الموضوع: شنو اييب بضاعة من الكويت

السلام عليكم ورحمة اللة وبركاتة

بنات انا ابي اسافر الكويت وما ادري شنو اييب بضاعة من هناك

وابي تدلوني على الاماكن الرخيصة حق كل شي ( عطور خلطات بخور ملابس اكسسوارات قمصان نوم .... الخ )

هلا أختي وحياكم بديرتكم الثانية
وبخصوص سؤالج
عندنا سوق سيتي سنتر بالسالمية وبه سوق المعلم المركزي للوازم العائلة والكثير من المحلات
وبعد موجود سوق الفحيحيل قريب من مجمع أجيال أيضا هو عبارة عن منطقة تجارية يبدأ من سوق سلمان فيه محلات بدل نسائية ومحلات إكسسوارات وبالخارج فيها الكثير من الأسواق المركزية للوازم العائلة مثل بيت أولادنا والعائلة والجوهرة والكثير وكشكات للعطور والبخور والملافع
وبعد مجمع العربيد بمنطقة الفروانية هو عبارة عن مجمع فيه الكثير من الخياطين لخياطة الدراعات والعبايات بس تختارين الموديل والخام من عنده بأسعار من 7 دنانير إلى فوق
وبعد سوق المباركية
أتمنى أن أفتك
رحلة سعيدة

هلا اختى انصحج ما دام بتبيين بضاعة روحى سوق الديرة روحي سرداب الشايع كلة شغل مكياج وصناديق حق المكياج واكسكسوارت ويعد فيه عطور وإذا طلعتى فوق فيه محلات العطور والدهن العود فيه راح تلقين الغالي والرخيص واهم بعد فيه سراديب بالديرة تلقين اللي طلبتية

وبعد إذا تبين شي غريب روح محل امير الامراء في حولي شارع تونس يبيع فناجين كاكاو بس تصبين القهوة وبعدين تاكلين البسكوت واهم اسمة شي غريب مو موجود عندكم في ديرتكم ،،،،،

هم بعد الملافع والدراريع الحلوة وللي تكون سعرها مناسب بعد

المكسرت الإيرانية _ الجلابيات - المكياج _ الرهش (الطحينية) الأقمشة الرجالية

هذا اغلب ما يجيبونه الربع

وعندك سوق المباركية

روحي سوق المباركيه ... فيه اشياء روعه و رخيصه
ان بغيتي العود و العطور ... شوفي سوق السلاح .. داخل المباركيه
اما الدراريع شوفي العربيد
و حياكم الله

عندك بعد فاشن مل بسرداب مجمع منيره بالسالميه عنده سوالف حلوه ورخيصه

اذا بتنوعين بضايع رجالي ونسائي .. بتكلم من خبرتي بالرجالي .. الخام الرجالي وركزي على الأبيض والليموني الخفيف والغتر الرجالية الخفيفة السويسرية .. بيطيرون منج بسرعة .. خصوصاً الخام الرجالي

والله يرزقج ويوسع برزقج ويؤتيج من فضله