الموضوع: أين أفضل محلات تفصيل غرف نوم في جدة؟

السلام عليكم ورحمة الله وبركاته
الأخوة الأفاضل تحية طيبة وبعد
المرجو مساعدتي على إيجاد محل في جدة يقوم بتفصيل
غرف نوم كاملة وهل يوجد لديهم كاتلوجات
أم يتم التصميم بالشكل اللي أنا ارغبه


دمتم بحفظ الله

أهلاً عزيزى أبو الوليد :101: ..
أنا أعرف محلات الأثاث الموجودة فى شارع الستين عند دور الدراجة بس هى بتفصل الكنب بس حسب معلوماتى ، لكن أعتقد المحلات الموجودة فى سوق الاتحاد (طريق مكة كيلو 2) بتفصل أيضاً غرف النوم ..
وأرجو ممن عنده أى معلومة أخرى القيام بإضافتها .

أعتقد مثل ما قال الأخ شاعري .. يمكن تلاقي طلبك في سوق الإتحاد (كيلو 2)

لكن .. فيه محل إسمه (البناء والعمار) على شارع الستين ، عنده مصنع بالشرقية (على ما أظن) يفصل غرف نوم حسب كتالوجات عنده ، بس إنتبه .. لا تقرب منهم ولا تغرك الموديلات والألوان والضمان اللي يقولوا عليه .. شغلهم أي كلام ، أنا فصلت عندهم 3 غرف نوم .. واكتشفت أن الجودة عندهم أي كلام ، تكسر سريرين من الـ 3 أسرة ، ولما تتصل بهم يماطلوك

شارع اسمه شارع الاسكان في جنوب جده ( كيلو سبعه ) هناك ورش كثيره جدا تفصل لك حسب الطلب

بس حاول تختار العماله الباكستانيه او المصريه لانهم شطار في هذا المجال .

ليه ماتشتري جاهز
الصيني اشكاله حلو وفي انواع جودتها متوسطة والاسعار من 5 الى 11 الف ريال
التفصيل والله مدري كيف يطلع عمالة بنغالة واخاف يطلع اي كلام
واذا تبغى افضل بس اغلى عندك ايطالي جاهز ب15 وفوق
بما انك تدور ياريت تدورلي غرف اطفال مرة وحدة اذا لقيت شي حلو اقل من 6000 اعطيني خبر

أسواق بن عمرين

يوجد بها الكثير من المحلات

بيت العز ويقع في شارع صاري.

راقي جدا في تجهيزاته لكن بالنسبة لنوع التفصيل فلا علم عندي إن كانت من كاتلوج أو حسب الطلب.
أنصح به

انا فصلت في سوق الاتحاد خشبها كويس بس اللون لك عليه

المشاركة الأصلية كتبت بواسطة م.عمر

ليه ماتشتري جاهز
الصيني اشكاله حلو وفي انواع جودتها متوسطة والاسعار من 5 الى 11 الف ريال
التفصيل والله مدري كيف يطلع عمالة بنغالة واخاف يطلع اي كلام
واذا تبغى افضل بس اغلى عندك ايطالي جاهز ب15 وفوق

:24: :24:

حياك الله أخي
يوجد سوق عمرين على طريق الكورنيش الجنوبي أشكال كثيرة يمكن لو شفتها تغير رأيك..
....
بالنسبة للتفصيل والله أعلم بحسب مارأيت وليس ما بحسب ماإشتريت
خلف سوق الأمير متعب الشعبي..
.. مع طريق الحرمين تعدي كوبري جامعة الملك عبد العزيز بحوالي300 متر ادخل على محطة القحطاني وتعداها لما تجيك لفة يمين وهي تعتبر نزله طويله تعدي دوار صغير (( دوار القرب))
أول لفة U TURN تلقى المحلات على يمينك منها منجرة يوسف محمد تيكو مشهورة بإسمها

...