السلام عليكم ورحمة الله وبركاته
وعليكم السلام ورحمة الله وبركاته
اولا يمكن اللي اسئله يكون مكرر كثير بس والله بحثت واجمع معلومات مشتته مره كذا ومره كذا ؟!
فسامحوني مقدما
وبرضه ياليت يكون فيه موضوع مثيبت يشمل كل الاسئله المعتاده
فارجوا مساعدتي على اجوابه استفساراتي وتوضيح وش اسوي
بحط خرابيط اللي فهمته وانتم وجهوني بليز < هذي بدايه تعليمكم اني فاهم لغه

راسي جمع من منتدكم الكريم,, فانكوفر - جامعه ubc (ما اعرف اسمها ان كان له اسم غير الاختصار
جامعه سايمون فريزر اختصارها (SFU)
university of British columbia


انا ابي تخصص برمجة حاسب ان نشاء نقبل ونخلصه باسرع ما يمكن
فالسؤال الاول هل الجامعتين فيها هالتخصص
جامعه ubc هي الافضل ولكنها صعبه وممتازه! حسب ماسمعت
جامعه سايمون فريزر سمعت انكم تقولون انكم سامعين حتى انها غير ممتازه ويشتكون منها واللي فيها يتمنون غيرها زي ubc
اذا كان فيه غيرهن ارجو ذكرهن بشرط ان تكون المذكوره كاسم جامعه معتمده وفي تصنيف متقدم قبل

اخوي اذا بتعرف اي الجامعات فيها تخصصات الحاسب ادخل على موقع وزارة التعليم العالي ثم الجامعات الموصي بها واختر التخصص وبتطلع لك كل الجامعات اللي بها هذا التخصص ( اما عن الافضلية جامعةubc من افضل جامعات كندا


نجي لشي الثاني بعد الافضليه انا بكل بساطه درج دلخ في الانجليزي والحين ماخذ لي ثلاث شهور في معهد وول ستريت وخلصت شهرين واحس اني درج حتى الان
افترض اني الحين جاني قبول في جامعه سايمون
سمعت انه يجب فيه اجتياز اختبار اللغه توفل اجيب 550 طيب ما اجتزت الاختبار وش يسون لي, برى
ولا يعرضون علي اني ادخل معهدهم
ودامكم كذا وشوله سنتين تحضيريه في الجامعه وثلاث دراسه ؟

انت اول ماتروح الجامعة يختبرونك في اللغة وعلى طول تدخل معهد الجامعة الى ان تصل الى مستوى محدد يمكنك من الدراسة في الجامعة او انك تحصل على الدرجة المطلوبة في التوفل لللدخول
اما سنتين تحضيرية و3 دراسية اول مرة اسمع بها
انت تدرس لغة الى ان تتقنها وتبدا في الجامعة
واليو بي سي لازم ادرس عندهم واجتاز المستوى السادس واقدر ادخل جامعتهم طيب كم دراستهم
تخصص برمجه حاسب سنه ! وكم مده واحد دلخ بيدرس من المستوى الاول الى السادس كم شهر
اخلصها
اللغة تقريبا من 8 اشهر الى سنة حسب اجتهادك

وبرضه سمعت ان الجامعه التسجيل فيها له وقت يعني فترتين الظاهر
في شهر 1 وفي شهر 7 كدخول للجامعه
اما المعهد في كل وقت
صحيح المعهد مفتوح على طول

فانا لو اجي وادرس من شهر 3 في معهدهم الى شهر 7 هل باستطاعتي هنا ان احسن لغتي واجيب في توفل 550 او باستطاعتي ان اجتاز في هذه المده 6 مستويات من جامعه اليو بي سي

حسب اجتهادك

انا ماعندي وقت ادرس وادرس ضيعت اربع سنين ف وكلها حذف ترم وحذف ترم وحذف ترم ونوم ونوم الخ من الخربطه

اذا ماعندك وقت تدرس اجل وش رايح تدور؟؟؟؟؟؟؟؟؟؟؟؟؟؟

وبرضه انا لو ادرس في المعهد الان اكيد بدرس على حسابي فلذلك كم نكلفه بالريال السعودي
لاجتياز مده اليو بي سي 6 مستويات او تحسين مستوى اللغه ووصول في التوفل اكثر من 550 و600
وتكاليف العائله ومتوسط تكلفه المعيشه
للاسف كما اعرف

ودامي بكون في العائله علموني وش اتجنب واحطه من طلباتي
مثلا .. لازم يكون متحدثين اصلين للغه افضل ,, ممنوع حيونات ممنوع الاكل الشين
اجل مع شايب وعجوز او مع زوجين شباب .. يفضل يكون معهم عيال ولا لا يعني الافضل لي والافضل للتكيف
والشي اللي مريت وعكر مزاجك عندهم علمني صح اننا نختلف وكل واحد حسب جوه بس يمكن لو تذكر الشي اكون نفس النوعيه


اطلب الطلبات اللي تبغاها وفي الغالب مانت بلاقي شي اهم شي متحدثين اصليين للغة
ونجي في المكاتب اللي في الرياض خايف اذكر مكتبين وتقولون ممنوع ؟
#
و #
^ وش افضلهم < مشفرهم
طبعا افضل المكاتب علشان اذا ماصار اللي ابيه خليت احد يفقع وجههم وانا طالع
بس لو تاخذ القبول من الموقع وتندم على شين تجلس تكفخ نفسك وتقول انا الغبي وانا الغبي
< الولد يدور احد يلومه اذا تورط||

ما ارعف عن المكاتب اذا تقدر راسلهم بنفسك

وماعليش على الحوسه لان هذا اللي بمخي صاير زي كذا عجزت اربته