 |
 |
 |
||
|
|
|
||
 |
|
 |
|
|||||||
| الدول العربية والإسلامية مملكة البحرين ترحب بكم. |
 |
|
|
أدوات الموضوع | انواع عرض الموضوع |
14-12-2008, 10:27 AM
|
#1 (permalink) |
|
مشرف بوابة الكاميرات و بوابة الشرقية
تاريخ التسجيل: Sep 2008
الدولة: في الخبر روحي وشوقي إلى جدة
رقم العضوية :216334
المشاركات: 3,222
|
رحلتي وعائلتي الكريمة إلى مملكة البحرين وأكثر من 100صورة
بسم الله الرحمن الرحيم كل الشكر والتقدير >>> أحس قاعد اقدم برنامج واشكر الراعي الرسميالسلام عليكم ورحمة الله وبركاته  الزبدة:- أشكر كل الاعظاء اللي قدموا لي معلومات قيمة عن مملكة البحرين مما سهل علي رحلتي هذه منهم الماسة السوداء والغالية وأشكر واحد من الاعضاء بحريني غير أعتقد أسمه لأني بايق الخريطة حقته  واللتي كان مخطط لها أن تكون إلى محمية العرين وبعد ذلك إلى السيف مول - الحلقة الأولى - المهم أني يوم الاربعاء 5-11-2008 وفي الصباحخشيت الجوازات بالسيارة وقلت للمدام يالله مادمت أني في إجازة والناس في اعمالها ومدارسها الخبر مافي أحلى منها هذا الوقت وخذي حسابك أن مافي رجعة للبيت إلا في الليل يعني طلعة مرة وحدة أبي أحلل يوم الاجازة هذا  طلعنا من البيت على الساعة تسعة ونص - عشان نتحاشى زحمة المدراس والاعمال في الساعات المبكرة- وقلت خلنا نروح كورنيش الشبيلي وناخذ لفتين والجو حلو ويجنن المدام :- وين بنروح أبوداحم:- ليش خير عسى ماوراش شي - لكنة تهجمية ترفع الضغط "" لكنة أغلب الرجال ""- المدام:- وبصوت خافت لا بس حبيت أعرف وين بنروح أبوداحم:- قلتلج الشبيلي المدام :- لا اقصد بعد الشبيلي  أبوداحم :- أها بعد الشبيلي أي مكان تمشي فيه السيارة بالخبر ودوارة على البحر كوفي شوب طبعا المدام:- يعطيك العافية أبوداحم :- أحسب بعد  >>> صح ياقويالمهم وبعد لحظات من الصمت المدام:- أي كوفي شوب أبوداحم:- قلتلج أي شي أي واحد المدام :- طيب أبوداحم:-  "طبعا داخليا"المهم وصلنا كورنيش الشبيلي وخذلك دورة وبعد كذا أبوداحم:- أقولج مالي خلق كوفي شوبات المدام:- ليش أبوداحم:- مالي خلق بس كذا مالي خلق المدام:- -- وهي مندهشة من الاسلوب الفض والنفس الخايسة -- أوك براحتكوقفت كوفي اللي بالمحطة وأخذنا كوفي ودورة على الشبيلي وركبنا الجسر ودفعنا 20 ريال رسوم الجسر المدام:- رايحين البحرين أبوداحم:- شايفة جوازاتنا معانا - بناخذ دورة على الجسر ونرجع حرام يعني- المدام :- شفيك أنت اليوم أحد مزعلك شي أبوداحم:- ولاشي أبوداحم :- بقولج شي بس لاتعلمين أحد المدام :- قول أبوداحم:- أخذي جوازج من الدرج وطبقي بسرعة  المدام:- أها ماتجوز من حركاتك هذي أبوداحم :- فقع ضحك أبوداحم:- رجع ملامح وجهه زي أول مكشر بتطبقين بسرعة ولا أغير رايي وأرجع  المدام:- تسويها  وهكذا انفضحت المفاجأة وانكشفت أوراق أبوداحم إلا ورقة وحدة كانت الجوكر >>> أصلح كاتب سيناريو  أبوداحمالمهم كنا على الجسر والساعة العاشرة صباحا  وكان الجسر فاضي بما تعنيه الكلمة  ومن الفضاوة حتى الحفريات سووها وهذي صورة المغادرة إلى مملكة البحرين ومتع عيونك بالجسر الفاضي  والله شي خيال شوفو الجمارك شلون فاضية من جد وناسة  ولما وصلنا مركز التأمين البحريني قاللولي ياحلو عليك مخالفة روح سددها في مكتب المرور هناك وبعدين نأمن لك ونمررك المهم بوداحم ضرب حساباته أنا عمري ماتهورت ولاسويت مايكل شومخر بالسيارة الجديدة >>> يعني سمعوا عندي موتر جديد -- مطفوق له سنة عندي- المهم قلت خير إن شاء الله نروح نشوف في مكتب المرور وش السالفة رحت هناك بالصندقة صباح الخير صباح النور أخوي يقولون أن على مخالفة وأنا مخالف وهذي أوراق السيارة تشك تتشك تشك تشك تشك <<< صوت كيبورد المرور أخوي هلا والله عليك مخالفة سرعة سرعة  متى أنا عمري ماسرعة من زمان غابر وبعد تقولي سرعة وبالبحرينمانت مصدقني هذي الصور وهذي سيارتك صح قلتله صح بس على الجسر وأنا أخذ ألف وألف حساب على الجسر وخاصة من السرعة المهم قلتله كم السرعة قالي 118 كم 118 أنا فقعت ضحك وأقوله من جدك 118 وعلى الهاي واي وتقولي سرعة قالي أيه عندنا سرعة والفترة الحالية حطينا لوحات زيادة وبكثرة على الجسر عشان تنتبهون وماتسرعون وبعدين قالي ليش وأنت كم السرعة عندك قلتله حبيبي أذا هاي واي 120 وأنا والله موتري متعود 120 وامسك خطك المهم الرجال ماقصر تشك وتشك تشكك تشك وطبع البرنت ودفعنا المخالفة 100 ريال والرزق على الله وكل السالفة هذي والخالفة وحوست الجسر ماخذت مني عشر دقايق مع الجمارك والجوازت والتأمين وكامل الإجراءات آخر حلاوة <<< على قولة أخوانا المصريين أول ماتدخل الجزء البحريني من الجسر ترحب بك السفارة السعودية بمملكة البحرين  ولاتصدقون الأعلام هذي وتحطون رجولكم ترى مخالفات وحدك تتسحب 80 لما تطفش  وشوف اللوح كيف موزعة في كل مكان على الجسر -بعد خراب مالطة - وبعد ما اخذنا المخالفة  والله يعينك ثبت على 80 وهاك ياسوالف ونصيحة خذلك كرتون علوك عشان تتسلى تسوي نفيخات وانت تسولف  ولاتنسى تعبي التانكي فل بالسعودية أرخص وأفضل في نوعية البنزين . . . . . وإلى اللقاء في حلقة قادمة مع مسلسلكم الكرتوني سابق ولاحق أخوكم/عبدالرحمن |
|
|
|
14-12-2008, 03:52 PM
|
#5 (permalink) |
|
مشرفة البحرين
تاريخ التسجيل: Jul 2007
الدولة: البحرين الغالية
رقم العضوية :141947
المشاركات: 3,583
|
مرحبا فيك أخونا ... في البحرين .. انت والمدام ... نورتوا البحرين ..
ولا شكر على واجب ... ما سوينا شي ... التقرير من بدايته مشوق وباين عليه انه رايح يكون ممتع ... أسلوب حلو ومغامرات ... منتظرين التكملة ... وشاكرين لك مشاركتك لنا هالزيارة  |
|
|
|
|
14-12-2008, 04:54 PM
|
#6 (permalink) |
|
مشرف بوابة الكاميرات و بوابة الشرقية
تاريخ التسجيل: Sep 2008
الدولة: في الخبر روحي وشوقي إلى جدة
رقم العضوية :216334
المشاركات: 3,222
|
- الحلقة الثانية -  الإختطافعدنا وبعد دخولنا إلى البحرين بدأت بتتبع اللوحات الإرشادية لحلبة سباق البحرين "" لأنها هي اللتي توصلك إلى محمية العرين وجنة دلمون المفقودة لقربهم من بعض " وأول ماجات اللوحة ومع الكوبري يمين المدام استغربت عادة نروح يسار للمنامة والمحرق وضاحية السيف المرة هذي يمين على وين المدام:- على وين ياحلو أبوداحم:- رجعنا المدام:- لابس حبية أسأل طريق أول مرة أشوفة أبوداحم:- عملية إختطاف فلسنا من الاسهم والغلا قلة بكلم عمي إذا يبي بنته يدفع فدية 2 مليون المدام:-ماتجوز عن حركاتك هذي أبوداحم:- كيفي مابي أجوز عنها وهذي خارطة الطريق أو آسف خريطة الموقع "" الخريطة مبيوقة من أخوي وحبيبي بحريني غير""  المهم لحد يقولي وين المحمية أنت ألحق لوح حلبة سباق البحرين تحت كل حصاة بتلقى وحدة وعلى كل عمود لمبة <<< شكل اللوح كلفتها أكثر من الحلبة من كثرة اللوح  طبعا أحلى شي أن لوحة حلبة السباق ملونة بالبني يعني ماتضيع الحول يلحقها وهو مغمض بعد ومحمية العرين جهة مدينة حمد والزلاق وجامعة البحرين وهذي صورة لإحدى اللوح <<< صح عليك يامدرس اللغة العربية إحدى هههههههه وماشاء الله على ديرتي الثانية كل خطوتين تشوف حضارة وبناء وعمران وتقدم الله يعمرك يالبحرين ويحفظ ملكم  المهم يالغالين ولما تمشون وتمشون وتمشون طبعا ماتعدون 80 وماعليكم من أحد والله العياييز يطوفونكم ماعليكم منهم المهم لما تشوفون حلبة السباق بتجيكم لوحات على الجانب الايمن من الطريق ولونه بني اتبعه ومنت ضايع وهذي صورة لها وزي ماقلتلكم لأن جنة دلمون ومححمية العرين جنب بعض بتلقون اللوح جنب بعض  وبعد ماتعب بوداحم من ملاحق اللوحات شاف شي رائع جدا شنو شاف . . . . . .  طبعا من التقارير السابقة أبوداحم ماشاف المبنى من الخارج وتهلل وجهه عندما رأى هذا المبنى وقال في نفسه لقد وجدت مبتغاك يا أبا داحم ويروح ويوقف بالباركنغ اللي ورا المبنى طبعا كل هذي الاحداث والمدام تسولف في كل شي وودها تسأل على وين رايحين بس تعرف أن التكلم في السياسة ممنوع المهم أبوداحم شك بالامر وقلت بنزل دقيقة أشيك وأجي رحت وإلا لقيت البوابات مقفلة إلا باب عيادة الصقور دخل أبوداحم كان يلقى زحمة صقور ماسكين سرى هذا يكح والثاني يعطس والثالث يون والرابع مكسورة رجله ومعاه أمه وهو يصيح وأمه تسكته المهم لقيت سكرتيره بحرينية بالاستقبال هي :- مبادرة بالسلام " السلام عليكم" هو:-عليكم السلام هو:- (( على طول ماعنده وقت )) أختي يعطيج العافية محمية العرين وين هي:- أطلع من الباركنغ وخذ يسار البوابة الثانية هو:-يعطيج العافية ماقصرتي أختي هي :- الله يعافيك أخوي ركبت السيارة والمدام :- (( على طول ها بشر )) أبوداحم:- شنو مكتوب على الباب اللي دخلته المدام :- عيادة الصقور أبوداحم:- الجو الحين حلو وحق مقناص صح المدام:-صح أبوداحم:- بس حبيت أمر على البيطري عشان يفحص طيوري قبل القنص المدام:- وصمت دامسالمهم ومشينا بالسيارة زي ماقالت لنا الأخت اللتي ضربت أروع الامثلة على طيبة أهل البحرين وأخلاقهم ورحنا زي ماقالت لي وإلا بوابة المحمية بوجهي (( على فكرة مدخل المحمية تحت الترميم ))  وهذ يافطة المحمية الجديدة بقراطيسة وغبرته بعدهم ماركبوها  شنو داخل المحمية وشنو صار بالداخل من أحداث ومين قابلنا في الحلقة القادمة أخوكم/عبدالرحمن |
|
|
|
متابعين
|
15-12-2008, 08:28 AM
|
#12 (permalink) | |||||||||
|
مشرف بوابة الكاميرات و بوابة الشرقية
تاريخ التسجيل: Sep 2008
الدولة: في الخبر روحي وشوقي إلى جدة
رقم العضوية :216334
المشاركات: 3,222
|
اقتباس:
والله يعينك على حسب الدوام بنزل التقرير ونتشرف بمتابعتك لتقريري أوه نسيت مسلسلي اقتباس:
وابشر من عيويني بعجل بالحلقات اقتباس:
شر البلية مايضحكمن جد سالفة المخالفة خربت حساباتي هههههههه الله يعافيكي وحياكي الله في تقريري نورتيه وشرفتيه اقتباس:
شرفتينا بالمرور العطر والكلمات اللي اخجلتم تواضعنا بها وإن شاء الله نكون عند حسن الظن اقتباس:
مع خالص تحياتي لك اقتباس:
وإن شاء الله يعجبكم المزيد اقتباس:
اقتباس:
من جمال مرورك يالغالي وهذا آخر كاس أفوكادو يوم الاربعاء الماضي  واللي يبي يعرف سالفة العصير الفن هذا ومحلة يشوف تقريري التالي ودعوة خاصة للماسة السوداء <<< أكيلت البحرين - ذويقة البحرين - VV V أروع محل عصيرات في الخبر (( بالخريطة والصور)) اقتباس:
|
|||||||||
|
|
|
|
15-12-2008, 11:03 AM
|
#13 (permalink) |
 
تاريخ التسجيل: Jun 2007
الدولة: معشوقتي البحرين
رقم العضوية :138065
المشاركات: 1,678
|
اخوي دحومي اشهالصوره الي تسيح السعابيل
 وتسلم على الدعوة الخاصه دشيت الموضوع والصراحه العصاير شكلها مغرررررررررري باجر انا في السعوديه  بالظبط في محل العصايروقول حق اللبناني اذا يبون يفتحون فرع بالبحرين انا باكون المعلمه مالتهم متابعين.... |
|
|
|
|
15-12-2008, 11:49 AM
|
#14 (permalink) | |
|
مشرف بوابة الكاميرات و بوابة الشرقية
تاريخ التسجيل: Sep 2008
الدولة: في الخبر روحي وشوقي إلى جدة
رقم العضوية :216334
المشاركات: 3,222
|
اقتباس:
الله يحيج في في ديرتج أنتوا المعازيب وأحنا ظيوفكم ومشكورة على تلبية الدعوة وبالنسبة لفرع البحرين إذا أنتي المعلمة محد بيشرب عصير كل العصيرات عندج وشرفتينا يالماسة أخوك/عبدالرحمن |
|
|
|
|
|
15-12-2008, 01:18 PM
|
#15 (permalink) |
|
مسافر فعال
تاريخ التسجيل: Jul 2008
الدولة: مدينة العيــــون
رقم العضوية :206658
المشاركات: 118
|
اقول يابوداحم
اسلوبك مشوق وعشان كذا لاتطول علينا يرحم امك واذا عشان المخالفة اهون من سعر مخالفاتنا 300 و900 احمد ربك انها 100 وياليت تقولنا بالتفصيل الممل عن رحلتك والتكاليف بشكل عام من عيشة وطلعات ووو وبانتظار البقية |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:32 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||