 |
 |
 |
||
|
|
|
||
 |
|
 |
|
|||||||
| بوابة السفر إلى المملكة العربية السعودية K.S.A تخص المناطق الوسطى والشماليه تقارير - استفسارات.. |
 |
|
|
أدوات الموضوع | انواع عرض الموضوع |
12-04-2009, 03:55 PM
|
#1 (permalink) |
|
مسافر متميز
تاريخ التسجيل: May 2007
الدولة: إماراتية وأفتخر
رقم العضوية :134435
المشاركات: 514
|
- من بوظبي إلي أبها مرورا بالرياض . . *
مرحبا بأخواني وخواتي في بوابة المملكة العربية السعودية السموحة اذا جا موضوعي متأخر بس مشاغل الحياة ودراسة العيال و الدوام بس الحمدلله فضيت نفسي شوي و قلت يستاهلون الأعضاء التعب و أشكر بنتي الغالية اللي تعبت على التصوير و تظبيط الصور و تنزيلها ( بعد مدة طويلة خخخخخخخخ  ) أول شيء بسم الله الرحمن الرحيم السفرة بتاريخ 3- 8 - 2008 الرحلة مكونة من : بو العيال ( الله يحفظه ) و أنا  والعيال  بنت الله يحفظها و ( محمد و أحمد و خالد ) والشغالة ( ونعم العون في السفر )  نوع السيارة : دوج درانجو ( غيرنا التواير و شيكنا عليها و سوينا أوراقها كلها ؟؟؟؟!!!!!! وصارت سالفة عقب بخبركم عنها ) كانت هاذي أول رحلة للعمرة بالنسبة لي وللعيال وقررنا نطلع من بوظبي إلي الرياض ثم للمدينة ثم مكة ثم أبها ثم الرياض ثم بوظبي . توكلنا على الله وطلعنا الساعة 9 بالليل و مرينا بيت عمة العيال وسلمنا عليهم و عقب مرينا بيت جدهم وسلمنا عليه وطلعنا صوب الغويفات و طبعا في وقفات بالطريق من عشا و راحة وشرب شاي . الحمدلله أن فيني طبع أحمد الله عليه دوم أني أكون صاحية طول وقت السفر و أراعي الشيبة من قهوة وشاي وعصير المهم وصلنا منفذ الغويفات الساعة 2 الفجر و راح بو العيال يختم الجوازات وتأخر نص ساعة وعقبها ساعة و بديت أقلق وهو موقف السيارة في الإنتظار جان أشل السيارة و احطها بالموقف الجانبي صوب مكتب الجوازات و أخلي العيال يروحون لأبوهم يسألونه عن التأخير . جا بو العيال وقال ما نقدر نطلع من الإمارات لأن السيارة عليها تعميم البنك ؟؟؟؟؟ قلت له كيف وانت فكيت الرهن ودفعت لهم المبلغ كامل و أنا سويت كل إجراءاتها ؟ قال بس لين الحين البنك ما شل التعميم من السيستم ... قلت والحل قال يا نرد بوظببي يا نبات و باجر يحلها ألف حلال ... قلت له الحل الثاني أهون . وفعلا تمينا بالسيارة حوالي ساعة ونص نسولف و ندردش و نهزب العيال  لأنهم نشوا من الرقاد و هاتك يا أسئلة ونحن صراحة كنا من شدة التعب ما نبا نتذكر الموقف المهم قال بو العيال ما شي غير أشوف لنا غرفة لين الصبح على الأقل نمدد ريولنا وراح لف له لفة ورجع قال : شي غرفة بتتأجر بالساعة شورايج ؟ قلت له : أي شي هي كم ساعة والسلام .وصلنا للغرفة و عينك ما تشووف إلا النور غرفة متر في متر و سريرين بس الشراشف والمخدات من زمن الفراعنة ( الحمدلله شالين ويانا فرش ومخدات ) و حطينا أغراضنا وفرشنا فرشنا تصورو ( سرير تمددت عليه بنت ويا ولدي الصغير ) و سرير جلست عليه أنا وبو العيال وأحمدو ) و محمد انشغل بالبي اس بي و الشغالة وحليلها فرشت على الأرض و قعدت و طول الـ 3 سساعات ونحن ضحك وتعليق على الغرفة  و العيال كل شوي اللي يقول أحس بصراصير في أذني واللي يقول والله بتطلع لنا حية و اللي يقول السقف بيطيح .... المهم أذن الفجر و حمدنا ربنا على النعم و طلعنا على طول توضينا وصلينا و صوب الجوازات على طول .اتصل بو العيال على مرور دبي و خبرهم الوضع و جزاهم الله الف خير خلصو الموضوع بساعة وحدة وكنا مخلصين الإجراءات على الساعة 8 ورحنا فطرنا في كنتين المنفذ و توكلنا على الله صوب الرياض . وهاي بعض الصور من الطريق ( بس من غير ترتيب ) لين أكمل لكم عقب .....  في الطريق عند منفذ الغويفات  |
|
|
|
12-04-2009, 05:06 PM
|
#2 (permalink) |
|
مسافر متميز
تاريخ التسجيل: May 2007
الدولة: إماراتية وأفتخر
رقم العضوية :134435
المشاركات: 514
|
نكمل  العشا على طريق منفذ الغويفات  بالعافية  رفيقة الدرب والسهرات الطويلة و مقندة بهيل وزعفران  أحمدوووه و نوووووووووووووومة من الملل وشخير يعذب السامع  خالد فديته متملل من الوضع وزعلان عشان ما طلعنا للرياض  الغرفة اللي كلمتكم عنها و السهرة الصباحي  نفس الغرفة والملل واضح من الجلسة  كنتين المنفذ وطلب الريوق بعد انفراج الأزمة و الإستعداد للتوجه للرياض  من الريوق اللي كان يتضمن ( فول – بيض مقلي – بيض شكشوكة - كلوب ساندويش – شاي وقهوة )  وخذنا ريالات للطريق  ومع دعاء السفر نور وجه خالد ورجعت له البسمة مرة ثانية  صورة من الطريق بعد ما دخلنا حدود المملكة  صورة من الزحمة اللي على ATM الراجحي في الدمام |
|
|
|
|
13-04-2009, 06:26 PM
|
#13 (permalink) |
|
مسافر متميز
تاريخ التسجيل: May 2007
الدولة: إماراتية وأفتخر
رقم العضوية :134435
المشاركات: 514
|
يا مرحبا بكم اليوم نكمل رحلتنا للرياض من عقب ما توكلنا على الله واتجهنا من الغويفات صوب الرياض ومثل ما انتو عارفين مرورا بالهفوف و المناطق اللي بالدرب ( و الله ما عدت أذكرها ) و و قفات الغدا والراحة والصلاة و محطات البترول و صلنا للريا على الساعة 4 العصر وقمنا ندور على فندق قريت اسمه من المنتدى لكن عنوانه مب وياي و طبعا شغلنا النيفيجيتور مال الموبايل و ماشي فايدة المهم بعد اللف والدوران حوالي ساعة لقينا يافطة لأجنحة فندقية و وقف بو العيال و قال بسير اشوف هالمكان وبرجع لكم راح ورد وقال يلا نزلو و هاتو الأغراض اللي تبونها خلاص بنسكن أهني . والحمدلله يوم دخلت وشفت المكان كا مريح ونظيف و يوم دخلت الشقة استانست لأنها نظيفة و وسيعة و تتكون من ( غرفتين وصالة و حمامين ( وانتو بكرامة ) و صالة كبيرة واستانسو عليها العيال . قبل المغرب بشوي اقترح علينا بو العيال نروح نتمشى بالرياض لكن الفكرة لغيتها من راسي لأن التعب كان هالكني من جلسة السيارة لكن العيال سارو وياه .... و رجعوا عقب ساعة ونص لأنهم تعبانين و طلبنا لهم عشا من مطعم توتي بيروتي بس لذيذ طعم الشاورما غيررررررررر و عقب العشا اللي سبح و رقد واللي سبح وشغل السوني و اللي جلس على اللاب و شبك بالوايرلس بعد ما أخذنا الباسوورد من الإستقبال . اصبحنا الصبح كلنا بنشاط وحيوية و سوينا شاي وقهوة وطلع بو العيال وجاب لنا فول وتميس و سوينا شكشوكة والحمدلله على النعمة ومن عقبها توكلنا على الله وصوب الفيصيلية و برج المملكة وشارع الستين و لفة بالرياض و مرينا على بندة و خذنا لنا كمن غرض وماي و فواكة و طلعنا من بندة رحنا ماكدونالدز عشان العيال يتغدون و عقب ناخذ لنا غدا عبارة عن ( مندي ورز بخاري ومثلوثة و كنافة يمي يمي يمي ) ورحنا للشقة وتغدينا الحمدلله وريحنا العصر . اتصل عم العيال وقال انه وصل اول الرياض و سار زوجي يحجز لهم بنفس فندقنا ولقا شقة بالدور الثاني أوسع من شقتنا و حجزها لهم وأنا سويت لهم شاي وقهوة و اتريناهم لين عقب صلاة المغرب ووصلو بالسلامة و جلسنا معهم نسولف و العيال يلعبون سوني وكان جو حلو ومن عقبها عزمناهم على العشا و طرشنا عشاهم لشقتهم عشان ياخذون راحتهم وينامون بدري لأن الصبح بيطلعون لأبها ونحن بنشد الرحال للمدينة المنورة . وهاي شوية صور من أول يوم بالرياض الجميلة الي يوم التوجه للمدينة الغالية وطبعا بكمل الجزء الثاني في بوابة الحرمين وألقاكم هناك باذن الله تعالى .  خالد فديته و كل شوي السؤال المعتاد ( ماما وصلنا السعودية والسعودية يقصد بها الكعبة المشرفة )  الطريق للرياض والغبار صديق الرحلة  الروب واللبن رفيق الغدا دائما  الغدا حياكم معانا  الله يعينه حمال الأسية والله يحفظه لأهله  رفقاء الصحرا اللي يسلون الأطفال في الدروب الطويلة  والحرارة عالية ( شوب شوب ) الله يعين الجميع على صيف الخليج  وبانت ملامح المدينة الجميلة  خطوة خطوة نحو الهدف و كل ما قرب الموعد تفز قلوبنا من مكانها لأنها المرة الأولى لنا جميعا نزور فيها المملكة الحبيبة  المكان ذكرنا بنادي العين ( الزعيم )  بداية البحث عن فندق ؟؟؟  ويستمر المسلسل  على قولة خالد ( ماما هذا طااااش ماااطاااش ) خخخخخخ  ولقينا منقذ الوضع الحرج أخيراااااااااا  و سمينا بسم الله ودخلنا قلنا نشووووووف !!!!  لا والله البداية مشجعة و بدت الراحة تسري في العروق  عجبني المطبخ نظيف ما فيه ريحة  الصالة شرحة ووسيعة  مناسبة للعيال بس المشكلة العيال رقدو في الليلتين بالصالة عشان التلفزيون والسوني  من نفس الغرفة زاوية ثانية  أول الصالة من عند الباب  التلفزيون الوحيد بالشقة ومقره الصالة ( الوضع غريب أغلب الشقق عندنا وعندكم بتلفزيون واحد ؟؟؟؟)  طلة على اللوبي  وكمان اللوبي  تفضلو معانا العشا من توتي بيروتي  أصبحنا وأصبح الملك لله الواحد القهار ( نبي نتمشى بالرياض يلا )  بالضبط مقابل الأجنحة الفندقية على الشارع الثاني .... ها عرفتو المكان ؟؟؟؟؟  بداية الجولة الصباحية  أهم شيء بكل مكان نسافر له  صورة من المجمع  أحمدووووووووووووووووه مستانس على الرياض و حبها كثير  نافورة على شكل شلال مائي  وطبعا هذا من معالم طااش ما طااااااش بعد  نكست لازم نمر عليه  حان وقت الغداء ومافي غير ماك وربعه  هلا بالطيب الغالي وانتظار الغدا لين يجهز  عجبتني غرف العوايل وطريقة تقسيمها  وهذا البيج ماك وصل  يلا شباب ..... بالعافية  وطبعا نحن مب راعين ماك و لا غيره ما إلنا غير المندي والمثلوثة  الحلى كنافة ولا أحلى  الشقة الثانية اللي حجزناها لعم العيال  غرفة النوم الرئيسية  الصاالة بس أكبر عن صالة شقتنا  جانب آخر من الصالة  ويشدون الرحال إلي أبها البهية  ونحن متوكلين على الله وصوب المدينة المنورة  وبداية لدرجة حرارة صيفية |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 07:11 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||