 |
 |
 |
||
|
|
|
||
 |
|
 |
|
|||||||
| بوابة السفر إلى مصر Egypt في هذا القسم تجد مواضيع عامة متنوعة للقراءة عن مصر، إذ انه يتم أرشفتها بشكل دوري. |
|
|
أدوات الموضوع | انواع عرض الموضوع |
25-11-2008, 12:25 PM
|
#2 (permalink) |
|
مسافرجديد
تاريخ التسجيل: Oct 2008
رقم العضوية :226033
المشاركات: 9
|
الأخت روال ..
هل انتي مُقيمة في مصر ولا خارجها وبالتالي ستسافري لهذه الرحلة فقط ؟ لإنك لو مُقيمة في مصر يبقى لازم تتفقي مع نجار موبيليا يصطحبكم في هذه الرحلة لإستشارته في الأمور الفنية الخاصة بجودة الخشب والدهان و و و .. اما الذوق فهايكون عليكم بالتأكيد .. لكن الكلمة الفنية الأولى والأخيرة لازم تكون له وطبعاً لازم تدفعي له مقاب لهذه الرحلة .. وتقريباً المبلغ بيكون ما بين 100 إلى 200 ج . مقابل أجر يوم .. لإن الرحلة مرهقة جداً جداً .. يعني يكفي إني أقول لكي إن الواحد بيتحرك من بعد صلاة الفجر ويوصل دمياط هانقول لو طالع من القاهرة يبقى بعد ساعتين ونصف ... والواحد يفضل يلف يوم كامل إلى غروب الشمس كل ده والنجار معانا أنا ساحكي لكي عن تجربتي لشراء عفش منزلي سنة 2000 وشراء عفش منزل اختي العام الماضي - الحمد لله بما إني قاهري فأعرف نجارين كويسين كتير واهم حاجه يكون أمين وبيخاف على مصلحتي ... أخدنا النجار من بعد صلاة الفجر ووصلنا دمياط بأحد الأتوبيسات السياحية اللي لها مواقف واماكن إنطلاق كثيرة في القاهرة ... واول ما وصلنا المحطة تقدم إلينا العديد من السماسرة الدمايطة اللي وظيفتهم يبقى دليل لكي في دمياط لإن اهل مكه أدرى بشعابها .. وإنتي حره لو مش محتاجاهم وهاتلفوا لوحدكم حسب راحتكم .. وكان لنا موقف طريف جداً مع هذا السمسار اللي طلع شاب كويس ومجتهد وأحترمته والله مع إن سنه صغير لكنه حريص على عمله .. فالراجل لف معانا لما اتقتل لحد صلاة العشاء . وفي الأخير أعطناه اجرته وهي عبارة عن مبلغ 20 جنيهاً مصرياً فقط لا غير وكان الولد فرحان جداً .. بس بصراحة فرجنا على شوية معارض محترمة قوي ..... تخيلي إنه حاسب على أجرة تاكس مرتين ؟ على حسابة من ضمن العشرين جنية ... وهناك التكاسي رخيصة مش زي القاهرة ... صراحة دمياط مدينة منسية في مصر والعالم العربي لإنها تحفة من تحف الزمن من حيث تميزها في صناعة الأثاث وعلى فكرة بيصنعوا ألبان واجبان وحلويات برضوا ومشهورين قوي بالحلوى الدمياطية ... وأستغرب أين السياسات التسويقية والترويجية لهم في الدول العربية ؟ فهي تجمع ما بين أناقة التصميم ومتانة وجودة الخامات المستخدمة لإن دي مهنة أهلها من مئات السنين وكذلك رخص الأسعار جداً جداً مقارنة بباقي مُدن مصر .. ويُمكن أن أقول لكي إن دمياط تناسب جميع الأذواق .. وبدون مبالغة .. لو واحد حب يشتري غرفة نوم بثلاثة ألاف جنيه .. فسيجد ما يطلبة ... ولو حب يشتري غرفة بمئة ألف جنيه .. برضوا موجود ... يعني أسعار وأذواق مختلفة وحسب مقدرة كل واحد المادية ... الشيء الذي يُثير دهشتك .. إن في قُرى ومناطق كاملة داخل دمياط متخصصة في نوع معين من الأثاث فقط ... يعني تلاقي منطقة لغرف النوم فقط .. ومنطقة للآنتريهات وهكذا .. وطبعاً هناك مناطق فيها كل شيء .. وبرضوا هناك معارض فخمة قوي قوي قوي وأسعارها ناررررررررررررررررر .. زي معرض سعيد العراقي وسعد محمد سعد ... إلخ ودي مش معارض فقط ولكن تحسي إنك داخله مول ضخم فيه كل شيء من أثاث وتُحف ونجف وكله .. وبعد ما بنخلص لف وبنستقر على شيء بنتعاقد مع المعرض وبيعطينا إيصال والواحد بيمسك قلم من الأقلام المخصصة للكتابة على الجدران وبيوقع على كل قطعة أثاث من الداخل على أساس يضمن إنها مش هاتتلخبط مع حاجه تاني وعلى اساس برضوا يضمن إنه ما يختارش حاجه وبعدين تتبدل بأخرى ، والمعرض وبيعرض علينا خدمة التوصيل للمدينة اللي إحنا منها .. وممكن نشتري غرفة نوم مثلاً من معرض والصالون من معرض اخر وهكذا .. وبنعطي أي معرض منهم عناوين باقي المعارض بحيث صاحب السيارة النقل بيعدي عليهم كلهم ويشيل الحاجة الخاصة بنا .. ونصيحة هامة أن تستأجري سيارة نقل خاصة بأثاثك فقط .. عشان الحاجة ما تتبهدلش .. لإن السيارة النقل عندها إستعدادا تشيل 10 غُرف وعندهم مهارة تفكيك وتحميل الغرف دي في مكان صغير جداً من السيارة ... فعلى إيه الواحد بيشتري نفسه خصوصاً لو في قطع زجاجية في الغرف زي غرفة السُفرة مثلاً .. ومع الزجمة دي ممكن تتكسر ... وأنا عن نفسي أشتريت حوالي 3 غرف سنة 2000 وأخدت السيارة لوحدي ودفعت له مبلغ 200 ج .... شي زهيد للغاية مش كده ؟ ممكن تكون الأسعار تضاعفت دلوقت بعد أرتفاع تكلفة الوقود ... وإحنا بعد كده بنسافر والسيارة بتوصل براحتها ... يعني نقول مثلاً إحنا تحركنا من بعد العشاء ووصلنا القاهرة في العاشرة مساءً .. وسيارة الأثاث وصلت بعدنا بحوالي 3 ساعات ... عايز أقول حاجه في حق أهل دمياط ... فهم ناس مهرة جداً وعمليين جداً وشاطرين في مهنتهم قوي قوي ... وناس ليس فيهم طبع الجشع .. يعني لو هايكسب في الغرفة 100 ج فقط فهو لا يتوانى إنه يبيعها ولا يتمسك بهامش ربح عالي وده لإنه شاطر ويحرص على تدوير راس ماله وربح قليل مع إسترداد راس المال ووضعه في عملية أخرى أفضل من إنه يبحث عن ربح عالي ولكن يفضل راكن الباضعة بتاعته من غير بيع ولا شرا .. معلومة عالماشي : محافظة دمياط تعتبر المحافظة الوحيدة في مصر التي لا تعتمد على الحكومة في كثير من أمور البنية التحتية والمرافق لإن كلها بتتم بالجهود الذاتية من التجار المقتدرين ... بالإضافة إلى إن اكثر من 90 % من معارض الأثاث وتجار الأثاث في القاهرة هم دمايطة أساساً وبيصنعوا في دمياط ويعرضوا في القاهرة وبإختصار أقول وأبصم بالعشرة بإن أسعار الأثاث في دمياط مقارنة بالقاهرة تقل بنسة 40 % .. يعني مثلاً لو أنا أشتريت غرفة نوم بستة الأف جنية من دمياط .. فهي هي أختها شقيقتها ونفس الخامات والتقفيل والجودة بعشرة آلاف في القاهرة .. وده لإن معارض القاهرة عندهم مصاريف ثابتة عالية وإيجار وعمال و ضرايب و و و ... يعني دمياط تعتبر تجارة جُملة في الأثاث .. وأخيراً لو روحتوا دمياط وما أكلتوش في محل من محلات السي فود هناك ... فهاتندموا وهاتبقوا لا روحتوا دمياط ولا زورتوها ويمكن إسمكم يُضع على القائمة لاسوداء وما تعرفوش تاخدوا تأشيرة تاني لدمياط  .. بس خلاص .. وأرجو ان أكون افدتك وأفدت باقي الزملاء ... تحياتي ،،، |
|
|
27-11-2008, 08:11 PM
|
#5 (permalink) |
|
مسافرجديد
تاريخ التسجيل: Jul 2005
رقم العضوية :31865
المشاركات: 44
|
الشكر لله ثم لكم جميعا واختص للأخ wonder boy على كل هذا الإيضاح المفصل
لاكنني نسيت ماقلتلك اني سعودية اية رأيك ان محتاجة مساعتدك ومانتحرمش ياباشا كان الله في عون العبد مادام العبد في عون اخيةوكما جاء في الحديث الشريف (في مامعناه)ان لله عباد اختصهم لخدمة عبادة الاانهم الامنون من عذاب الله التعديل الأخير تم بواسطة رولا موري ; 27-11-2008 الساعة 08:13 PM سبب آخر: ok |
|
|
|
27-11-2008, 09:46 PM
|
#6 (permalink) | |
|
مسافرجديد
تاريخ التسجيل: Oct 2008
رقم العضوية :226033
المشاركات: 9
|
اقتباس:
واعتقد من هناك ممكن يدبروا لك الموضوع ده بمنتهى السهولة لانهم متمرسين في تصدير الاثاث لجميع الدول العربية والموضوع هايتم بشكل سلس وانتي مش مطلوب منك اي شيء سوا اوراق التصدير اللي هاتُطلب منك ولا اعتقد ان هناك جمارك سوف تُدفع لا في مصر ولا في السعودية وكل اللي هاتتحمليه هو مصاريف النقل ودي ماعنديش فكرة عنها بصراحة لكن برضوا مش هاتكون كتير خصوصاً لو انتي اشتريتي اثاث كتير فكده التكلفة لو اتوزعت على المشتريات فالموضوع هايبقى يستاهل يعني على السبيل المثال لو اشتريتي غرفة واحده ونقلتيها بألف ريال مثلاً غير لما اشتري 5 غرف وانقلهم برضوا بألف ريال لإن على فكرة موضوع النقل ما بيفرقش فيه عدد الغرف .. لإن هي هي السيارة بتسافر سواء شايلة غرفه او عشرة وربنا يوفقك |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:35 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||