الموضوع: محل حلويات قديمه في الرياض وين؟

اذكر من زمان قريت هنا موضوع واحد من الاعضاء يتكلم عن محل فيه كل الحلويات القديمه اعتقد من مخرج 16 او ما اذكر و ذكر فيه فناجيل اللي فيها بسكوت و تشوكلت ويينه؟؟؟؟؟؟؟؟؟؟؟؟

مرحبا ..

عندك الحمود بالعويس وطيبه فيها اغلب الحلويات القديمه بس باسعار غاليه

وعندك محل لوز وسكر بحي صلاح الدين قبل الممشى لفي يمين بعد دار الجمال المحل بتلاقينه على يدك اليمين

تقصدين موضوع مشرفنا العزيز مهند عن محل حلوياتي وفيه محلات كثيرة مثله وأرخص










الموضوع شكله محذوف ما ألوم المشرف الشباب زودوها حبتين !

ايييييييييه تسلم يدكم

عندي سؤال قلتوا في محل ارخص و اقرب يعني في شمال الرياض الله يخلييكم انا ما ادل

المشاركة الأصلية كتبت بواسطة مسافره معكم

عندي سؤال قلتوا في محل ارخص و اقرب يعني في شمال الرياض الله يخلييكم انا ما ادل

دامك في الشمال حلوياتي له فرع جديد بجوار سوق الشمال للخضار بالمروج

وفي نفس المنطقة محلات ثانية أسعارها أرخص خلف العثيم

أشكرك أخي الراوي وفعلاً الموضوع حذفته حتى ما يتهمنا البعض إن القصد دعاية للمحل

عموماً اختي إذا انتي في الشمال عندك الحمود مشهور وموقعه في سوق طيبة

جهة شارع العليا العام آخر معارض مطلة على شارع العليا وانتي متجهه جنوب

وأتوقع انه أرخص من محل حلوياتي

مشكورييييين

بس ما شفت الفناجيل الشكولاته لان نفسي فيها موجوده هناك؟

السلام عليكم ..

فعلا ما قصرو الاخوان .. حبيت الخص ( من تلخيص واضح اني توي طالع من اختبارات) الاجابات :

اذا انتي في شمال الرياض هناك 4 محلات :
- محل الحمود في سوق طيبة
-محل حلوياتي + السعيد + محل ثالث نسيت اسمه ، كلهم بنفس الشارع بحي المروج قارني الاسعار واحكمي بنفسك
اعتقد اسعارهم قد تختلف بحسب البضايع فهناك عند هذا غالية وعندالاخر رخيصه والعكس

-بالنسبة لفناجيل البسكويت اتذكر انها تباع في ملك الحلويات الي جمب الطيار للرحلات بشارع التخصصي مقابل العزيزية

تحياتي
أحسن واحد