 |
 |
 |
||
|
|
|
||
 |
|
 |
|
|||||||
| التقارير المصورة الخاصة بماليزيا في هذا القسم يتم تزويد المستخدم بالتقارير المصورة الخاصة بماليزيا. |
 |
|
|
أدوات الموضوع | انواع عرض الموضوع |
10-12-2008, 07:29 AM
|
#1 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
هدية العيد .,. فهد ودبيب في ماليزيا (( بدون ردود ))
بسم الله الرحمن الرحيم
الحمد لله والصلاة والسلام على رسول الله أقدم بين ايديكم هذا الموضوع الشيق والذي أرجو من الله سبحانه وتعالى أن تعم فائدته على جميع المسلمين الذين يقصدون البلدان والامصار للسياحة والاستجمام والدعوة الى سبيل الحق وإعطاء صورة مشرقة عن تعامل المسلمين مع غيرهم من المتجمعات المختلفة ويحتوي هذا الموضوع على : التقرير المصور لرحلتي مع زوجتي العزيزة ورفيق الرحلة " دبيب " إلى :  ماليزيا فعلا إنها آسيا الحقيقة من 16 / 8 / 2008 وحتى 31 / 8 / 2008 سيرافقكم دبيب في هذه الرحلة بتفاصيل بإذن الله ستجدون معه الفائدة والمتعة استغرقت الرحلة 14 يوما تنقلت خلالها في أربعة مدن رئيسية سيلانجور .,. ليلتين .,. فندق الخيول الذهبية جزيرة لانكاوي .,. أربعة ليالي .,. منتجع لانكاوي لاجون كوالالمبور .,. أربعة ليالي .,. فندق كراون بلازا جنتنق .,. ليلتين .,. فندق فرست وورلد كوالالمبور .,. ليلتين .,. فندق كراون بلازا : :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: سننطلق سويا مع دبيب في تقرير رائع عن كل منطقة زرناها في ماليزيا من أسواق ومجمعات وحدائق ومرافق وستكون فكرة التقرير بالأيام أي أنه كل يوم سيحدد له العم دبيب مشاركة خاصة بكل مافيها من مغامرات وكذلك سيوضح لكم الايجابيات والسلبيات في جميع مرافق ماليزيا انطلاقا من السعودية وانتهاءا بالسعودية وإليكم بعض الصور الملتقطة خلال الرحلة /  مسجد مطار الملك فهد بن عبدالعزيز بالدمام  هذا أنا دبيب في مقعد الطائرة  اليوم الأول  اليوم الثاني  اليوم الثالث  اليوم الرابع  اليوم الخامس  اليوم السادس  اليوم السابع  اليوم الثامن ":":":":":":":":":":":":":":": ما قبل الرحلة مقدمة : بداية وقبل كل شئ كانت فكرة زيارة ماليزيا تراودني من اول ما ماملكت على ام عبدالعزيز قبل ثلاث سنوات تقريبا وحاولت معها هذيك الايام لكن ما كتب الله وقضينا شهر العسل قريب من الاهل وفي ربوع مملكتنا الحبيبة جلست الفكرة تدور براسي لحد ما وصلت حدها ههههههه سالت كثير وحفظت في جهازي تقارير بعضها من عام 2004 تقريبا .,. يعني بالعربي جمعت معلومات كافية عن ماليزيا وعن حدائقها ومجمعاتها وفنادقها تقريبا وصلت الى اقتناع تام بأنه خلاص عرفت كل شي .,. قبل أجازة هالسنة بثلاثة أشهر قررت انا والمدام ودبيب طبعا اننا نسافر إلى الخارج ونجرب أول رحلة لنا بعيد عن الشرق الاوسط حيث اننا جربنا الكويت والبحرين وهكذا لانها حوالينا .,. فقررنا السفر إلى ماليزيا !!! تجربة قوية ... أحد زملائي في العمل ( مدمن اندونيسيا ) وزار ماليزيا مع أهله في أحد السفرات وجاب لنا تقرير فيديو ولكن كان التصوير مو ذاك الزود لانه كان يهتز وهو يمشي ما ادري وش جاه بماليزيا .,. المهم .,. اخذت قناعة تامة بتقرير السفر إلى ماليزيا بعد مشاورة المدام واخذ موافقتها التامة وهي في كامل قواها العقلية <<<< بينجلد .,. ذهبت بعدها الى احد المكاتب السياحية المشهورة في الخبر .,. طيران الاتحاد بـ 3548 ريال للشخص الواحد دمام ابو ظبي كوالا والعودة كوالا ابوظبي البحرين .,. الخطوط السعودية " إنسى " .,. قلت لصاحب المكتب احجز الآن حجز مبدأي على أني راح ارجع لك بعد المشاورة بيني وبين جيبي العزيز .,. خلال اسبوعين اشاور عمري ولحد الآن متردد في داخلي أسافر واتوكل على الله والا على الباحة ؟؟ .,. رحت لمكتب اخر وسألت عن سعر التذكرة طلعت نفسها ولا ارتفع ولا نزل منها أي شي .,. الحمد لله .,. واخذ المدام هذاك اليوم وعلى المكتب الأولاني ونقص التذاكر بسعر 7096 ريال .,. عطيت المحاسب الزول 7100 .,. يبقى لي اربعة ريال .,. قال عندك ريال .,. قلت له يا اخي سامحنا انت في الريال وعطني خمسة .,. حسيت انه بغى يفقع وجهي ولله الحمد هههه .,. المهم ابتدى الاستعداد للسفر ابتداءا من قص التذكرة قبل الموعد بشهرين .,. بدأت عملية البحث المكثفة عندي لاسترجاع معلومات عن ماليزيا وما حصل فيها من تجديدات وعملت لنفسي برنامج جميل يناسب ميزانيتي والقى فيه راحتي هناك .,. المدام طبعا جزاها الله خير عطتني الضوء الاخضر في اختيار الفنادق وقالت سو اللي يعجبك .,. اخترت الفنادق بالأيام وبديت افر على مكاتب الحجوزات لاني ما حبيت احجز من النت لانها تجربة اولى وفيها شئ من الربكة والخوف .,. احدهم قال لي 7000 والثاني 9000 رغم انها نفس الفنادق لكن الفرق في السمعة .,. استقريت على مكتب صغير اعطاني الفنادق اللي ابي بـ 5060 ريال ولكن حصلت غلطة في الحجز بأنه كتب أحد احرف اسمي غلط .,. رجعنا نعمل حجز من جديد وطار علي فندقين أصبحت غرفه انتظار .,. اللي هو / لانكاوي موتيارا بوراوي باي .,. وفندق كوالا لمبور شنغريلا وهذا اول شي خلاني اتخوف من الفنادق .,. اتصل علي وقال لي خلاص حصلنا لك حجز وتعال عشان تستلم الفوتشر .,. لقيته حاجز لي فندقين بدالهم ولكن مع الاسف بعد ما طلعت من المحل .,. تاكدت من المنتدى عن هالفندقين طلعوا مش ولابد خصوصا اللي في لانكاوي .,., قلت خلني احتياطا احجز في لانكاوي لاقون عن طريق اسيا روم وفعلا لقيت غرفة عالبحر وحجزتها وارسل لي الفوتشر عالايميل وطبعته .,. الأغراض الشخصية : بدأت الآن أفكر بشراء بعض الحاجيات من هنا اللي ممكن تفيدني في السفر وتعينني على أداء رحلتي براحة وسعادة .,. بدأت بشراء الشنط فقررنا شراء شنطة متوسطة الحجم 250 ريال لنا اثنينا على شان ما نحمل شنط واجد خصوصا اني كنت واثق بأنه راح نرجع بأكثر من شنطة من هناك " مجرد إحساس " .,. ومن مجمع السيف بالبحرين شريت شنطة عملية جدا تعلق على الظهر < الاكتاف > 170 ريال لحمل الماء والطعام وبعض الاغراض التي نحتاجها اثناء التجول .,. ومريت بعدها إلى مكتب توعية الجاليات بالدمام واخذت أكثر من 120 نسخة متنوعة عن الدين الاسلامي والتعاليم الشرعية الاسلامية باللغة الملاوية لغة مسلمي ماليزيا واندونيسيا ولا كلفت 200 ريال فقط .,. ومريت على ساكو اخذت منهم شنطة افياش كهرباء للسفر بـ 48.5 ريال جدا جدا عملية .,. كلمة حق وشكر / لا بد لي في نهاية جزئية قبل الرحلة بأن أشكر جميع الأعضاء الذين أسردو تقاريرهم ومواضيعهم في منتدى المسافرون العرب وكلمة شكر خاصة جدا جدا للأخ مهند الذي استفدت كثير من تقريره عن رحلته عام 2007 وسبحان الله صادفت ان تكون رحلتي شبيهة بتقريره بنسبة 80%  وإليكم صور ما قبل الرحلة :  دبيب معي من مكتب لمكتب  ينتظر في أحد مكاتب السفريات  الكتيبات + توصيلات الكهرباء  شنطة الملابس + شنطة الاغراض الشخصية + شنطة الكتيبات يوم السفر الساعة 7 صباحا يوم السبت 16 / 8 / 2008 م .,. كل شي جاهز .,. الشنط .,. الجوازات .,. ودعنا الوالدة والوالد البارح عالعشاء واخذنا ذاك الدعاء اللي يطيب الخاطر .,. مرينا على بيت عمي ابو المدام وهاتك يا نصايح وتوجيهات الله يجزاك ألف خير .,. والمدام ما انسى لها هذا الموقف يوم خبطتني بذاك المبلغ .,. المهم نقزت لبنك الراجحي اللي بالمطار وصرفت 1000 دولار مقابل 3770 ريال .,. هالألف خليته للازمات لا اكثر ولا أقل يعني ما راح اقربها الا اذا اضطريت .,. رجعت من المطار الصبحية لقيت المدام مجهزة كل شي لأني عينتها مسؤولة الأمانات من جوازات واوراق رسمية وانا مسؤول المالية .,. رحلتنا كانت على الساعة 11 مساءا .,. الساعة خمسة تقريبا بدأنا بالتحرك للمطار وودانا سواق العايلة بسيارتي على يكرجها اذا رجعنا .,. سواقنا اندونيسي واعطاني بعض النصايح واهمها : إحذر من السحرة اللي بالاسواق بس يدقك بيده ياخذ كل ما عندك فأول ما تشوف احد فجأة دقك بيدك رد له نفس الدقة .,. ولا يهمك يا محمد .,. في الطريق مرينا على محل كنافة واثنين كنافة لو تكرمت وكانت بـ 6 ريال للحبة هههههه .,. وصلنا المطار الساعة ست تقريبا .,. طبعا أثناء شرائي للتذكرة حجزت المقعد بنفسي من مكتب الاتحاد نفسه وكان الكرسيين قبل الاخيرة بصراحة أروع مكان وخصوصية تامة .,. جلست المدام في احد الطاولات تنتظرني على بال ما انتهي من إجراءات دخول العفش .,. وانا صاف في الطابور شفت فلم هندي عجبني .,. الشغالات واطفال مكفوليهم انواع التوديع واللي تبكي هنا واللي تبوس هناك .,. بعض المكفولين تورطو في مسألة الشحن بأن عند شغالاتهم وسواقينهم بأن عندهم شحن زائد ولازم ننتبه بأنه الاتحاد للطيران تسمح لحد 25 كيلو للفرد الواحد وبعدها الكيلو الواحد بـ 80 ريال تقريبا .,. أودعت الشنط في الشحن ولله الحمد واتجهت للمدام وطلعنا لفوق عالمطل على الساعة 7 ونص تقريبا .,. المطار جدا جميل وكبير لكن مشكلته في قلة الخدمات من أسواق ومرافق ترفيه والعيب فيه بصراحة كبره وقلة المسافرين بداخله .,. كان فيه مهرجان للعائلة ما لحقت عليه طبعا ما ادري هو بدأ توقيته أو لا الله أعلم ( بحكم تخصصي في تنظيم المهرجانات يهمني حضوره ) .,. وهاتك يا تربيعه في المطل وكنافة وحليب بالموز .,. اخذت كم لقطة للمطار والجامع الكبير فيه لحد ما وصلت الساعة 9 ونص تقريبا اتجهنا لصالة المسافرين ,’, صالة كبيرة وفيها سوق حرة لا تقارن بمثيلاتها في المطارات الخارجية بسبب صغرها .. ولكن استفدنا منها في شراء بعض الاحتياجات الخاصة من فرشاة اسنان ومعجون ومجلات لاننا محنا عارفين كيف راح نقضي الثمان ساعات في الطيارة .,. ما لفت نظري هنا .,. انه الحشمة عند بعض بنات الدين انتهت بعد نقطة التفتيش على الجوازات فبدأت بعض العائلات بدس العبي في شناطها !!! وعالحمام شوية ميك اب !!! .,. واللي زاد الطين بله وحد تصلي العشاء ببنطلون جينز وتي شيرت اصفر والقبلة يمين وهي مقبلة يسار .,. الحمد لله على نعمة العقل .,. في هذه الأثناء بديت افتخر بعباة زوجتي وغطاها وأمشي بين العالم بكل فخر رافع راسي لأنها محافظة على جوهرة وجهها الطاهر لعيون زوجها وبس بوابة السفر كانت اخر بوابة في الصالة " ليش ما ادري " ومشينا مسافة طويلة جدا لحد ما وصلنا للبوابة لان السيور الأرضية كانت عاطلة عن العمل ,’, مع التحية لمدير الصيانة والتشغيل بالمطار واحترامهم للمسافر للخارج سواء سعودي أو غير سعوي وهذه الصور من مطار الملك فهد الدولي بالدمام  منظر لمدخل المطار من ساحة المسجد  البهو الداخلي للمطار " صالة الحجوزات "  مقر المهرجان .. لاحظو الحواجز تقول سجن !!! هههههه  شعليك بتروح ماليزيا  جناح مصنوع من خردة النحاس ارتفاعه 15 متر وعرضه 46 متر  مسجد المطار في الساحة الخارجية  أحد بوابات المسجد  ذات البوابة من الداخل  البوابة هي أحد ثلاث أجزاء من المدخل الرئيسي  منظر عام للمسجد من الداخل  المقدمة الرئيسية لجهة القبلة  المحراب مرصع بقطع زخرفية مذهبة وتحيطه الآية ( هو الله الذي لا اله الا هو عالم الغيب والشهادة ...... )  منظر جانبي من المسجد  قبة المسجد .,. يكفيك النظر والتأمل في جمالها دبيب في الطائرة : بعد ان انتهينا جميعا من إنهاء إجراءات السفر بدأ الإعلان الداخلي عن رقم الرحلة وموعد صعود الطائرة وبكل أمانة كان تعامل موظفي شركة طيران الاتحاد في قمة التعامل المحترم والتدقير اللامتناهي في كل فرد من أفراد ركاب الطائرة من أول ما وصلنا لصالة بوابتنا لحد ما وصلنا لمطار كوالا لمبور .,. الصور تحكي :  الطائرة من طراز B 777 مريحة جدا وممتعة  جميع مقاعدها 3 مقاعد متلاصقة الا اخر صفين فيها مقعدين مقعدين  هذي حالته كل ما شاف بنت !!!  يبي يرجع البنت الاوله مهوب عارف ههههههه  جلس على فخذي وقعدت اوصيه وانصح فيه لا يجيب العيد  وجبة وحيدة قدمت لنا بين الدمام وأبو ظبي عصير برتقال + ساندويتش دجاج قبل وصولنا إلى أبو ظبي أعلنت مظيفة الطائرة باللغة العربية والانجليزية بأن على المسافرين إلى ماليزيا الاتجاه في مطار أبو ظبي للبوابة رقم خمسة عشر وأسردت باقي الرحلات وأرقام بواباتها .,. هبطت الطائرة بسلام لمطار أبو ظبي واستقبلنا موظف الاتحاد في الأسفل وانتظرنا لمدة 40 دقيقة تقريبا حتى أعلن موعد صعود طائرة ماليزيا  ركب قبلنا  شعار الشركة علىى شاشة العرض  تحول لون الطائرة الداخلي إلى أزرق بفعل تغيير لون الإضاءة بشكل انسيابي خياااالي  من خلال هذه الشاشة سوف تكون الرحلة اكثر متعة ففيها القرآن والألعاب والأفلام والمسلسلات والأفلام الوثائقية وعجبتني فكرة انك تلعب مع أحد ركاب الطائرة وتتحداه وكذلك روم للشات من قبل ركاب الطائرة .,.  أول وجبة قدمت لنا على رحلة أبو ظبي كوالالمبور .,. عصير + كولا + ساندويتش خفيف + قطعة مارس   باقي لنا 3 ساعات تقريبا منظر الشروق من السماء ولا ننسى بأنه الطيار الظاهر مبسوط عالمايك هههه كل شوي يسولف لنا مرة يقول مسقط على يسارنا ومرة يقول تعدينا سيرالانكا .,. وهكذا  كان نايم وصحيناه ياكل بسكويت مملح + عصير تفاح  مصحصح  طبعا كل شوي رايح جاي للحمامات والمظيفات مستخفات عليه خخخخخخخخ  يا انه ازعجنا عيا يهدا .,. ترى مسوي فيها نايم عشان التصوير بس  سبحان من يصور .,. سحب من الأسفل والأعلى  الوجبات الرئيسية تقدم لك من خلال منيو تطلب منه ما تشاء انا اخذت لزانيا  زوجتي برياني  سبحان المصور  دخلنا حدود ماليزيا  أرض خضراء عالآخر  مزارع مقننة وتبقى على الهبوط أقل من 15 دقيقة  وهذا منظر عام  بحيرات متناثرة وخضرة دائمة  وكأن الأرض مفروشة بالأخضر  حقا اللون الأخضر يثير الراحة في عينيك وقلبك  وصلنا أرض ماليزيا بسلام والحمد لله عالسلامة يا عم دبيب بداية اليوم الاول وصلنا للمطار (( الصالة الدولية )) واتبعنا الأسهم لحد ما وصلنا إلى القطار اللي يوصلك إلى الصالة الداخلية طبعا هو قطارين واحد من الجهة اليمين والثاني الجهة اليسار .,. بصراحة صالة جدا متميزة وسوق يملأه المسافرون من كل بلد في العالم (( وافتقدت فيه عبارة " ممنوع التصوير " خخخخخ )) .,. المهم بعد وصولنا للصالة الداخلية اتجهت فورا على مكتب صرف العملات وصرفت 500 دولار مع 500 ريال وطلع علي تقريبا 3270 رنجت في هذه الأثناء سمعت مذيع المطار يعلن باللغة العربية كالتالي << ألى زميئ المسافرين ألى زيرة لانكاوي التوجة الى بوابه خمسه وسلاسين >> التفت انا في زوجتي والقاها تضحك وانا بعد من زود العيارة هههههههههه.,. المهم انصرفت لي خمسينات ... واااااااااااااااو وين اشيل كل هذا .,. المهم زوجتي عندها الحل الأكيد في شنتطها .,. اتجهنا بعدها للسيور لاستلام العفش .,. جلست زوجتي على أحد الكراسي وانا اخذت لي عربية وانتظر الشنطة .,. أخذنا الشنط واتجهت على الجوازات واخترت الصف اللي فيه موظفة جوازات على شان زوجتي تكشف لها وجهها .,. انتهينا من الاجراءات واخذت الموظفة كرت دخول ماليزيا اللي انا عبيته في الطيارة ولا انتظرت في المطار أجلس اعبي فيه وانا مختبص زي كل العالم .,. ودبست في الجواز كرت الخروج من ماليزيا تعدينا منطقة الجوازات وهاتك يا تلقف من اصحاب التكاسي والمكاتب الكل يرحب من جهة .,. لقفني هندي قال بالعربي ( تفزل ) يعني تفضل .,. وبدأنا بعدها نتخاطب بالإنجليزي .,. قال يالله تاكسي وتعال المكتب رحت للمكتب الا هو طاولة في بوفية وجاب لي خوية وورقة وقلم قال يالله بسوي بكج .,. قلت ولي يا بابا انا ابي اروح للفندق مجهز كل شي الله يخلي المسافرون العرب .,. حاول فيني بكل الطرق .,. آخر شي قال عندي لك شرايح جوال اذا تبي قلت له حلو هات .,. بخمسة وثلاثين للشريحة الوحدة .,. أخذت شريحتين من شركة سيليكوم .,. المهم انتظرنا برا المطار وهذاك ورانا الا يجيب تاكسي .,. طولنا حبتين لحد ما جاب لنا تاكسي من المطار الى فندق الخيول الذهبية بـ 170 رنجت تقريبا .,. طبعا فيه أرخص لكن لما شفتها مرسيدس سال لعابي خخخخ .,. في الطريق سألني السواق بكم شريتو الشرايح .,. قلت بسبعين .,. قال مالت عليك تلقاها في أي مجمع بثمانية رنجت .,. قلت يالله مو مشكلة شكل رحلتنا نصب في نصب .,. في الطريق الى الفندق جلسنا تقريبا 45 دقيقة ما حسينا فيها أبد ما غير فاتحين أفواهنا في هالخضرة ما شاء الله تبارك الرحمن .,. شوارع وتنظيم ولا فيه حفر والكل يسوق وهو في حاله .,. مرينا على القصر الملكي .,. تحفة فنية ولا حواجز ولا أسوار أطول من البيت !!! وصلنا لبوابة الفندق .,. وطبعا السواق ما قصر شرح لنا وش الموجود في المنطقة ووين مكان المطاعم والمجمعات وكيف تستخدم المنطقة أفضل استخدام .,. وصلنا لبهو الفندق .,. أول ما دخلت قلت لااااا اله إلا الله تحف هنا وقبة هناك وفخامة غير طبيعية ,’, الاستقبال كان في الجهة اليسرى من الفندق جلست زوجتي على أحد الكراسي " ايه هيّن " وانتهينا من اجراءات الحجز مع أحد المظفات عطيتها الفوتشر وقالت بانه الغرفة اللي على البحيرة غير متوفرة حاليا راح نعطيك غرفة تطل عالحديقة .,. قلت في نفسي لو اسكن في البهو عادي .,. اعطيتهم التأمين كاش وكان 400 رنقت لمدة ليلتين " بالنسبة للتأمين اذا بتدفع كاش ما تفرق معهم الفلوس يعني عادي لو نقصت عن الميتين " .,. حجزت لنا الغرفة رقم 4028 وتبعنا الهندي حتى الغرفة بالعفش ,’, الهندي كان مسلم وقلت له طلع لي الأغراض اللي مو حلال من الميني بار ( الثلاجة ) كانت كلها بيرة من نوع تايجر .,. اليكم صور الغرفة ..  كل شئ نظيف ومرتب ودبيب الا يشرب بيرة !!! مخبيها ورا الكيس ويقول صور .,.  كان الجو حرير تقريبا وهذي بلكونة الغرفة تطل عالحديقة .,.  وين دبيب ؟  مغسلة افخم منها ما شفت ومجهزة بالكامل .,.  البانيو .,. ويظهر فيه اتساعه وكبره .,.  باب المروش .,. ورسمة الخيول عليه جدا رايقة .,. وصلت السااعة الآن الرابعة عصرا فاخذنا لنا غفوة دامت اكثر من 5 ساعات بسبب السفرية اللي كانت من البارح الليل ولا طب عيوننا النوم .,. |
|
|
|
10-12-2008, 07:34 AM
|
#2 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
على الساعة 9 تقريبا صحينا ونزلنا على البهو واتجهنا للبحيرة نبي نقطعها بالقارب إلى الجهة الثانية ونلحق على مجمع الماينز في الجهة المقابلة أو عالاقل ماكدولاندز في الجهة المقابلة للبحيرة .,. واحنا فوق نسمع صجة وأغاني طلع تحتنا من بلكونة الفندق فيه حفل عالبحيرة ,’, نزلنا وقطعنا الحفل من الخلف وكان فيه مشويات شي آخر طعامة على شكل بوفيه فقلت ليش ما اتعشى هنا .,. قالو ان هذي شركة حاجزة العشاء اليوم في هالمكان وهذولا كلهم موظفينها .,. ما علينا .,. قطعنا البحيرة بـ 8 رنقت للشخص .,. ووصلنا الى المرفأ المقابل .,. وقال لي صاحب القارب بعد عشر ونص ما راح تلقى احد يرجعك الا بتكسي ,’, ريسبشن المرفأ كان بالدور الرابع .,. طلعت له وسألت اذا فاتح المجمع قالو مفتوح بس ما راح تستفيد أغلبهم راحو ينامون .,. طيب مافيه مطعم قريب قالو ماكدولاندز .,. قلت في خاطري ارجع الخيول أتعشى من مطعمهم أفضل .,. رجعنا بنفس السعر .,. واخلي الصور تحكي /
 حفل العشاء الذي أقامته الشركة لموظفيها // أغلب الموظفين من أمريكا وبالأخص من ولاية تكساس  أحد المجسمات على شكل فيل في المرفأ الثاني من البحيرة  بهو المرفأ الثاني .,. الدور الرابع  البهو من جهة أخرى وهذا انا باليمين مشغول بكاميرا فيديو .,.  شيشة .,. عجبي  عشانا باليوم الاول في فندق الخيول الذهبية / سلطة فتوش .. كبسة لحم .. كبسة كباب .. 2 كولا  يقولون المطعم عربي !!! وينك يا عبادي اليوم الثاني يوم الاثنين 18 / 8 / 2008 م طبعا البارح نمنا تقريبا على الساعة 12 أو يمكن تزود بشوي .,. الساعة 4 صباحا صحينا وصلينا الفجر لما حسينا بشروق الشمس ويالله على روعة المنظر أثناء الشروق وصوت العصافير بعيده وكأنك في غير الدنيا فتحت باب البلكونة وجلست أنا والمدام نطل عالحديقة في خصوصية تامة ولا احد يطالع ولا تطالع في أحد .,. تقريبا محد عالبلكونات الا احنا .,. بدت الشمس شوي شوي تطلع .,. وش رايك ننزل نفطر ؟ ,., يالله مشينا .,. سكرت باب البلكونة وجيت بسكر الستارة واخلعها ههههههه .,. هي بصراحة كانت شبه مفكوكة وانا زدتها .,. وي وي وييييه فهد جاب العيد .,. اتصلت على الروم سيرفس وقلت لهم باللي حصل .,. دقيقة وحده الا والعامل محظر عند الباب وعدته جاهزة .,. ضبط لنا الستارة .,. وبعدها نزلنا للمطعم نفطر .,. كان المطعم يعج بالصينيين يعني ابو عرب باقي نايمين .,. بصراحة الفطور من الأفضل تأخيره حبتين لأنه يغنيك عن الغدا فيه من كل ما هب ودب من الرز والدجاج واللحم والنقانق والفواكة والبيض وكل ما تشتهي نفسك من أكلات .,. على مدخل المطعم يطلبون رقم الغرفة وبعدها تدخل تاخذ ما تبي بالمجان .,. انتهينا من الفطور واتجهنا للغرفة استعدادا للانطلاق .,. نزلنا للبهو وطلبنا تاكسي قال الموظف عندنا ثلاث أنواع / مرسيدس أفخم نوع .,. فان .,. تاكسي متسوبيشي .,. ها يا مدام وش رايك .,. مرسييييييييييدس .,. طقينا لنا مرسيدس ذهبي بـ 220 رنقت .,. ومنها على حديقة القاردن ليك .,. كان الجو شبه مشمس ونشوف الغيم الاسود بعييييد .,. فجأة صار هالغيم فوقنا وتونا نازلين ما مشيتنا خمس امتار داخل الحديقة الا والمطر يضرب ضرب موطبيعي .,. بصراحة لي 3 سنوات ما شفت هالمطر .,. والحمد لله على النعمة رزقنا ربنا بكل ما هو جميل في هالبلد .,. جلسنا شوي تحت أحد الأشجار متخبين عن المطر .,. ولمحنا من بعييييد بوفية وهربنا لها لاننا مابعد شرينا مظلات مع وجيهنا .,. دورت على كرسي أجلس عليه ما لقيت الا واحد ومنحرج لان زوجتي واقفة فانتبه لي أحد الماليزيين ( صيني ) وفز قام وقال تعال اقعد مكاني وزوجتك معك .,. بصراحة أقدر له هذا الموقف .,. وكبر في عيني تعامل الشعب الماليزي مع السياح .,. لو عندنا كان استهبلت عليه وانواع الأشكل .,. المهم ما وقف المطر لمدة ساعة تقريبا .,. أنا مليت وزوجتي بعد .,. احنا جينا ننخش من المطر .,. يا عمي خربانه خربانه .,. من البوفية شرينا لنا بطاطس كاتشب يم يم .,. وطلعنا نتمشى من كوخ الى كوخ ,., ومن شجرة الى شجرة .,. ورد هنا وخضرة هناك .,. شي أكبر من إنك توصفه .,. تمشينا ولعبنا واستكشفنا ,., بعدها وصلنا لراس الشارع بعد تقريبا 3 ساعات من المشي في الحديقة .,. وهذي الصور من الفطور والحديقة :  منظر الحديقة من بلكونة الغرفة  شلال صناعي داخل الفندق  العامل جا يعدل الستارة اللي فكيتها  إفطارنا .,. غني .,. صحي .,. ويمي يمي  قمة في الأدب  منظر عام للمطعم اللي تعشينا فيه البارح وفطرنا فيه اليوم  مدخل الفندق ومجسمات لخيول تجر عربة  وهذي هي العربة  يالتكسي .,. خذني لها يالتكسي  وفسكتك خلنا نمر .,. ناخذ عطر رومنسي  مدخل النادي الرياضي داخل حديقة القاردن ليك  وصلنا السائق لحد البحيرة في وسط الحديقة  بدا المطر يعزف لنا أولى سنفونياته ,, يا ربي لك الحمد  نافورة ماء وبحيرة ماء ومطر ماء هههههه على فكرة وصلنا مشي من ورا الجسر الابيض اللي بالخلف لحد البوفية  منظر للنافورة من داخل البوفية  سبحان الله من زود النعمة هالنبتة طالعة من جذع شجرة  عمتنا النخلة .,. الكلمة الطيبة كالشجرة الطيبة أصلها ثابت وفرعها في السماء  من بين الأشجار والمطر يرش علينا  جميع الالوان تلقاها بهالنبات  زخات المطر لا زالت مستمرة  صرح جديد تحت الإنشاء ( ملاهي هايلاند )  سبحان من سقاها .,. :":":":":":":":":":":":":":":":":":":":":":":":":" :":":":":":":": الساعة 12 الظهر تقريبا بعد هالمتعة اتجهنا للشارع الرئيسي ,., وقفنا أحد التكاسي .,. فندق الخيول الذهبية لو سمحت .,. أمبيييييييه بعيييييد .,. قلت ما عليك بعطيك زيادة .,. قال دام كذا اركب .,. وهوا على الفندق .,. بـ 40 رنقت .,. طبعا أحلا شي عند أصحاب التكاسي العروض اللي يقدمونها لك .,. وين ما تبي يقول لك ويوديك .,. شلالات بحيرة اكواريا حدائق شوبنق .,. قالت زوجتي هاه شوبنق !!! .,. وتغير المسار الى مجمع الماينز التجاري .,. يقع بالضفة المقابلة لفندق الخيول اللي بغينا نروح له البارح .,. مجمع جميل وفيه أغراض جدا جدا رخيصة .,. 3 حلقان بـ 10 .,. تقليد ماركات وأختامها بعد .,. المجمع عبارة عن سوق مكون من 4 طوابق .,. وممره الرئيسي قناة مائية والدور الرابع كله الكترونيات وجوالات .,. انتهينا من التسوق على الساعة 5 تقريبا .,. واخذنا لنا قارب الى الفندق بسعر 38 رنقت للشخص .,. اخذنا لفة عالسوق بالقارب .,. وبعدها طلعنا الى قناة مائية خارجية .,. وصلنا إلى لفت مائي ينزلنا إلى الدور الأرضي الللي يطل عالبحيرة .,. ومن البحيرة إلى الفندق .,. الصور تحكي  المدام تحب اللون الأخضر وصادت هاللقطة سيارتين خضرا  الممر المائي داخل مجمع الماينز  المجمع من الخارج وهذا مدخل ومخرج القوارب  كوفي شوب على أحد ضفتي القناة المائية على شكل قطار قديم  متجهين الآن إلى اللفت المائي .,. عجبتني فكرته .,. بحد ذاته متعة  نزلنا تقريبا 7 أمتار وانفتح اللفت على هالمنظر الرائع  في البحيرة لك الحرية في الاستمتاع بالرياضات البحرية  فندق الخيول الذهبية من بداية البحيرة كما تظهر فخامته  ملعب الجولف التابع للفندق  بنايات جديدة تم تشييدها حديثا وتطل عالبحيرة  لا تمل من رؤية الـ ( خقاق )  مدري ليه يرشون على الماء ماء !!!  حتى غربانهم ودك تصورها هههههههه لاحظ الشاطئ الأبيض  العنب العنب العنب .,. أصفر  واحمر  منظر جانبي لاقترابنا من فندقنا  أثناء دخولنا لقناة الفندق المائية  البهو الخلفي للفندق .,. منظر ولا أروع  يوقف القارب على هالمرفأ وتنزل بهدوء وتستمتع بباقي المشوار مشي على البساط الأخضر :":":":":":":":":":":":":":":":":":":":":":":":":" :":":":":":":":":":":": أخذنا لفة بالفندق للتعرف عليه أكثر واتجهنا بعدها للغرفة نريح شوي .,. اتجهنا للنومة لحد الساعة 10 تقريبا .,. اتجهنا بعدها الى مطعم الفندق وطلبنا نفس طلب البارح .,. ولكن العشاء كان يطل عالبحيرة في الهواء الطلق .,. بعدها طلبت لي شاهي معتبر .,. وجلسنا نتمشى على الشاطئ .,. وفجأة .,. اكتشفت انه في البساط الأخضر يوجد ضفادع صغيرونه وهاتك يا طردي بيني وبينها .,. وبدل ما نقول حد الارنب قمنا نقول حد الضفدع ههههههههههههه .,. بصراحة لحظات رومنسية ولا أجمل واحلا ما في الموضوع انك لوحدك محد مزعجك .,. أخذنا لفة موسعة عالفندق اللي ما ينمل من الفرارة فيه .,. وبعدها اتجهنا لمطعمنا واثنين تشيز كيك وكوفي لاتيه .,. الساعة الآن تقريبا 12 .,. بنروح ننام ..,, والصور تقول /  معصب !! على ايش ما ادري !!  فخامة  روعة وفسيح  ثلاث " تكاسي "  بوابة الفندق  خيول خيول خيول  منظر عام للريسبشن  2 تشيز كيك و2 كوفي .,. آخر لزازه  حتى طريقة التقديم ودك تاكل الصحن معها  تطلع من المطعم تلقى العصيرات على يمينك نقي وهم يظبطون لك كل شي  الدور الرابع .,. المدخل من جهة اللفت  قناة عالمية للـ ART تنقل لنا تسجيل لصلاة الفجر واحنا بالغرفة .,. والله ما رقت العين لغيرك يالمسجد الحرام اليوم الثالث / الثلاثاء 19 / 8 / 2008 م قعدنا من النوم في فندق الخيول الذهبية على الساعة 6 تقريبا .,. أشرقت الشمس وعلى طول صلينا الفجر في عجل .,. مشكلة الوقت عندنا لسه ما تأقلمنا معها .,. نزلنا للفطور بدري على الساعة 7 ونص تقريبا على شان ورانا سفرة الساعة احدعشر النهار .,., طبعا حجز الطيران انا مظبطه من الدمام وسفرتنا اليوم بتكون من كوالا إلى لانكاوي على متن طيران ماليزيا بسعر 1700 ريال رايح جاي .,. انتهينا من الفطور وطلعنا نظبط الشنط وخصوصا شنطة الكتيبات لأن الجزيرة منطقة ريفية كلها مسلمين وحسب معلوماتي انهم يحتاجون مثل هالكتيبات بشكل نهم .,. بعد ما حزمنا الشنط اتجهنا إلى الريسبشن وعملنا تشيك اوت .,. لا شيك عالثلاجة ولا هم يحزنون (( شكله واثق اني ما قربتها  )) .,. خلصت أموري وكل شي وركبنا فان تاكسي باتجاه المطار بسعر 80 رنقت .,. انتبه لان في كولا يوجد مطارين .,. يبي لك تتأكد من مكتب خدمات النزلاء بالمطار أي مطار تروح .,. الفان تاكسي (( جخ )) وكل راكب له كرسي مستقل وفيه علامة عند السواق (( ممنوع البوس ))  خخخخخ .,. المهم في طريقنا وقفنا عند محطة بنزين أخذت منها بعض الحلويات وشريت لي شحن حق شرايح الجوال وطبعا كل هذا سويته بمساعدة السواق اللي ما قصر ونزل معي للبقالة وعمل لي كل شي .,. توجهنا للمطار وابلغنا السواق بانه بواباتنا هي A أو B أو C .,. دخلت المطار ودرعمت على الموظفة قالت روح أول احجز لك مقعد من الخدمة الذاتية وبعدها دخل الشنط .,,. ضبطت كل شي وبقى على الرحلة تقريبا حولي ساعتين .,. أخذنا لفة في المطار .,. طبعا ضيعنا مكان البوابة واتجهنا إلى البوابات الدولية وقابلنا مسؤول هناك قال وين الجوازات قلت هاك قال وين رايح قلت لا نكاوي .,. قال هذي البوابات الدولية وهناااك الصالات الداخلية .,. واتجهنا الى صالة بوابتنا الخاصة .,. واحنا بالصالة الداخلية صار موقف بسيط وهو : أنه أنا وزوجتي وغالبية العرسان كل واحد منشغل بزوجته وسواليف ووناسة .,. واحد أوربي حاط دوبه من دوبي خخخخخ (( يشبه بلاتيني لاعب فرنسا )) .,. هسترت به طبعا .,. يطالع فينا وكأنه يقول وش هالحرمة مغطية وجهها الحمد لله والشكر .,. طبعا عيني في عينه الا يكسرها .,. ونظرات استحقار وانا مسوي فيها مبسوط عالآخر .,. وهو ما زال مستمر في نظرته اللي لمحت فيها طلقات رصاص ودها تخترق قلبي .,. فهد سوى حركة خلته يطالع بالارض وهو صاغر .,. فصخت جزمتي تكرمون وسويت نفسي أطلع شي من داخلها وبطن الجزمة في وجهة وتعمدت اني الف على شان تجي باتجاهه .,. احمر وجهه وتنفخ وقام يردد بهمس ألفاظ وكأنها سب أو شتم .,. عطيته ظهري وهاتك يا سواليف وضحك مع زوجتي .,. أعلن عن موعد ركوب الطائرة .,. ركبنا طيارتنا مع العم دبيب وتوجهنا إلى الجزيرة الحلم .,. 50 دقيقة مدة الرحلة قدم خلالها لنا الفول السوداني مع العصير اللذيذ حسب طلبك .,. والصور تحكي /  طيارتنا اللي بتودينا إلى لانكاوي  باقي ربع ساعة على دخول الطائرة .,.  ما لقينا له مقعد !!! ومبسوط   عصير فراولة وشوكلانه .,. ما خسرنا في الرحلة الا دبيب   مسوي جو مع ركاب الطائرة :":":":":":":":":":":":":":":":":":":":":":":":":" :":":": |
|
|
|
|
10-12-2008, 07:35 AM
|
#3 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
وصلنا بالسلامة إلى أرض مطار لانكاوي .,. من الجو راح تلاحظ بعض الجزر المتناثرة ولكن ما أمداني أصورها بسبب مقعدي البعيد عن الشباك .,. انتظرنا عند سير الشنط .,. ومن خلفنا واحنا ننتظر أنواع مكاتب استقبال السياح وعروض وشغل عدل .,. طبعا ما ألقيت لهم بال والله يخلي المسافرون العرب ما ترك لهم شي .,. واحنا ماشيين لخارج المطار راح تلقى الكثير يوزعون بروشورات وكروت .,. طول ما أنا أمشي القط من هالبروشورات .,. وصلنا للتاكسي .,. طبعا أنا في هالوقت حاجز فندقين واحد عن طريق المكتب (( اللي ما كان عاجبني )) والثاني عن طريق روم آسيا اللي هو لانكاوي لاجون .,. بلغته بإني أقصد لانكاوي لاقون قال لي بـ 12 رنقت .,. سويت فيها عبيط وقلت شدعوة وقمت اكاسر .,. قال السعر ثابت ولازم تاخذ تذرة من داخل المطار عند البوابة .,. قلت ايه مدام كذا يالله وهذي 12 .,. وعلى لا نكاوي لا قون وانا اقول في نفسي والله شكل أسيا روم يضحكون علي .,. وصلت الفندق وكان قريب تقريبا من المطار .,. سلمت الفوتشر للريسبشن وقال انتظر شوي لحد ما تجهز الغرفة .,. في هذه الأثناء برد قلبي من حرارة الجو لأن البهو غير مكيف والوقت تقريبا وحدة الظهر .,. وسحبت على الفندق اللي حجزته من الدمام رغم اني دفعت حسابه
 ولكن جعله فدا رجلين لانكاوي لاقون .,. الفندق اللي انا حاجزه من الدمام اسمه موتيارا بوراو باي .,. قدم لنا في البهو عصير كيوي بااااااااااارد .,. دخلنا لغرفتنا بعد تقريبا 40 دقيقة من الانتظار .,. مع الأسف في هاللحظة حسيت بأن بناتنا (( العرايس )) يكرهون شي اسمه عباية .,. ما علينا وحسابهم عند الله .,. دخلنا الغرفة أخذنا لنا شوية راحة ومنها على التاكسيوالصور تقول :  مدرج المطار  الطائرة بعد ما نزلنا منها  التاكسي من المطار حتى لانكاوي لاقون  منظر الخضرة هنا مبهر  شاطئ لانكاوي لاقون  جلسات وكراسي مريحة عالبحر  غرفتنا بالدور الاول وشباكها وبلكونتها براس حرف الدال عند كلمة فهد (( موقع مراقبة استراتيجي ))   ساحة رملية بيضاء ونظيفة ويلاحظ شبكة الطائرة باليمين والنادي الليلي عاليسار  الغرفة 120 .. مدخل  موقع السرير الخيالي وتنسيقه مع الشباك والبلكونة  مطبخ حلو ومنظم .,.,فيه سخان ومغسلة ومايكروويف وثلاجة ( فاضية ) واربعة موية في احد الخزائن  السرير وباب دورة المياة تكرمون  دورة المياء من الداخل .,. المغسلة + البانيو  المروش .,. وكما تلاحظ نوعية الرخام ولونه الفخم  البانيو .,. يكفي قبيلة   :":":":":":":":":":":":":":":":":":":":":":":":":" :":":":": أخذنا لنا راحة لمدة ساعتين تقريبا في الغرفة وبعدها اتجهنا للبهو طلبنا تاكسي .,. عد إلى ثلاث يوصلك التاكسي .,. طبينا في سواق جعل التوفيق حليفه وين ما يروح .,. اسمه زكريا .,. ركبنا معه وقلنا له يودينا لعالم ما تحت البحار .,. في الطريق شرحنا لنا عن طبيعة الجزيرة وسكانها ووين ممكن نروح وكيفية العروض .,. وشغل لنا محمد عبده الأماكن اررررررس يا زكريا .,. قال اذا ما تبغى محمد عبده عندي راشد الماجد .,. قلت لا ابو نوره حق الحبّيبة يا عم زكريا .,. قال اوك .,. في الطريق مرينا على كذا سوق شعبي وشفنا تجهيزات حق حفل زواج .,. وبحكم تخصصي في الزفات وتنظيم الحفلات ما فاتني تصوير الفرح .,. وصلنا للمعرض .... والصور تقول الزود عندي :  المطار من الخارج في طريقنا  مدخل عالم ما تحت البحر .,.    حلف دبيب ما يدفع التذاكر إلا هو .,. شخصين بـ 36 رنقت  تدخل على هالحوض اللي يحتوي على أنواع كثيرة من الأسماك  ثم هالبركة المبسطة في تصميمها العظيمة في منظرها  يخلق ما يشاء سبحانه  هذا قاطينه مع السمك أحس انه متوظف بالواسطة ؟.؟  اتوقع هذولا مظيفات المعرض !!! يا حليله هذا كبر الأصبع اتوقع كل ما طردوه يدخل من أي فتحة بالجدار  مدير المعرض شايف نفسه !!!  سكرتير مدير المعرض  حيوان ابن ستين حيوان  زوجها مطلقها المسكينة  احرجتني زوجتي يوم سالتني عن اسم هالحيوان .,. قلت لها هذا الااتنهفخا نماك تاهاغا  هذي سلحفاة .,. تصدقون ؟ هذا الشي الوحيد اللي عرفته بنفسي  تحية قوية لدبيييييييييب  مسوي فيها فاهم ويبي يطير  وضاحك على هالمساكين  لا ويغني بعد  سبحان الله لاحظو العين التي في الوسط !!!  قبقب .,. بحجم البنان  كن مع الله ترى الله معك .,. سبحانه  لونها لماعي .,. تي ري كواز .,. تركوااااز  يا عمري عالحشمة ما تبي تتصور  وهذا شاف الكاميرا وقام يصفر لربعه يناديهم  فريق كرة سلة  محد مخسبق سمك القرس الا هذي  خوينا اللي كان يصفر فوق طلع هذا واحد من ربعه كان يتسبح  لسعته والموت  استعراض عضلات  اللهــم إنـي أعـوذ بـك من نفحـة الكبـريـاء  في أمك خير تحرش أخطر أنواع أسماك القرش أنواع الأصداف من حول العالم  اتحاااااااااد اتحاااااااد .,. هيييي هيييييي  إتاوي يا إتاوي .,., والقلب لك ميال  محترفين من نادي الشباب للاتحاد  يزننون ..,. صغاااااااار  مكتبة أرامكو المتنقلة  السقف كما يظهر من فوقك  هذا الحيوان البحري سبحان الله فرس النهر + نبات // دبيب حلف انه خوية أيام المتوسطة  والله أعرفه  حتى شوفوني مصور معاه ولا خاف مني .,. أعرفه  والاستاكوزا هذي شايفها في الدمام !!! دبيب شخبارك ":":":":":":":":":":":":":":":":":":":":":":":":": ":":":":":":":":":":":":" بعد ذلك انتهينا من المعرض الجميل اللي ريحنا فيه هذا اليوم .,. طبعا فيه مجموعة فعاليات داخل المعرض مثل عرض الآي ماكس مجانا .,. ولكن حافظ على تذكرتك .,. وفيه معرض تجاري في نهاية المطاف لشراء بعض التحف التذكارية من المعرض .,. أخذنا منه حبة رز فيه اسمي واسم زوجتي على تعليقة جوال .,. بعد ذلك طلعنا من المعرض مبسوطين ومستانسين عالآخر .,. وتاكسي عالفندق .,. والصور تقول /  المنظر الليلي من الشباك على الشاطئ .,. قمة الروقان ...  الممر بالطابق الأول  المطعم الداخلي بالفندق // عالمي .,. لأنه فيه محلي وفيه شامي بس سكرو   عشانا في أول ليلة بلانكاوي لاقون  عاش ابو غترة :"": :"": :":":"":":":":":":":":":":":": :"": :"":": :":"": :":"":":"": :":"" |
|
|
|
|
10-12-2008, 07:36 AM
|
#4 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الرابع الأربعاء 20 / 8 / 2008
بعد ما انتهينا البارح من الجولة التفقدية المبسطة في الجزيرة وذهابنا لمعرض ما تحت البحار .,. صحينا هذا الصباح على صوت ولا أروع من ترانيم الطيور حوالين البلكونة وكأنها تقول (( قوم يا دبيب ترى الشمس بدت تشرق وصلاة الفجر حانت )) .,. صحينا على هذه اللحظات الحالمة .,. وبعدها نزلنا تحت للفطور .,. قبل الإفطار ارسلت مسج لعم زكريا سواق التاكسي انه يكون عندي الساعة 8 صباحا .,. نزلنا نفطر في جو شاعري جميل وحميمي .,. المطعم صغيرون لكنه جدا روعه للي يلحق قبل الزحمة بعد الساعة 9 .,. الفطور كان جدا رايق ولا يفرق الا قليل عن إفطار الخيول الذهبية يعني بوفيه وطب وتخير .,. انتهينا من الإفطار على الساعة 7 تقريبا .,. وأخذنا لنا جولة ولا احلا عالشاطي في هذا الصباح الجميل الأخاذ .,. والصور تنقلنا إلى الحدث :  حتى الكاميرا يالله انها صحت ويانا  هووووسسسس الكل نايم فوق مافيه الا احنا وعمو أحمد (( طفل مسوي لنا جو مو طبيعي ))  إفطارنا لأول يوم صباح جميل في لانكاوي  ياهو فاقع مرارتي ذا الطير ولو ان صوته حلو لكنه ملقووووووووف  جمال ساحر يا لانكاوي لاقون لفة بسيطة لاننا بنطلع نفلها  ": :":"": :":":":":":"": :"": :":":":":":":"": :":":"": :"": :"": :":":":":":":":"": صعدنا للغرفة نتجهز لرحلة طويلة عبر الجزيرة .,. زكريا وصل بالموعد الساعة 8 وهو تحت عند اللوبي ينتظرني .,. حملنا العدة من شنطة على ظهري وشنطتين الكاميرا الفيديو والفوتو ولا ننسى الموية والاحتياجات الخاصة من أقلام وأوراق وما إلى ذلك من احتياجات .,. طبعا الفندق مزودك داخل الدولاب بمظلتين وكشاف بطارية وجهاز كهربائي يقتل الناموس .,. أخذنا المظلتين وايانا حماية من الشمس .,., ركبنا للموتر الساعة 8 وعشر تقريبا وكان اتفاقي مع زكريا بالساعة وكانت الساعة 25 رنقت .,. خيرني بين مجموعة أماكن من شلال الى النهر الى التلفريك الى الجزيرة الحامل الى نصب النسر .... الخ الخ .,. وعنده ورقه مكتوب فيها وين تبي بالضبط .,. قلت مدام الوقت بدري وتو الشمس ما سخنت خلنا ننقز لناخذ جولة نهرية في نهر المانغروف .,., واحنا في طريقنا مشغلين أبو نوره وكان الوفا طبعي ترى انتي زرعتيه .,., ويشرح لنا زكريا عن طبيعة الجزيرة وكل مكان نمر منه يقول لنا هذا كذا وهذا كذ .,. وصلنا للنهر .,. استقبلنا سائق القارب وكانت الرحلة لمدة 3 ساعات بقيمة 350 ريال .,. مع اني جاي بدري ولكن مشيتها واشتريت راحتي .,. كانت رحلة ممتعة بكل المقاييس خصوصا اني جيت مبكر .,.,والصور تقل لكم كل شي  في انتظار الانطلاق .,. ركبنا ولبسنا جاكيت الطفو .,. وبسم الله  طبعا دبيب ما كان له جاكيت على مقاسه .,. قال ما عليكم أعرف اسبح   سواق القارب يقول من حظكم جيتو بدري مافيه زحمة وأيضا منسوب ماء النهر منخفض لذلك راح ناخذ جولة أكبر ونبدأ من البحر وبعدها النهر .,.  بداية انطلاقتها باتجاه البحر الفاصل بين لانكاوي وتايلاند  لاحظو اللون الغامق عالجبل تحت الشجر .,. إلى هنا المفترض يكون مستوى ارتفاع الماء .,.  لم تحدد الحلم من الحقيقة .,. لا زلنا في البحر  الخضرة تلف كل شئ هنا بأشجار المانغروف  قارب صيد وتظهر تايلاند من خلفهم  أمواج البحر كانت شبه متهيجة وفيه شوية هواء باااارد مع رشات الماء من القارب  والأرض مفروشة بالأخضر  أحد المناظر الساحرة في هذه الرحلة  قال ايش قال يعرف يسبح .,. وأول ما ركب تخبى تحت عشان ما يتغرف بالموية  وكأنك تشاهد السينما امامك  مناظر تشرح الخاطر  بدأنا بالدخول إلى النهر .,. سبحان الله الفق واضح وتجلت أمامي الآيات .,. (( مرج البحرين يلتقيان .,. بينهما برزخ لا يبغيان ))  طبعا دخلنا للنهر من الجهة العكسية وهذه أحد اليخوت  أحد المباني الطافية على النر ويبدو أنها ورش لإصلاح مواطير القوارب  مجموعة كبيرة من اليخوت مصفطه على جنب يخت صاحب السمو الملكي الأمير الوليد بن طلال صاحب فندق الفور سيزون في لانكاوي  هنا مقهى مبسط وبقالة وأحواض للسمك تطعمها بنفسك بعشرة رنقت .,. هذي الدبدوبة اسمها (( أومي )) كانت في استقبالنا  تنادي اللخمة .,. طبعا تتكلم العربي والانجليزي .,.  هـــم يا قمييييييييل  السرطان اخذته بيدي .,. أنواع الدغدغة  حبوبة وطيبة .,. وتسوي حركات بعد خخخخخخ  بعدها قالت تعالو عندي لكم مكان حلو لكم .,. وصلنا إلى بلكونة خشبية تطل على الأشجار من حولك .,. رائحة المكان (( مانجا )) بعدها رجعنا للقارب وسلمني السواق القيادة واخذت فيه لفة حلوة .,.  توجهنا إلى ممر تحت جبل مبسط كان سقفه ملئ بالخفافيش وطبعا السائق استأذني هل عادي ندخل أو لا  بدأ منسوب المياه يرتفع  أحد الزواحف على جانب النهر .,. خواف .,. ويطارد القباقب الملونة الصغار جدا .,. لو دققت بالصورة بتلقى قبقب لونه أصفر تحت راسه بـ 2 سم تقريبا  كنه يقول // ارررررررحب وين الأكل  مالت عليك انت ودبيب حقك مافيه بطاطس أو تشيبس تراني اسبح واذا رميته علي بنادي البقية  النسور وروعة المنظر تبهرك في مساحة من النظر الممتع  عد واغلط من النسور .,. طبعا في كل مرة ودك توقف في أي مكان بالنهر بس أشر للسواق  جذوع الأشجار من الأسفل  فيه أحلا من كذا !!!  دبيب شاف هالنسر ودخل بالشنطة .,. وش فيك خايف .,. قال لا شمس وحر  فعلا في نهاية رحلتنا كانت الشمس ازدادت سطوعا وبدأت الحرارة تزيد .,., :":":":":":":":":":":":":":":":":":":":":":""":"": ":":":":":":":" وصلنا لنقطة ما بدأنا .,. ونزلنا بحمد الله وسلامته في رحلة كانت جدا ممتعة ولله الحمد لقينا زكريا ينتظرنا وفتح لنا الباب .,. كان فيه بوفية صغيرونه تبيع مثلجات وعصيرات .,. أخذنا لنا سبرايت بااااارد ومنعششششش .,. وطوالي على الشلالات .,. ومن الشلالات على التلفريك .,. طبعا السواق معي طوال الرحلة ويعتبر مرشد جميل للرحلة الله يسعد ذاك الوجه .,.  انتبه من هالأشكال لا توريها ان عندك كيس أو تاكل والا تشرب قدامها .,. بغى يجيب في زوجتي العيد وطرده زكريا بالنبيطة .,. راح تطلع ممر (( طلوع )) مشي عالاقدام وعندك خيارين اما عن طريق السكة لأنها مغلقة عن السيارات أو عن طريق درج .,. واتبع اللوحات بالعربي موجود كل شي .,.  بااااااااااااااااااارد .,. وشي حق السباحة .,. زوجتي شافت الوضع مافيه أحد .,. وطببببببت  يكفيك تحط يدك فيه وتغسل به وجهك تحس بانتعاش ولا هيد اند شولدرز  شئ ولا أروع ولا أجمل .,. طبعا هنا زلقت زلقة عالبركة وربكم سلم .,. خرب جوالي خخخخ ":":":":":":":":":":":":":":":":":":":":":":": ": بعد ما حسينا ان العوائل بدت تتجمع قلنا نسبقهم للتلفريك ووينك يا زكريا .,. في طريق الرجعة مرينا على بعض الأكشاك اللي تبيع الملابس والمثلجات .,. وطقيت لي بدلة حلوة وزوجتي أخذت ملابس روعة عليها وكلها ما تجاوزت 90 رنقت .,. تقريبا أكثر من 7 فنايل وبدل التلفريك عبارة عن فندق أساسا ومجمع تجاري مفتوح ومن ضمن مرافقه التلفريك .,. طبعا يمنعون تحمل معك أي كيس الا شنطة المدام .,. وخلينا كيسنا حق الاكل والشرب على طاولة جنب الكاونتر .,. أم الأمان يا ناس .,. قيمة التلفريك ريالين ونص بغيت أبكي يوم سمعت السعر  منظر عام للجزيرة من فوق التلفريك من الأسفل (( من الشلال ))  أثناء صعودنا للقمة بدأت لفحة البراد تهب .,.  وصلنا للنقطة الاولى وريحنا فيها وأخذنا لنا بعض الصور وبعدها اتجهنا للنقطه الثانية .,. وحافظ على التذكرة .,.  المنظر بين النقطتين  جسر معلق تنزل له من درج وتتمشى عليه .,. بصراحة من قوة التعب اللي بعد الشلال ما جالي نفس انزل له بعد ذلك اتجهنا الى الفندق ولكن في طريقنا لفت نظري محل لبيع الاكسسورات والتحف الغريبة .,. زكريا وقف هنا لاهنت .,. قال ولا انت .,. ابشر دخلنا للمحل .,., مرتب ومنظم واسعاره حلوة .,., بائعة هناك صينية استاذتني في بعض الأسئلة .,. قلت لها على الرحب والسعة .,. الصينية / ألاحظ بعض العرب هنا يلبسون أغطية سودا والبعض ما يلبسون .,. وش السبب ؟؟ فهد / الدين الاسلامي أمر النساء المسلمات بالحجاب في حضرة النساء ومثل ما انتي شايفة زوجتي متحجبة الحجاب الإسلامي الكامل .,., اما الغير متحجبات فالدين لديهم ضعيف وهمهن إظهار الزينة لا اكثر ولا أقل .,. الصينية / طيب في السعودية وش اكثر تحبون من الاطفال الأولاد والا البنات ؟ فهد / مافيه فرق بين الاثنين كلهم من عند الله وزينتهم هي زينة للدنيا .,. الصينية / طيب تقدر تطلق زوجتك ؟ فهد / استغربت من هالسؤال .,. الصينية / اسفة ولكن سمعت ان العرب الأغنياء يتزوجون بأكثر من وحدة فهد / أها ,, الاسلام يحلل للرجل الزواج حتى أربعة زوجات .,. ولكن المسألة ليست حرة ولكنها مقيدة بقيود .,. إما أن تكون هناك مشكلة في الزوجة الاولى أو مشكلة في الرجل نفسه .,. أو أي شرط مخل بالعلاقة بواحدة فقط .,. وحتى أن تزوج أربعة لا بد أن يعدل بين الجميع فلايظهر لهذه العطف ويترك هذه لا.,. الصينية / الله ما أجمل الاسلام .,. فهد / الاسلام هو دين للسماحة للعدل للمساواة بين الرجل والمرأة وفيه تكريم كبير للمرأة .,. الصينية / ثانيكو برذر فهد / هلا ومسهلا شريت من عندها هدية لزوجتي .. خاتمين فضة مرصعة بالألماس وهي أخذت عصي ملاعق صينية هههههه ودفتر وقلم طقم عليه شعار لانكاوي رجعنا للفندق الساعة 3 تقريبا وحاسبت زكريا بـ 175 رنقت .,. واعطيته 200 يستاهل والله ما قصر معي .,. اتجهنا لمطعم ليالي الشام داخل ساحة الفندق وتغدينا ذيك الغدوة ... وبعدها نووووووووووووم إلى العشاء تقريبا والصور تقول :  صحينا على صوت مطر يهبل  انا في البداية اول ما سمعت المطر قلت قومي قومي شكله تسونامي هههه قمت خايف بصراحة  بدأ المطر يزداد  نزلنا شوي للبهو واخذنا لفتين بسيطة .,. تعشينا خفيف ورجعنا نكمل نومتنا وانتبهو تفتحون الشباك لان الحشرات الطائرة تدخل الغرف بالليل هذا اليوم هو أجمل يوم قضيته في ماليزيا .,., شلال ونهر وتلفريك وجبل ومطر وبحر .,. يعني كل شي تحقق في يوم واحد اللهم لك الحمد |
|
|
|
|
10-12-2008, 07:38 AM
|
#5 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الخامس / الخميس 21 / 8
يوم التسوق العالمي .,. لازال المطر يهطل من البارحة ولا وقف ماشاء الله تبارك الله .,. صحينا الصباح على صوت زخات المطر .,. وزوجتي البارح تعرفت لها على كذا حرمة من الرياض كانوا جالسات عالمسبح وهاتك يا سواليف ووناسة .,. اتصلت في زكريا على شان اواعده يوديني إلى (( كواه )) عاصمة الجزيرة للشوبنق .,. قال ما اتوقع اليوم لاني متواعد مع احد السياح .,. قلت له اوكي ولا يهمك .,. نزلنا للفطور المعتاد في جو مبكر وممطر وجميل جدا .,. بعدها أخذنا لفة على الشاطئ ومعانا مظلاتنا .,. وبعد ساعة تقريبا طلبت تاكسي وعلى العاصمة (( كواه )) .,. كان مبلغ التاكسي 40 رنقت .,. وسط الطريق تذكرت إني نسيت المحفظة .,. واكلم التاكسي ونرجع للفندق واخذها وانزل من جديد .,. زودته عشرة رنقت .,. وقت السفرية كانت 45 دقيقة تقريبا .,. وصلنا إلى مجمع تجاري على الطريق وقال وش رايك تبي هذا .,. قلت يالله مشكور .,. مجمع من ثلاث أدوار وفيه من كل ما هب ودب .,. ورخيص جدا جدا جدا جدا جدا .,. والصور تقول /  لازال المطر من البارح وهو يضرب  إفطارنا العزيز  أحلا شي البيض لما يضبطه الشيف قدامك .,.  في طريقنا للشاطي ومعي كورن فلكس تهريب خخخخخخخخ  مسبح اجمل مافيه كل شي  الغيوم تحيط المنطقة من كل مكان  ساحة الشاطي مع الملاعب المرفقة  يا روعة المنظر  حتى ظل الشجر ما ودك تدوس عليه  بدأ الضباب ينزل حبه حبه  الجو ندى والنفس ممتلئة بالهدى  كثافة اللون الأخضر تلف المحيط  يا ما حلا الفنجال مع سيحة دبيب  انطلاقتنا لكواه  أينما تنظر ترى الخضرة  منطقة ريفية وقرى متناثرة يملؤها حيوان (( الجاموس ))  المطر يضرب وبقوة  والصورة أكبر دليل  مطعم للوجبات السريعة داخل المجمع  دبيب مبسوط على رخص الاسعار وجودة المبيعات  يقول انهم زملاه بالجامعة .. دبيب ما نسينا وش سويت بمعرض ما تحت البحر  محمول مكفول !!!  بعدما انتهينا من التسوق وراجعين للفندق بتاكسي آخر والسعر 30 رنقت  مناظر لمجموعة منازل  الامطار والتوقيت كان جدا ممتاز حمدا لك يا رب  منزل عجبني تصميمه  منظر يفتح شهيتك لحبة بخاري وببسي  مزارع الرز المنتشرة في كل مكان .,.  مجهزين المجاري في جميع الظروف  كم خيشة رز تكفي هنا !!!  أخ من ينقل هالمنطقة بس للدمام خخخخخخ بتحترق في ليلتين  بدا الضباب يغطي الجبال  ما أروعك يا لانكاوي ":":":":":":":":":":":":":":":":":":":":":": وصلنا للفندق وتونسنا بالتمشي تحت المطر الخفيف .,. وصلنا إلى مطعم ليالي الشام وجلسنا على ضفة نهر خلفي توني أكتشفه .,. طلبت لي بحري وكبسة لحم .,. تغدينا وذهبنا للراحة في الغرفة وبعدها جلسة ليلية ولا اجمل في الفندق .,. والصور تقول /  جلسنا على الطاولة المطلة على هالحديقة  وهنا المنظر الثاني على ضفة نهر  لاحظ قطرات المطر على سطح الماء  من قدك .,. حتى اهل المنتدى طايحين فيك تمدح  منظر زواية من المطعم  منظر من الزاوية الاخرى  مطر مطر مطر مطر مطر انتهى هذا اليوم بعد التسوق وأخذ نصف ما في المجمع بصراحة |
|
|
|
|
10-12-2008, 07:43 AM
|
#6 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم السادس الجمعة 22 / 8 / 2008 م
هذا اليوم هو آخر الأيام لي في لانكاوي بع أن قضيت أربعة أيام في هذه الجزيرة كانت كافية بالنسبة لي لأشتاق لها في لحظات الخلوة ... كالعادة صحينا بكير للإفطار وتجهيز العفش لأن رحلة العودة كانت على الساعة 5 العصر ولكن حبيت أقضي الساعات من التشيك اوت لحد الاقلاع داخل المطار .,. بعد الفطور أخذت الجولة المعتادة داخل الفندق وتوجهنا للغرفة لتجهيز الشنط .,. ونزلت أنا طالبا تاكسي ومتجه إلى أقرب حلاق (( salon )) .,. جورنا بكل الديرة أغلبها مسكر بسبب التجهيز لصلاة الجمعة .,. قال راعي التاكسي يا انا يالحلاق ويروح لواحد هندوسي ويطلعه من بيته ههههه وحلق لي وضبطنا السكسوكة بـ 15 رنقت .,. رجعت للفندق وسوينا الشيك اوت .,. بصراحة الاكل في الفندق هو اللي كان غالي والا الباقي مية مية .,. والصور تقول :  الأمطار لليوم الثالث لم تتوقف  حاجز المسبح وآثار المطر عليه  يا مقسم الأرزاق إقسم لنا من هذه القطرات  من البقرة إلى المائدة  اللفة المعتادة بعد الإفطار  لو هالممر عندنا تلقون عليه لوحة (( للعوائل فقط )) وهي أصلا (( للعائلات فقط ))  كان ودك حافظ أغنية هندية تغنيها هنا  يووووووووه  هذاك اللي قاعد خرب علينا اللفة .,. ابي احجز الشاطي قبل ههههههه غزارة المطر تخليك تتحسف ان اليوم يوم سفرك إلى كوالا لمبور  عيناك ٍ .,. كأنما تنبض في غوريهما النجوم .,. أنشودة المطر  واطارد وجهك .,. في الأمطار .,. وفي أضواء السيارات  عشق ِ جمع ما بين قاع ِ وغيمة .,. سيّل على صدر الثرى دمع الامزان ":":":":":":":":":":":":":":":":":":":":":":":":": ":":":":":":":":":" بعد ما انتهينا من التشيك اوت اخذنا تاكسي وعلى المطار القريب الساعة الواحدة تقريبا وكان سعر التاكسي 12 رنقت يعني السعر ثابت من الفندق للمطار ومن المطار للفندق .,. وصلنا المطار وكان وقتها فيه رحلة في نفس توقيت وصولها وكان المطار زحيم مهوب زحمة .,. تعدينا نقطة التفتيش وصفيت طابور مع المسافرين لكاونتر اير ماليزيا .,. زوجتي استاذنتني وقالت مدام بتصف انا بطلع للمجمع الداخلي بالمطار اتسوق قلت اوك .,. راحت ونسيت الجوازات معها .,. طول الوقت وانا صاف اتابع من وراي لعلي اشوفها مافيه فايدة .,. باقي علي عايلة قدامي .,. الا وهي محضرة .,. قلت الحمد لله انك جيتي ترى الجوازات عندك طلعناها وخلصنا امورنا .,. بعدها اخذنا جولة في المجمع واعجبتها لبسة قالت تبيها حق العيد .,. تستاهل والله .,. وناخذ طقم العيد كله من لانكاوي  .,. جولة كانت جميلة استمرت ساعتين الى ثلاث ساعات .,. مطار هادئ وفيه الراحة بصراحة .,. صعدنا للدور الثاني واسترحنا في أحد المطاعم هناك اللي يطل على المطار كله .,.والصور تقول :  كاونتر الشحن .. لايوجد خدمة ذاتية  صورة عامة للمطار من المطعم العلوي .,.  واحد كوفي لاتيه لو سمحت  واجهة المطعم وفيه كوفي شوب أيضا  الملقوف مرة ثانية داخل المطار !!!  انا في المطااااااااااااار ":":":":":":":":":":":":":":":":":":":":":":":":": ":":":":":" فتحت صالة المغادرة أبوابها قبل الرحلة بساعة ونص تقريبا وبسم الله دخلنا ...  مدرج المطار  ما يحتاج يبنون برج مراقبة  أخذت خمس دقايق مساج انا وزوجتي الواحد بـ 3 رنقت .,. وهذا ابن الإيه عطوه مجانا  طيارتنا وصلت  منظر لصالة المغادرين من جهة كراسي المساج  دبيب يقول هذي طيارته اللي باعها قبل سنتين معقول !! وش رايكم ؟  بدأنا بالابتعاد عن المطار .,.  لا نكاوي .,. جزيرة النسر :/:/:/:/:/:/:/:/:/:/:/:/:/:/:/:/:/:/:/:/: ::/:/:/:/:/:/:/:/:/:/: رحلة كانت نفس زميلتها أثناء الذهاب لا فرق لا في الطائرة ولا التوقيت ولا المأكولات والشراب .,. زوجتي عن يميني (( شباك )) وانا بالنص وسائحة أوروبية عن يساري .,. أحس ودها تتكلم معي بس خايفة من عباية زوجتي خخخخخخ .,. هي اللي تعطيني العصير والشاي والسكر وانا بدوري اعطي زوجتي .,. طبعا زوجتي تقول سولف معها شكلها حبتك خخخخخخخ .,. فتحت معها موضوع عن السياحة في ماليزيا وانتقلنا بقدرة قادر على عباية زوجتي وش سرها قالت لا تزعل بس شكلها بشعه صح ؟ .,. قلت لا والله لكن بعطيك مثال : لو قدمت لك حلاوة جلاكسي من البقالة مكشوفة او مكشوف جزء منها هل تشرينها .,. قالت مستحيل .,. قلت لها ديننا يشبه المرأة الجميلة بهذه الحليوات لابد أن تكون محفوظة عن التلاعب بها من كل العيون .,. استانست من الكلام وزدتها من الشعر بيت ووريتها بعض صور المدام في لانكاوي .,. بصراحة حسيت ان عيونها بغت تطلع .. الحين شلون اقول لها قولي ما شاء الله هههههههههه .,ز أهم شي اني غيرت فكرتها عن العباية وما يلبسها الا البشعات والصور عم بتقول /  كوالا من الأعلى  جذب سياحي مجنون .,.  مزارع الرز من الاعلى  بتتعب عيونك من كثر ما تشوف الخضرة  مصحصح ومفتل عالآخر ":":":":":":":":":":":":":":":":":":":":":":":":": ":":":":":":":": نزلنا للمطار (( طبعا هنا ما فيه قطار )) لان الرحلة داخلية على طول توجهنا لسير الشنط واخذنا اغراضنا واتجهنا لصالة الوصول وهاتك يا تلقف من أصحاب التكاسي .,. انا مخطط هالمرة اني اجرب يالباصات يالقطار لكن قلت خلني اسأل عن التكاسي واشوف اسعارهم .,. بكم ياولد بـ 180 .,. بكم يا عم بـ 190 .,. طبعا بس اسأل وانا ماشي وهم يسجبون فيني بنخصم لك بنخصم لك .,. اتبعت اللوحات الارشادية لطريق القطار ونزلنا تحت ثلاث ادوار تقريبا لحد ما وصلنا لبوابة القطار .,. أخذت تذكرتين الوحدة بـ 35 .. شوف الفرق !!! وقطار نظيف ولافيه ازعاج وسريع ويوديك لمحطة القطارات طوالي وانت من هناك خذ تاكسي او اذا عارف المنطقة قول لهم ويوديك قطار آخر بـ 2 رنقت بالكثير والصور تقول /  القطار من الداخل .,. لاحظ النظافة والاتساع والراحة  مستانس .,. أول مرة يركب قطار ":":":":":":":":":":":":":":":":":":":":":":":":": ":":":":":":":":":":": بعدما وصلنا إلى محطة القطارات الرئيسية اخذنا لنا تاكسي على فندق ناسي اسمه لاني ما سكنت فيه ولله الحمد (( خمني فيه صاحب المكتب اللي بالدمام )) بصراحة وصخ واغلب موظفيه جنس ثالث والمنطقة اللي هو فيها منطقة دعارة .,. خليت الشنط بالفندق واخذت تاكسي .,. ورحت ادور على فنادق .,. لقيت فندق كراون بلازا وشنغريلا وكذا فندق حلو .,. ورسى اختياري مع المدام على كراون بلازا .,. الليلة بـ 510 شاملة الإفطار .,. دفعت كل شي وطلعت المدام للغرفة .,. ورجعت بالتاكسي الى الفندق الاول واخذت شناطي وحملتا على كراون بلازا .,. فندق 143 نحمة والصور تقول /  دبيب نايم عالسرير .. تصدقون توني ادري اني صورته عالسرير هههههههه  البانيو يطل على الغرفة بطريقة جدا جميلة  مدخل الغرفة الرئيسي .,.  تعجبني طريقة تنسيق المناظر وكيفية توزيعها على الجدران  تكرمون .,. ولكن عشان الشطاف هنا نمنا وهنا سنكون معكم في اليوم القادم بإذن الله |
|
|
|
|
10-12-2008, 07:47 AM
|
#7 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم السابع // السبت 23 / 8 / 2008
بعد اللفة العويصة حقت البارح من فندق لفندق وانتهت بفندق كراون بلازا اخترنا غرفة في المنتصف لانه 30 دور وأنا اخترت الدور الـ 15 كانت إطلالتها جدا جميلة على الشارع الرئيسي (( السلطان إسماعيل )) كانت نومه رايقة عالآخر ولله الحمد ولا تسمع ضجة الشارع ولاهم يحزنون .,. صحينا على الساعة سبع تقريبا وجهزنا أغراضنا وتوجهنا لمطعم الفندق للإفطار وبعدها أخذنا جولة تفقدية بسيطة في الفندق وقابلنا المترجم (( عمر )) جيبوتي يتحدث العربية الفصحى وشغال معاهم في نفس الفندق .,. طيب وحبوب ومستحيل يخبي عنك شي .,. واللي يروح هناك يبلغه سلامي ويقول له الشاعر فهد يسلم عليك .,. وكذلك فيه مترجم آخر اسمه عبدالمجيد لكن هذا ماسك الرد على الهواتف من داخل الغرف ,., توجهنا بعد الإفطار إلى شارع العرب (( بوكيت بنتانق )) مشي عالأقدام لمدة 10 دقايق والمشي بحد ذاته متعه .,. والصور تقول /  صاحي قبلنا ويتفرج في الرايح والجاي من الشباك  منظر عام من الشباك ويظهر تحت محطة المونوريل (( راجا شولان )) أمام مدخل الفندق بالضبط وكذلك عمارة بنكية عن يسارك وفيها أنواع الصرافات .,.  أفضل ما في الفندق مطعمهم اللذيذ بصراحة وهو من أفضل المطاعم في الفنادق اللي زرتها  مهوب مشتهي يفطر .,. بس شرب شاهي واكل قرص عسل  المسبح اللي يطل عليه المطعم  عرفت وش يبي .,. وأخذ له حمام حلو تحت اشعة الشمس  الفندق من الجهة الخلفية .,. جهة المسبح :":":":":":":":":":":":":":":":":":":":":":":":":" :":": في طريقنا لشارع العرب وقفنا عند محل كبيييييير وفيه كل شي تقريبا .. ساعات اكسسورارات شنط محافظ .,. كان غير مرتب يعني (( حراج )) .,. وكل البياعين بنقاله .,. دخلت في قسم الشنط النسائية العلاقي .,. أنواع الماركات وام التقليد .,. بكم هذي .,. طلع لي كتالوج ووراني صورتها بـ 900 رنقت .,. قلت لا لا وش دعوة انا اول اجي هنا وصدمتني .,. قال شوف المدير مهوب موجود (( يساسرني )) وانا راح اعطيك اياها بسعر طيب بـ 500 .,. قـــــ ـــــم .,. قلت لا لا نزل نزل .,. قال انت حط لها سعر .,. قلت له باخذها بأقل من ميتين .,. قال قدام .,و قلت طيب لو أخذت منك عشرين حبه انا أختارها ,., وفعلا اخترت عشرين برفقة خبيرة الشنط النسائية زوجتي .,. قال اعطيك العشرين هذي بـ 1100 رنقت قلت معي ست مية تبي .,. من هنا من هنا من هنا .,. وصلناها للألف .,. قلت له ما عندي الا 600 .,. آخر شي فقد اعصابه وقام يسب ههههههههههه اخذت بعضي وطلعت تخيلو من 18000 رنقت الى 1000 والصور تقول /  المونوريل وتحته يوجد احتفال يقام كل سبت والناس عليه زحااااام  ستيج الحفل ما يفوتني طبعا والكشافات بعد بحكم تخصصي في الحفلات  كل الشارع كان يرقص وكان منظر عجيب فعلا فوقفنا نتابع ورا ورا أخذنا جولة عامة على الشارع .,. بضاعات مقلدة ورخيصة وفيه شوية ماركات وكذلك المجمعات التجارية مليانه فيه ومليان مقاهي ومطاعم عربية ومساج .,. على طاري المساج كل واحد او وحدة يعرض عمله في لوحة فلين مغلفة ويقول (( مساز .,. مساز )) المهم فيه عجيز تقول لي (( مساز )) شفت اللوحة حقتها ومسكتها بيدي .,. هي تعجبت .,. وانا بطريقة فنية رحت قالبها لأنها كانت ماسكتها وهي مقلوبه هههههههههههههههههههههههههههههههههههههههههههههههههه هههههه وخوياتها يضجكون وهي تضحك على نفسها هههههههههههههههههههههههههههههههههههههههههههههههههه هههههه .,. طبعا بتلاقي الكثير من موزعي البروشورات وخصوصا من الجنسية العراقية يعطونك بروشور عن العود وعن مطعم الطربوش وخيمة الصحراء ..... الخ بعد ما غربت الشمس رجعنا للفندق أيضا مشي والاكياس تكسر الظهر لاننا قشينا نص الشارع من عودة والعاب وملابس .,. ريحنا شوي بالفندق ونزلنا بعدها على التوين تاور .,., الفندق توصلتك بوابته الداخلية الى الشارع المرادف للبرجين .,. وانتبه لانها تسكر الساعة 12 .,. وصلنا إلى مجمع يسمى (( surya )) سوريا ومعناتها الشمس .,. المجمع لاصق في البرجين تماما .,. والصور تقول :  تحفة فنية شامخة  في الطريق نمشي ولاحظو الخرائط في كل مكان يعني انسى تضيع  رسمة جميلة على الجدار الايمن لبوابة المجمع ولكن فيها سر عجيب !!!  الرسمة مكونة من قواطي بصراحة القوطي هو دبيب وامثاله  مدخل المجمع .,.  منظر عام من الطابق الثاني  أحد محلات الالعاب عجبتني فكرة عرضه  محل لبيع الهدايا .,. وانا متفشخر بمحلي بالخبر مالت عليك يا دبيب  منظر آخر لنفس المحل .,.<<<<---- بيلطش الأفكار  قدمت هذه الصورة برعاية (( زوحتي ))  وقدمت هذه الصورة برعاية (( المراهق ))  لاحول ولا قوة الا بالله  طلعا ان اليوم هو السبت وأنواع (( الجحلط )) موجودين في كل مكان وهذولا الاثنين منهم .,. يحسبوني اصورهم ولا شافو دبيب على طول طلع الليزر ووجه علي وعلى الكاميرا  الله ياخذك ورطتنا  هذا المقهى اللي ريحنا فيه بالمجمع .,. في الجانب الأيمن وانت طالع على البحيرة .,.,  منظر البرجين أول ما تطلع للبحيرة (( لازم تنام على الأرض إذا تبي تجيب البرجين كاملة .,.  الجلسة على البحيرة جدا جميلة والنافورة كانت مسكرة لانهم شغالين فيها للتجهيز لليوم الوطني  البرجين ورانا وشفت العالم تتبطح وتصور .,. فقلت انام على ظهري واصور بالمقلوب ههههههههه ":":":":":":":":":":":":":":":":":":":":":":":":": ": بعدها اتجهنا للفندق وكان فيه بالبهو الداخلي فرقة مكونة من عازفي (( قيتار .,. ساكس فون .,. بيانو )) جلسنا على طاولة قريبة .,. ماكان فيه أحد الا احنا وثلاثة هناااااااك .,. والعازفين شغالين بحماس واذا انتهت الوصلة محد يعطيهم وجه هههههههههه .,. احنا صفقنا لهم من باب ترانا صفقنا .,. التفتو علينا بغو يجون يبوسونا من الفرحة ههههههه .,.  ذاك الفراولة المثلج .,. وهاك الشاهي العجيب ,., ودوووووووووووس انتهى هذا اليوم الجميل من اول أيام التسوق في كوالا لمبور .,. |
|
|
|
|
10-12-2008, 07:54 AM
|
#8 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الثامن .,. الأحد 24 / 8 / 2008 م
بعد انتهائنا من التسوق في شارع العرب البارحة قررنا ان نخصص هذا اليوم لمجمع تجاري كبير وهو (( التايمز سكوير )) وكان التخصيص الأكبر للعب في الملاهي الداخلية فقط وشوية تسوق على شان نرضي الحبايب .,. صحينا الصباح على الساعة 8 تقريبا وكالعادة وينك يا فطورنا :  منظر للمسبح من الأعلى .,. تقدر تطب ؟  أحلا ما في هالمطعم مع خبز شباتي ... يم يم  هذي مثل ماليزيا تنقط عسل يا حلاتها .,.  العسل ينقط على هالممر وانت تلقط ما تشتهي  منظر للبهو الداخلي  مجرى مائي في الخارج ويوجد به أسماك زينة كبيرة  لوبي الفندق الرئيسي والاستقبال .,. فخامة ما حصلتش  منظر جانبي للوبي .,. اتحداكم تعرفون كيف ركبو السجادة !!!  محل حلويات تابع لمقهى اللوبي  فسحات كبيرة ومجمع بسيط خلف الفندق وتابع له  مطعم كوري خلفي .,. لا احد يدخله مافيه ولا أكله حلال  مجسمات وطريقة اللباس الكوري .,.  مقهى الفندق من الجهة الخلفية  فندقنا من محطة المونوريل (( راجا تشولان )) .,., وعلى فكرة الركوب فيه بـ 1.20 رنقت الى أي محطة ما عدا محطة القطارات الرئيسية بـ 2 رنقت ونص  هذي خلقة ربي والا لعبة .,. اللهم ارزقها الاسلام  المنظر من خلال المونوريل .,. شي خيال والعالم تحتك وانت ماشي طبعا محطة التايم سكوير اسمها (( امبي ))  فيه حفريات بالشارع ؟ ؟ ؟  وصلنا لمحطتنا (( امبي )) اللي تفتح على أحد بوابات التايمز سكوير  الدخول للملاهي بـ 38 رنقت للكبار والصغار مدري بس انه ارخص بس مع الهيصة نسيت هههههه  مجسمات جميلة  هالعيون شلون املها  ودي اكتب على الجدار .,. ذكريات ابو فلان  يقام احتفال كل يوم الساعة 3 العصر لمدة ساعتين وهذي صورة عامة للمسرح وباذن الله راح يكون لي واحد مثله خاص بالمحل  قطار الموت داخل الملاهي .,. بصراحة فن غير طبيعي .,. وشركة فوجي ناصبة كاميرات على طول الطريق تصوّر ملامح وجهك وانت ميت من الخوف هههههههه ويبيعون عليك الصورة بـ 20 رنقت  الله الهادي سبحانه .,. والله ما شفت رجه الا بعيال ديرتنا !!!  بدأ المهرجان الساعة 3 بلعبة جميلة للأطفال  اللعبة هي تكوين أطول خط واستخدم أي شي تقدر تستخدمه .,., هالصيني اللي لابس بني ذكي ذكي ويوم عطيته مظلتي قال (( ثانكيو )) .,.  ما فوزه الا احنا .,. مظلتي وشنطة المدام هههههه  لاحظو الاغراض اللي استخدموها  بعد ذلك دخل المهرج بألعاب خفة للصغار وكانت فقرته جميلة جدا .,.  الصغار مستانسين مع المهرج  هالصيني الصغير اتوقع انه رئيس شركة سامسونج  بعض العابه ما كانت مناسبة لسلامة الاطفال مثل أكل المنديل والخوف من تقليده  صورته كامل لاني املك فرقة ترفيهية للأطفال وودي استفيد بصراحة والمهرج حقنا بعد  طريقة مكياجه عجبتني بعد  من اليسار / صيني .,. اخته .,. كويتي .,. هندية ,.., لكن لاحظو اللي بين الصيني واخته .,. دبيب خايف منه  ابتسامة مهرجين  بعده دخل علينا هذا بسم الله علينا  بدت وصلته وكانت قمة في الإثارة  يا دبيب شب النار يا دبيب شبه  دمية الفضاء .,. يستعرض لكاميرتي .,. واااااااااااااااو ششششششششششششي  بعد ذلك الى صالة الالعاب الداخلية (( بليارد + بولنق ))  تقريبا نفس صالة شركة ارامكو ولكن هذي اكبر شوي ":":":":":":":":":":":":":":":":":":":":":":":":": ":":":":":":":": طبعا انتهى هذا اليوم الترفيهي الجميل ولنا عودة للتايم سكوير للتسوق رجعنا بالمونوريل من محطة (( امبي )) الى محطة (( بوكيت بنتانق )) اللي بشارع العرب وتعشينا في كنتاكي .,. وبعدها عالفندق بالمونوريل من محطة (( بوكيت بنتانق )) الى محطة (( راجا تشولان )) ولا تنسى ان ركون المونوريل بـ 1.20 رنقت في كل طلعة |
|
|
|
|
10-12-2008, 07:56 AM
|
#9 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم التاسع الاثنين 25 / 8 / 2008 م
يوم استكشاف كوالا لمبور في هذا اليوم ما راح اكثر كلام وراح اخلي الصور هي اللي تحكي .,. خصصنا هذا اليوم لأخذ جولة كبيرة عبر 26 محطة في كوالا لمبور من خلال الباص السياحي الشهير (( hop on hop off )) حيث ارشدني عمر المترجم في كراون بلازا إلى أقرب محطة له وكانت خلف الفندق ورقمها 4 .,. وسرينا :  لا يفوتك الفطور  أموت واعرف ايش سر جمال الشاي عندهم  أسماك الزينة في الممر المائي بجانب المسبح  التطور العمراني لا زال مستمر ويظهر البرجين يمين الصورة  ما ودك تريح نظرك بهالمنظر  دخلنا لمركز المؤتمرات والمعارض خلف الفندق بينه وبين البرجين على شان نوصل للحديقة الداخلية  وهذي الحديقة التي تعتبر امتداد لبحيرة مجمع سوريا  محطتنا رقم 4 اللي راح نبدا منها وننتهي عندها  في انتظار الباص يمر بعد 20 دقيقة (( بين كل باص وباص 30 دقيقة تقريبا )) ويظهر مركز المعارض عاليمين  مضمار داخل الحديقة مخصص للجري والمشي (( الأرضية ربل أحمر .,. مهوب اسفلت يا كورنيش الدمام والخبر ))  برج (( المملكية ))  ركبنا الباص .,. الشخص بـ 38 رنقت لمدة أربعة وعشرين ساعة .,. تنزل وتركب وين ما بغيت وكيفما اشتهيت  ركبنا الدور الثاني كان مليان اوربيين بس ما ادري الكرسيين الاماميين فاضيه ههههههه .,. حظك يا دبيب  كان بيدي خريطة لمواقع محطات الباص .,. وسجلت كل المعلومات فيها وين اروح ووين اجي عشان المرة الجاية استاجر سيارة واكون عارف وين اروح ووين اجي .,.  المحطة رقم 5 karyaneka ويميزها وجود محلات اقمشة بالهبل + اكسسوارات .,.  نزلنا في المحطة رقم 6 bintang walk شارع (( العربان )) نزلنا في محطة رقم 6 وتجولنا بشارع العرب  وتغدينا في ما كدولاندز .,. وجبة بيك ماك بـ 12.5 رنقت .,. وجبة بيج ان تاستي بـ 9.5 رنقت  الطربوش باين من عنوانه  مطعم تركي  مطعم طاجين المغربي  مقهى فاخر جلسنا ننتظر فيه الباص اللي بعد باصنا  خاله شكو شنهو الخبر دحتشي لي .,. أوي أوي  المحطة رقم 7 tengkat tong shin وهي قريبة من حارة (( عين عربية ))  مدرسة جميلة بين المحطة 7 والمحطة 8  في طريقنا لمحطة 8  شاهدنا التايمز سكوير اللي لعبنا فيه امس (( الملاهي ))  رسمة جميلة على أحد المحلات وأساسها هو  أطباق بيض  محطة الباصات الرئيسية (( بودورايا )) أيضا بين 7 و 8 من هنا راح ننطلق الى جنتنق بكرا  المحطة رقم 8 .,. china town القرية الصينية والسوق الصيني (( لاحظو ان كلها اوربيين واحنا ما نتنازل ))  ماركات ماركات ماركات .,. على عشرة على عشرة  ريال ريال ريال ريال ريال ريال .,. ريال ريال ريال ريال ريال ريال ريال  في طريقنا إلى المحطة رقم 9  المحطة رقم 9 central market أو بالعربي السوق المركزي  المحظة رقم 10 national palace القصر الملكي .,. ويفتح للزوار يوم الاثنين صباحا يدخلون يصورون داخل ومحتمل ياخذون صورة مع الرئيس الدكتور مهاتير محمد  بوابة القصر وفخامتها  في طريقنا من محطة رقم 10 إلى المحطة رقم 11 .,. بدأت الغيوم تتجمع  التوين تاورز + عمارة ماي بنك + برج المنارة + المركز الإسلامي المالي + المحطة رقم 11 مركز كوالالكبور التجاري العائدة أرباحه للمطار فقط  المحطة رقم 12 .. المتحف الوطني national museum ويغلق ابوابه الساعة 6 ونص مساءا  بعدها مشينا في مشوار وممتع الى المحطة رقم 13  بين كل حديقة وحديقة أربع حدائق  المحطة رقم 13 lake garden حديقة البحيرة اللي زرناها في ثاني لنا بالرحلة بالمرسيدس الذهبي  ترا تا تا  اللي حكم دولة ولا همه الغير .,. انا اشهد انه ناجح بكل مقياس الـلـه عـلـى مـاليـزيا يا مهاتير .,. يا شامخن والفخر يرفع لك الراس  المحطة رقم 14 .,. bird park حديقة الطيور وأمامها حديقة الفراشات  اللوحة الإعلانية لحديقة البحيرة أو (( بردانا )) المحطة رقم 15 national mosque المسجد الوطني والمنطقة الإسلامية  صلو على محمد صلى الله عليه وسلم  المتحف الإسلامي  القصر الإسلامي  ساحة للصلاة اثناء ازدحام المسجد  المحطة رقم 16 dataran merdeka قصر السلطان عبدالصمد  اضبط ساعتك يا دبيب  ساحة الاحتفالات الوطنية .,. ولاحظو المدرج مليان بشر لانهم بيحتلفون باليوم الوطني في هالمكان بعد اربعة ايام  تكاسي + باصات + قطارات .,. كل وسائل النقل متوفرة  علم ماليزيا يرفرف في سماء ساحة الاحتفالات مقابل قصر السلطان عبدالصمد  المحطات 17 و 18 و 19 لاتذكر لانها كوالا لمبور القديمة واغلبها هنود عاملين عمايلهم المحطة 20 titiwangsa lake بحيرة تيتيب وانقسا وفيها هالعجلة (( عين على ماليزيا ))  دبيب ما يخاف منها ترى  التوين تاورز من بعييييد  موكب الرئيس الدكتور مهاتير بين الزحمة ودباب قدام ودباب ورا .,. الصورة مهزوزة ولكن مضمونها ثابت  أحد الأنفاق الفسيحة ولا تقول لي زحمة وطريق الملك فهد  شي تعجب فيه تاخذه من كل الزوايا  لا للإحتكار .,. العروض في اليمين غير اليسار .,. والاسعار في اليسار غير اسعار اليمين والمصلحة لفائدة الشعب  المحطة رقم 22 citi bank سيتي بنك .,.  المحطة رقم 1 .,. klcc كوالالمبور سيتي سنتر الابراج وملحقاتها  مصنع الشوكلاته .,. بنعرج عليه بعد اربعة ايام تقريبا  البعيييييير .,. فخر الصناعة الخليجية  المحطة رقم 2 KL tower برج المنارة  تقسيم طوابق المنارة العليا  في اتجاهنا لبوابتها  المدخل الرئيسي للمنارة  يا دبيب هذي زبالة  منظر مهيب  دبيب قام يصارخ باللحظة ويقول / فندقنا فندقنا فندقناااافندقنا اوه فندقنا يا موج البحر حيو فندقنا حيوووه هييييي هييييي  المحطة رقم 4 منطقة المعارض وعالم ماتحت البحار  البرج الثالث للتوين تاور  شموخ والله شموخ ":":":":":":":":":":":":":":":":":":":" انتهت لفتنا الحلوة عبر كوالالمبور بالباص السياحي من الساعة 11 تقريبا حتى الساعة 7 ونص |
|
|
|
|
10-12-2008, 08:14 AM
|
#10 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم العاشر الثلاثاء 26 / 8 / 2008 م
يوم السفر إلى جنتنق .,. نسيت اقول لكم سالفة صارت لي البارح مع أحد السعوديين بعد نزولنا من الباص السياحي بعدما انتهينا من رحلتنا بداخل كوالا لمبور نزلنا في المحطة رقم 4 القريبة من فندقنا كراون بلازا .,. ودخلنا إلى مركز المعارض بالليل .,. طبعا فيه ممر طويل وشبه فاضي لكنه يوصلك للفندق .,. وانا ماشي مع زوجتي في امان الله وكلنا فرحة وابتسامه .,. مر من جنبنا أحد السعودييين الشباب وذكر كلمة غير مفهومة ولكنها تلفت النظر .,. جات نظرتي الأولى عليه وانا اضحك .,. قال وش عندك تضحك (( انت و الـقـ ........ )) اللي معك .,. انا انصدمت من الكلمة وانا ماشي وهو ماشي متعاكسين الاتجاه يعني هو مبتعد وانا كذلك .,. زوجتي ردت عليه بكلمة وهو كلمة أقبح منها .,. هديت زوجتي وشديت يدها وما عليك منه .,. واعتلت الاصوات مع الأسف في الممر خصوصا منه ومن لسانه الوقح .,. وبكل امانه كدر علي ليلي كلها وارتفع الضغط عندي وعند زوجتي .,. لا تربية ولا أخلاق ولا حشمة ولا كرامة ولا تذكر قول الرسول صلى الله عليه وسلم " سباب المسلم فسوق وقتاله كفر " أعوذ بالله إلا يدخل في الكفر بأي وسيلة يبيها .,. والله لو سمعتم منه الكلمات اللي رماها علينا لعرفتوا انه انسان واطي وسافل وراح اخذ حقي منه عند القاضي الأعظم رب السماوات والأرض وودي انه يقرا تقريري وخصوصا هذي الحكاية ويعرف مين كان يسب ومنهو ابن الـ ............. اللي كان يقولها لي مع الأسف .,.ما علينا لأن الحشرات يبي لها فليت وتموت نرجع إلى يومنا الجميل انا كنت حاجز من يومين من محطة (( بودورايا )) للباصات من يومين على جنتنق وكان المبلغ للشخص الواحد بالباص + التلفريك بـ 8.5 رنقت .,. يعني الاثنين بـ 17 رنقت .,. جهزنا العفش وكان شنتطين كبار + شنطة يد .,. كان المطر يومها في كوالا يضرب بقوة لدرجة انك تستطيع ملاحظة القطرة وهي تنزل من السماء إلى الأرض من كبرها .,. عملنا التيشك أوت ولا أخذو علينا الا حق المقهى وكذلك على كل عملية نظافة 52 رنقت .,. استأجرنا تاكسي من الفندق إلى المحطة بـ 12 رنقت .,. وطلعنا عالمحطة وسريع سريع عشان المطر .,. خويكم كسر يد الشنطة وهو مستعجل ومعليش مشتها لي زوجتي ههههه .,. لاشئ يذكر في المحطة الا انها زحمة وغالبيتها بقالات ولفت نظري كشك لبيع الأشرطة والكتب الإسلامية (( يا جماعة يستاهل تعطونه لوجه الله )) وبصراحة انبسط لما شفت الكشك واخذت فيه لفه بسيطة وكانت جميلة جدا .,. مكتوب على التذكرة رقم الدرج حقنا اللي ينزلنا على باصنا الساعة 2 ونص الظهر .,. انتظرنا حوالين الدرج لحد ما جا الموعد ونزلنا بعدها تحت وحملنا العفش وركبنا الباصات (( انتبهو يا عرب )) لان كل تذكرة عليها رقم المقعد واغلب العرب جايبين العيد في الباصات وهاتك يا حجز وفشيلة خخخخخ والصور تقول /  عمر .,. موظف من جيبوتي في كراون بلازا .,. مترجم عربي ودود وخلوق ويجيب على جميع اسئلتك بهذه الابتسامة  التاكسي الوحيد اللي استخدم العداد  قوة ضرب المطر اخافتني بصراحة والماليزيين عادي عنهدم ولا كنه صاير شي  شكرا كامرتي العزيزة ":":":":":":":":":":":":":":":":":":":":":":":":": ":":":":":":":":": بعد ساعة ونص وصلنا محطة التلفريك الرئيسية اللي تودي لجنتنق .,. الطريق جدا روعة وودك لو تطول الرحلة .,. تطلع للدور الرابع وتصف في طابور انت وحظك في الزحمة .,. وصل تلفريكنا وبسرررررعة قطينا الشنطتين وركبنا بعدهم وما قصر الموظف هناك ساعدني في الحمل .,. المنظر من تحت شي خيالي الله يرزقنا جنة ربنا ,., ضباب + ألوان + خضرة .,. ياااااه على هالربع ساعة من أروع أوقات حياتي .,.  ونقول بسم الله  المنظر من تحتك خيالي خيالي لأبعد حد ":":":":":":":":":":":":":":":":":":":":":":":":": ":":":":":":":": وصلنا الى المحطة العليا للتلفريك ونزلنا الشنط سريع سريع خخخخخ واتجهنا باتباع الأسهم لفندق فرست وورلد وفي طريقك الى الفندق راح تنزل الف سلم وتلف الف لفة ولكن في الطريق تنبهر بأشياء اول مرة يمكن تشوفها من ألعاب الكترونية بالهبل يمين ويسار وكذلك المعارض والزحمة والناس والعالم مبسوطة وتلعب هنا وهناك ودك ترمي الشناط وتروح تلعب خخخخخخخخ .,. وصلنا للفندق وكنت حاجز من اول لذلك خلصوني بسرعة واتجهنا على البرج B وعلى آخر دور الدور 28 .,. تخيل فوق جبل والدور 28 .,. روعة المنظر تنسيك كل شي .,. الجو بالغرفة كان جدا حلو وأخاذ لا حشرات ولا حرارة شي اكثر من خيال والصور تقول :  غرفة وورلد كلوب  المنظر من الشباك .,. وطبعا ممكن تفتحه فتحة بسيطة بحيث دبيب ما يطيح لو طل  مجرى مائي بدأ يصب بعد المطر اللي هل علينا  دورة المياة تكرمون  البانيو .,. وموية سخنة في هالبرد عن مية علاج  انهلك من المشي من التلفريك الى الفندق واعليه  راضيناه بهالبسكوت اللذيذ .,. مملح وشوكلاته .,.  في البهو كل شي بلوحاته ما تضيع ان شاء الله  هذا الكاونتر للي مو حاجزين من أول .,. تاخذ رقم وانطر ساعة ساعتين انت وحظك  بتدوخ من كثرة المحلات التجارية يمين ويسار وفيه الغالي والبلاش  متجهين إلى الملاهي الداخلية للفندق  من كل عجيبة من عجائب الدنيا جايبينها  أول المعارض كان باتجاهنا كان معرض (( صدق أو لا تصدق )) فيه مجسمات لأشياء حقيقة حول العالم وتعتبر من الأشياء الخارقة للعادة .,.18 رنقت للشخص  أقدم الرسائل البريدية  جسمين من خردة الحديد .,.  (( يقولون )) انه قصر النبي سليمان اللي بنته الجن  أسرار الكوتشينة ,., كل صورة تخص أحد الشخصيات من الإنس والجن بسم الله علينا بنت السبيت طلعت جنية هذا ما لدينا في اليوم العاشر على أمل اللقاء بكم في اليوم الحادي عشر |
|
|
|
|
10-12-2008, 08:19 AM
|
#11 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الحادي عشر الثلاثاء 25 / 8 / 2008
يوم الإفتلال العالمي هذا اليوم مخصص فقط لللإفتلال وعلى طول الصور تحكي  منظر الملاهي يسيل لعابك  اللي عاجبني انه كل دور من الأدوار له مطعم خاص للافطار فقط  أتحداكم بأي عين يغمز !!!  بسرعة امسح الصحن ورانا (( إفـــــــــتــــــــــلال ))  قطعة حجر من الألماس الخام الموجود بمنطقة جنتنق  اول افتلالنا درعمنا على ندوة ما ندري وش هي ههههههه  ثاني إفتلال وهذي كورلا معدلة خخخخخخ  قهر لو معي شبكة كان لقطت هالقروش كلها (( هذي خرافة التمني )) يقلك ارم القرش وتمنى وبيتحقق ما تمنيت  ركبنا قارب كهربائي يلف على بحيرة التمني داخل الملاهي المغلقة  منزل من إيطاليا  هذي البحيرة بمنظر عام داخل الملاهي  بيت فرنساوي  انا لله وانا اليه راجعون  اتوقع انه التمثال الكبير بساوباولو بالبرازيل  ننتظر الساعة عشر عشان تفتح ونجيب ام العيد  فندقنا الفلة وعناق الضباب  نفس الكشافات اللي عندي انبسطت يوم شفتها  احنا بس دخلنا وهوووووووووب .,. الدخول بسوارة 51 رنقت ليوم كامل  ام عبدالعزيز تذكرييين ..؟؟  فندقنا الفلة ابن الفلة  منطقة ديناصورات أثرية فيها ممرات وجسر .,. متحف مفتوح  أحافير مصطنعة منحوتة على الجبال عاد هنا ما انسى زوجتي يوم طلع لها من الجهة الثانية 2 هنديات سمر وطوال والتفتت زوجتي وقالت (( يممممممممممممممااااااه )) تحسبهم ديناصورات ههههههههههههههههههههههههه لعبة قطار الموت كانت مغلقة لمدة ثلاث ساعات بسبب تصوير مشهد فلم  لو هذي عندنا بالخفجي كان كسرناها ههههههههه  أسماك منتشرة في البحيرات داخل الملاهي وتأكلها بـ 3 رنقت وتتجمع قدامك بعد ذلك انطلقنا إلى المطعم البحري المجاور للملاهي ونقينا أكلها من الأحواض وهااااااااتك  والله لو تنفخ من هنا لبكرة ماكلك ماكلك  ستة محار لاهنت  منظر للمطعم المطل على بحيرة الملاهي  البحيرة مو باينة من زود الضباب  اللي كان ينفخ هذا هو مسدوح ويم يم على هالبرد والبحري والكولا المنعشة  ننوووووس  كل شي في حبيبي اكتمل  باص لندن  من داخل الباص كوفي شوب  فرسات وورلد فعلا  شوفو كيف السمك يتجمعون عندك  تفتح فمها وتلقمها  زحمممة سمك  هم يا سمك .,. ولا زال الإفتلال مستمرا  بدأت تمطر وشردنا نريح بالغرفة  الماء بدأ يجري  تعطل السير من قوة المطر  الساعة 9 حضرنا سيرك جنااااااااااااااااان فيه خدع ومبدع بكل الحدود ساعة ونص من المرح وقوة الفقرات وطبعا منعونا من التصوير ومن حقهم بصراحة لانهم إبدااااااااااع انتهى الافتلال تقريبا على الساعة 11 ونص الليل |
|
|
|
|
10-12-2008, 08:21 AM
|
#12 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الثاني عشر الخميس 28 / 8 / 2008 م
انتهينا من افتلال البارح ولم تغب عن بالي فكرة السيرك فقررت وباذن الله اول ما ارجع للسعودية تأسيس فريق سيرك عالمي بطابع سعودي لانه عندي تبع مؤسستي فريق ترفيهي شهير وربما البعض شافهم في قناة المجد او البداية وهي فرقة (( فوانيس )) الترفيهية واللي أسسها أخوي فيصل بن محفوظ والآن الفكرة تحت التنفيذ وأطلبكم أي أحد منكم يعرف أحد الأشخاص عنده مهارة حركية أو إبداع في جانب حركي أو خفة يد ووده يشاركنا يتصل بي على ايميلي والكلام جدي وان شاء الله فريق السيرك السعودي يرى النور قريبا .,. المهم .,. نرجع لماليزيا .,. كنت موقت الباص من يوم حجزي للتذكرة على انه يكون الساعة 1 ونص على بال ما انتهي من التشيك اوت الساعة 12 ويمديني انزل بالتلفريك ربع ساعة يصير انتظر الباص في المحطة لمدة ساعة تقريبا .,. عملنا التشيك اوت وبرضه محد طالع في الميني بار بس اخذ عفشنا ونزل وسلمونا ورقة الخروج وفمان الله .,. والصور تقول /  المنظر من الغرفة 7 صباحا  جبال تكسوها الأشجار بسم الله ماشاء الله  كأنك عايش فوق السحاب  دبيب في مطعم الإفطار المطل عالملاهي  بدأو بتنصيب الأعلام الماليزية في كل زاوية بماليزيا استعدادا للاحتفال باليوم الوطني بعد بكرا  أخرنا الفطور للساعة 11 تقريبا وخلينا عصفورين ببطن  ايش ألوان وايش حركات وايش فله  أثناء نزولنا بالتلفريك صارت حركة (( توقف التلفريك )) وبصراحة خوفني بقوة وزوجتي بعد خافت ولكن ما بينت لها اني خايف (( يمكن بان على ملامحي )) ولكن ابتسمت لها وقلت طيب شي عادي عادي جدا ما عليك .,. وبعدها بدقيقة تقريبا بدا يمشي ببطء شديد وبعدها رجعت عافيته المعتادة .,. ورجاء وخصوصا من العرسان الجدد .,. يا عريسنا ترى زوجتك الآن أمانة في رقبتك وتقتدي بك وحاسة انك أقوى رجل في الكون وأعقلهم .,. فلا تجيب العيد في نظرها وتبين قلقك أو خوفك من أي شي في أي بلد تسافر لها لان عروستنا خلقة مضطربه نفيسا بعيد عن اهلها فعوضها هذا الفقد بابتسامتك المعتادة ووضح لها أن كل الامور جاءت بحسن تصرف منك (( ولا تتذمر من أي شي )) وبكذا راح تكون الرحلة سعيدة مية مية وعسى الله يوفقكم  في محطة الباصات لقينا القرود تنتظرنا  احس انها كل يوم تتسبح مو زي اللي عندنا في الطايف !!!  التغذية سر الحياة  بالعافية لكن مدري سميت وغسلت يدينك ؟  قرودي ماله مفتاح .,. مفتاحه عند الحداد ......... الخ  شلال خفيف يصب من الأعلى  فندق كراون بلازا .,. يستاهل ترجع له مرة ثانية وطبعا هذا الحجز الثاني كان من الدمام  في الاستقبال (( شريفة )) قالت تطلعون الغرفة وبنحضر لكم مفاجأة  الدور 25 .,., وانتبهو من الماليزيين عيونهم حارة لأن (( شريفة )) اعجبت بساعة زوجتي وبعد نص ساعة انفكت سيورها  البحيرة الخاصة بمجمع سوريا تحت البرجين بعد ذلك اخذنا بعضنا الى التايم سكوير وأخذنا فيه أكبر جولة تسوق من الساعة 4 العصر وحتى الساعة 9 الليل تقريبا وأخذنا كل ما نحتاج من ملابس وهدايا العاب وكل شي بصراحة وثانكيو للمتابعة وكل عام والجميع بخير وتحية لدبيب |
|
|
|
|
10-12-2008, 08:23 AM
|
#13 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الثالث عشر الجمعة 29 / 8 / 2008 م
بعدما انتهينا البارح من التسوق في التايم سكوير كان هذا اليوم فقط للراحة والاستجمام بعد أربعة أيام افتلال لم تحدث لي من قبل ههههههه وبصراحة أخذ كمية جميلة من الصور لي ولزوجتي في أحد الحدائق الجميلة ولقيت أنسب مكان لنا هو حديقة الليك قاردن ولها الاسم الاخر : بردانا .,., والسبب هو وجود مناظر بديعة تنفع للتصوير من خلالها وكذلك خلوها من كثرة السياح ويمديني انا وزوجتي ناخذ راحتنا ونلقط لنا كذا صورة .,. اليوم طبعا ما فطرنا بالفندق لاننا ما طلعنا الا متأخرين من الغرفة واتجهنا لشارع العرب اخذنا لنا وجبتين من ماكدولاندز وكان فطور بغدا .,. واخذنا تاكسي الى الليك قاردن وبدأنا باختيار نماذج جميلة لأجمل صور لي ولزوجتي العزيزة من شجر الى اكواخ ....... الخ الخ ..,.والصور تقول /  يا شين التلزق  دبيب يسالني : وين نيلز !!! منهو نيلز  دبيب حب هذي  ويبيني اخطبها له من الرئيس الماليزي !!  بعد ذلك أخذنا لفة كاملة على الحديقة بـ 1 رنقت ووقفنا عند مدخل حديقة الفراشات  أحد المناظر الجميلة في الحديقة وبعد ذلك دخلنا الى حديقة الفراشات بـ 18 رنقت للشخص الواحد ورنقت واحد للكاميرا  أحد الجميلات في المدخل  صندوق بسيط لحضانة اليرقات  إستعراض فراشات جميل جدا  أسماك الزينة الملونة ستجدها في جميع الحدائق وأيضا من الممكن تأكلها بنفسك  سلاحف الننجا  هذولا الحريم متغطيات تحت الموية  اصفر بلون الذهب .,. أسود يا حالي العنب .,. أصفر اتي اتي واسود اتي اتي  أرنوب حبوب ومكانه مو هنا بصراحة  يخرب بيت امك  سبحان الله هذي اجنحتها مخرمة  وردة لعيون اعضاء المنتدى  أضخم سمكة زينة اراها  فراشة الوانها حلوة  دبيب يكرهه لله في لله  وهو كذلك شاف دبيب وعطانا ظهره !!!  روبيان صغيييييييير يقول طلعوووووووووني  حسن ونعيمه قمة الرومنسية واللي في امه خير يتحرشبعد ذلك اتجهنا الى معرض داخلي ومكيف وفيه مجموعة احواض لهذه الأشكال /  عقارب حبايب  عندنا في الباحة نسمي هالحشرة (( حلبوب ))  ضفادع على شكل ورق شجر ميت  بعد ذلك اخنا التاكسي الى مصنع الشوكلاته  معروضات كثيرة من الشكولاته وبمذاقات مختلفة  تنين مصنوع من الشوكلاته  شوكلاته على شكل نبته  أشكال جدا رائعة  كل ما تراه من صنع الشوكلاته  شرينا حلاوة العيد من ماليزيا (( عصا علي ))  أربع كراتين بمية رنقت  طريقة تقديمها جدا جميلة  يم يم لذيذة  مجموعة أشكال تفتح الشهية طبعا قضينا على كرتون في النص ساعة الاولى ههه  لقلوبكم قلب من الشوكلاته انتهى هذا اليوم خلاص |
|
|
|
|
10-12-2008, 08:25 AM
|
#14 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الرابع عشر يوم السبت 30 / 8 / 2008 م
هذه الليلة هي الختامية لأيامي في ليالي ماليزيا وكانت من أروع الليالي حيث أن ماليزيا ستدخل هذا اللليل بذكرى استقلالها الحادي والخمسين .,. صحينا صباحا وما نسينا فطورنا السنع واخذت بعضي وعلى شارع العرب تقريبا على الساعة 11 أبحث عن شنطة سفر يكون حجمها كبير ومناسب .,. وفعلا وجدت ما أريده ومنها اخذت لي ذاك الغدا السنع من مطعم عراقي وهو عبارة عن نفرين مندي بـ 24 وفتوش بـ 5 رنقت .,. وتغدينا على الساعة 2 وطبعا طول هالوقت واحنا نتجول عبر صفحات الانترنت ولا طلعنا من الفندق الا حوالي الساعة 7 لأن شباكنا يطل على حديقة البرجين وجالسين نشوف الناس ملتمة حوالين الحديقة ومتمتعه بالاحتفال المقام هناك .,. زهبنا شناطنا من اليوم عشان ما نتأخر بكرا ويصير عندنا أي ظرف ياخرنا الساعة 7 المساء تقريبا لبست اللباس الماليزي المعتبر (( شريته من جنتنق )) ونزلت على حديقة البرجين لأن زوجتي الله يحفظها كانت تعبانه من كثرة الملابس اللي دخلتها بالشنطة فتركتها تريح عالنت المجاني والتكييف الرائع .,., البحيرة كانت رائعة بتشكيلات النافورة العجيب ومع صوت الموسيقى وشي عجيب بصراحة واللي عجبني حيل وقفوا كل الفعاليات لأجل أذان العشاء وجزاهم الله كل خير .,. طبعا لوحدي وكان الجو مو مناسب بالنسبة لي لان نصفي الثاني بالفندق لحاله .,. رجعت للفندق على الساعة 8 ونص واستقلبت هالكلمة (( أهلييييييييييييييييين )) .,. واخذت نصي الثاني وعلى الساحة الوطنية (( ساحة السلطان عبدالصمد )) أو الاندبندنت .,. طبعا السائق اعطانا بعض المعلومات والتنبيهات ومن وين اروح ومن وين اجي لان الشرطة قفلت الشارع المؤدي للاحتفال لكي لا يسبب زحمة سير .,. في طريقنا مشيا على الاقدام حوالينك الشباب والبنات والعوائل والعالم فرحانه واللي تشتري من هنا اضائة واللي ياخذ علم واللي يركض واللي يضحك واللي يرقص وأصوات الأبواق ترتفع لانها تباع بـ 2 رنقت للبوق الواحد (( أبواق الملاعب )) .,. والصور تقول :  يوم ممطر آخر خفت انه يخرب المهرجان بصراحة هههههه  ماشاء الله تبارك الرحمن .,.  والله يستاهلون  بدأ الاحتفال الساعة 7 وهذا الستيج الرئيسي  قصر السلطان عبدالصمد الأثري وتزين بالألوان وشوفو العالم كيف مرتبة وكل واحد في حاله  شاشة كبيرة تنقل الحفل وهذه فقرة (( طلع البدر علينا )) جدا جميلة  فقرة للهنود و (( هاي هاي هاي هاي هاي ))  الالعاب النارية تستعد للانطلاق على الساعة 12 .,. لا يوجد بيننا وبينها الا حاجز من حبل  هذا مكاننا الاول وقربنا من الستيج لحد ما وصلنا الى بعد 7 امتار منه تقريبا  شعار ذكرى الاستقلال وتمثل الثلاث فئات الماليزية من مسلمين وصينيين وهنود  العالم على مد البصر .,. كان الحفل جدا جدا رائع وكل شوي فقرة جديدة ومبهرة من المسلمين ثم الصينيين ثم الهنود وهكذا طبعا مثل المسلمين في فقراتهم فرقة الريحانة بقيادة المنشد مصطفى صوفي الذي شدا بصوته الطيب في مهرجان جده 28 وكانت فقراتهم في الحفل جدا جميلة واذكر منها (( ثانكيو الله .,. طلع البدر علينا .,. إفري نايت )) وهي مسجلة عندي فيديو ولكن حجمها كبير جدا ولم استطع أن أجد لها حل .,. وأعتذر لكم شديد الاعتذار عن إدراجها وأول ما ألقى لها حل باذن الله راح أدرجها للجميع /  الشرطة والامن لم يؤثر عليهم الزحمة أبدا فالنظام موجود في كل بلاد خارج الشرق الأوسط .,. لاحظو كاميرا مراقبة باليسار  أنزل العلم الماليزي الساعة 12 الا خمس مع حضور ملك ماليزيا .,. ثم ارتفع على صوت النشيد الوطني الماليزي والكل كان واقفا احتراما للعلم ويردد النشيد في منظر مهيب .,.  فهد بن محفوظ  فهد بن محفوظ  فهد بن محفوظ  فهد بن محفوظ  فهد بن محفوظ  فهد بن محفوظ  فهد بن محفوظ  فهد بن محفوظ  فهد بن محفوظ بعد ما انتهت الفعاليات رجعنا من نفس طريقنا ولقينا ماكدولاندز واخذنا لنا فيه اكلة هنية تسوى مية ووصلنا الى الشارع المفتوح وكانت غالبية التكاسي فل .,. فيه شايب راعي تاكسي قلت له ابي كراون بلازا قال فيما معناه ما بقى الا انا اروح اخر الليل هناك ههههههه ضف وجهك انت واياها .,., وبعدها وقفنا واحد ثاني واتجهنا للفندق ونوووووووووووووووووم |
|
|
|
|
10-12-2008, 08:27 AM
|
#15 (permalink) |
|
مسافر خبير
تاريخ التسجيل: Apr 2006
الدولة: في قلب من يحبني
رقم العضوية :71631
المشاركات: 2,017
|
اليوم الخامس عشر
الأحد 31 / 8 / 2008 هذا اليوم هو يوم توديعنا لأجمل أجازة قضيناها في ماليزيا .,. يوم حزين نوعا ما وما أقوى لحظات التوديع .,. صحينا على الساعة 10 صباحا تقريبا ولا ننسى انه البارح ما رجعنا للفندق الا 2 بعد نص الليل بعد احتفال الدولة بيوم الاستقلال .,., نزلت للمطعم وفطرنا كالمعتاد .,., رحلتنا كانت على الساعة 9 الا ربع بالليل .,., عملنا التشيك اوت واخذو على الغسيل 250 رنقت تقريبا وانا اعتبره جدا غالي على عبايتين وبنطلون !!! ماعلينا .,. بعد ما انتهينا من التشيك اوت انتظرنا في البهو لمدة ساعتين تقريبا نتذكر كل ما سويناه من جد وفله وثقل ومحبه وجمال .,., اتجهنا للدور الأرضي تحت اللوبي وكان اكتشاف رائع بالنسبة لي وفاتني نص عمري هههههههه .,. سألت عن المسجد لأداء صلاتي الظهر والعصر واكتشفت مقابل المسجد صالة أفراح إنما إيه والصور تقول :  وردة طبيعية كانت هدية من مشغل توه فاتح جديد ومع الوردة تحية للجميع  أثناء دخولنا لصالة الأفراح وكانو يتجهزون لزواج أحد العائلات الصينية  هذي عندي منها ألوان ذهبي وفضي وهاللون .,. توزيعها جميل بين الطاولات  طاولة كبيرة وباين انها للعروسين وعائلتهم .,. لا كوشة ولا وجع راس هههههههه  الثريات مالية الصالة .,. وسألت عن موعد الزواج فقالو على الساعة 7 تقريبا .,. يالله معوضين خير  صالة استقبال الضيوف خارج الصالة الرئيسية :/:/:/:/:/:/:/:/:/:/:/:/:/:/:/:/:/:/:/:/:/:/:/:/:/:/:/:/:/:/ حجزنا تاكسي من الفندق الى المطار وكان بـ 150 رنقت وكان فان .,. ولما سألت أحد التكاسي العادية بكم تودينا قال لي بـ 80 رنقت .,. طبعا انا عندي 3 شنط كبيرة فحمل لنا وحده جنبه و2 بالشنطة الخلفية .,. والطريق كان ممل بصراحة لاننا تعودنا على المناظر وطوييييييييل والسواق شايب ساكت ههههه وحنا انواع الحزن .,. وصلنا للمطار وانتظرنا كونتر الاتحاد اللي يفتح قبل الرحلة بثلاث ساعات وصلنا للكونتر ولما شحنت طلع عندي الوزن 79 كيلو والمسموح لنا 50 كيلو واضرب كل كيلو زيادة في 79 رنقت راح يطلع الناتج 2200 رنقت اتصلت في الوالد بالسعودية وقلت لاهنت اخبطنا هلحين بألفين ريال وربع ساعة والفلوس بالحساب والحمد لله انحلت الأزمة بخير ولله الحمد اتجهنا للصالة الداخلية وانتهينا من امور الجوازات وسلمتهم الكرت اللي عبيته من البداية أثناء دخولي لماليزيا .,. جات الساعة 6 تقريبا واتجهنا بواسطة القطار الى الصالة الخارجية وانتظرنا رحلتنا وركبنا الطائرة بكل يسر وسهولة  الوجبات في الطائرة زي رحلتنا اثناء القدوم بالضبط  نسيتوني ؟  الطائرة جوها بارد من الداخل .,. في الطائرة كانت تجينا ريحة غريبة تكرمون .,. من وين ما ادري .,. قدامنا بالضبط كانت فيه عائلة من منطقة معروفة أشكال اهلها عندنا بالشرقية (( مقرفة )) بصراحة والأم ما بدلت حفاظة البنت الله لا يسامحها .,., والمشكلة انهم رافقونا من ابو ظبي الى المنامة وجلسو جنبنا وتأكدت انهم هم .,., وصلنا لأرض البحرين بسلام واستلمنا العفش واستقبلونا اختي واخوي بالبحرين على الساعة 2 صباحا وكان بكرا رمضان والحمد لله لحقنا عالسحور في الدمام وكانت رحلتنا جدا سعيدة والوناسة رفيقتنا في كل مكان زرناه في ماليزيا |
|
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
الساعة الآن 10:06 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||