الموضوع: محلات الاثاث في سوريا

السلام عليكم
محتاجة مشورتكم يا اخوان .......مسافرة سوريا بعد ثلاثة ايام (10 ايام -5ايام لشراء اثاث جديد لمنزلي الجديد و5 ايام سياحة)
اتمنى تفيدوني باسماء محلات لاثاث(غرف معيشة وغرف نوم)وتكون نوعية جيدة
اما عن السياحة فأنا قريت ابواب المنتدى بس حبيت اعرف احلى الاماكن لضيق الوقت وايضا احب اعرف المطاعم الي تمتاز بجلسة راقية او تطل على مناظر حلوة

نورتي البوابة اولا

تانيا محلات الاثاث بتروحي منطقة اسمها حمورية ومنطقة سقبا جمب بعض وهنيك بتلائي كل انواع المفروشات من الرخيص للغالي وازا بدك تفصيل كمان وهو الافضل بس طالما انك مسافرة بيكون صعب شوي
الفرق بين التفصيل والجاهز هو الجودة
مثلا بالتفصيل بتختاري نوع الخشب اولا وبعدين الاسفنج منيح وبتختاري اقمشة الاثاث النوع يلي بدك ياه وبيحشوه حسب طلبك

اما الجاهز انتي مقيدة فيهم وبقماشهم

في محلات كمان فتحت بمنطقة داريا وعندك محلات اسعارها غالية كتير بشارع العابد فحسب طلبك بتختاري والله يوفقك

السلام عليكم

سؤال! و بعدين كيف الشحن؟ الطريقة .......... الشركات ... إذا ممكن معلومات أوسع عن المحلات بيكون أفضل كمان :113:

بعد ما تختاري طلبك وغالبا يفضل خلال وجودك بدمشق تروحي بنفسك لمكاتب الشحن متل المكاتب يلي على طريق المطار في مجموعة مكاتب على ايدك اليمين هي بتشحن اثاث بيت كامل وبتتفقي معهم وبتفهمي تبع المحل انو للشحن وتخليه يفلغو لك كلو وبينشحن بينما تخلصي جولتكم وترجعوا بيكون وصل ان شالله

المشاركة الأصلية كتبت بواسطة target1

بعد ما تختاري طلبك وغالبا يفضل خلال وجودك بدمشق تروحي بنفسك لمكاتب الشحن متل المكاتب يلي على طريق المطار في مجموعة مكاتب على ايدك اليمين هي بتشحن اثاث بيت كامل وبتتفقي معهم وبتفهمي تبع المحل انو للشحن وتخليه يفلغو لك كلو وبينشحن بينما تخلصي جولتكم وترجعوا بيكون وصل ان شالله

أهلين مشرفتنا الغالية ... جزاك الله خير و بارك فيك

مشكورة جدا جدا يا اخت target1 والله فرحت كثير لاهتمامك بكل صغيرة وكبيرة في هالمنتدى .......عسى الله لا يحرمنا منك

الاهم أن تأخذي لفه بالسوق في بلدك فقد تجدين الاثاث اللي في بالك موجود وأرخص من سوريا.
أما شركات الشحن .. فهي بالغالب متواجدة في منطقة القدم من دمشق..أتمنى لك التوفيق ،،

مشكور اخي عز الرفيق على تعاونك معي ...

تروحي وتجي بالسلامه وان شاء الله تحصلين الاثاث اللي تبينه

حتى في دمشق القديمة توجد محلات لبيع وتفصيل غرف النوم والموبيليا