 |
 |
 |
||
|
|
|
||
 |
|
 |
|
|||||||
| بوابة السفر إلى سوريا Syria في هذا القسم تجد التقارير المصورة الخاصة بالجمهورية العربية السورية من تجارب الاعضاء |
 |
|
|
أدوات الموضوع | انواع عرض الموضوع |
|
|
15-01-2009, 05:07 PM
|
#1 (permalink) |
|
مسافر متميز
تاريخ التسجيل: Feb 2008
رقم العضوية :173832
المشاركات: 248
|
(7000الف كيلو في اسبوع) تقريري المصور من الرياض الى سوريا وجنوب تركيا
[ SIZE="5"][/SIZE]بسم الله الرحمن الرحيم
الحمد لله رب العالمين والصلاة والسلام على اشرف الانبيا والمرسلين سيدنا محمد عليه أفضل الصلاة وأتم التسليم وبعد,,,,,,,,,, أولاً:- أسأل الله العظيم رب العرش الكريم أن ينصر إخواننا المسلمين في فلسطين وأن يكسي عاريهم وأن يطعم جائعهم ويتقبل شهدائهم اللهم آآآآميين.......... ياجماعة أنا والله عارف انكم مادخلتوا على هالموضوع الا تبون تستانسون وتتذكرون الايام والليالي الجميلة اللتي قضيتوها في الشام عسى الله يعيدها عليكم بالفرح والسرور****"" لكن وانا جالس قدام الكمبيوتر والشاي على الطاولة والمكيف شغال على الحار تذكرت إخواننا الفلسطينيين قلت ندعي لهم عسى الله يتقبل منا ومنكم ...... آميين ثانياً :- قبل أن ابدأ بكتابة هذا الموضوع أتوجه بالشكر الموصول لكل مشرف وعضو من افراد هذا المنتدى الشيق والمفيد جداً والجميل على المعلومات المفيدة التي تطرح بشكل مستمر في هذا المنتدى فقد ساهمت بشكل كبير في إمتاعنا في هذة الرحلة وتوفير الكثير من السؤال فكل ما كنَا نحتاجة وما لم نحتاجة وجدناة في دليلنا السياحي منتدى "العرب المسافرون" والآن مـــع تــفـــاصـــيــل الـــرحــلــة في يوم الاربعاء الموافق 13/ 4 / 1429هـ الساعة التاسعة صباحاً توجهنا بحفظ من الله على مدينة القصيم وذالك بعد الذهاب للمطار وإستقبال وزير المالية والمرشد السياحي والثقافي للرحلة ونحن كلن من :- 1- ابو عبدإلالة السوبر فايزر الكابتن للمركبة البريه من نوع ( GMC) و المتحدث الرسمي بسم الرحله في المنافذ والمشرف العام على إختيار السكن لأفراد الرحله والمنبة المقلق جداً لإيقاظ افراد الرحلة من النوم والمشرف الاول على أكل افراد الرحلة ,,,,,,,,,,,, 2- ابو عبدالله وزير المالية والمرشد السياحي والثقافي للرحلة والمشرف الثاني على أكل افراد الرحلةو نائب المشرف العام لإختيار السكن والمنبة الاحتياطي لأفراد الرحلة لو كان المنبة المقلق على الصامت او شي يشتغل هذا المنبة تلقائياً والله ماتعدي الساعة السابعة الا وأنت صاحي 3- ابو خالد وهو ( الــــــــشــــعـــب ) وفي اثنا الرحلة قدر الله علية وكلف بمهمتين صغيرتين :- - التصوير بالديجيتال والفديو والله ولا ستديو ياشيخ --و المكروف الرسمي للرحلة انزل جب رح جب تعال خذ وهلم جرة - لا اما هذي فمالكم كلام والمتذوق الرسمي للأكل وذالك للخبرة الطويلة في مجال الاكل والعزوبية والوزن اكبر شاهد على ذالك,,,, طبعاً أنا أطلقت علي أسم الشعب لسببين هما:- 1- أنني محمول مكفول في هذه الرحلة بيض الله وجه الشباب والله لايحرمنا منهم فالشباب تكفلوا بتكاليف الرحلة كاملة وفي منتصف الطريق دعمت ميزانية الرحلة بـ5000الف من الاخ ابو عبدالإله بيض الله وجهة فأولاً الأخ ابو عبدالله يعتبر ضيف علينا في الرياض وأنا الأخ الصغير لأبو عبدالإله فهذه اسباب دعمة للرحلة عسى الله يكثر خيرة ومن يقرأ ان شاءالله 2- العالم الي في المرتبة الاولى وزراء ومسؤلين وكبار سن أجل من ذا الوزراء بيأمرون علية ومن يكلفون بالمهام ...... المهم مالكم في الطويلة ,,,,,, طلعنا من الرياض باتجاة القصيم والجو كان راييق جداً والنفسية مرتاحة على الاخر ولله الحمد  طبعاً البال رايق والأحاسيس هياج عقب ثلاثة اشهر من التعب ومن ظغوط العمل ومن ظغوط البزارين وكثر طلباتهم ومن كثر مراجعات هل الوزارات تخيل لو تصحى الصباح تروح الدوام الى الساعة الثانية عشر ثم مطارد ورى هالمعاملات من بلدية الى امانة الى كتابة عدل الى عمل في العصر الى الساعة التاسعة مساءً ثم تروح البيت تكفى فيه أغراض ناقصة من البقالة والا نبي السوق ولا تكفى يايبه ابي المكتبة يعني الساعه 11 مساءً ماترتاح الا وراسك بيتفجر طيب كل هل الاشياء تاركها وراك وعندك عشرة ايام استجمام بالله وش شعورك انا كتبت هذا الكلام كلة من اجل ابين لك الشعور الداخلي اللي في بال كل واحد منَا طبعاً ياشباب الجو كان غائم كلي والساعه التاسعة والنصف ورايح على الشام آآآآآآآه ياسلام بس عسى الله يحفظنا في هالرحلة والله العالم يقولون الاوضاع في سوريا متوترة والقمة لم يحضرها عدد كبير من الرئساء المقامة طبعا ً في سوريا فلذالك الشعب السوري زعلان وهناك نوع من المضايقات للأخوة الخليجيين طبعاً تذكرون الاشاعات اللي جات العام الماضي(((( ليت كل المضايقات ياجماعةمن هالنوع احلى استقبال واحلا احترام واحلا تقدير)))) ونعم والله بالشعب السوري,,,,,,,,,,,,, المهم ياجماعه قلنا الجو غائم واحلى جو وحنا ماشيين بدأت السماء تمطر والجو يحلَو اكثر والله أول ماخطر في بالنا قول الشاعر:- أول تباشير السعد شوف الامطار ******* في ديرة إرجال الوفا والحمية شوف المطر والغيم والسيل حدار******* والعشب نابت والورود العذية قال:- الكابتن ابو عبدالالة ابشروا بالخير يالربع هذا المطر فال خير إن شاء الله.... ان شاء اللة رحلتنا هذي اللي بدايتها مطر انها رح تكون مميزة حنا الاثنين :- ان شاء الله اترككم الان مع صور المطر      طبعاً هذه نزلت الغاط منظر رائع جداً وقت المطر   طبعاً واصلنا مع هالطريق الممتع وسالفة ورى سالفة وطبعاً الكابتن ماسك الطارة صح وعلى 160 مثبت السرعه والدليل الثقافي يحكي لنا عن بعض عادات أهل القصيم وبعض المواقف الجميلة لأهله والله (وش من الأرانب) عند هذا المثقف  المهم طلعنا من القصيم الساعة 12والنصف بعد الوقوف عند هاك المجمع وتزويد المركبة بالوقود واخذ بعض الاغراض والقيام بالصلاة جمعاً وقصراً للظهر و العصر عسى الله يتقبل واصلنا السير بأتجاة حائل ولا تهون فيروز فلقد كان لها نصيب من المشاركه في قطع الطريق والتشويق الحار للدَيار السوريه المهم دخلنا حائل دار الكرم والجود الساعة الثانية والنصف ظهراً يقول الشاعر :- دام اتجاهك شمال اودعك حاجة********سلم على حايل وسلم على شمر قدامك الخافق اللي ينشد علاجة********كنة معلق على برزان ومسمر طبعاً حنا الان في سوق حايل نبي نشتري تمر لصديق لنا في تركيا   وبعد ذالك طلعنا من حايل بتجاة الجوف ويابعد قلبي على الطريق والابلاش  ثم مواصلتاً على طريق الجوف القريات وعسى الله يعين على هالطريق  المهم وصلنا القريات الساعة 9 مساءً تعشينا وبعدين لف على هالفنادق دور ولف ودور والله ولا فندق زين ولا شقق طيب ياشباب وش رايكم ندخل الاردن وننام في عمَان لاوالله نبي ندخل الاردن الصباح ونستمتع بشوفة هالبدو ورى غنمهم وخضيَرهم ونشوف بيوت الشعر والبدو الاردنيين فما أجمل ان ترى بيت الشعر والغنم قدامة سارحة وهذاك الذلول بارك قدام بيت الشعر والخيل واقف قدام بيت الشعر والجو صباحي وهذيك البنيَة تهز الحليب لابسه المعصم على الراس وآآآآآآآآآآآآآآآآآآآه وبس ,,,,,,,,,,,,,,,,,, والله بروسكم المهم قررنا إننا ننام في القريات,,,,,,,,,, والله لقينا هالشقة والله ونمنا احلى نومه من حنا طبعا الشعب ليه على قد حالنا نرضا بالقليل بس المسؤلين والله ماجاهم النوم ابشركم المهم الساعة 4 صباحاً اشتغل المنبة المقلق يالله ياشباب الصلاة الصلاة لحظات الا والمنبة الاحتياطي شغال يالله يانايم اصحى يالله ياحسين قم وتسبح وحنا في السيارة نستناك................ وهو طالع بأعلى صووووووووت لاتنسى مفتاح الشقة نزلة معك وسلمة الرسبشن ,,,,,,انا....يالله يالله جايكم تسبحنا ونزلنا على الشباب الا وهم مثل الذياب في السيارة جالسين ينتظرون وكل واحد قاعد يقرا اذكار الصباح ويذكر الله تخيلو الساعة 4والنصف تو الليل باقي وتوة اذن الفجر الحدود الاردنية الهاشمية 25كيلو الله ماأجمل قومت الصبح ياجماعة والله العظيم انها من الاشياء اللي تحلي لك السفرية ياشيخ تو الصبح بيطلع والليل بدأ ينجلي آآآآآآآآآه ما احلى الجو أبو عبدالالة يقول:- يابوعبدالله عسى نمت كويس ابو عبدالله :- لاوالله ياشيخ والله مآآش القريات مافيها شقق او فنادق نضيفة ابو عبدالاله :- والله ياشباب اني ما نمت مرة بس جالس على هالفراش من البارح لكن الليله ان شاء الله احلى نومة ....... المهم وحنا ماشين لقينا هالمحطة وقفنا نصلي الفجر وعندها لقينا اهل التكاسي اللي يوَصلون للشام طبعا منظر جميل كدلك موديل 5 للهجرة والدز موبين موديل 10 وكابرس موديل 1ونص واللون اصفر والسوَاق الشنب يوِصل الاذن ولونة ابيض شايب عسى الله حسن الخاتمه والشماغ فلسطيني والعقال عرض 2بوصة وفي المسجل اغنية ميَل عقالة ولد شمر ماجمَع الالف والميَة .............. والله ياشباب ياعليهم اشكال حلوة وما ودك تشل نظرك منهم ,عسى الله يوفقهم ويرزقهم ان شاء الله هنا: :: ::----------- انــــــــــــــــــــــتـــــــــــــــــــهـــــ ـــــــت الــحــــلــــقـــة الاولــــــــــى نــــــــــواصـــــــــل وندخل الاردن ان شاء الله في الحلقة الثانية ################################################## ########################### |
|
|
|
15-01-2009, 10:56 PM
|
#4 (permalink) | |
|
سلطانـ الشامـ
تاريخ التسجيل: Feb 2006
الدولة: المدينة المنورة
رقم العضوية :58569
المشاركات: 2,946
|
اقتباس:
 الله يسعدك حيثما كنت |
|
|
|
|
|
16-01-2009, 01:08 AM
|
#8 (permalink) |
|
مسافر متالق
تاريخ التسجيل: Apr 2008
رقم العضوية :183193
المشاركات: 733
|
نسأل الله أن ينصر أهلنا في غزة ففي الحلق شجى وغصة بصراحة أهرب من الجلوس على الأخبار إلى هنا لاخفف عن نفسي بعض الشيء من شدة ما نعاني ونحن نرى اخواننا ونعجز عن تقديم أي شيء لهم وما نملك لهم إلا الدعاء فهو سلاح عظيم والصلاة لله أن ينصرهم وينتقم ممن خذلهم وتآمر عليهم وظلمهم على كل أخي رحلتك هذه صادفت وقت ذهابي إلى سوريا واللاذقية وكسب من نفس الشهر ونفس العام الماضي 1429 اكمل متابع معكم إن شاء الله لكن خفف السرعة ترى الرادار بالأردن على جنب وطرف |
|
|
|
|
16-01-2009, 03:13 PM
|
#9 (permalink) |
|
مسافر متميز
تاريخ التسجيل: Feb 2008
رقم العضوية :173832
المشاركات: 248
|
الـــــــــــحـــــــلـــــــقـــة الــــــثــــــانــــــيـــــــة
طبعاً وصلنا الحدود ودخلنا الاردن وصلنا اول منطقة حدوديه بس والله ما اعرف اسمها  المهم لقينا هذة اللوحة الارشاديه اللي لو غلطها احد راح في رجلها  مشينا مباشرة على سوريا وصلنا الحدود السورية الساعة الثامنة صباحا وخلصنا من الاجرائات وعصافير بطونا عم بتأرأر من الجوع المهم انا خلصنا غثا هالأجرائات وطلعنا  واصلنا حتى وصلنا هالبوفيه الجميلة الساعة العاشره طبعاً الصورة تتحدث عن نفسها   وهذا منظر لصورة المزرعة اللي مقابل البوفية  بعد ما أفطرنا واصلنا السير حتى دخلنا الشام الساعة العاشرة والنصف    اتجهنا مباشرة على الفندق اللي كنَا حاجزين فية من اسبوع وهو فندق ,,الفورسيزون,,  وصلنا الفندق ونزلنا أغراضنا وهذه بعض الصور لمرافق الفندق   رقم الجناح اللي سكناة    هذا منظر من شباك الغرفة    بعد ما ريَحنا شوية اتجهنا على أهم مشوار في هالرحلة وهو المكان اللي كان ذابحنا كل ماتذكرناة وهو يعني لنا الشي الكثير وكذالك يعتبر من الاماكن التي تمثل الحضارة السورية وهو دمشق القديمة يالله انا أحترم هذا الاسم جداً فكلما تذكرت هذا الاسم اتذكر عبق التاريخ الممزوج برائحة الفل الشامي وهذه الاسواق القديمة والجميلة المهم ماراح اكثر عليكم الصور عن هذا المكان فكل من سافر الى سوريا صوَر هالمكان والله ما ألومة من شدة جمالة واحساس من يمشي فية بعبق التاريخ وجمالة السوق هذا ياشباب فية مكان مهم جدا ومن راح لسوريا ولا مر هالمكان لايعتبر نفسة راح سوريا وهو مكان مخصص بفسخ الجاكيتات البنية اللي انت جايبها معك من بلدك وهذه صورة هالمكان ............  طبعاً وانت رايح الى الحمَام تمر بأمآكن يستوجب عليك الوقوف والنظر مثل   يابعد قلبي يا هالشايب انا عارف انه جاي من الضيعه للمدينه تايشتري اغراض ولما خلص آآل خليني اجلس هوني استنا الادان وبعدين بصلي وبحمل حالي وبروح عالضيعة  وأكيد كلنا بنعرف هالمحل    المهم وصلنا الحمام  وتسبحنا وروقنا على شاي الزهورات بعد ما طلعنا من الحمام مرينا بياع العطوراللي قاعد على اليمين وانت داخل الحمام ابو ايمن الكحال والله والنعم انا اشهد ياجماعة ياهو اعطانا عطر الفل الطبيعي مظاف عليه مثبت قوي لايفوتكم ياجماعة والله حلوا جدا ..... بعد ما روحنا من ابو ايمن صراحة كنَا جائعين بدرجة غير طبيعية توجة نائب المشرف الاول على احد الباعه وقال له : السلام عليكم البائع: اهلين ابني مور بدك شي ابو عبدالله : نبي الله يوفقك تدلنا على مطعم حلو في هالمنطقه وياريت لو فيه مطعم يكون في بيت شامي البائع: ولو ياأبني مو على عيني ( المهم وصفنا وصلنا المطعم) وهذا الطريق المؤدي الى المطعم مطعم ( بيت جدو)  وصلنا المطعم وكان مطعم جميل جدا القعده فيه تكفي وهذي صور المكان    المطعم كان عبارة عن بيت شامي قديم جدا وجميل بعد الغدا توجهنا على الفندق ولما وصلنا الفندق ودخلنا للجناح وشفنا هالأسرَة  والله ياشيخ لو انك فل نوم ان يجيك النوم على طول لا ومن الفجر صاحيين وتعب هذا الطريق لازم تتخلص منه بنومه صح والله ونمنا الى المغرب وقمنا رايقين ومرتاحين وش تتوقعون وش سوينا بعد النومه والله إرتحنا على ما قال السوداني من كثر الكسل قالوا وش أول شي تسويه إذا قمت من النوم قاااال : :--- أرتآآآآآآآآآآآآآآح بعد ما أرتحنا اتجهنا الى المسجد الموجود في سوق الحرف اليدويه الذي يقع مقابل الفندق مباشرة وصلينا المغرب والعشاء جمعاً وقصر  بعدين تمشينا على اقدامنا شويه في هالسوق القديم والجميل وهذي صور للسوق   المهم طلعنا من السوق بنائاً على طلب الاخ ابو عبدالله ...يالله ياشباب السائح الهروي الله يذكرة بالخير يقول فيه محل كنافة قريب منا ياجماعة والله ياهو مدح فيها مدح زايد خلونا نروح نشوف ذوق هذا الرجال ..... وصلنا محل الكنافة وكان محل عبدو نفيسه والله ياجماعة يافيها كنافة والله ياهي لذيذة لذة ما أقول الا يالبيه   بعد هذي الكنافه حقها شوية مشي لين الفندق وصلنا الفندق والساعة 9ونصف توجهنا على طريق المطار نبي المطاعم اللي هناك لما وصلنا مقابل المطاعم لقينا واحد سوري شغال في مكتب عقار الله يذكره بالخير وقفنا عنده وسألناه لو سمحت ياأخي الكريم نبي نسهر الليله في مكان حلو لو بدلنا على مكان قاعات الافراح لو فيه زواج او شي قال ياسبحان الله والله انتو مرسولين عليه من احد أو شي والله انا معزوم هلا على زواج وما رحيت بس بدلكم على مكانوا شويه والا بألكم خلوني اتصل على شريكي اب ماهر بشوف الحفل بلَش والا بائي كلم ابو ماهر والله انتو كتير محضوضين خلوكم وراية ( الصراحة والله حنا خفنا وش هالزواج اللي على طول وبهذي السرعه المهم غامرنا ورحنا الا وحنا والله بها الريف الجميل ووجدنا الختياريه بستقبالنا اهلين بالضيوف والبن الاسود اللي تشرب منه فنجال يكفيك اسبوع كامل والله ونلقا هالشباب اللي صافين في هالدبكة حوالي خمسين واحد وما شاء الله على هيك دبكة لكن جنو على انفسهم لما حلفو على ابوعبدالله يدبك معهم حطوة في نصف الصف والله تقول دبكتين شغاله لأنه حاس ابوهم حوسة المهم حنا يا أحلى دبيك تعال بالله والله حنا نخاف عليك من العين وش هالدبكة ياخي جننتهم المهم والله ياجماعة يا استمتعنا متعه ولقينا استقبال ماراح ننساه  المهم بعد السهرة الجميله اتجهنا على مطعم القريه ثم دايركت على الفندق وحطينا روسنا لان ورانا من بكرة سفر للمنطقة الثانية من مناطق الرحله نتابع باقي الرحلة في الحلقة الثالثة ان شاءالله ************************************************** ************************************************* |
|
|
|
|
16-01-2009, 04:02 PM
|
#11 (permalink) | |
|
مسافر متالق
تاريخ التسجيل: Apr 2008
رقم العضوية :183193
المشاركات: 733
|
اقتباس:
تصحيحا للمعلومة أخي الفاضل هذا المطعم اسمه بيت جبري وليس بيت جدي وقد زرته أكثر من مرة وتناولت فيه الطعام وآخر مرة كانت في بداية شهر 4 / 1429 لكن بصراحة وجدت تغيرا فيه عما سبق للأسوء من حيث جودة الطعام وارتفاع الأسعار وفي المرات التي زرت فيها سوريا بعد هذه الرحلة لم أذهب إليه واكتفيت بمطعم القرية والسيران على طريق المطار وتبقى وجهة نظر بس كيف منظر الورد ورائحته أول ما تدخل مطعم القرية على كل هذه صورة لاسم المطعم على مدخله  أكمل متابعين معكم |
|
|
|
|
|
08-03-2009, 02:58 PM
|
#12 (permalink) | |
|
مسافر متميز
تاريخ التسجيل: Apr 2006
الدولة: الكويت
رقم العضوية :75650
المشاركات: 156
|
اقتباس:
وانا شخصياً تأذيت من معاملة العاملين فيه فهم احرجوني امام ضيوفي اللي عزمتهم على هذا المطعم وكانت اول زيارة لهم لسوريا. طبعاً ممكن تقول اني متحامل عليهم ولكن لما تعزم ضيوف لك لهم قدر كبير لك وتطلب من القرسون ان يختار لك طاولة مناسبة فيرد عليك (بدك هااي الطاولة ولا شوف مطعم ثاني) بهذا الاسلوب الغير مهذب. طبعاً طاولتنا في أسوء مكان مع وجود كذا طاولة فاضية ادعى انها محجوزة فقلنا له ننتظر وحده ثانية تفضى فرد علينا بأسلوبه الاستفزازي وعلل ان المطعم كله مخصص للعوائل ولا يقل عن 40% من الطاولات فيها أجانب عزاب بشعور شقر وعيون زرق وخضر يستمتعون بخدمات القراسيين العرب او الاكراد ويتلذذون بالأكلات العربية. طبعاً تركنا المطعم وغيرنا لبيت ستي والاسلوب واحد تم اختيار اسوء الطاولات لنا فسكتنا لأننا عرب في بلد عربي فيه مطعام تنعت نفسها بالعربية الاصيلة للآسف لم تعد تحترم رودها العرب |
|
|
|
|
|
«
(( مشتى الحلو )) يا حلووووووووووو ... للعرسان فقط ... العزاب لا اشوف خشتهم ؟؟؟؟
|
رحلة إلى الشمال السوري
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:03 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||