المشاركة الأصلية كتبت بواسطة ولـــ زايـــد ـــد

مشكوره على التقرير

المشاركة الأصلية كتبت بواسطة الــسراب

زرت الفندق من يومين اثناء حجزي للفندق المجاور فندق البلاس - المدينة القديمة ..

دخلت فندق الادرس .. الصراحه روعه و شاهق .. الديكورات حديثه و مودرن ..
والفندق مثل ما قلتي جديد توه كمل 3 شهور افتتح في اكتوبر .. بس تعقيب على انه التكاسي ما يدلونه مكانه سهل لانه بقرب دبي مول و عالم البحار و برج دبي بعد ..

المنطقه حلوه و هادئه و استفسرت عن الفندقين القصر و الادريس عن صوت الانشاءات متى يتوقف لانه مزعج في الليل .. الفندقين قالوا انهم يوقفون عالساعه 8 ليلا .. ارتحت شويه لانه هالنقطه جدا مهمه .. كيف تنام و تسمع هالازعاج ما اعرف.!
مشكوره على تقريرج .. انا شفت Executive Suite والصراحه روعه وبلكونته جداا كبيــره .. سعر الليله 2500 درهم واقل عنه جونيور سويت ب 2000 درهم .. يمكن اقل عنه في الحجم ب 10 امتار مأخوذه من الصالة

المشاركة الأصلية كتبت بواسطة hopamp

مرحبا اختي
انا توني ساكن فيه
فعلا كلامك مضبوط
الفندق فخم جدا لكن تحسين الموظفين متوهقين
ودهم يساعدون بس مش عارفين
يعني الشنط ماجاتنا الا بعد ساعه بعد كذا تلفون
واللي يصلح التلفزيون بعدد ساعه ثانيه

بس انا مستغرب انا اخذت جراند رووم
وكان فيه اختلاف عن صورك
اول شي انا ماعندي الستاره اللي تنفتح على الحمام
وكان فيه تلفزيونين بلازما في منتصف الغرفه
اللي شفته عندك واحد بس على الجدار؟؟


غير ان المنظر عندي كان فقط مطل على برج دبي

المشاركة الأصلية كتبت بواسطة حلو ومدلع

الصراحه الفندق روووعه

وانا شخصيا جربته قبل شهر والصراحه من احلى الفنادق الي سكنتها بحياتي

وغرفهم حلوه ايد ونفس الغرفة الي انتي سكنتيها انا سكنتها بس عيبها بلكونات الغرف قريبه من بعض على طول واتكون مكشوفه بس جلستها حلوة واحلى شي السرير لا يعلى عليه اول ما قعدت عليه نمت لووووووووووول

ونفس الملاحظت الي حطيتيها عليه هي نفس ملاحظاتي على الفندق

وهي قلة التكاسي في الفندق والازعاج مع ان هشي ماحسيت فيه للامانه ولاكن قلة خبرة الموظفين هاي انا معج لان اول ماسوينا الشيك ان عطونا غرفه غير الي طابينها كنا طالبين سريرين مفصوله وعطونا سرير مزدوج ولمى طلبنا منهم التغير اخرونه لان مافي غرف فاضية مع ان احنا وصلنا في وقت الشيكك ان الطبيعي وكنا قايلين لهم في الحجز عن نقطة السراير وطبعا احنا اول ماخذنا الغرفة الثانية على طول طلعنا انخلص مشاويرن واول مارجعنا انصدكنه ان لحين الشنطة ماوصلت يعني لحين مايابوها الغرفه من الشيك ان يعني بعد مامر علينا اكثر من 4 او 5 ساعات ولاكن بعد مانزلت لهم اتظح ان صار خطاء ورحعولنا الشنطة ثاني مره وتكرر هلموضوع في الشيك اوت لان حطينا الشنطة في الكونسيرج ولمى طلعنا من الفندق بنروح المطار بعد ماحصلوها ين ما دخلت انا المخزن وطلعتها وعلى فكره هلموقف تكرر معي في اكثر من فندق وفي اكثر من دولها > > > > شكلها منحوسه الشنطه لوووووووول
ولاكن للامانه هم كانو طيبين معنا ويتمنون لنا الرضى علشان نرضى ولاكن هم فعلا قليلي خبرة بس اكيد اشوي اشوي بيتعلمون

وفي شغلة بسيطه ابي اذكرها انتي ماذكرتيها في تقريرج وهو التنوية ان الفندق على العلو الشاهق له وطوله ولاكن هو فقط 12 طابق وهي اول 12 طابق فقط اما الباقي فهي شقق وعلى ما اعتقد شكلها شقق تمليك وطبعا لازم اتاكدون وانا اتاكد من هلموعلومة بع ماصار في خطاء بلغرفة وقالولي ان مافي غرف فستغربت لان الفندق ضخم وكبير فشلون مافي غرف وبحكم الوقت الي انا يت فيه هو وقت عادي يعني مش موسم او ويك اند ولاكن اتضح لي ان الفندق بس 12 غرفة يعني لا تغترون بلبرج العالي
وبعدلاني كنت ابي غرفه عالية وقالولي ان بس الفندق 12 طابق والباقي شقق ولهم باب من جه ثانيه واصنصير خاص

وتسلم ايد على التقرير الحلو

وبنهاية ادعو ان الكل يزور الفندق لان الصراحه اللوبي والحديقه وجلسات اللوبي الخارجية صراجه منظرها روعه واطلالتها حلوه وايد

تحياتي