 |
 |
 |
||
|
|
|
||
 |
|
 |
|
|||||||
| Tags: queenstown, نيوزلندا, كوينزتاون |
 |
|
|
أدوات الموضوع | انواع عرض الموضوع |
30-06-2009, 04:19 PM
|
#121 (permalink) |
|
مسافر متميز
تاريخ التسجيل: Dec 2006
الدولة: New Zealand
رقم العضوية :118205
المشاركات: 158
|
 الجزء التاسعاليوم الرابع بدينا اليوم الرابع كان مفكرين نطلع في البحيره صيد سمك ونشوف حظنا عاد مع السمك  طلعنا من البيت متجهين لمحل ياجر قوارب صغيره للصيد وجت سكي طقينا العنوان في الـGPS وتوكلنا على الله  مناظر السحب سبحان الله مانشوفها في الرياض لو نطامر ههههههههههههههههه والحين متجهين نتمشى ونتفرج على المناطق حوالين المدينه صراحه المدينه مرتبه ونظيفه  والله يبيلها بيت هنا وابعد عن الشر وغنييلللوووو     زي ماتشوفون لوحه المطار في خشتي وانا اصور طبعا المطار قريب من المدينه مو بعيد عشان كذا في صور كثيره لطيارات مصورها تمر فوقنا   ايه صح واحنا ندور طبعا كالعاده ضيعنا المكان ماحلصناه    والحمدلله حصلنا المكان ووصلنا   طبعا كنا ناوين على بوت وجتين بس لما وصلنا قام يخربط علينا ابو الشباب اقولكم بعد شوي   وهذا البوت اللي اخذناه ياخذ 4 الى 5 اشخاص تقريبا شي ابدا موب بطال  البحيره لحالها شي مجنون والجبال محوطه المكان والالوان اخضر وازرق والجبال يعني سبحان الله مناظر ماتحصلها في كل مكان     ايه زي ماكنت اقول كنا ناوين البوت وجتين لما وصلنا وقلنا له قال لا لا لا وكان وده يعصب  لا لا امزح بس قال ممنوع لان صار حادث قبل ومات فيه واحد كان مستاجرين جتين ومافي الا لعب وتكافخو قلن طيب جت سكي واحد والبوت قال لا اذا تبون جت واحد ولا البوت مانبي اي مخاطره وكذا قلت خلاص امرنا لله ومالها الا صيد يابو فتحي    والطيارات فوقنا صرااااحه فلله  والحبيب توه معبي المحروسه الحمرا وطالع بتمشي والله مدري وش عنده ماعلينا منه خل نطلع في البحيره بس عاد نزلنا والحين في وسط البحيره ياعيال الفللللله   المناظر احلى من وسط البحيره وبوت صغير لازم تجربونها  وهنا الكابتن عبدالله والمساعد ابو السلاطين احلى صفقه للشباب  بالله وش رايكم في المنظر     لو البيوت اللي على البحيره تتاجر كل صيفياتي بتصير هنا هههههههههههههههههه ان ربي عطاني عمر ان شاء الله     ايه صح عطانا عده الصيد نسيت والله صنارتين اذا مو غلطان وهي من ضمن سعر الاجار بس نسيت السعر كان 120 او 90 دولار ساعتين والله مو متاكد بس بحاول اتاكد  اتحداك تناظر جهه ولاتقول سبحان الله على هالمناظر    ايه صح لما تنزل في المطار تشوف محلات تاجير هليكوبترات وطيارات في ناس هاويه طيران في المدينه وناس تبي تنزل فوق جبل وغيرها واللي يبي يصوور يعني المدينه فيها انشطه جدا حلوه ماتتخيل تحصلها في مكان واحد صغير وحلو ونظيف زي كذا  يعني ممكن تشوف اي نوع طياره صغير كبير غريب ولا الهليكوبترات الصغيره وغيرها تطير فوق دمجتك هههههههههه   الصور هذي من احلى الصور اللي صورتها في الكوينزتاون بصراحه     ويلوموني فيك ياكوينز   والشله الكريمه مروقه في وسط البحيره واحلى سلام     البحيره شكلها هاديه بس من تنزل تشوف الزحمه بكل انواعها      من احلى الصور والسحب سبحان الله     بس كييف الصوره هذا اللي يقولك فووووق هام السحب هههههههههههههه   احس في احد خايف بينهم ودي يقول لا لا وقف يممممممممممه  ههههههههايييه صح نسيت الصيد ههههههههههههههههههههههههه خلصنا والحين رجعنا وابشركم والحمدلله على كل حال ماحلصنا ولا سمكه غيره  بعدها اتجهنا على حديقه من الحدائق طبعا احلى مافي نيوزلندا الحدائق منشششررره في كل مكان وكل وحده تقول انا احلى من الثانيه    تشوفون العجز الي هناك شغالين تصوير في هاللبط قلت وليه هم بس هههههههههههههههههه مو احسن مني    وهاللبطه لعيونكم يالعرب المسافرون  وكذا اختم لكم اليوم الرابع بالورده الحلوه ولا تحرومنا من اراءكم والاستفسارات وان شاء الله ماقصر معكم يله فمان الله لين مانزل الجزء العاشر والاخير اليوم الخامس |
|
|
|
30-06-2009, 05:07 PM
|
#122 (permalink) |
|
مشرف نيوزيلندا
تاريخ التسجيل: Mar 2007
الدولة: Sydney
رقم العضوية :125549
المشاركات: 3,633
|
 تستـاهل من يصـفق لك يابطـل ,, وماشـاء الله تونـي أدري إن الرحلة كانـت عائلية .. يبـدو أنهـا كانـت تحمـل من المتعـة الشئ الكبيـر .. ربـي يوفقك ياغالـي ,, ودومــاً بإنتظـار جديـدك ,,, |
|
|
|
01-07-2009, 04:11 AM
|
#124 (permalink) | ||
|
مسافر متميز
تاريخ التسجيل: Dec 2006
الدولة: New Zealand
رقم العضوية :118205
المشاركات: 158
|
اقتباس:
ماقدر على كذا ايه عائليه شبابيه اقتباس:
ومشكور على مرورك يابطل |
||
|
|
|
|
01-07-2009, 09:22 PM
|
#125 (permalink) |
|
مسافر متميز
تاريخ التسجيل: Dec 2006
الدولة: New Zealand
رقم العضوية :118205
المشاركات: 158
|
اليوم الخامس والاخير الجزء العاشر والاخير بعد ماكان ودي اخلص بس الجايات اكثر إن شاء الله اليوم الاخير مافيه شي جديد تمشينا شوي في الستي ورقينا فوق الجبل مره ثانيه ناخذ اخر نظره على الكوينزتاون قبل مانروح على المطار ونتوكل على الله على اوكلاند اصبحنا واصبح الملك لله قلت خلني اطق كم صوره اخيره طبعا لو تشوفون اول يوم ماكانت اخر الجبال من فوق مثلجه وبيضا لكن قبل مانمشي بدت عليها بسبب برود الجو شوي بس وكان هذا فترت الصيف يعني في اوكلاند حر اعوذ بالله     احلى من كذا مافيه على الصبح فوووووق كان ودي اجربها بس ان شاء الله المره الثانيه بجربها باذن الواحد الاحد  في دقايق الغيوم تغزووو الجبل  هذا اللي لعبها صح وخلاني ايه صح يمكن بعض الصور مكرره ولا شي بس عاد العذر والسموحه بس مابغيت اقولكم اخر يوم خلص فجاه ههههههههههههههههه يعني ممكن في زاوبه منا ولا منا مانزلتها لكم بكرا تشرهون علي تقولون ابو حميد ماصورها لنا    ايه صح عاد نزلنا هالمره نتتمشى في المحلات مدام اخر يوم ومافي شي ومانبي نرتبط مع اي شي لان عندنا موعد الرحله   صراحه يعجبوني حاطين هاللوحه والمكان عام مو سوق عشان ابثرونا بكلابهم الله يكرمكم اكلم وانا امشي القى واحد يحوس عندي تاكلون تلقون واحد بثر ودي ارجفه برجلي هههههههههههههههه ولا حقين اللي يتزلجون يخوطفون يعني المكان حق روقان الله يخليكم   صراحه ماقدر على الالوان بتشوفون البراءة بعد شوي هههههههههههههههه   لااا لااا ماقدر انا بصراحه     حتى الحمام موب عاقل مسوي رومنسي وبتغزل فيها الله يهديه بس وقدام الخلق بعد      وابو الشباب الثاني مستعد للاقلاع  وش رايكم في لون البحيره بالامانه يعني انا بصراحه اتعب على هالمناظر سبحان الله  ياخي ماتبيك خلاص خلها لحووووول بثر      فيه اصفا من كذا ؟؟؟ ماتوقع  هذا ماغيره يقولك بس عجبتني Fly High Stay Dry بعد ماتمشينا شوي في الستي طقنا الجوع والجوع كافر قلنا نشوف مطعم نتغدا ونسيت كيف طحنا على هالطمعم الهندي    بعد ماتغدينا الحمدلله قلنا بنتجه فوووووق ناخذ التلفريك ونغير جو لين وقت الرحله  واشوفلكم المحروس الصغير هذا  والحين في الطريق الى القمه متجهين لنفس المكان في في اليوم الاول بس هالمره صورت لكم صور اكثر لان اليوم الاول ماكان مره كان ودي اشوف قبل ماصور ههههههههههههه    والله ياهم مسوين لنا ازعاج في اوكلاند بس مايقصرون على طاريهم غلطنا غلطه في اوكلاند اول مانقلنا فيها وسكنا ورا مركز المطافي وقسم ياهم يخرشون البني ادم في نص الليل ولا الفجريه ولو اقعد انافخ من من البلكونه لين بكرا والله محد بيطق لي خبر  اللي معه بزران عاد ويبي يشقلبهم شوي يوقف هنا الله لا يهينه على الطريق   هذا البارك قريب من التلفريك يعني عند المواقف لكن للاسف مادخلنا شفناه ماحسيت انه شي لكن ان ربي كتب المره الجايه نشوف وش الكيوي بارك     بسم الله الحين نرقى فوق اللي خايف لا يرقا ينتظرنا في المطار      بصراحه الجلسه هنا ولا احلى فوووووق وقدامك هالمناظر   كنا راقين فوق نركب التكمله عشان اللعبه حقتهم لازم تركب التلفريك الصغير  لان راح ننزل من فوق للمنطقه اللي في الصوره تحت لان مشوار تمشي لين فوق  من وده ينطق من فوق هههههههههههههههه ترا فيه اللي يبي    الممرات حقت اللعبه تشوفونه نازله من فوق بس صراحه متعه وخطره شوي  على فكرا عشان تعرفون ليه هالكاميرا في خشتي انا الحين راكب التلفريك المكشوف وشغال تصوير مع انه يخوف لما الف باخذ صوره منا ولا منا وهالكاميرا تصورك وانت راقي ولما توصل فوق تتشوف صورتك تبيها تدفع وتاخذها وقلت بطلع صوره وهي تصورني ههههههههههههه والصوره موجوده بس مو على الجهاز بنزلها بعدين  ماقصرو حاطين هالشبك اللي تحت عشان لو واحد مرجوج طاح لا سمح الله ههههههههههههه مايطيح على اللي تحته الله لا يقوله بس  يتــــــــــــــــــــبع |
|
|
|
|
01-07-2009, 09:24 PM
|
#126 (permalink) |
|
مسافر متميز
تاريخ التسجيل: Dec 2006
الدولة: New Zealand
رقم العضوية :118205
المشاركات: 158
|
نكمــــــــــــــــل زي ماتشوفون كاتبين ابتسم عشان الكاميرا انا اول مره صراحه الصوره الاولى كنت مفهي ههههههههههههههههههه شكلي جدا مو جين     عاد هذا ماكتبو لي عنه ابتسم واروح اطقه صوره بعد هذا اللي ناقص يصورني وماصوره اقول اها بس      وهذي احد نماذج الكباين للي يبي يصور  وهنا حاطين هاللوحه تبين تاريخ بدايه الانشاء والمراحل والمعلومات عن كل شي في المنطقه وغيرها      قدامك المنظر وتنزل دمجتك تشوف اللوحه تبين لك بعض الاماكن والمعلومات والصوره بانوراما 180درجه  وهنا من الداخل بعض الصور القديمه ومثل ماتشوفون الجاليه الاسيويه في كل مكان الله لا يزيدهم بس يكفي منهم في اوكلاندتذكرون لما قلت لكم اللي يبي ينط يقدر تراني صادق ههههههههههههههه شوف روح ونط والله يعينك   وبرضو للخوافين يقولون لكم البتاع يمكن يوقف ولا يهدي شوي ولا تخافون ولا تسوي رجه لان عادي هو كذا وخلك لان راح يجي دورك ويكمل المسيره ياخواف انت وياه "للخوافين فقط "والحين في طريق النزول  واتجهنا للمطار للعوده الى اوكلاند الحبيبه   للي تعبان ويبي يمسجها قبل لا يمشي بس حط حسابك للكوينز "قروش" عاد مطارهم فله تشوف طيارتك قدامك هههههههههههههههههه حسيت انه كودو على غفله يعبونها قدامك وكل شي عشان ماتقول غشوني   وهنا رحله توها واصله ونظامهم سريع سريع ينزل منا هنا ينفظ من هنا واللي بعده يابطل يله حسيت انها باصات دله بس تطير  بس سؤاال الحين معقوله مالقو ذاك الشي اللي يجر الطيارات والله المزارع مئثره عليهم الصوره تشرح  كنه داخل غلط بس عاد شفت اغرب منه في نفس المكان ههههههههههههههههههه  عاد التصوير واحنا راكبين حوسه والحين اقلعنا   جبال الكوينز والثلوج والسحب   من داخل الطياره وطبعا غيرت مكان عشان اصور كان اخر الطياره فاضي ابو فهد ماقصر قالي انقز في مكان حلو ورا واروح احصل لي واحد فرنسي نفس حالتي شغال تصوير هههههههههههههههههه زين في نفس حالتي  وقتها مدري الكاميرا مايله ولا جناح ولا راسي اللي مايل ولا وش السالفه  لبى قلبك يا اوكلاند بس نروح ونجي مالنا غيرك  عاد حالف اصور في الهبوط لان في الاقلاع نشبت لي المظيفه لا تصور الا لما نقلع واحنا في الجو مدري وش الحكمه عاد في النزله قلت بصور عناد بس ماشافتني لان لازم تنطق في كرسيها غصب   هالطياره باثرتنا في الخط الا تبي تسقط المشكله الخط رايح جاي هههههههههههههههههه بثر  الحمدلله على السلامه ياشباب  وكذا طلعنا من المطار وخلصنا من السفره وكان ودي اصيح بس يالله الحمدلله...... وان شاء الله يكون عجبكم الموضوع ولا تحرومني من آارائكم واستفسارتكم وان شاء الله في رحلات ثانيه بتنزل بس لسا شغال عليها..... بصراحه ماودي اختم الموضوع والله بس الشكوى لله.... يالله كلنا صفقه كبيره لي فمان اللي ماتنام عينه |
|
|
|
|
02-07-2009, 11:42 PM
|
#128 (permalink) |
|
مشرف نيوزيلندا
تاريخ التسجيل: Mar 2007
الدولة: Sydney
رقم العضوية :125549
المشاركات: 3,633
|
والله تقـريـر من أروع ماقـرأت عن الجميلـة كوينـزتـاون .. ماشاء الله عليك ماخليـت شبـر في كوينزتـاون إلى وأعطيتـه صـورة .. أحسستنـا إنّـا فعـلاً سافـرنا معكـم , حسينـا بكـل لحظـة ,, مانقصنـا غيـر النسمـات اللطيفـة .. ياســلآم .. حتى في أستـراليا لا يملكـون النكهة و النسمة وا لجمـال والطيبـة النيوزيلنـدية .. يالغالي إستمتعنـا بـ رحلـة السمك إلي ماخليتوا سمكـة بـ البحيـرة إلا وصدتوهـا .. ربـي يحفظك ياعسـل ,, ودائمـاً في إنتظـار كل جديـد من عدستك الساحـرة وقلمـك الذهبـي .. في إطـلاع إبدعاتـك ,, ومشـكور ع البطـة بـس ليتهـا كانـت محشيـة وبالفـرن .. |
|
|
|
|
07-07-2009, 03:59 PM
|
#130 (permalink) |
|
مسافرجديد
تاريخ التسجيل: Sep 2008
رقم العضوية :216100
المشاركات: 6
|
الصراحه من أحلى التقارير الي شفتها بالمنتدى... تقرير جداااااااااااااا رائع!!!! حمستني أرووووووح لنيوزلاندا... تصويرك جداً رائع...واللقطات كانت مره خطيـــره...  بغيت أعرف كيف الجو في شهر أكتوبر...؟ خاااااااااااطري اروحها وهي جوها زي كذا... مو كله أبيض في أبيض... الصور مررررررررررره جنان يعطيك ألف عافياااااااااااااااا |
|
|
|
|
«
رحلة بوح الصمت الى كرايست شرج
|
-
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:56 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||