 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى ماليزيا. |
 |
|
|
أدوات الموضوع | انواع عرض الموضوع |
22-11-2008, 01:01 AM
|
#1 (permalink) |
|
مسافرجديد
تاريخ التسجيل: Mar 2008
رقم العضوية :175489
المشاركات: 50
|
متوهقه انا ولسفره محتاجه مسااااعده سفري قريب
السلام عليكم ورحمة الله وبركاته
اول شي حبيت اشكر كل واحد فيكم من اول لاخركم ...... لانه استفدت منكم وااااايد  الحين تعالوا ساااااعدوني<<<<<  الموضوع بيكون نقاط وانتوا جاوبوا عليها  النقطة الاولى الطيران الاتحاد والداخلي خذنا الماليزيه<<<< توووووووووبه من اسيا ايير  مالت عليهم هم وطيرانهم ومطارهم<<< عصبتالوصول بأذن الله الساعه 2 الظهر بتوقيت كوالا ورحلة الماليزيه بتكون الساعه 3 و40 دقيقه.... هل الوقت كافي لين نطلع ونخلص والا نغير الرحله؟؟؟؟ بخصوص الشنط نحن نستلمهم ونرجع ندخلهم والا هم من نفسهم يحولونهم؟؟؟؟؟؟؟؟؟؟؟؟؟؟<<< اهم سؤال لانه اول مره نسوي هالحركه وهذي رابع سفره لنا لملزلز...  عربانة بنتي<<< المرسدس ادخليها مع السنط مره وحده والا اسلمها عند الطياره؟؟؟؟؟ لانه الاتحاد احقر ناس<<<< اخر الموضوع بكتب القصه اول شي لانهم في تسليم الشنط في ماليزيا يتأخرون لين ما يعطونا العربانات<<< انا اقصد هل ارسلها مع الشنط عشان تتحول وما نقعد ننتظرها والا كيف شوفولي صرفه معاها لانه اهم شي..؟!!!!!!!!!! النقطة الثانيه.... كل واحد يسدح كل الاماكن اللي عنده لانه اريد اماكن جديده في بيينج... وكوالا لانه الرحله هذي ما شاء الله كذا عائله وبنلتقي هناك... شدوا الهمه... سالفة الاتحاد... اول ما طلعنا من مطار ابوظبي كنا نحن 3 ... 1ماليزيه 2 اماراتيه 3 اجنبيه اللي واقف عند الباب ونحن قبل لانركب الباص<<< مصري لو اشوف بذبحه الماليزيه بنتها كبيره وانا والاجنبيه بناتنا عمارهم سنه وبنتي ماتمشي قالت لها اريد العربه عند باب الطياره وماشاها ولما جا دوري ماخلاني اطلع الا وهو حاط ورقه على العربه قلتله اريدها عند الباب قالي لاااااااااااااااااااااااااا القوانين تقول ممنوع ومني ومناك مافي فايد ونفس الحركه مع الاجنبه......... واول ما وصلنا مطار كوالا بنتي على يدينا هلكنا معاها والاجنبيه نفس حالتي ويوم جينا عند الشنط اشوف الماليزيه عندها عربة بنتها ورحت اسألها لانهم ما جابو العربات هي كيف حصلتها قالت والله هم جابوها عند الباب وقعدنا ننتظر تقريبا اكثر من نصف ساعه لين ما صلوا العربات وانا خايفه يتأخروووون علينا هالمره لانه يوم رجعنا لقيناهم حاطينها في طياره ثانيه وماره ترانزيت بنجلادش ما ادري وين وبعدين ابوظبي وخسناااااااااااااااااا فالمطار ونحن نتريا... وكله الا عربة بنتي غااااااااااااااااااااااااااااااااااااااااااااااااا اليه |
|
|
|
22-11-2008, 11:56 AM
|
#3 (permalink) |
|
مسافر متميز
تاريخ التسجيل: Aug 2008
رقم العضوية :212228
المشاركات: 291
|
حياك الله وان شاءالله سفرة سعيدة باذن الله راح اجاوب على اسئلتك
الوصول بأذن الله الساعه 2 الظهر بتوقيت كوالا ورحلة الماليزيه بتكون الساعه 3 و40 دقيقه.... هل الوقت كافي لين نطلع ونخلص والا نغير الرحله؟؟؟؟ الوقت كافي جدا ويزيد بعد للتجول في السوق الصغير والجميل في قسم B للعطورات في صالة الطيران الداخلي فلاتقلقي اول ماتنزلونم من الطيارة تتجهون بالقطار الى صالة الرحلات الداخلية . بخصوص الشنط نحن نستلمهم ونرجع ندخلهم والا هم من نفسهم يحولونهم؟؟؟؟؟؟؟؟؟؟؟؟؟؟<<< اهم سؤال لانه اول مره نسوي هالحركه وهذي رابع سفره لنا لملزلز... الشنط راح تلاقونها باذن الله في اخر محطة للوصول الذي ماذكرتيها هي لنكاوي او بيننج او غيرها المهم لن تحتاجو لتغيير الطيارةطالما مقدم الخدمة واحد وهو الطيران الماليزي عربانة بنتي<<< المرسدس ادخليها مع السنط مره وحده والا اسلمها عند الطياره؟؟؟؟؟ لانه الاتحاد احقر ناس<<<< اخر الموضوع بكتب القصه اول شي لانهم في تسليم الشنط في ماليزيا يتأخرون لين ما يعطونا العربانات<<< انا اقصد هل ارسلها مع الشنط عشان تتحول وما نقعد ننتظرها والا كيف شوفولي صرفه معاها لانه اهم شي..؟!!!!!!!!!! من الأفظل تكون مع العفض فلاوجود لها في الطائرة النقطة الثانيه.... كل واحد يسدح كل الاماكن اللي عنده لانه اريد اماكن جديده في بيينج... وكوالا لانه الرحله هذي ما شاء الله كذا عائله وبنلتقي هناك... شدوا الهمه يوجد ارشيف لجزيرة بيينج ارجو الاطلاع عليه والاستفادة منه على هذا الرابط إرشيف بينانج اتمنالكم سفر سعيد وعودا حميدا باذن الله |
|
|
|
|
22-11-2008, 12:06 PM
|
#4 (permalink) |
|
مسافر متميز
تاريخ التسجيل: Jun 2004
رقم العضوية :8599
المشاركات: 154
|
وعليكم السلام
اولا الطيران الماليزي لو تاخرونه شوي لانه ما تعرفون شو يصير يمكن تتاخر طيارة الاتحاد او تتاخرون باسلام الشنط لانه الشنط لازم تستلمونهن وتروحون للطيران الداخلي طابق ثاني فنفس المطار وعربانه البنت شليها معاج ولي يكلمج طلعيها من عينه هو ماب شالنها على راسه السنه كنت مسافر ولدي عمرة سنتين ونص وشليناها معنا وهو راكب فيها ولا حد قال شى واهم شى تعالي من وقت للبوردن عشان النفس تكون طيبه |
|
|
|
|
22-11-2008, 12:30 PM
|
#5 (permalink) |
|
مسافرجديد
تاريخ التسجيل: Mar 2008
رقم العضوية :175489
المشاركات: 50
|
ماهقييت تسلم ع الرد ... انته تقول ((الشنط راح تلاقونها باذن الله في اخر محطة للوصول الذي ماذكرتيها هي لنكاوي او بيننج او غيرها
المهم لن تحتاجو لتغيير الطيارةطالما مقدم الخدمة واحد وهو الطيران الماليزي)) نحن بنوصل ع طيران الاتحاد ... وبعدها بنحول ع الماليزيه يعني مايحتاج ناخذ الشنط بتتحول ع الماليزيه ...انشالله لأن الوقت هب كافي لأي تأخير . skyline مشكور ع الرد ..(لانه الشنط لازم تستلمونهن وتروحون للطيران الداخلي )) الحين انته تقول كلام والاخ ماهقيت يقول كلام .. ماعرفنا حد يقول الشنط بتتحول وانته تقول الشنط لازم تاخذونهم تروحون الطيران الداخلي .. ماعرفنا ياليت حد يفيدنا ويكون مجرب طيران خارجي اقصد طيران غير الماليزي وبعدها حول للماليزي طيران داخلي .ننتظر ردودكم ... |
|
|
|
|
22-11-2008, 05:45 PM
|
#6 (permalink) |
|
مسافرجديد
تاريخ التسجيل: Nov 2008
رقم العضوية :226560
المشاركات: 20
|
هلا فيك أختي ,,
حسب معلوماتي وخبرتي المتواضعة راح أجاوبك : بخصوص الوقت بين وقت وصولك ووقت اقلاعك للرحلة الداخلية أعتقد انه ضيق وراح تعيشون تحت ضغط نفسي ,, نلحق الرحلة والا مانلحق؟ وهاتك يا ركض ,, أقولك لييييش ؟ أولا لانكم اذا وصلتوا مطار كوالا ( ولنفترض انكم وصلتو عالوقت- هذا اذا كانت الاتحاد مو مثل الخطوط السعودية اللي مستحيل احد يتنبأ اش راح يصير بالرحلة.. هي حتطير عالوقت.. هي حتتأخر .. هي بتنلغي الرحلة.. هي بتتحول لوجهة أخرى < هههههه مو لهالدرجة فانكم مضطرين تنتظرون نص ساعة لاستلام الشنط وتروحون للطيران الماليزي, وتشحنونها تاني قبل الإقلاع لوجهتكم المقبلة بنصف ساعة وأكيد تلقون زحمةعندها,, تأخركم , باختصاااااااار ,, ريحيي رأسك واحجزي على الرحلة الي بعدها وتروحون مروقين وترتاحون بالكوفي ويمر الوقت بسرعة ,, ولا تقضونها ركض بالمطار ,, تانيا ,, بخصوص الشنط ماتروح لاخر وجهة بتروحوها لانه طيران الاتحاد شي والماليزية الداخلية شي اخر ,, بعكس لو انتم طالعين عالماليزية بدل الاتحاد ممكن يرسلونها لاخر وجهة لكم لانكم طالعين على نفس الخطوط ,, بخصوص العربة انتو الحريم أبخص اسألي الأخوات المجربات ,, اتمنى انه قدرت أوصل الفكرة ,, لاني قاعد ارد عليكم وفي نفس الوقت أشرب شاي واكل لقيمات واسكت عيال اختي الصغار اللي أكلوا اذني << خخخخخخخخخ شكرا |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:00 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||