المشاركة الأصلية كتبت بواسطة ناصر2009

بسم الله الرحمن الرحيم

صباحكم ورد وفل

احببت ان اقدم تقرير مختصر ايجابيات وسلبيات رحلتي الى سريلانكا, حيث احبتنا ماقصروا تكلمو عن هذا البلد وتاريخه ووثقو ذلك بالصور فليس عندي جديد اضيفه الا ماشهدته فقط.

الايجابيات

1. بلد جميل من ناحية الطبيعة

2. الناس هناك يسعدون لما تقدم لهم هديه وهو ماتحمله من عقيدة سليمة , تترجم بتوزيع كتيبات ومطويات واشرطه مغلفة وتكون جاهزة عند مراكز الدعوة في بلدنا الحبيب.

3. سعادة المسلمين هناك حين تصلي معهم وتتبرع في الصناديق الخيريه التي في المساجد لديهم.

4. شعب مسالم والكل يدور رزقه.

5. مصداقية صاحب الشركة الذي تعاملت معه في حجز الفنادق فقط (شركة الحكمة) .

6. السوبر فايزر في الرحلة اثناء الذهاب الى كولومبو على الخطوط السعوديه ذيب , حيث كان مقعدي سياحي وجزاه الله خير كل العوائل الخليجين نقلهم درجة اولى وكانت الطائرة كلهم عمالةوريحة . بخلاف العودة كان السوبر فايزر نفسه بخشمه حيث كانت المقاعد الاماميه فاضيه ويكذب عيني عينك يقول كلها مليانه .


السلبيات

1. انصح تفحص البرنامج الذي يرسل لك من الشركةومعرفة كل صغيرة وكبيرة فيه والاماكن التي سوف تذهب لها, لانه صار موقف مع السائق , كنت حاط 3 ايام في بن توته وقام حط اليوم الثاني جلوس في فندق التاج ومادققت لان السائق من المطار الى المطار , ويوم قلت للسائق تمرني الصباح علشان نطلع قال عندي في البرنامج انك جالس في الفندق وبعد هواش طلعناه غصب والا بغى يفرك ومايجي.

2. السائق في هذه الشركه كسول ولعاب وياكثر اعذاره ولايعلمك بالمناطق الي المفترض تزورها وتستاهل الزيارة , لين اقله ودنا كذا ودنا كذا ويطالع باستغراب وابتسامة مكر يقول كيف تعرف هذي المناطق , قلتله الله يخلي ذيابة منتدى العرب المسافرون والاكان قعدنا في الفندق الى ان تنتهي الرحلة.

3. من باب الامانه لاانصح بالتعامل مع هذا السائق واسمه (انديكا) يعرف شوي عربي بس استغلالي وكذوب . والله انه يسابق الى المحلات قبل مااوصلهم علشان ياخذ عمولته منهم وينسق معهم من بدري, ودانا لمحل قوارب ووقف عندهم قلت خلني اشوف حركاته وادور المسئول عن القارب ويطنش ويروح للسواق قبل ماتكلم معه قلت للسواق امش طلعنا مانبغاه ولانبغى قاربه قال هذا كويس , قلت امش بس نشوف غيره وانا الي اقلك وقف ماتروح توقف عند الي تبغى انت , والله ياشباب اي موضوع يدخل فيه واطنش المكان الي يختاره , انها تنعكس على سواقته ويمشي بسرعة ويساقط الباصات . والله ومن وسع الخطوط , قلت لاتسرع معاك عائلة وتعوذ من ابليس . واثراه طلع ماهو مسلم قلت اجل راكبين مع ابليس نفسه.

4. عقدة الاجنبي موجودة في مطاعم الفنادق حتى المطعم العربي في فندق قلداري.

5. ارتفعت الاسعار بزيادة في كل شىء اسواق متنزهات محلات . اقول مسكين انت يالخليجي, رحت سوقهم الشعبي في نوراليا وسالني قال سعودي قلت ايه بس لاتزيد الاسعار قال سعودي فلوس كثير , قلت شرهتك على الي يشتري منك ورحت محلات ثانيه يقولون سعودي قلت لا, هندي واهز راسي شوي وبرضه ماهم مقتنعين , الظاهر هزة الراس فن ما يتقنه الا الهنود.

هذا الي يحضرني الان وانا على اتم استعداد للاجابة على الاستفسارات علما كانت رحلتي12 يوم من 14 فبراير 2009 الى 25 فبراير 2009 ( يعني طازه )

دمتم بود

المشاركة الأصلية كتبت بواسطة muhajer

أخي ناصر

الحمد لله على السلامة،،

حيث أنك آخر من زار البلد يا ريت لو تعطينا فكرة عن الأسعار للسكن أو العروض حيث أننا نعتزم السفر في شهر 7 بمشية الله

و لك الشكر الجزيل

المشاركة الأصلية كتبت بواسطة dim106

المشاركة الأصلية كتبت بواسطة إحساس الواقع

ألف شكر لك.

المشاركة الأصلية كتبت بواسطة ماجد660

ياليت ترسل مواقع الشركات حتى نراسلهم

المشاركة الأصلية كتبت بواسطة How am I?

المشاركة الأصلية كتبت بواسطة hamoud2

انا سامع ان في مشاكل الان مع التاميل ...هل الوضع بيكون امن؟؟

المشاركة الأصلية كتبت بواسطة .: : ناصر : :.

الحمد لله على السلامه

ان شاء الله اضعها ضمن برامجي السياحية القادمه ..

<--------------<< ابن بطووطه على غفله