 |
 |
 |
||
|
|
|
||
 |
|
 |
|
|||||||
| دول أخــــرى تعنى هذه البوابة بتزويد المستخدمين بجميع المعلومات المتنوعة الخاصة بالسفر الى نيوزيلاند. |
 |
|
|
أدوات الموضوع | انواع عرض الموضوع |
|
|
27-02-2009, 07:59 AM
|
#2 (permalink) |
|
مسافرجديد
تاريخ التسجيل: Feb 2009
رقم العضوية :243704
المشاركات: 8
|
language study international
اعتقد بأن المعهد هذا على مستوى العالم لان سبق ورحت لمكتب وكنت ناوي ادرس لغة في كندا وكلمني عنه لكن بعد ما اخذت فكرة عن نيوزلاندا اعطيت كندا كرت احمر على طوول وان شاء الله ناوي اطلع قريب لكن ماني عارف اختار المدينه المناسبة والمعهد و الجامعة المناسبه ..!!! انتظر باقي تقريرك يا عم ... tyt |
|
|
|
28-02-2009, 10:34 PM
|
#9 (permalink) |
|
مسافر فعال
تاريخ التسجيل: Nov 2007
رقم العضوية :163522
المشاركات: 145
|
نبدا باكمال القصة ولو تلاحظون اخواني الكرام الايجاز نوعا ماء
وذلك لسبب قتل الملل وقرائه مايفيد الجميع مع بعض الاحداث التي حصلت لي هناك ثالثاً: الاقلاع من الرياض ركبت الطائرة وللأسف من قرادة حضي جلست بالمقعد اللي بالنص اللي على يميني ويساري كلهم من نفس الشركة اللي مرسلتهم دورة لمدة شهر الى الصين وواحد منهم كان مطوع وسولفنا ببداية الرحلة لمده الساعه وانبسطت في داخلي وقلت شكل خوياي بالطريق رايقين ماكملت هالكلمه الا اسمع الشخير  اناظر للمطوع والا بسابع نومه ,, ويلحقه خوييه بالنوم وصار سباق رالي بالشخير ,, هذا يعطي وخوه يرد عليه بأقوى وانا بينهم صرت جالس أحسب لهم أكثر واحد يشخر بطلاقة منو ؟؟ >>فضاوة لاتلوموني حول 20 ساعة طيران وحاب أنبسط فتحت الشاشه وطحت بهالافلام .. وميزة الافلام ان جميعها 2008 ,, شفت مايقارب 4 افلام من الرياض لهونق كونق وماصدقت على الله واحد منهم صحى واروح اتمشى وأطلق رجولي بهالطيارة ولقيت الشباب يصلون وصلينا الفجر وجلسنا نسولف معهم شوي بعدها وصلنا هونق كونق كان الترانزيت ساعتين وأول ماتوصل مطار هونق كونق تلقى موظفى قدامك ترشدك وتقولك وين مكان صالتك وغير كذا فيه شاشه مقابلتك فيها كل شي المطار كبير جداً وطلعنا لصالتنا بقطار ,, وقبل لانوصلها فيه تفتيش واخذوا من واحد عطر وجل وكريمات جسم فـ نصيحة لأي واحد : لاتأخذ معك شي من هالشغلات بالشنطة اللي تدخل معك الطائرة خل كل امورك بالشنطة الكبيره والشنطة الصغيره خل فيها عينه بسيطه من العطر لأن مسموح فيها كميه محدوده وخوينا مادرى أقلعنا من هونق كونق الى اوكلاند وحضي مميز هالمرة : المقعد جنب الشباك وجنبي وحدة صينية تشق الارض من جمالها << يانصاب كلهم يشبهون بعض طلعت رايحة درااسه انجلييزي بس مو بنفس المعهد وسوالف بالطريق شعرت بالتعب الشديد علما بأني مانمت بالرحلة من الرياض الى هونق كونق والمدة كانت 9 ساعات ومن هونق كونق الى اوكلاند كانت 13 ساعة على ماظن المهم بعد السوالف تابعت كذا فلم . ومادريت عن نفسي الى وانا نايم المدة ياجماعة حيل طويلة وغصب الواحد ينام صحيت وحنا بمطار أوكلاند فتحت الشباك والا أمطاااااار بغزااره وانا انبسط وقلت بنفسي انا وجه خيـر لنيوزلندا على جيتي امطار مادريت انها كل يوم عندهم مطر > سعودي لاتلومونه واذا أمطرت عندنا سوينا احتفالات وأعياد بالثمامة |
|
|
|
|
28-02-2009, 10:48 PM
|
#10 (permalink) |
|
مسافر فعال
تاريخ التسجيل: Nov 2007
رقم العضوية :163522
المشاركات: 145
|
عطونا ورقة الدخول الى نيوزلندا وجلست اعبيها
وكنت عارف الخيارات من الشباب بهالمنتدى الطيب اللي فادني كثير  وفيه شغله صارت معي وأنصح الجميع انه لايسوي مثلي انا كنت جايب كم كرتون علك اكسترا وشغل حلا وفيه خيار بورقة الدخول يقول : هل احضرت معك طعام ؟ انا أولا حطيت لا وبعدين اول ماوصلت واتذكر وكنت محتار هل يحسبونه من الطعام او لا؟ وصلت الجوازات ولقيت وحده شقرا تبتسم وكانت حيل ذوق معي ماسألتني ليش جاي سياحه او دراسه بس انقهرت لأني مجهز اجابه لهالسؤال وأطلع لها ورقة القبول من المعهد وابتسمت وختمت الجواز وقالت روح وصلت الجمارك والا فيه شايب يسألك ويقول هل انت متأكد من الاجابات التي سجلتها في الورقة ؟ كل الشباب قالوا ايه ومشاهم من دون مايفتح الشنطة وانا سويت فيها أمين وقلت له ايه بس جايب معي حلاو بس مادري هل تحسبونه من الطعام او لا ملاحظة : كانت عندي لغة كويسه قبل مامشي وكنت اتكلم نوعا ماء حط أكس كبير على الورقه وكتب عليها false وأشر لي وقالي روح لزاوية التفتيش التفت والا كل الشباب اللي معي بالرحلة راحوا بدون تفتيش بس انا اللي مسوي فيها الأمين يبون يفتشوني حقدت على نفسي وقتها وصلت لعجوز قالت لي وش مشكلتك وافتح الشنطه وافتحها بكل ثقه واطلع لها الحلاو واقول هذا اللي اقصده بس ابتسمت وقالت lovely وفتشت تفتيش عادي جداً وقالت ممكن تفتح شنطة اللاب توب هنا خفت صراحة لاني حاط النسخة اصليه بس جايب معي شنطة سيديات كلها منسوخه فتحت شنطة اللاب توب وشافت السي ديات ولا تكلمت ولا قالت شغله بس وقعت وقالت ولكم تو اوكلاند وروح انبسطت وارتحت ومشيت وانا كلي امانه > أقصد ثقة يوم وصلت صالة الاستقبال لقيت سواقين معاهد كثير وكل واحد معه اسم او اسامي وادور اسمي فيهم ماحصلته قلت بقلبي : ياليل ياوالله القراادة ياساامي من أولها كذا عموما واروح وكلي ثقة > الثقة مقطعته تقطيــع هالادمي واسأل عن سواق مدرسة LSI قالوا هذاك هو واروح وتفاجأت انه صافحني وقالي بالعربية السلام عليكم قلت هلااا بك هلاا والله لو تكلم هندي اني لرحب فيك > ماصدق لقى سواق معهده قلت انا طالب عندكم وماشوف اسمي معك سألني شسمك ودور بالورقة ماحصله وقاال ايه تذكرت انا جاي قبل يومين علشان استقبلك ولا لقيتك > طلع المعهد معطيهم الموعد خطأ علشان كذا ياخوان اقولكم أفضل طريقة انك تحجز بنفسك عن طريق موقع المعهد بأي مكان المهم قال انا اخذك ياسامي بس مظطر تعوضنا وتدفع لنا حق التوصيل دبل لأنك عنيتنا من يومين ولا جيت قلت اوك يصير خير بس ودني لأهلي الحين :$ رحت معه انا ومجموعة وماتصدقون ياخواان أول ماطلعت من المطار والا الهواااا البااااااااارد اللي ضرب الوجه على طول ,, حسيت ان عروق وجهي صلبوا لاتلوموني والله ,, طالع من الرياض ودرجة حرارتها كانت 41 بس كنت عامل احتياطاتي وماخذ جاكيت بالهاند باق مالكم بالطويلة .. ويوصلني للعايلة كان عندهم يوم عطله وجايهم انا الساعه 9 الصباح وكانوا صاحين ينتظروني > عرفت ان الاجنبي يقدر الالتزام والانضباط بشكل مو طبيعي سلمت عليهم وأمحطهم بابتساامة عجيبه > كل ماقريت موضوع او قصة أحد بالمسافرون العرب ينصح انك تبتسم عند العايلة وانا الابتسامه من اول مادخل الين ماطلع ,, أحيانا أحس من كثر ماني مبتسم ان فيني شد عضلي بالوجه المهم قالت لي هذي غرفتك ياسامي وهذا التواليت " تكرمون " وعطيت غرفتي صورة وهذي هي  مايمديكم على السواد والتخفي وشغل التشفير بالوجه:$ عموما قالت يالله الحين نام ونشوفك بالليل واخذ شاور منعنش وادق على اهلي وأمحطها نومة على كيف كيفكم صحيت المغرب وسبحان الله وجاني شعور بالندم وحالة نفسيه واسألة كثيره تتردد علي : انا وش جابني؟؟ من اولها تعقيد بالمطار؟؟بكره في دوام كيف اوصل المعهد وانا ماعرف للباصات؟ تغير الجو وتغيرت النفسية معه ,, وأكتشفت ان هالحالة مرت على اغلب الشباب بالبداية طلعت فوق ولقيتهم جالسين على طاولة الطعام وياكلون وابتسموا كلهم مع اطفالهم ورحبوا فيني وعطوني صحن العشى حقي الاكل كان مش ولا بد وماكلت الا ربعة بعد العشى سألت ماجي < عجوزي بنيوزلندا , كيف اروح للمعهد مع العلم ان دوامي بكره قالت عندي صاحبة جارتنا وعندها طالبة بنفس المعهد حقك وراح تداوم بكره معاها وانا انبسط ياسلااااام من أولها دوام مع بناات أبوك يالعز ياسامي < تفكير سعودي لاتلومونه :P ونطلع انا وماجي وكاان الجو حييييل بارد ومظلم ورحنا لجارتها فتحت الباب جارتها وكانت نسخة كربونية طبق الاصل من خيرو >> زوجة ابو الهنا أول ماشفتها دقيت أصبع وصرت اغني خيرو ياااااابو الهنى رحبت فيني وابتسمت وصارت تنادي ماتاتا > صديقتي الفرنسية اللي تبي تخاويني بكره المهم انا جالس أترقب واعد الثواني بشغف لوصول ماتاتا >> وجالس ارسم واتخيل شكلها شقرا وحمرا ومدري ايش ,, مو فرنسية لاتلوموني :{ المهم والا تدخل ماتاتا وانا التفت وليتني ماالتفتت طويله جداً أطول مني مع العلم ان طولي 178 وضعيفه وشعرها كشه وكنها واحد من الشباب وفوق هذا كله لابسه نظارات هي جالسه توصف لي الطريقة اللي بنروح فيها للمعهد وانا جالس اتخيل واقول أولها أجلس بين اثنين بالطياره وشخيرهم فجر الطبلة الأذنية وثانيها التفتيش والبهدله اللي بالمطاره ,, وثالثها ماحصلت السايق ورابعها متاتا ,, لا والله كملت يابو محمد وجلسنا نسولف شوي وسألوني عن سعر لتر البانزين بالسعوديه ويوم قلتلهم شهقوا كلهم شهقة مو طبيعية وقاالوا لو البنزين عندنا بهالسعر كان تروشنا فيه قلت لهم قولوا ماشاء الله وجع :@ شوي والا دخلت طالبة مكسيكيه صغيرونه عمرها 17 سنه وكانت شقرا ياماشاء الله عليها معطيها الله جمال غير طبيعي قالوا لها سلمي على سامي من السعوديه وقالت لي هاي سامي .. وانا فاهي وفاتح حلقي وقلت هاي قالت لها خيرو صوتك مو طبيعي شكلك مزكمه قالت تعبير أول مره اسمعها ورسخ بمخي ومستحيل انساه قالت لها : I dont thing so يعني ماتوقع هالشي ,, وحفظت هالعباره وصرت ارددها كثير حتى لو سألوني عن اسمي :P صرت اناظرها واناظر ماتاتا وقلت بقلبي من وين أبتدي , ياحضي الردي حسبي على متاتا والحظ الردي المهم تواعدت انا وحبيبتي ماتاتا الصباح اجيها للبيت ونروح المعهد وفعلا ثاني يوم الصبحيه صحيت الساعه 7 وافطرت وطلعت ,, انا مواعدها على 8 بس عامل حساب ساعة للتضييعة لأنها بعيده شوي عن بيتنا ونسيت الطريق اللي رحت لهم مع ماجي أول ماطلعت كان الجو ضبااااااااب ومافيه احد بالشارع أقدر اسميه جو مرعب نوعا ماء شوفوا الصوره واحكموا  وانا أحوس بهالشوارع مافيه لفة مادخلتها لمدة ساعة كامله وانا امشي وانا ماشي والا سمعت تقفيلة باب والتفت والقاها حبيبتي ماتاتا وانا انبسط لشوفتها انبساااط ماقدر مر علي واقووول هلا بالطش والرش والبيض المفقش هلا بمتاتا مط الله اذان العدو واروح انا وياها لمحطة الباص وعلمتني كيف اشحن بطاقتي ومكان المحطه اللي ارجع منها وقالت لي متى يخلص دوامك قلت الساعه 3 ونص العصر قالت انا يخلص الظهر ,, تبيني انتظرك والا تعرف طريق الرجعة قلت يامتاتا انا اول مره اجي هالديره وحتى بديرتنا ماعندنا باصات ولا اعرف طريقتها > قام يتمسكن ,, مابقى الا احذف شماغي تحتها واقولها تكفين يامتاتا انا بوجهك المهم قالت اوكيه بنتظرك ولا يهمك قلت بثقل عليك انا داري لأن المده كانت 3 ساعات مظطرة تنتظرني فيها ردت بأدب وقالت لاتهتم انا بنتظرك وبطلع مع اخوياي شوبينق واتغدا وانتظرك بهالمده المهم وصلنا المدرسه وشوفوا كيف كان الجو وحرصت أطلع قوز قزح بالصوره  وهنا بعد من قدام المدرسة شكل السكاي تاور مع الضباب قبل وبعد  شوفوه الحين  بكذا تعبت وراح اكمل لكم باقي القصة لاحقاً انتظروني |
|
|
|
|
28-02-2009, 10:32 PM
|
#11 (permalink) |
|
مسافر فعال
تاريخ التسجيل: Nov 2007
رقم العضوية :163522
المشاركات: 145
|
الله يسلمكم ياخواان والروعة هو مرووركم هنا
وثقوا ثقة تامه ان الصور موجوده وماأعلنتها بالعنوان الا وهي متوفرة بس كـ بداية ماتوقع ان فيه صور الصور باذن الله مع الجزء الجديد راح تبدا وتنطلق وراح اشبعكم صور وبالنسبة للاخت الاسطوره : هلا اخوي سردك جميل ورائع وحبيت اسألك في بنيوزيلندا بنات من الخليج يدرسون هناك ولا لا وهل سأواجه صعوبات إذا رحت وبكون مع زوجي نعم ياختي فيه خليجيات كثيـر هناك شفتهم وفيه منهم باللبس الاسلامي الكامل من عباه وبرقع شامل مع زوجها ولا احد يلتفت لهم وفيه ايضا بنات كثير اشوفهم بالمطاعم بالحجااب واوضاعهم تماام وصدقيني الاوضاع تساهيل بشكل ماتتصورينه ولا فيها اي صعوبات تذكر |
|
|
|
|
01-03-2009, 02:02 AM
|
#12 (permalink) |
|
مشرف نيوزيلندا
تاريخ التسجيل: Mar 2007
الدولة: Sydney
رقم العضوية :125549
المشاركات: 3,633
|
ماشاء الله عليك..
أسلوب , سرد , ترتيب .. أبدعت يالغالي ,, أما عن تغير النفسية في أول الأيام فعلاً هالشئ طبيعي زي ماقلت لكن فيه بعض الشباب الله يهديهم مايصدقون خبـر ويرجعون.. يخسـر له كم ألـف وآخـر شئ يرجع ديرته من غيـر أيّ سبب .. بس لأن الجو ماأعجبه وكل هذا من النفسية! بإنتظـارك يالغالي ,, |
|
|
|
|
«
الاســـــــــــــــــــ...في نيوزلندا..ـــــــــــــــــــلام.....
|
كيف احصل على فيزى ترانزيت حق استراليا حق الخطوط الاماراتيه
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:59 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||