحبيب يدلل ويعزم على الامراض والسم اللي عنده بالبار ... قوى مناعتكم اخواني بدينكم وعقيدتكم الاسلاميه ... وخافوا الله بانفسكم واهلكم وكونوا خير السفراء لبلادكم ...             Esplanade Bangkok  المول عبارة عن سبعة أدوار ويوجد في المول 12 صالة عرض سينمائي بـــ 3000 مقعد في مساحة 12000 كما يوجد به مطاعم وصالة تزلج وملعب بولنق وسوبر ماركت كبير ...  محل ومركز اطفال اسمه for kids center متخصص في بيع اللعاب الاطفال والملابس وكل احتياجات الطفل ... الصراحه شغل عدل مدل هذا موقعهم ... تطمشوا : ¢ح§àإè¹ ¢ح§àإè¹à´ç، ت×èح،زأتح¹تسثأر؛à´ç، à؟حأى¹شà¨حأىà´ç، ¢ح§µ،لµè§؛éز¹ أ¶à´ç،àإè¹ ¢ح§لµè§؛éز¹ ¢ح§¢ار* µراµèح ¢ح§àإè¹نءé وهذا عنوانهم : 48/17 Preecha Complex Soi Ratchadapisek 20 , Huay-Kwang Bangkok 10310 Tel : +66(0) 2276-0303 Fax : +66(0) 26943433 وهذي الخريطه ...   هذا محل متخصص بكماليات البيت ... عنده سوالف حلوه وهذا موقعه FAI SOR KAM - Home collection عنوانهم ... Show Room Address : Siam Discovery Center 989, 4th Floor, Room 424A, Rama I Rd., Pathumwan, Bangkok 10330, Thailand Tel / Fax : (66 2)6580449 سيام دسكفري سنتر Show Room Address : Siam Paragon 991, 4th Floor, Room 437 Rama I Rd., Pathumwan, Bangkok 10330 Thailand Tel : (66 2)610 9717-8 Fax : (66 2)610 9718 سيام براغون   river city complex المول هذا حلو حق اللي يحبون اللوحات والمعارض الفنيه والانتيك وهذا موقعه .: : Welcome to River City website : :. Erawan هذا جزء من فندق جراند حياة ... ويتكون من ارع طوابق ... اغلب المحلات ماركات عالميه حبيت اوضحه لكم ... لان الكل يذكره ... بس بصراحه انا اشوف ماتسوى زيارته ... الا اللي بخاطره يروح ... وهذا موقعه ERAWAN BANGKOK  Future Park Rangsit مول كبير وايد يحتوي على عدة محلات منها ربنسون وستور والكثير من محلات القرطاسيه والاجهزة المنزليه والهدايا ... و70 مطعم وسينما وبولينغ وحديقه و مركز بريد ....     وهذا موقعه : : Future Park Rangsit : : ومكانه يم المطار القديم لبانكوك ... Nana Square هذا مول صغير بشارع العرب - نانا ... يم الاشاره ومقابل مطعم اكبر .... مكون من 6 طوابق تقريبا المول جداااااااا هادي .... فيه عدة محلات ... منها ( محلات البخور - محلات احجار ومجوهرات ستار بوكس - مكتبه تبيع جرايد سعوديه يوميه - محل تصوير دايما احمض الافلام عنده محلات مساج - صالون ( اللي قصينا فيه شعر منيره بالتقرير ) تلقون بسطات و محلات صغيره ... في وسط المول بالدور الارضي ... كل يومين تتغير وايون ناس غيرهم عندهم سوالف حلوه ... بس كاسروهم في مطعم ايطالي ( بيتزا ) بالدور الارضي وااااااااااااايد لذيذ وحلو ... ودايما انتغدى او انتعشى فيه نطلب منه : بيتزا ( خضار - مارجريتا ( صلصه طماط وجبن بس ) ) اصابع الجبن سلطة سيزر فتوشيني مع الوايت صوص والحلو تيرمسوا يهبل .... اخذوه تيك اوي ينن تاكلونه بالفندق وسعره مناسب ....      جوله اخرى بالـــــــصـــور مـــــع mbk او طوكيو ماركت يفتح 11 الصبح - 11 ليلا ...          Pantip Plaza او كمبيوتر سنتر يفتح 10 الصبح - 30, 8 الليل        |
|
|
|
|
15-04-2009, 04:25 PM
|
#12 (permalink) | |
|
مسافر خبير
تاريخ التسجيل: Mar 2009
الدولة: ديره مامثلها ديره
رقم العضوية :244630
المشاركات: 2,543
|
اقتباس:
|
|
|
|
|
|
«
ღ−ـ‗»كتابة اسم الطيران الذي اخترته لسفركم والسبب«‗ـ−ღ
|
تايلاند معلومات مهمه واسعار منخفضة للطيران
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 03:21 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||