 |
 |
 |
||
|
|
|
||
 |
|
 |
|
|||||||
| دول أخــــرى تعنى هذه البوابة بتزويد المستخدمين بجميع المعلومات المتنوعة الخاصة بالسفر الى نيوزيلاند. |
 |
|
|
أدوات الموضوع | انواع عرض الموضوع |
02-03-2009, 01:23 AM
|
#34 (permalink) |
|
مسافر فعال
تاريخ التسجيل: Nov 2007
رقم العضوية :163522
المشاركات: 145
|
أخوي طارق الراائع هو توااجدك هنا
ولا تشيل هم وانا اخوك جهز نفسك ذهنياً ونفسياً وراح تتفادى هالحالة المظلووم حيااك الله للمرة الثانية ودائما ماتعطيني دافع بتفاعلك معي في القصة اخوي ناصر ولا يهمك لعيونك وعيون ماتاتا بنكمل  علي القحطاني لاهنت يابعدي وشاكر لك تفاعلك وحماسك وتامر امر ابن بطووطه ولكم باااك ومنور للمره الثانيه وأبشر  الله يعافيك يالصقري ومنور وماطلبت الا عزك يابعدي |
|
|
|
02-03-2009, 02:12 AM
|
#36 (permalink) |
|
مسافر فعال
تاريخ التسجيل: Nov 2007
رقم العضوية :163522
المشاركات: 145
|
عدنا والعودة أحمد رابعاً : الفراق بيني وبين حبيبتي ماتاتا داخل المدرسة دخلت المدرسة انا وحبيبيتي ماتاتا وأول شخص نقابله كان شخص سعودي من جده سلمت عليه وصاح وقاالها هلا بمتاتااااااااااا وقامت تضحك ( انا اشتغلت الغيره عندي كيف تسولف معه كذا ) < واحد نصاب المهم عرفته فيني وقال هلا بالشنب ومنور << بالعامية رديت بأدب وقلت منور بوجودك < مؤدب وتوني داخل ومابعد أخذت على الجو شوي أشرت لي متاتا وقالت هذي غرفة الاختباار للطلاب الجدد ,, رحت لها والا تناديني وقالت معك قلم ؟ وافتش جيبي ولا حصلت وحتى الشنطه ناسيها< فهاوه 6 الالاف " فهاوه كلمة دارجة عندنا وتعني اللامبالاه " دورت عندها ولا حصلت الا قلمها وسألت الشخص السعودي > اللي مع الايام تجمعني فيه صداقه قوية عطاني قلم وقال من اولها كذا فشلتنا ياولد  واروح للغرفة واجتمع مع الطلاب الجدد ,,, كان مايقارب 40 طالب وكان ربعهم سعوديين والباقي من الجنسيات الاوروبيه والشرق اسويه والجنوب امريكية < حلو هالاختصار لايفوتكم  قالوا كل واحد يقوم ويعرفنا بنفسه وليش جاي المعهد بعد كذا سووا لنا امتحان شامل قراءه واستماع وكتابة ,, ثم صرفونا وقالوا تعالوا بعد الظهر تاخذون النتايج طلعت برا ادور حبيبتي متاتاا < ماعرف غيرها بالمعهد  والا فيه واحد سعودي مع اهل الشرقية قالي سعودي ؟؟ قلت مايحتاااااااج قال هلا وغلا متغدي ؟ قلت بالمعهد وكيف يمدينا اتغدى << من أولها مناقيد المهم طلعنا نتغدى انا وياه بماكدونالدز << أول غدى لي بنيوزلندا وكنا متخوفين شوي من سالفة الخنزير وزيته او بهاراته طلبتا ماك تشيكن وتغدينا كان الجو خيااالي للغاية امطار وخيرات الله  ثم رجعنا للمعهد والا عطتنا العجوز النتيجة وقالت لي انت مستواك الثالث وهو الرابع وقالت لي تداوم بكره بروم 13 عند المدرسة كاثي ,, قلت طيب وبعد العصر قالت انت مسجل عندنا بارت تايم فقط << يعني دوام صباحي " مع العلم ان المكتب النصاب معطيه الفلوس على اساس انه فل تايم " علشان كذا ياخوان احذركم جميعا من الكاتب لأن همهم الاول والاخير الربح ولا غيره وماتهمهم انت بأي طريقة قلت لها لا لازم يكون فيه خطا ,, ممكن اشوف ملف تسجيلي عندكم ؟ ردت بكل رحابة صدر وقالت حق من حقوقك ومشيت معاها المكتب وشفت الملف وفعلا مسجلني المكتب بارت تايم فقط  المهم شكرتها وطلعت الساعه 1 على اساس دوامي ينتهي الساعه 3 ونص ومتاتا الحلوه طالعه من الساعه 12 والمسكينه تبي تنتظرني للساعه 3.30 ماتدري ان المكتب لعب علي ودوامي بس بارت تايم رحت ادورها علشان اختصر الوقت علي وعليها ولا ماحصلتها عند محطة الباصات قلت بقلبي ياليل الحين بن تظرها ساعتين ونص والله مشكله شفت لي مقهى نت ودخلت نت شيكت على الايميل وسولفت مع الاهل والاصدقاء لمدة ساعه قلت مالي الا اتمشىشوي لين يمر الوقت وفعلا رحت اتمشى بالكوين ستريت رااااااايح جاي لين ماشتد المطر واظطريت اجلس بكبينة محطة الباس من غزارة الامطار انتظر حبيبة القلب ماتاتا وماهي الا لحظات وتصير الساعه 3.30 واتلفت يمين ويسار ادور متاتا ماحصلتها قلت بقلبي ( من البداية سحباااات يامتاتا . دواك عندي والأظلم دايم البادي ) المهم جلست للساعه 4 وشوي وبدت الشمس تغيب قلت بنفسي الحين البنت هذي شكلها سحبت علي وانا وش يجلسني لين تغيب الشمس ياجماعة تصدقون كان فيه 3 كباين للباصات .. وواحد منها يودي للشارع حق العايلة والمشكلة ان الورقة اللي بيدي فيها شارع بيتنا فقط .. وأغلب سواقين الباص مايعرفونه لانه مو شارع عام ولاهو مشهور المهم بغيت اصلي استخاره بالشارع واختار واحد منهم واركبه فـ قلت بنفسي خير الامور الوسط يارجال واركب الباص اللي بالنص وقدحت برااسي وصملت وقلت اللي بالنص والله لونه رااايح للمريخ اني لطلع فيه وفعلا ركبت الباص اللي بالنص ومشى,, سبحان الله أول مامشى وانا التفت والقى حبيبتي متاتا واقفه تحت احدى المظلات ومتكتفه وشكلها ترجف من البرد المسكينه جالسة تنتظرني طول هالمده بهالمكان .. أشرت لها وشافتني رابك الباص وانبسطت بعدها عرفت فعلا ان الاجنبي اذا واعدك او عطاك كلمه لابد من انه يلتزم بها مشى الباص.. وانا طول الطريق اهوجس واقول ياليل الليل  ماصدقت على الله التفت ولقيت كنتاكي << واتذكر خيرو كانت تقولي اول ماتشوف كنتاكي قل للسائق يوقف ملاحظه : اللي مايعرف خيرو يرجع للاجزاء السابقة انبسطت ودعيت لخيرو ان الله يزوجها < مع انها وصلت الاربعين بدون زواج المهم ضغط زر الوقووف ووقف الباص ,, شكرته ونزلت متجه للبيت المفقود رايح وانا مدري وين رايح مريت سوبر ماركت بطريقي واخذت لي مويه وشغل مسليات < مارس وعصير ومن هالامور قلت بنفسي يابو محمد ان صملت ومشيت بالباص صح ,, خلها تقدح براسك بعد وتختار الحاره الأصح ملاحظة ياخوان : ترى الغربه والوحده تخليك تفكر بمثل هالامور ولا تلوموني بتفكيري .. جالس اسلي نفسي لاكثر .. وعلشان بس اني ماحس اني مضيع البيت دخلت حاره وماسك الورقة اللي مكتوب فيها عنوان شارعنا ورقم البيت وكل ماشفت شارع او بيت جلست اقراه ,, صارت حالتي مأساوية كل هذا وانا متخوف تغيب الشمس وانا ماحصلت البيت .. لاني متخوف من سالفة الخروج من المنزل بالليل أول يوم لي بنيوزلندا ولا اعرف عنها شي وطبييعي الواحد يخاف ويحتاط ويتوقع كل شي ماصدقت على الله شفت شايب جالس يلعب رياضه ويفر هالحواري هروله ( مشي سريع ) قلت بعدي والله مو مثل شيبانا اول مايطق الستين تطق فيوزه وتلقاه يالله يمشي المهم سألته عن اسم الشارع اللي معي بالورقه وتأسف لي قال والله مو متاكد يمكن يمين ويمكن يساار بس الاقرب يساار قلت بيض الله وجهك هذا المطلوب ,, ومشيت يسار وانا اتلفت وادور بالبيوت واللوحات ماحصلت شي بعد ربع ساعة من المشي والا الشايب رجع لي ركض ويصوت لي ويقول ياسيد انا اسف عطيتك العنوان خطأ لأني وانا ماشي لقيت لوحة فيها نفس الحي اللي تدور عليه .. وربي بغيت أحب خشمه بس قلت يمكن يقول وش هالمتوحش والارهابي اللي يبي يذبحني المهم عرفت بعدها : ان الشعب النيوزلندي شعب حبوب وخدوم ,, والمسافه اللي مشاها تبعد حول الكيلو رجع علشاني وتأسف لي فوق كل هذا ماتوقع فيه اكثر من كذا ذوق واحترام وفعلا رحت معاه ووصلني لنفس الشارع المطلوب وشكرته وابتسم ومشى يوم شفت اسم الشارع وانا ارتاح وانبسط واطلع الكمرا قلت الحين وقت التصوير < لاتلومونه كان مضيع وماهمه الا نفسي ومنزلي المتواضع ,, وترى بعد الروح غالية  وانا ماشي شفت هالطير وقلت لازم اعطيه صوره << فاضي ماعندي شي  بعد كذا وصلت بيتنا الحبيب وصورت البيت المقابل وهو بيت الجيران ودققوا على روعة الجو شلون كاان خيالي  هذي شجرة قدام بابنا وكان فيها فاكهة سألت عنها عجوزي قالت ناسية اسمها بس لذيذه وجرب طعمها فـ جربت طعمها وكان الطعم اقرب الى الباشن  انتظروني في الجزء القادم ولكم التحية والتقدير |
|
|
|
|
02-03-2009, 03:07 AM
|
#38 (permalink) |
|
مشرف نيوزيلندا
تاريخ التسجيل: Mar 2007
الدولة: Sydney
رقم العضوية :125549
المشاركات: 3,633
|
ماشاء الله عليك رااااائـع في السرد ..
صراحة كلماتك رائعة وعفوية جداً جداً .. وصادقة جداً.. وماشاء الله عليك سديد في أرائك , في أختيار الباص .. يعني قطع الشك باليقين شئ أساسي للشخص الناجح .. أما عن النيوزيلندي إلـي رجع ويعتذر لك ويخبرك بالعنوان الصحيح فهذه النوعيـة من الناس قابلتهم كثيـر هناك ,, يحبون الخيـر ولا يبخلون فيـه ,, والسواليف مع الذات شئ مطلوب عند الوحدة , لو ماسولفت مع ذاتك بتسولف مع الشيطان ! والله يعينك ,, بارك الله فيك , وبإنتظـار الآتـي بشوووووق ,, خالص تحيـــاتي لكـ "أبومحمد" ,, |
|
|
|
|
03-03-2009, 12:33 PM
|
#41 (permalink) |
|
مسافر متميز
تاريخ التسجيل: Feb 2008
الدولة: السعودية
رقم العضوية :172022
المشاركات: 213
|
لا حرام عليك
انا العام كنت هناك بالظبط3/3/2008 يالبى قلب كاثي والله انها احسن مدرسة في اوكلاند حرام عليك والله حرام تقطع قلبي من الذكريات والله ان كل المواقف اللي مريت بها انت مريت بها انا وش تبي انت انا وش خلاني ادخل هالموقع كيف ابنام اللحين بالله ابرجع لموقع الزعيم احسن لي اشوف وش صار على كوزمين الله يهديك بس |
|
|
|
|
03-03-2009, 06:46 PM
|
#42 (permalink) | |
|
مسافرجديد
تاريخ التسجيل: Jan 2009
رقم العضوية :236986
المشاركات: 22
|
اقتباس:
هههههههههههههههههههههه يا إني فطست ضحك ههههههه ماشاءلله عليك أخوي أسلوب رووعة بصراحة [ سجلني من متابعينك] عسى الله يوفقك واصل ولا تجعل بينا فواصل |
|
|
|
|
|
04-03-2009, 02:57 PM
|
#45 (permalink) |
|
مسافرجديد
تاريخ التسجيل: Feb 2009
رقم العضوية :241033
المشاركات: 29
|
اهنيك على التقرير واهم شي في السفر زي ماقلت انك تقدح القدحه والسفر عملتان اللشي الواحد : :
بس عندي ملاحظه بسيطه الحين صاير لك 3 شهور تدرس وفي الاخير [QUOTE]قالت لها : I dont thing so يعني ماتوقع هالشي ,, /QUOTE] افا ياذا العلم i dont think so :P<<< استقعاد عموما كمل التقرير وحنا معك والله حمستني للسفر |
|
|
|
|
«
الاســـــــــــــــــــ...في نيوزلندا..ـــــــــــــــــــلام.....
|
كيف احصل على فيزى ترانزيت حق استراليا حق الخطوط الاماراتيه
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:05 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||