 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
14-09-2009, 04:11 AM
|
#94 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
صبااااااااااح الخير
اعتذر لكم عالتاخيررررررررر واعتذر مره ومرتين وثلاث وانا اسفه لاني انشغلت هالفتره الطويله لاتلووموني وان شاء الله وعد باااجر بكمل كل الاجزاء مره وحده ان شاء الله واشكر اختي فراشة سويسرا ^^ وعن جد انا اسفه واعتذر الكم سووووووووووووووووووووووووووووووووووووووووووووري |
|
|
|
15-09-2009, 12:27 AM
|
#95 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
واخيــــــــــــــــــــــــــــــــــــــــــــــ ــــــــــــــــــــرا الجــــــــــــــــــــــــــــــزء الثاااااااااااااااااااااااني وصلنا المطار بعد سبع ساعات ونص وكانت الساعه تشير الى 7 والنص مساءاخلصنا الاجراءات بعد ما سالونا كم يوم بتمون بس تاخرنا شوي ونحن نتريا الشنط والمطااار ما حبيته واايد مطاارنا احلى وارقى بواايد وبعدها عالبواابه رقم 10 عشان التاكسي واول ما طلعنا خلاااااص تجمدت مت بررررررررد مالابسه جاكيت بس العبااه ما رمت اتحمل واقول حق ريلي بسرعه ابا تاكسي بسرعه حليله ركبني ع طول والتاكسي كان وااحد جزائري فالبداية كنت خاايفه كان وايد يسرع وصلنا الفندق وخذ عنا 80 يورو حوالي 415 درهم أول صوره صورتها في فرنسا وانا فالتاكسي  وصلنا الفندق وعطيناهم ورقة الحجز الفندق وواايد قريب من فندق الوورويك ودقيقه مشي لين الشانزليزيه والغرفه صح انها صغيره بس حلوه ونظيفه وتوها مصبووغه والحمام (الله يعزكم) مغيرينه ونظيف واااايد عن تجربتي واااايد حبيت الفندق وارتحت فيه وصدق امان وهدوء وان شاءالله اذا رديت باريس اكيد بسكن في نفس الفندق ... الحجز كان ويا الريوق ويا حلااات الكروسون عندهم ^^ اللوبي حليو وزين وعندهم نت بس ما اذكر الاسعاار بعد ما رتبنا اغراضناا وما خليت لبس شتوي ما لبسته طلعنا نتمشى فالشانزليزيه لين السااعه 11 ونص وتعشينا وردينا نستعد لـــ ثااني يووم صور للفندق والغرفه والحمام (الله يعزكم) اللوبي   بوفيه الريوق  الغرفه    الحمام الله يعزكم   السموحه منكم ما ادري شو ساالفه هالصورتين نزلتهن لاني حبيت انكم تاخذون فكره عن الفندق ^^ طبعااا الجوو باااااااارد -1 والشااارع زحمه طبعاا تجوفون فيه كل الجنسياات والاشكاال واكثر شي يغمضوني الياهال في هالجو الباارد بعد المشي اليوووم كااافر دشينا مطعم Quick شرات ماكدونالدز خذنا ساندويش دياي ويا بطاط وبيبسي بــــ 14 يورو  اتريوووني فاليوم الثااني 28/12/2008 ورحلة البااااااااص الاحمر (المكشووف) |
|
|
|
|
15-09-2009, 12:51 AM
|
#96 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
اليوم الثاني 28/12/2008 طبعا هاليوم يصاادف يوم زوااجي نشينا عالساعه 9 تلبسنا ونزلنا نتريق و هذا ريوقنا  تدرون الكرواسون هناااااك طعمه غيييييييييييييييييييييييييير لذيييييييييييذ يم يمييي وعقبها طلعنا عالشاانزليزيه طبعا هاليوم يصادف يوم الاحد فكل شي يكون مسكر وقررنا نركب الباص المكشوف سرنا المكان اللي توقف فيه الباصات ركبنا الباص وخذنا تذاكر حق يومين بــــ 24 يورو حق شخصين وعطونا بروشور وسماعات انا وريلي على طوول سرنا الكراسي اللي فووق والجوو بررررررد روووووعه بس موووووت واصلا ماشي مكان تحت زحمه بدت جولتنا في البااص من بدااية قوس النصر مرورا بشارع الشانزليزيه لين ساحة الكونكورد ويمر على هالامااكن برج إيفل شامبدي مارس متحف اللوفر كنيسة توتر دام متحف ميوزي دي أورسي الاوبرا وجالري لافييت قوس النصر جراند بالاس تروكاديرو وطبعا تقدرون تنزلون في أي مكان وتركبون الباص اللي بيي عقبه نحن نزلنا عند برج ايفل وكلنا امل انه نصعد فووق بس انصدمنا من الزحمه والله اني ما عرفت بدااية الطابور من نهاايته زحمه فضيييعه فقررننا نرد له مره ثاانيه وسرنا نتمشى صوب نهر السين والحديقه اللي ورى برج ايفل وردينا ركبنا باص ثااني ودخلنا الكنيسه وبعد زحمه اظني الزحمه ورانا ورانا وين ما نروح ^^ هذيلا بعض الصور واحنا فالباص والاماكن اللي مرينا عليها سامحوني عالتصوير من البرد موول ما رمت اصور عدل وكنت لابسه قفازات وبعدني اتنافض من البرد بس لعيونكم صورت كم صووره والباقي كله طالعين نحن فيه ^^ بداية الجوله من عند قوس النصر    نهر السين  علم دولتنا الحبيبه   خلف برج ايفل  زحمه يا دنيا زحمه  وهااي الكنيسه اللي دخلناها   وهالمحلات برع الكنيسه يبيعون شالات وكابات وهالسوالف   هذيله دكاكين صغار يبيعون اكسسوارات ع طرف الشارع جريب الكونكورد أظني نفس المعرض لان شلوهم  خلصت الجوله وخذنا جريب الـــــ 4 ساعات صح متنا بررد بس استانسناااا وااايد الحمدالله  وعقبهاا دايركت على بيزا بينو بس جفنااا طاابور طويل وقلنا خلنا نروح café de roma وطلبنا باستا و بيتزااا اكلهم لذيييييذ طلع علينا بـــــــــ 41 يورو هااي الصووره اهداااء لكل اليوعاانين ^^  بعد هاليوم الطويل تعبنا وردينا الفندق نرقد نشينا عالسااعه 8 تقريبا وسرنا نتمشى في هالجوو الغااوي ورحنا نتعشى في بيتزا بينو وبعد طاابور طويل و وقفنا فيه تقريبا 30 دقيقه وطلبنا سيزار سلاد+باستا+بيتزاا بــــ 55 يورو   بعد العشاا رحنا ناخذلنا تذاكر حق يورو ديزني رحنا محل ديزني الي فالشانزليزيه بس قالنا مخلص سيروا فيرجن يمكن تحصلون المهم سرنا فيرجن وحصلنا الحديقتين بـــ 120 يورو و عقبها ردينا الفندق نريح لان باجر وراانا يوم طويل ..  وان شاء الله بكمل الباااقي بعدين ^^ |
|
|
|
|
15-09-2009, 01:30 AM
|
#98 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
اليوم الثالث
29/12/2008 نشينا عالساعه 7 ونص تلبسنا ونزلنا نتريق هذاا الريوق  وبعد الكروسون اللذيذ سرنا محطة شارل ديغول طبعا مشي لانه قريب من الفندق وهاي المحطة مجابلة قوس النصر المهم وقفنا في الطابور وخذنا بطاقتين روحه ورده حق ديزني لشخصين بــــــــــ 26 يورو تقريبا مشينا لين حصلنا القطار وهو طبعا قطار RER يروح دايركت ع ديزني بس يوقف تقريبا في 14 محطة وبعد 45 دقيقة تقريبا وصلنا وطبعا هناك الجو ابرد عن باريس نحن كنا اوريدي ماخذين التكت بس كاان واااااااايد زحمه فوقفنا تقريبا ربع ساعة فالطابور وعقبها دخلنا وردينا صغاااار لعبنا واستانسناا وااااااايد واااايد و ردينا ايام الطفوله نلعب ونتمشى ونصور ونااكل ^^ صور من يورو ديزني التذاكر@@ طبعا ما خذينهم حق الاستيديو+الحديقة ..  بوابة الاستيديو   وهذا مؤسس يورو ديزني  ركبنا هااي اللعبة .... السجاد السحري ...   هاي لعبة السلحفاه تخيلوا تمينا فالطابور أكثر من ساعه ونص نتريا دورنا بس من ركبت اللعبه صدق حبيتها ونسيت اني كنت مغيضه ^^   وهاي الساحره مال رسوم 100 مرقش  فندق هوليوود اونه مسكون  أكشاك صغيره تبيع منتجات يورو ديزني وهي نوعا ما غااليه    هاي اللبسه وااايد عيبتني  مرحبا بكم في حديقة يورو ديزني   جوفوا الكشخه .. وااو وااو وااو   هذا كان غدانا وطلع علينا بـــ 25 يورو  واايد احب هالمكان   لعبه عجيبه وغريبه بس حلوه ^^  بطـــــــــــــــــه  عالم الصغار أحلى لعبه عندي واااااايد حبيته تركبون في قارب ويحوطونكم دااخل وتجوفون العالم كله مصغر رووووعه بس للاسف ما عندي غير هالصور والباقي فيديو    عالساعه 5 بدت عروضهم ما قدرت أصور من الزحمه    بااااابااااي ديزني  بو الشباب خذله تيمون من الحديقه وهاي صورته ^^ وايد يحب رسوم تيمون وبومبا  وبعد هاليوم الطويل الممتع ردينا الفندق عالساعه 7 ونص تقريبا وريحنا وعقبها سرنا المطعم الايراني جولستان وهذا عشانا وطلع علينا بـــ 57 يورو  بعد العشاا تمشينا في الشانزليزيه وبعدها داايركت عالفندق وأحلاااااااام سعيده وهااي صورتين لعيونكم  المسلة المصرية  اتريوني في اوتليت فرنسااا ^^ |
|
|
|
|
15-09-2009, 01:35 AM
|
#99 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
صباااح الخير يا حلوااات اسمحوولي عالتاخير كنت مشغووله وااااااايد وااااااااايد وعشان هالتاخير بنزللكم الاجزاء الباقيه ويا بعض ^^ اليوم الرابع نشينا عالساعه 9 والريوق يتريانا بعدها طلعنا من الفندق وسرنا مركز غاليري لافاييت خذنا تاكسي لان بو الشباب ما يبغي يروح بالقطاار اونه عوار رااس وخذنا تاكسي بـــ 8 يورو و وصلنا وزحمه وعااالم الصرااحه ما توقعت هالزحمه كلها هناك وطبعا الجوو روووعه والثلج ينزل صدق صدق روووعه تمشينا في المول وطبعا مالنا غنى عن العطور خذتلي عطور منن توم فورد وخذتلي خوااتم و فوده حلوه وبعدها تغدينا من ماكدونالدز وطلعنا نتمشى في منطقه الاوبرا ونستمتع في الجوو الغاااوي وهااي بعض الصور لغاليري لافاييت واسمحولي ماصورت واايد كنت مشغووله في الشوبنغ   عطور  برج ايفل    بعد المشي والتعب ردينا الفندق وعقينا اغراضنا وطلعنا عشان نروح الايفل وخنا تاكسي بــ 5 يورو كنا مقررين اليوم نصعد فووق بس يوم سرنا لقيناه مسكر تمينا نتمشى هناك وعقبها بو الشباب الله يحفظه مقرر يعزمني اليوم عشان يوم ميلادي وسرنا حجزنا رحلة نهر السين اللي ويا العشاا وطلع علينا بـــ 97 يورو والرحله تبدا من الساعه 8 ونص لين 11 المكان رووعه والجو احلى بس الصرااحه الاكل مووووول ما عيبني وحرام هالبيزات عليه وكالعااده ما صورت بس الجوو روماانسي هالورده كانت عالطاوله  الستاره  العشا اللي ما حبيته موول  السويت حبيته شويه ^^  بعد هاليوم المتعب الحلوو ردينا الشانزليزيه وتمشينا فيه وبعدها دايركت عالفندق و نووم العوااافي @_@ |
|
|
|
|
15-09-2009, 01:49 AM
|
#101 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
الجزء الاخير وطبعا هذا اخر يوم لنا في باريس بتاريخ 31/12/2008 هذا احلى يوم عندي يوم ميلادي ^^ وطبعا اليوم احتفالات راس السنه عندهم وعينا عالساعه 9 وتوجهنا لمحطة شارل ديغول وخذنا تذاكر حق لافيلاج (اوتليت) روحه ورده بـــ 23يورو وخذنا تقريبا 45 د لين ما وصنا طبعا هذا شرات المول ومن ورا شي باب يوديكم عالاوتليت مكان الماركات و وفي كل الماركات بس باسعار رخيصه نوعا ما اول ما وصلنا جوفوا الثلج  داخل المول   البوابه اللي توديكم عالاوتليت  الماركات الموجوده       وانا اصور جان اييني السكيورتي ويقولي ممنوع التصوير وبعدها ردينا المول مره ثانيه عشان نتغدى بس جفنا عالم البحار وقلنا بندخله وهاي الصور    اليووع كاافر ودايركت على مطعم نورا اللبناني تغدينا بــ 65 يورو  لذيييييييييييييييييييييييييييييييييذ  ردينا الشانزليزيه حطينا اغراضنا وسرنا LV و وقفنا فالطابور نص ساعه لين ما ندخل من الزحمه طبعا بوالشباب الله يحفظه خذلي هدية عيد ميلادي شنطه ع ذووقه اونه عاايبتنه ولازم اخذه وانا ما اصدق حد يقولي خذي ^^ لووول  الشانزليزيه فالليل  ردينا الفندق جفنا مسلسل شاهين الحلقه الاخيره ماكنت جايفتنه في رمضان ريحنا و عالساعه 10 ردينا ظهرنا نتعشى ونتريا احتفالاتهم سرنا صوب بيتزا بينوا وقلنا اخر يوم لازم نتعشى هناك وكالعاده طابور طويل والا نسمع الريال يقول دووو جان ارفع ايدي و ندخل طبعا المنيو اليوم كان مختلف عندهم اشيا خاصه حق النيو يير اونه وهاي طلبيتنا طلعت علينا بـــ 65 يورو وطبعا هاليوم الاسعاار دببل  عالساعه 11 سكروا الشااارع والشرطه في كل مكان ماشي سياايير و فتحوا الشانزليزيه والناااس كلها في الشارع وتصاارخ واللي يغني واللي يصور واللي يرقص بس صدق زحمه فضيييعه جوفوا الزحمه كيف  حلات الاسكريم فالبرد تاااابع |
|
|
|
|
15-09-2009, 01:51 AM
|
#102 (permalink) |
|
مسافرجديد
تاريخ التسجيل: Sep 2008
رقم العضوية :219455
المشاركات: 52
|
هذا اخر يوم وما فوتنا ولا شي تمينا فالشانز نتمشى لين الساعه 3 تقريبا وجفنا العجب بعدها ردينا نرتب اغراضنا وشنطنا للبلاد بعد الشك اوت خذنا تاكسي للمطار 45 يورو وصلنا وكان زحمه عالكونتر تمينا نص ساعه تقريبا وبعد التفتيش وسرنا صوب البوابه وشي ديوتي فري مصغر و بعدها علنوا ان البوابه بتفتح سرنا ويلسنا الا شوي اسمع باسنجر الــــــــ........ & باسنجر الــــــــــــ ...... لازم يتوجهون للبوابه حاالااا وبوالشباب مب طايع يسير اونه يمكن حد غيرنا من بس نحن اللي هني وكرروا الاسم مرتين جان اشل قشاري واتوكل وهو ياالس ومن وصلت خذو البوردينغ مالي وطروا وانا اقول شو الساالفه ليكون لغوا الحجز لااااااااااا وبعلي من جاااف الموقف يا داايركت وعطاهم البوردينغ ماله المفاجاه حطونااا فالنزنس يااااااااااااااااااااااااااااااااااااااااااي وطبعا انا شاااقه الحلج ومستانسه حتى ماسالتهم ليش غيرتوا ^^ التصوير هني كله بو الشباب مصورنه المقبلات والمين كورس   السويت يم يمييي كان لذيذ لين الحين خاطري فيه  بعد سبع ساعات ونص وصلنا بلاااادنا الحمدالله وأشكر كل من تابعني وشجعني على تكملت التقرير واعتذر منكم مره ثاانيه لاني واايد تاخرت بسبب ظروفي الخااصه تقبلوا تحياتي أشواق_دبي |
|
|
|
الله يخليكم لبعض |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:17 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||