 |
 |
 |
||
|
|
|
||
 |
|
 |
|
|||||||
| بوابة السفر إلى المملكة العربية السعودية K.S.A تخص كل ما يتعلق بمكة المكرمة والمدينة المنورة شرفهما الله تعالى - تقارير - استفسارات |
 |
|
|
أدوات الموضوع | انواع عرض الموضوع |
05-04-2009, 08:36 AM
|
#1 (permalink) |
 تاريخ التسجيل: Mar 2005
الدولة: القصيم / الرياض
رقم العضوية :19632
المشاركات: 442
|
** تقرير مصور لبرج زمزم مكه **
السلام عليكم ورحمة الله وبركاته مسيكم بالخير جميعأ الحمد لله سهل لي ربي اداء العمره الأسبوع الماضي من يوم الأحد الى يوم الثلاثاء بعد خمس سنوات من آخر زياره لمكه المكرمه وفعلأ المشاعر الأيمانيه يحتاجها المسلم بين فتره وفتره فهي تزيد روحانيته واحساس جميل وعجيب حين تدخل الحرم المكي الشريف  مالكم بالطويله خصوصأ اني من اكثر الناس حبأ للكتابه المطوله لكن سوف ادع الصور هي من يتكلم في هذا التقرير المسافرون انا وزوجتي ام احمد واحمد عطيناه فيشار وعصير دناو وقلنا له اقعد عند جده حبيبي  الراعي الرسمي للرحله الخطوط السعوديه الجويه والحمد لله الذهاب والأياب تمت بسلام وسلاسه واعجبتني رحلة الذهاب حيث كان الطيار عتيبي واظن ان حلمه دخول كلية الملك خالد للطيران العسكري لكن لم يقبلوه فأشتغل بالخطوط  فكان يقود طائرتنا العملاقه كما يقود الطائره F15 لكن للأمانه كانت الرحله مسليه والأقلاع والهبوط سلس وهذا يدل على براعة الكباتنه السعوديين وآحلى تحيه لأبوعتب ابن العم  <<قل كذا من زمان  وهذي صوره من الدريشه اول ما صرنا فوق جدأ ويخيل لك بعد رؤية المداخن انك داخل مدينة صناعيه تضاهي هيروشيما لكن سرعان ما تنصدم بالحقيقه وهي ان هذه المداخن فقط لتحلية المياه  لكن نقول ان شاء الله مدن الملك عبدالله الصناعيه لعلها ترتقي ببلادنا صناعيأ. ثانيأ لا احد يدقق في جناح الطياره والزيوت الي تخرخر لأنه خوينا ابوعتب الكبتن شكله لاعن ابوجد الطياره ولا يسوي لها صيانه دوريه  طبعأ انا انتهيت من عمرتي ولله الحمد والمنه على اذان العصر وجيت بالليل ومخمت على كم صوره لذلك سوف نستهل موضوعنا بصور الحرم الشريف في الليل  وتلاحظون الكثافه العاليه وذلك لأن باب العمره مفتوحه فكانت اعداد الزوار كبيره وكما هي العاده فبيت الله معمور بالزوار ولله الحمد والمنه وحياهم الله جميعأ في بلادهم الثانيه المملكه العربيه السعوديه وعلى عيننا ورأسنأ كلهم  وهذي صوره اخرى ولكن بتفنن  نأتي الآن الى زبدة الموضوع وهو برج زمزم الرهيب حسب تقييمي <<تقيم عرابجه ذا  اجل رهيبه هاه هذه الصوره التاليه التقطها عند الشروق وهي عند خروجي من باب الملك عبدالعزيز متوجهأ الى غرفتي وفيه تلاحون قرب برج زمزم من باب الملك عبدالعزيز وما هي الا خطوات قليله  وهذا هو مدخل الأبراج والسوق المصاحب له وتلاحظون قوة البناء ما شاء الله والطراز الأسلامي في العماره  وهذي تبين مدى رحابة سوق الأبراج فهو منظم ومرتب ونظيف واسيابه فسيحه وفيه اغلب الماركات العالميه لكنه في بداياته فلم تكتمل جميع المحلات وبعضها فارغ لكن يوجد فيه كل شيء ملابس مقاهي مطاعم عالميه عطورات وبخور اكشاك لبيع التمور اكشاك لبيع الشاي والكرسونات ولأكون اكثر دقه هناك كشكين عليكم بالأخير لأنه الأرخص من حيث الأسعار  طبعأ من مميزات هذا المشروع انه يحتوى على 22 اصنصير (لفت) وحجمهم كبير أيضأ ويتسع للعديد من الأشخاص وهذي صورة لجزء منها  بعدها تطلع من خلال الأصنصير الى الدور P11 وهو الي فيه الرسبشن حق البرج وهذا مدخل الفندق بعد ما طلعنا من الأصنصير  وفي منظوري الشخصي انهم ظلموا البرج بهذه البوابه الصغيره وكانت تزدحم قليلأ في اوقات الصلوات فما بالكم بالحج او رمضان وهذي نظره عامه للإستقبال حق البرج وكلهم ولله الحمد شباب سعودي كفؤ ومتعاونين  لقطه آخرى من البهو الجميل  وبعدها تطلع بالأصنصير حق البرج الى غرفتك انا اخذت غرفه وصاله و كانت بالدور 33 بس غير مطله لذلك خليتهم يعملون لي داون قريد بس تكون مطله وفعلأ الحمد لله وانا في الحرم اقضي عمرتي كلمني احد الشباب السعودي العامل في الفندق وقالي حصلت لك غرفه مطله على الكعبه قلت حلو الكلام ونزلت للدور ال29 مطله على الكعبه وهذي صوره لاسياب الفندق الجميله والمفعمه بالفخامه  وهذي نظره عامه على الغرفه وسوف نفصلها لاحقأ  وهذي طاولة الطعام  مغسله مع دواليب وثلاجه وفوق الثلاجه فيه اثنين هيتر كهربائي بس للمعلوميه كل هالدواليب والثلاجه فاضيات يعني كل واحد يجب اغراضه معه سواء اغراض قهوه او مويه او بارد  وهذا المكتب  وهذي طاوله عرضيه مع مرايه كبيره  تلفزيون رائع ولا احد يسوي لي فيها كونان ويقول كفشتك تراي داري بس قدها وزت  وهذا كنب جميل بجانب الدريشه المطله على الحرم المكي << اعنبوا دارك كل الي يقولون دريشه ماتوا ما بقى الا انت  وهذي الدريشه <<مصر الولد على هالكلمه  وهذه المشهد الي راح تنعم به عند سكنك في هذا البرج مشهد رااااائع مع انه للناس الي ما يحبون المرتفعات قد يسبب لهم قشعريره بالرجلين ويحس ان البرج يتمايل لكن سرعان ما يكتشف ان التمايل من رجليه  طبعأ تلاحظون في الصوره اعمال البناء التي تقوم بها الدوله مشكوره على قدمأ وساق في الحرم المكي والشهاده لله انهم مولين اهتمام كبير جدأ جدأ لهذا المكان المقدس لجميع المسلمين فوالله اني رأيت معدات بحياتي ما شفت مثلها في الحرم وآلآف العمال فجزاهم الله خير عنا وعن جميع المسلمين وجعلهم دوم ذخر لنا وبيض الله وجيههم كما بيضوا وجيهنا عند زوار هذا البيت الشريف وأيضأ تلاحظون اعمال البناء في المرحله الأخيره من عمل الدور الثالث للمسعى وعمل مناره جديده أيضأ وهذي صوره لمشروع مكه الي بصراحه رغم سكني في برج زمزم الرائع الراقي الا اننا لا زلت اقر بأن جمال التصميم المعماري ينحاز لهذا المبنى الجميل المبني على الطريقه الحجازيه القديمه بنوافذه الخشبيه  وهذي صور طفله جميله ما شاء الله تبارك الله واذكروا الله يا جماعه عليها تمسك في يدها كيس أكل للحمام ولكنها تركض وراء الحمام فيهرب خوفأ منها وهي في قمة السعاده  وهذي لقطه مكبره تبين تعابير وجهها ومدى سعادتها ما شاء الله تبارك الله  في الختام تقييمي لبرج زمزم آيه نسيت برضوه قبل تقييمي والله اني مجهز صور دورة المياه اكرمكم الله لكن نسيت اجيبها معي لكن عمومأ تقيمي لها جيده لكن عيبها انها مفصله للسنافر كل شيء فيها صغير حتى الدش كود اطنبس (ادنق او انحني) عشان أخذ لي دش رغم اني انسان طبيعي ومو طويل مره وطولي كاني ماني واهم فقط 175 هذا مأخذي على دورة مياههم واذا حصل لي فرصه بنزلهم الليله ان شاء اللهأيضأ عندهم حركه حلوه وهي مكرفونات بكل غرفه تسمع فيها الأذان والأقامه من الحرم مباشره وتستطيع التحكم بقوة الصوت وحتى كتمه أيضأ المكان 10/10 السعر آي على طاري السعر نسيت اقولكم اني اخذت الغرفه يومين الأحد والأثنين بقيمة 650 ريال مع الإفطار لليوم الواحد واتوقع انه سعر مغري جدأ مقارنه مع الفنادق المجاوره 10/10 الخدمه 8/10 جيده لكن تحس فيها اجتهاد والشباب هناك تنقصهم بعض الخبره قليلأ ويمكن من كثرة الغرف يتأخروا بالإستجابه الفطور 10/10 الأثاث جديد وفخم 10/10 وللمعلوميه وقت الدخول هو الساعه الرابعه عصرأ والخروج كذلك الرابعه عصرأ. وبخصوص الحجوزات فحسب ما فهمت انها تتم عن طريق مسوقين وليس مباشره من الفندق وانا أخذت رقم واحد مسوق ممتاز تعمال الشباب معه من قبل وتعاملت انا أيضأ معه شاب سعودي راقي في التعامل حريص في عمله اسمه سامي وهذا رقم جواله لمن أراد الحجز او الأستفسار عن الأسعار 0509649356 الكميرا المستخدمه في تنفيذ التقرير هي سوني T-100  وفي الختام اتمنى ان يلاقي تقريري المبسط استحسانكم... |
|
|
|
05-04-2009, 08:44 AM
|
#2 (permalink) |
|
مسافر متالق
تاريخ التسجيل: Jun 2005
رقم العضوية :26556
المشاركات: 736
|
ما شاء الله يا ولد كراتشي اجل اخذت عمره ولا علمتن
 تقبل الله منك صالح الاعمال بس عساك دعيت لنا معك  واحد من الشباب يوم سألته عساك دعيتلي قالي ايه!! قلت يا نصاب وش قلت قال دعيت لكل المسلمين وانت واحد منهم طيب بسألك التصوير مسموح، خابره ممنوع؟؟؟ لاني اشوفك مدخل كامرتك لوسط الحرم |
|
|
|
|
05-04-2009, 08:52 AM
|
#3 (permalink) |
|
تاريخ التسجيل: Mar 2005
الدولة: القصيم / الرياض
رقم العضوية :19632
المشاركات: 442
|
حبيب قلبي ابو فيصل دقيت على جوالك بعلمك بس لقيته مسكر <<توه راجع من مكه ولا زال ينصب ههههههاي والله يجزاك خير وأكيد دعيت لكم كلكم وعلى قولة خويك انت من ضمن المسلمين وان شاء الله توصلك دعواتنا وبخصوص التصوير بالعكس وانا جالس بغرفتي بالليل اتفرج على الحرم عينك ما تشوف الا صقع الفلاشات بالصحن وأيضأ كل صلاة اذهب للحرم اجد المئات يصورون بعضهم البعض لصور تذكاريه اما اما الكعبه او في الصحن وخلافه ولم اجد آي مسائله لكن كميرتي صغيره وليست احترافيه يمكن لو اخذت معي الكانون 40 دي كان تم القبض علي ويشيلوني بالرافعه ويطلعوني برا الحرم وشاكر لك مرورك وتعقيبك |
|
|
|
|
05-04-2009, 09:38 AM
|
#4 (permalink) |
|
مشرف بوابة الكاميرات و بوابة الشرقية
تاريخ التسجيل: Sep 2008
الدولة: في الخبر روحي وشوقي إلى جدة
رقم العضوية :216334
المشاركات: 3,216
|
يعطيك العافية أخوي فتى كراتشي
وعمرة مقبولة ألا ماقلتلي جبت لأبوحميد لعبة النظارة اللي كنا نشوف فيها الكعبة والمسعى وجبتله التلفزيون اللي تشوف فيه الحرم هههههههههههه ذكريات الطفولة أخذت حلاوة طحينية من أبونار تقبل الله طاعتكم واستجاب دعواتكم وأصلح أموركم أخوك/عبدالرحمن |
|
|
|
|
05-04-2009, 09:44 AM
|
#5 (permalink) |
|
تاريخ التسجيل: Mar 2005
الدولة: القصيم / الرياض
رقم العضوية :19632
المشاركات: 442
|
الله يتقبل من الجميع حبيب قلبي الدحمي والألعاب الي قلتها سببت لي كحه من الغبار هههههههههاي واصلأ ما عاد شفت محلات ابوريالين القديمه بعد ما هدموا الشاميه وسوق الليل واحمد ما تذكره الا اموه الله يخليها له اشترت له الخروف الي يطلع في ام بي سي 3 لقتها في المطار لعبه حلوه وانبسط عليها والحين بالبيت ملبسه شماغ ومعطيه عصى خيزران ويمثل دور راعي هو والخروف وللأسف رسالة الطحينيه ما شفتها الا امس يعني بعد ما جيت  لكن الجايات اكثر حبيب قلبي ويعلم الله اني فرحت برسالتك وعسى الله يدوم هالأخوه والمحبه بيننا يالدحمي  شاكر لك مرورك وتعقيبك حبيب قلبي |
|
|
|
|
05-04-2009, 03:25 PM
|
#9 (permalink) |
 
تاريخ التسجيل: May 2008
الدولة: $$ عاصمة مملكة الإنسانية $$ **رياض الخير والعطاء**
رقم العضوية :189697
المشاركات: 1,284
|
ما شاء الله تبارك الله ...
الله لا يضرك اخي الحبيب المبارك ... اثرك ما تلعب والله وش هالحركات والشغل العدل ... تطورت منفوحه !!!!!! تقرير مميز ... *** مثلي مميز *** هههههههه صور خيالية .... *** مثل وجودك نادر في هالدنيا *** عيني عليك فريزر جديد هههههههههه الله لا يحرمنا من مثل هالتقارير الجميلة الرائعة ... طلعت والله تنافسني في تقاريري ... انا من رايي يحطونك مميز منتدى العرب المسافرون كله ... وانت تستاهل كل خير يا وجه الخير ... تقبل فائق تحياتي وازكى سلامي ... دمتم في حفظ الله وفي رعايته .... والسلام ختام الكلام .... محبكم في الله ////// صــــــــــــوت بنــــــي تمـــــيم ///// |
|
|
|
|
05-04-2009, 05:58 PM
|
#11 (permalink) |
|
خبيرة سفر ماليزيا
 تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
تقرير مميز وحلو واستفدت منه كثتر أوي قدن برشا..
واحسن شي بهالفندق دريشته تصدق توي ادري ان (دريشه ) يقاله (كخه)..وتطلع غبار.. وانا اقول وراه الناس يكحكحون اذا مني قلته يعطيك الف عافيه على هالتقرير الخفيف الدم.. والثقيل بالمعلومات.. |
|
|
|
|
05-04-2009, 07:39 PM
|
#13 (permalink) | ||
|
تاريخ التسجيل: Mar 2005
الدولة: القصيم / الرياض
رقم العضوية :19632
المشاركات: 442
|
تسلم حبيب قلبي والتميز بعيونك بعدين ابعد عني فريزرك تراه بي فلونزا اقتباس:
وهذي لعيون ردك الحلو صوره نسيت انزلها  ==== اختي حلم الأحلام شاكر لك مرورك وتعقيبك ===== اختي مسافره مختبئه الحمد لله الي اعجبك التقرير وهذا من ذوقك اقتباس:
=== بدر الدجى الله يتقبل من الجميع ولا شكر على واجب حبيب قلبي وشاكر لك مرورك وتعقيبك |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:41 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||