 |
 |
 |
||
|
|
|
||
 |
|
 |
|
|||||||
| بوابة السفر إلى تركيا Turkey في هذا المنتدى يتم تزويد المستخدم بالتقارير المصورة الخاصة بتركيا بالإضافة الى مكتبة صور خاصة. |
| Tags: 2009, hambka, istanbul, q8winter, turkey |
 |
|
|
أدوات الموضوع | انواع عرض الموضوع |
18-02-2009, 05:16 AM
|
#31 (permalink) | ||
 
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,976
|
اقتباس:
والله استانسنا فيه  بس كنا تعبانين شوي بس هم تمشينا  خفنا تروح علينا الايام و احنا مو جايين غير اسبوع  و بالنسبه للاكل كل مره هذا سعرنا يزيد 10 و لا 20 ليره مو اكثر بس اخر يوم انضحك علينا اب احد المطاعم  لا البقلاوه اهيا تكون جذي متروسه شيره احنا ما نقول شي  (بقلاوتها حلوه وايد و جايهم "شاي" مر وايد  << تناقض  ) تسلم على المتابعه اخوي.. اقتباس:
و عليكم السلام يا هلا اخوي بو يوسف.. اهلى كانوا رايحيين تركيا من اكثر من 20 سنه يقولون تغيرت صارت نظيفه و جنها دوله اوربيه ! و حتى الناس سلوكهم مثل الاوربين  الله يسلمك تابع و ان شاء الله يعجبك التقرير.. |
||
|
|
|
18-02-2009, 06:22 AM
|
#34 (permalink) | |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,976
|
اقتباس:
اغلبية الصور من التلفون .. عاد كنت موديه كامرتي بس نسيت شاحنها بالكويت و خلال اول يومين خلص الشحن  و فعلا التقرير غني بالصور  شاكره ردك اخوي |
|
|
|
|
|
19-02-2009, 02:27 PM
|
#36 (permalink) |
|
مسافر متالق
تاريخ التسجيل: Jul 2007
الدولة: Kuwait
رقم العضوية :147773
المشاركات: 835
|
اختي همبكة الحمدالله على سلامتكم واسطنبول افضل خيارات السفر
دولة جميله ومسلمة واكل حلال وطبيعه ساحرة وقريبه علينا بس ملاحظة مهمة اختي همبكة ترى طيران الجزيره عندهم 5 رحلات اسبوعيه لأسطنبول ووقت الأقلاع 7 ونصف صباحا يعني توصول الظهر مع توقيت دخول الفندق عكس التركية اللي تطير الفجر من الكويت وتروح عليكم ليله بالفندق وليلة ليلة خروجكم من اسطنبول وعلى فكره انا اخذت تذكرة اسطنبول على الجزيرة ب 49 دينار بس وسكنت بشارع الأستقلال والفندق الثاني بميدان تقسيم نفسه تسلم الايادي على التقرير الحلو والصور الاحلى |
|
|
|
19-02-2009, 03:11 PM
|
#37 (permalink) |
 
تاريخ التسجيل: Apr 2008
الدولة: المدينة المنورة
رقم العضوية :183573
المشاركات: 1,416
|
اختي همبكة
السلام عليكم ورحمة الله وبركاتة التقرير غني بالصور والتعليقات الجميلة بارك الله فيك واصلى الابداع " من كثر الصور".....الله يعطيك العافية في شارع الاستقلال .......في الصور ادور على الرجل الذي يدق البوزك اللحن الكردي.... الرجل الاعمى الذي في ربع المسافة يسار من نزولك الى شارع الاستقلال هو وابنتة الصغيرة وزوجة...... هههه الشىء المفرح ان افراد العائلة عندهم مرشد سياحي اسمة "همبكة" واصلى الابداع......ونحن متابعين رغم ظروفي الصعبة جداً والحمدلله على كل حال |
|
|
|
|
20-02-2009, 02:54 AM
|
#39 (permalink) | ||||
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,976
|
اقتباس:
شويتين و بحط اليوم الثاني قاعده احمل الصور  اقتباس:
اسطنبول وايد اعجبتنا و ان شاء الله اذا الله احيانا بنزورها السنه اليايه نفس الوقت اي كنا ندري الجزيره تروح بس كلش ما تناسبنا اغراضنا وايد "ماشاء الله تبارك الرحمن  " و الجزيره اللي انا خابرته اكثر شي الوزن 20 كيلو بالروحه ماعندنا وزن بس بالرجعه زدنا 6 هاندباجات لووووووووووول ماشاءالله احنا و اللي ويانا سوينا الـCheck iN مع بعض يعني قروب لزوم التشري من هناك و الوالده الله يحفظها و يخليها لنا ما خلت ماعون ماشرته و الفندق عجبنا بس المره اليايه بنغيّر عجبنا موقع فندق The Marmara بالتقسيم الله يسلمك خيو.. تابعني ^.^ اقتباس:
اشكرك على المتابعه اخوي هههههه الصور كثير و الخير بالطريج ماشفته هالريال اللي تقول عنه للاسف لا باول و لا باخر يوم هههه شفت شلون صرت مرشده لهم اهناك صرت كشخه ماقصرت و ان شاء الله ربنا ايسرها عليك.. اقتباس:
هههه الشاحن لاني مادري وين حطيته قعدت ادوره قبل السفره باسبوع بس ما لقيته.. بس كانت وياي كامرتين (الكامره اللي بدون شاحن و الثانيه مع الشاحن لوول) بالاضافه للموبايل فراح تشوفون صوره واضحه و صوره متوسطه شاكره متابعتك |
||||
|
|
|
|
20-02-2009, 06:11 AM
|
#40 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,976
|
اليوم الثاني (4 - 2 - 2009 )
قعدنا الصبح على الساعه 9 نزلنا تفطرنا   و على الساعه 11 يانا السايق اللي اتفقنا وياه (سياره ميني باص تكفي 17 شخص تقريبا "اليوم 120$") التوجه الى ( مسجد السلطان أحمد + متحف آيا صوفيا + قصر توبكابي ) صور من الطريج             هذا جامع السليمانيه   وصلنا عند مسجد السطان احمد او كما يسمى ايضا المسجد الازرق بس قلنا نزوره اخر شي مع الصلاة عشان نصلي مره وحده فـ رحنا اول شي آيا صوفيا مرينا بالحديقه اللي بين ايا صوفيا و مسجد السلطان احمد  و موجود يها و بكثره بياعين الهدايا التذكاريه و الكتيبات المتعلقه باسطنبول و ايضا بياعين الذره و الكستنه.. رحنا آيا صوفيا و قصينا تذكره ابـ 20 ليره الشخص و دخلنا    هالصور خارجيه  و هالصور داخليه.. لما رحنا كان في ترميمات داخل..   السقف (القبه) منقوش فيها آيه قرآنية بس ماعرفت شنو اهيا  اهني كانو يتوضون للصلاة..    هالمنبر كان يخطب عليه الشيخ يوم الجمعه..  طاعوا اهني منقوشه آية الكرسي (يمكن ماتبيّن عدل بالصوره )           و بعدين رحنا فوق ال جاليري   الصراحه ما تسوى تصعدون (وجهة نظري )الصعده اتعب الصراحه (قعدت انافخ لوول و اضحك انا و بنت اختي ) لما صعدنا و لا فوق بس لوحات و تشوفون المتحف من فوق        بعدها نزلنا   و طلعنا من آيا صوفيا |
|
|
|
|
20-02-2009, 08:21 AM
|
#42 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,976
|
و رحنا قصر توبكابي (توبكابي سراي)        و هذا محل يبيعون فيه تذكارات اعتقد   و هنا مكان بيع التذاكر  و هذي التذكره ابـ 20 ليره  و دخلنا داخل القصر (السراي) واااااااااايــــــــــــــــــــــــد كــــبــــــــــيييييييييييييييير.. و كل الغرف اللي فيها اغراض ممنوع التصوير فيها طبعا مثل ما انتو عارفين في غرف فيها ملابس و اغراض السلاطين و غرف فيها مجوهراتهم كل شي ذهب و ألماس عايشين ابـ ربيع و في غرف فيها مقتنيات الانبياء عليهم السلام مثل النبي محمد صلى الله عليه و سلم و النبي موسى عليه السلام و غيرهم من الانبياء عليهم السلام.. و ايضا ملابس ابنة الرسول فاطمة الزهراء و ملابس الحسين عليهم السلام ( انا وحده شاكه بـ مدى صحة الموجودات "الاغراض اللي يخصون الانبياء" مايندرى صج و لا لأ )هذا صورة بالغلط لـ ملابس احد السلاطين ماكنت ادري ممنوع جان اختي تزفني اشوا محد شافني لان عقب واحد صور جان تصرخ عليه السكيورتي صرخه انا اخترعت لوووول  صور من القصر              هذا الكافيه اللي بالـ سراي عالبحر "منظر خيالي"        شوفوا الزخارف wow شي روعه.. صج كانوا عايشين في "غنى فاحش و عندهم بذخ شديد" هالعثمانين !!      هذا محل هدايا بالطلعه  و هني الExit صار موقفين 1- (ولد خالتي اللي بالصوره قعد هني عشان بيصور و لا اكو ماي لووووووول و يتبلل جينزه مسكين )2- (بنت اختي عمرها 5 سنين شيطانه اللي تبي تمشي بروحها امي حسبتها ويا خواتها قاعده تمشي فجأة مادري شلون جان تقول وينها؟ جان اقولها اشدرانا عنها لول يمكن مشت جدام و امشي بسرعه اسأل اختي و تقول لا مو وياي و يروح ريل اختي و يدش القصر مره ثانيه و لا اهيا ماسكها ريال و تبجي لوووووول خذاها ابوها زفوها زف جان تقول انا كنت بروح و دورتكم ما لقيتكم و قعدت ابجي و الريال قالي تمام تما لوووووووووووووووووووووووووووووووول انزفت و انطقت ما يسوى عليها كلمن زفها .. ) شكل القصر من برا   و اهنا قعدنا نمشي بالحديقه عشان ابـ نطلع   اهني طلعنا برا  هذا قاعد يم ايا صوفيا تقريبا يبيع عصير رمان (عجيب )  مشينا شوي جان نشوف اللي يبيع الذره قلنا ابـ نشتري   و قعدنا نمشي و ناكلها لما وصلنا القعدات اللي مقابل مسجد السلطان احمد فقعدنا نصور     و بعدها واحد يدور يبيع حلو اشبه "باللقيمات" مادري "صب القفشه"  و بعدين دخلنا المسجد     و تونا داخلين أذن العصر.. اخذنا كيس من اهني للأحذيه تكرمون    صلينا و بعدها طلعنا متجهين إلى وين؟ ماندري هذا يبيع مكسرات  صوره وداعيه للمسجد  و لآيا صوفيا   |
|
|
|
|
20-02-2009, 08:28 AM
|
#43 (permalink) | |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,976
|
اقتباس:
الله يعافيك اشكرك على المتابعه اخوي.. ما قصرت |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:58 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||