طبعا رجعنا بعدها , للفيلا ...على الساعة 4عصرا بتوقيت جاكرتا , طقيناها نومة ما صحانا الا واحد يرجف بالباب ويصيح علينا .. طبعا كالعادة انا فزيت كالذيب > ماصحى ابو عايد اللي صحى وصحاني كان فيه اثنين عند الباب .......


كانت عيوني معمشة , حلاة الفيلا اللي احنا فيها تقدر تشوف وجهك وانت طالع , فيه مراية ع الباب الخارجي , طبعا انصدمت من الشخص اللي قدامي اللي هو انا , الصدمة الكبيرة هو رؤيتي لشخصين واحد حليق الدقن والثاني شوية دقن , كان في يدينهم عودة وبخور ومعهم مبخره , قلبي ماارتاح لهم وكذلك أبو عايد ...
المهم , العودة اللي كانت معهم مقسمينها في أكياس وكل كيس كيلو واحد ... هذا اللي شفته في ايدينهم ثلاثة أكياس , هذا غير الشنط اللي يسحبونها معهم تقول مسافرين عرب
طبعا قلنا نبي نجرب وبنسكر لك قطعة من العود , وتحطونها بالمبخره , طبعا كسرت عود وحطيته في المبخرة وكانت الريحـة روعـة , قلت يابو خاطر خلني احوس بالكيس واطلع أي عود منها عشان نجربه , المهم طلعته كان وقتها ابو عايد بيروح للغرفه , كسرت العود واعطيته المطوع , والمبخرة مع الشخص الثاني فالأخ حليق الدقن حط قطعه من عنده , وكانت الريحة روعة مثل الاوله , بس ابو عايد قال وقف ...ترى الأخ حط قطعة غير اللي كسرتها .. المهم ماانتبهت , كانو في البداية يقولون السعر بـمليون روبية روبية حوالي 340ريال سعودي , قال ابو عايد لهم ودك باثنين كيلو ب400 الف روبية حوالي 140 ريال , المهم بعد محاولات وقردنه فيهم , وافقو , يوم وافقو رفضنا قلنا مانبيه لأنهم نصابين وبدرجة أولى ....
وطردناهم أشنع طردة ... وما أمدانا نطردهم إلا وواحد عيون ممغطة يدق الباب ونشوفه مع الدريشة , فتحنا له قعد يقول انا صيني توني اسلمت ومعاه صك كبر راسة , تقول صك اعسار وقاعد يشحذ , طبعا قعدنا نسئلة عن الاسلام درينا انه تسذوب , وانه يبي يطلعنا اغبياء , لكن طردناه ولحقناه الاثنين اللي قبله ..
بعدها بصراحة كنا بوقت مابين المغرب والعشا , الجبل كان مخوف مايمديك تتمشى , قعدنا مقابل بعض واتفقنا ننزل ع رجولنا ونتمشى بين الفلل , ورحنا للشارع العام , واخذنا لنا شراب (عصير برتقال) لااحد يروح باله بعيد , ورجعنا للفيلا لقينا سعودي الله يوفقه , مسك أبو عايد واعطاه كرت فيه واحد يضبط الحجوزات لنا و السواقين بعد ... المهم عزمنا رفضنا , يمين يسار مايمديها معنا خويا !! > مايعرفون يصرفون والمشكله انه جارهم .. رجعنا تابعنا التلفزيون وخططنا على بكره وين نروح اتفقنا على حديقة الزهور والشلالات الثلاث و البراشوت ....
رقدنا واللي علينا بالخير نوينا بتيس تهامي قصدي تيس اندونيسي
صحينا اليوم الثاني ....كلمنا اللي باستقبال الفيلا على سواق يودينا لحديقة الزهور والشلالات الثلاث والبراشوت وكان السعر حوالي 200 الف روبية حوالي 70 ريال سعودي
اخذت لكم هالصورتين على الصبحية





وكانت الأجواء ممطره قليلا , جو تمنيته اليوم بدل غبار الرياض اللي حصل

لقينا السواق إسمه عبدالصمد ...سيارته كانت تويوتا سيارة عوائل , حسيت انهم يقدرون التويوتا مره

هذي مزارع الشاهي واحنا بالطريق


صورة ثانيه مدري وش تبي واحنا بعد بالطريق


إتجهنا صوب حديقة الزهور ... وهذه الصورة لبوابة الحديقة



اخذت صورة جانبية قبل ماندخل



كانت الرسوم الدخول من البوابة الرئيسية 20 الف روبية ... والظاهر انها للمواقف , حوالي السبعة الريال

وهالصورة اول مبنى تشوفه ع يسارك



هذا مدخل الحديقة الداخلي



وقف السواق و دفعنا قيمة تذكرتين ب30 الف روبية حوالي 11 ريال واعطينا خريطة , رميت ع طول

صورة أول مادخلنا



وهذه الصورة منوعة من داخل الحديقة















عاد شرهتكم علينا اذا عرفنا نوع من هالزهور


صور أخرى



















بعدها بصراحة إحنا إختصرناها , بحكم عدم معرفتنا بالزهور و إنما معرفتنا بتلقيح النخل وهو مالم نجده فيذاك
طبعا لقينا العاب داخل الحديقة

جربنا القطار
صورة واحنا بالقطار الصغنطون



رجعنا للسواق وقلنا له يودينا منطقة الشلالات .. بصراحة هي منطقة حلوة وفيها أشجار معمرة كبر جدتي , ويمكن اكبر بسنه سنتين

هذه الصورة واحنا بالطريق


أول ماوصلناها الا والمرشدين اللي يقول بخمسين الف واللي يقول بثمانين الف روبية طبعا , قلنا اخر شيء وقفنا عليه هو 30 الف روبية وصرفناهم


هذه الصور من منطقة الشلالات ...












صورة تجمع المدلخ


هذه الصوره لشجرة معمرة مثل جدتي
حسب مايقولون اكثر من 150 سنة


وهذه شجرة مكسيكية حسب خبرة أبو عايد طبعا معمرة


هذه الصورة الأخيرة ونحنو خارجونا من الشلالات طبعا جلسنا هناك حوالي ساعتين ونص


رجعنا للسواق اللي اسميه عبدالواحد وهو اسمه عبدالصمد قلنا له يودينا للبراشوت ...

طبعا عند وصول البراشوت فيه رسوم حوالي 10 الاف روبية ... دفعناها ودخلنا

هذي صور واحنا في المنطقة القريبة من البراشوت,












طبعا قرر أبو عايد إنه يجرب البراشوت مع انها اول مرة , لكن انا ماقدرت اناظر تحت فما بالك اركب براشوت



طبعا قبل مايلبس هالاغراض ابو عايد راح لمكان ما !! ولا وبعد برسوم ؟؟

مكالمـة لسويسرا ب1000 روبية