 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: تقرير قطعة سكر |
 |
|
|
أدوات الموضوع | انواع عرض الموضوع |
|
|
13-03-2009, 04:13 AM
|
#3 (permalink) |
|
مسافر متميز
تاريخ التسجيل: Aug 2007
رقم العضوية :153339
المشاركات: 179
|
|
|
|
|
14-11-2008, 07:12 PM
|
#7 (permalink) |
|
عضو ينتظر التاكيد من الايميل
تاريخ التسجيل: Jul 2004
رقم العضوية :11167
المشاركات: 2
|
مجموعة اسئلة
الاخت العزيزة قطعة سكر جزيل الشكر والإمتنان على هذا التقرير الرائع والجميل والمشوق ولكن اسمحي لي بأن ازعجك بهذه الاسئله :
 1- انا حاجز في الراشا في الشهر القادم ان شاء الله وحاجز (Grand Suit) فهل تستطيع زوجتي ان تأخذ راحتها اثناء استعمال حمام السباحة الخاص بالفله خاصة انها متحجبه ؟ 2- هل جميع فلل (Grand Suit) جميعها لاتطل على البحر مباشرة ام ان هناك فلل طلتها تختلف عن الاخرى ؟  3- هل تنصحيني بأن اغير الحجز الى (Junior Suit )? 4- زوجتي تسلم عليك وتسألك " هل توجد حشرات كثيرة هناك مثل العناكب ؟  5- هل توجد رحلات نستطيع حجزها من الراشا مباشرة ام يجب ان نذهب إلى بوكت ؟ مع تمنياتنا لك بالتوفيق في جميع رحلاتك حتى تتحفينا بهذه التقارير والصور الرائعة  |
|
|
|
|
15-11-2008, 07:08 PM
|
#8 (permalink) | |
|
مسافر متميز
تاريخ التسجيل: Jun 2005
الدولة: ksa
رقم العضوية :24464
المشاركات: 277
|
اقتباس:
هلا والله .. اكيد ما فيه ازعاج .. ج1- كل الفلل توفر الخصوصية التامة .. وهذا ما شجعني اني اختار الفندق لأني متحجبة بعد .. ج2- الفلل اكيد تختلف طلاتها عشان كذا انصحك ترسل لهم ايميل منفصل تأكد فيه موضوع البحر والطلة .. ج3- والله junior suit عندي أجدد وأنصحك بسويت رقم 303 في الوسط ويطل على مسبح الفندق والبحر .. وبعيد في نفس الوقت عن الإزعاج .. ج4-لا ما فيه عناكب فيه أشياء ثانية .. بس ما تسوي شي .. ج5- لا لازم من بوكيت .. ممكن على طول من المطار اليها بس لازم تكون رحلتك في النهار .. حياك الله .. مرة ثانية .. وسلم لي على المدام .. |
|
|
|
|
|
15-11-2008, 09:50 PM
|
#9 (permalink) |
|
مسافر متميز
تاريخ التسجيل: Jun 2005
الدولة: ksa
رقم العضوية :24464
المشاركات: 277
|
ياربي .. فوق 200 قراءة و ما علقوا .. ليه .. لهدرجة التقرير عادي .. والله اني مجتهدة .. يالله ما علينا .. أقدم لكم .. الجزء الثاني .. بعد الRacha ..  توجهنا الى فندق الموفينبك Mِvenpick Resort & Spa Karon Beach Phuket, Thailand الفندق جيد وبس .. يعني حلو للنوم .. وطوال النهار طلعات .. لانه بصراحة قديم جدا .. صحيح الكتاثاني قديم بس معتنى فيه .. هذا الفندق كبير وعلى جهتين .. جهة على الشاطئ ويفصل بينهم شارع وجهة على شارع عام وعليه المدخل الرئيسي للفندق .. كبير وزحمة .. تخيلوا اللوبي .. أثاثه متهالك والخشب بحاجة لطلاء جديد .. و ممرات الغرف ما فيها لا طعم ولا لون .. استقبالهم كان حلو .. نعم .. بس أنا ما حبيته .. حتى في الغرفة حاطين ملاحظة .. اذا تشوف شي في الغرفة بحاجة لصيانه وودك انهم يصلحونه .. تترك لهم note .. المهم .. هو مثالي لو احد يبي يقضي أغلب الوقت خارج الفندق .. لا أحلى مقطع .. أخذنا ocan view .. وطلعت الغرفة بينها وبين المحيط الفندق كله .. مو بس شارع ..ويالله يالله تطلع نقطة زرقاء .. يمكن تكون بحر ويمكن لا .. انا ندمت اني ما أخذت الفيلا الي فيها مسبح صغير .. خاصة ان الفرق ما كان كبير جدا .. قلت يمكن تطلع أحلى وأنظف .. سعر الغرفة ocan view =510 و سعر الفيلا بالمسبح الصغير = 850 عن طريق موقع آسيا ترفل asiatavel هذا السرير  عجبتني هاللمسة ..  في اليوم التالي .. رحلة إلى جزيرة جيمس بوند والكهوف رحلة أقدر أقول إنها موفقه .. اخذنا الرحلة من أحد الأكشاك المنتشرة في الباتونق بيتش .. وهذه صور إعلان الرحلة .. وعليه السعر 2800 بات ..   الانطلاق الساعة الثامنة من الفندق .. الوصول إلى نقطة التجمع ومكان انطلاق السفن .. الرحلة تشمل المشروبات و وجبة الغداء .. كانت المشروبات الساخنة والباردة طوال الرحلة .. والغداء جيد .. بصراحة ما توقعت انه يكون لذيذ .. الرحلة ثلاثة أجزاء .. - شاطئ جزيرة ما أدري وش اسمها بس فاشل بامتياز .. زحمة جدا .. أتحدى تلقى مكان تسبح فيه .. لا وما فيه حمامات .. وفيه واحد حاط له غرفه ويقول حمام وبفلوس بعد ..   - جزيرة جيمس بوند .. حلوة وفيها بيع وشراء تذكارات و أغلب البائعات .. مسلمات .. ومرتديات الحجاب .. - بعد تناول وجبة الغداء .. انتقلنا للكهوف .. رائعة .. بصراحة أنا ما توقعت انها بهذا الجمال .. وفيه منطقتين للكهوف .. زرناها .. وكلها متقاربه وحلوة ... اليومين التاليين .. تمشي في الأسواق والشواطئ .. والمطاعم .. هذا السوق عجبني في الباتونق بيتش ..  ملاحظاتي العامة على بوكيت : - التاكسي أفضل من التوك توك والسعر نفسه . - فندق الهوليدي إن وفندق جريس لاند .. أفضل الفنادق في الباتونق من حيث الموقع والأسعار مع اني أفضل السكن بعيدا في فندق .. جديد وراقي .. والباتونق لاحقين عليه بالتاكسي .. - السائح محترم .. و أهل البلد يبادرونك بالابتسامة .. - الشواطئ تختلف عن بعضها اختلاف كبير .. بعضها نظيف و ممتاز للسباحة وبعضها غير صالح للسباحة ولا حتى الجلوس بقربها ... - المطاعم العربية .. فاشلة بقوة .. من جميع النواحي .. يكفي شكلها من برى .. يع .. الله يكرم النعمة  - بلد أمان .. وأهل البلد أمينين بس الانتباه من الجنسيات الأخرى كالهنود والصينيين .. نجي لختام الرحلة في بوكيت .. منتجع البنيان تري Banyan Tree يعتبر من أفخم فنادق الجزيرة .. بس بعيد عن كل شي .. وقريب من المطار حوالي 15-20 دقيقة .. اللوبي مفتوح .. و جميل .. خصوصا في المساء .. كله شموع وورود .. الحجزعن طريق الموقع .. Banyan Tree Phuket - Luxury Spa Resort in Phuket فندق يصلح للعرسان .. ولمحبي الهدوء .. والاستقرار في الفنادق .. مدخل الفندق .. يحتوي على البنيان تري .. وهي الشجرة أو مجموعة الأشجار الي تسمى باسمها الفندق ..  الفندق كبير جدا .. وكله فلل .. وكل فله .. ديرة لحالها .. مطاعم الفندق .. ممتازة .. وجلساتها مميزة .. بس أحيانا يعيبها الحر لأن أغلبها مفتوح .. الفندق يحتوي على ملاعب غولف .. وبحيرات ومسطحات خضراء على مد النظر .. الشاطئ خارج حدود الفندق .. وفيه نشاطات كثير .. السبا.. من اروع و أفضل السبا الي جربته في تايلاند كلها .. دلع بكل معنى الكلمة .. و جودة بعد .. وهذا نادر الحدوث .. يعني ممكن تلقى دلع بس ما عندهم سالفة في شغلهم .. وممكن تلقى جودة بس مافيه اهتمام خاص .. يعطونك فيلا صغيرة .. وفواكه وورد ومشروب الزنجبيل وعطور .. ويعطونك عدة حمام .. لو حبيت تاخذ شور قبل .. يعني باختصار يدخلونك جو قبل .. صالة السبا الرئيسية ..  بيني بينكم .. بأقولكم سر .. صحيح ان الفندق فخم .. بس أحسه كئيب .. مدري ليش .. خصوصا في الليل .. أثناء الطريق للفيلا ..  أخذنا double pool villa بحدود 4200 ريال .. غالية علينا .. بس صار لنا مدة ما جلسنا جلسات خاصة .. الفيلا .. خيال .. مرتية .. و فيها كل وسائل الراحة .. وفيه دراجة هوائية (سيكل) .. لكل واحد منا .ركبناها أنا وزوجي .. بس بالنسبة لي .. أنا الي شلتها مو العكس ..  المدخل من الداخل .. كبير وفخم ..  مسبح كبير وبدخله جاكوزي ..  والي ما يعلق عليه .. يا ويله .. حمام بخار .. الحمام نفسه منفصل عن الشاور .. بانيو رخام أسود .. يطل على الحديقة .. عدة كاملة للحمام في علب أنيقة .. أخذتها معي .. وعدة بعد لحمام البخار .. من أملاح وكريمات .. نوعين من الأرواب .. طقم مع العلب حقت الحمام .. وأرواب حريرية في غرفة النوم ..     دفيدي أنيق .. والإضاءة في الممرات تفتح بمجرد السير عليها (تكنولوجيا) ..  غرفة النوم محاطة بحوض سباحة ثاني حوالي نصف متر مع نافورة صغيرة في الوسط والأطراف وكرسيين وسط الماء .. وسقف قماشي مهيب .. يعني نايمين وسط الماء ..       غرفة جلوس ومكتب .. وميني بار يتعبى وقت ما تحب مجاني .. واير لس wirless .. يوفرون لك لاب توب لو احتجت .. منظر روعة للمكتب ..    حمامان .. وهذا الحمام الثاني ..  حديقة جمبلة مع جلسة حلوة تطل على بحيرة صغيرة .. اول ما دخلنا وجدنا هدية من الفندق .. عبارة عن برواز جميل بدخله فيل صغير .. بصراحة كأنهم يقرون أفكاري .. كنت ناوية أشتري شي من هذا القبيل ..  الثرية حلوة ..  الفيلا لها خادم خاص .. وجوال خاص .. اذا بغينا أي شي .. خارج الفيلا .. أو حبينا ننتقل بسيارة الغولف الى اللوبي أو المطاعم .. قدم لنا الخادم الخاص باقة ورد مزخرفة بالنقوش التايلاندية والشموع .. وقال تمنوا أمنية .. وبعدين رمى الباقة في البحيرة .. وقال هذا تقليد تايلاندي .. ( الصراحة مدري عنه ) .. انا تمنيت اني ارجع لهذا البلد الجميل .. (متواضعة ) ايه .. وفيه مطبخ خارجي فيه كل عدة المطبخ .. وثلاجة .. وقال الخادم .. لو حبيتوا اطبخ لكم شي .. عطوني خبر.. بس للأسف ما فيه وقت .. ولا كان ما يطلع من المطبخ .. في الليل.. الحديقة منورة بالشموع .. شكلها خيالي .. خراااااااااااافي .. بس للأسف الصور مو واضحة .. وفي الداخل  طبعا ما طلعنا ولا شبر بعد جولتنا الاستكشافيه السريعة على الفندق اول ما دخلنا ..بس طلعنا للعشاء.. نبي نحلل الفيلا .. حتى انا قررنا السهر لوقت متأخر .. وعند عودتنا وجدنا هدية اخرى على السرير كانت .. بجامة حريرية .. طقم مع الأرواب الموجودة في الغرفة .. ورسالة من ادرة الفندق تشكرنا على اختيارهم ..  بجانب السرير .. لقيت هذي .. مدري وش قصتها .. يمكن علامة عدم الإزعاج مثل racha يمكن ؟؟ بس حبيتها وأخذتها معي ..  وبجانب السرير أيضا .. يوجد انواع من الأعواد الفواحة .. بس اختار الي يعجبك .. فانيلا – صندل – روز- ليمون وغيرها .. كل هذا لأجل متعتنا .. لكن ......... تجري الرياح بما لا تشتهي السفن .. وش حصل ؟؟ في الليل .. وحدود الساعة 1 .. كل شي هادئ بشكل مخيف .. الحديقة بأشجارها الكبيرة والبحيرة .. كأنها أدغال مالها نهاية .. والسماء .. تمطر بقسوة لا متناهية .. مع برق ورعد .. يضئ الدنيا لحظات .. بشكل مريع .. وتحولت الثرية الفخمة والتماثيل الجميلة الى بشاعة .. والله العظيم من جد .. ما امزح ولا ابالغ .. تخيلوا السقف القماشي ينور فجأة .. مع صوت الرعد .. ما في أمل في شي اسمه نوم .. من كثر الزين .. تحول الى شين .. والشي اذا زاد عن حده انقلب ضده .. هذا رأيي الشخصي .. وتعرفون لولا اختلاف الأذواق لبارت السلع .. يمكن لو لنخمدت بدري ما صار الي صار .. يمكن .. بس تظل الكآبة موجودة سبحان الله .. في الصباح .. كان الفطور بانتظارنا في الغرفة .. اشكال وألوان .. و بعدها خرجنا لشاطئ حتى الظهر .. ثم اتجهنا للفيلا .. نودعها .. ونتجه للمطار .. استعدادا لبانكوك .. في المطار .. قررنا بدل حوسة التكاسي (ويا زينها من الي شفناه عقب) نأخذ باص عن طريق خطوط أسيا اير والله لا يعيده من باص .. تخيلوا شنط و خريطة وما فيه وقت .. انت تحدد المنطقة .. وتشوف الباص الي يوصل لها .. لحد الآن اوكي .. بس اذا ما تدري وين الله حاطك فيه .. بتضيع وقت وجهد .. وانت معك شنط وتوك جاي من سفر .. مالك خلق أبد .. تحوس وتسأل .. وتركب عفشك بنفسك .. واذا ضيعت الباص او ما أمداك الوقت .. مالك الا تنطق نص ساعة على بال الباص الي بعده .. لا والأدهى والأمر تخيلوا باص وسط بانكوك المزدحمة .. والله راح اليوم الأول واحنا منطقين في هالباص .. لا ويوصل غيرك على طريقه .. مو باص .. (احنا الغلطانين أدري .. بس آخر مرة نتفلسف ) وطبعا الباص ما راح يحطك عند الباب بيتركك على الشارع العام .. تخيلوا احنا وشنطنا وما ندري وين نتجه .. نشوف الفندق وما نقدر نوصل له .. وأنواع الروائح والزحمة .. آه وين شاطئ بوكيت .. الهواء والبحر والطبيعة .. آخر محطة .. فندق بلازا أثيني .. أو الميرديان بانكوك ..  هذا الفندق لم يكن من ضمن خياراتنا أبدا .. لكن حدنا عليه موقع swadee انا كان ودي بالأنتر .. موقع رهيب .. وفخم .. من جد الي يبي يسكن في بانكوك لا يفوته الأنتر .. واذا يبي أرخص بجانبه الهوليدي إن .. ملاصق له .. بس انتبهوا فيه أكثر من هوليدي إن .. المهم نرجع لموضوع الحجز .. انا اخترت الانتر عن طريق موقع swadee على أساس السعر .. وكان أرخص شي .. 750 ريال .. وكان اول ايميل وصاني يقول اوكي .. وفجأة بقدرة قادر تحول في الإيميل الثاني الى فندق بلازا أثني .. وأرسلوا في الإيميل الثالث الفوتشر .. دقيت عليهم .. وقلت لهم انا ابي الأنتر .. وش فيكم تستهبلون من جاب طاري بلازا أثني .. قالوا حنا اقتراحنا عليك في الإيميل الثاني بلازا أثني كبديل للأنتر وانت وافقت .. فهموني يا ناس .. وين الاقتراح .. فجأة تغيرت الأسماء بعدين أرسلوا الفوتشر .. الله من النصب .. زبدة الكلام .. اضطريت اني اسكن فيه لأني ماقدرت ألغي العملية لأنهم مشترطين 45 يوم قبل عملية الإلغاء .. وانا ما بقى شي على رحلتي .. مع ان الفندق ما كان سئ أبدا بالعكس بس كان خاطري بشي ثاني .. ميزت الفندق انه بجانب محطة sky train .. مريح في التنقل .. ومحطتين .. وانت في نانا .. موقع swadee سئ في الحجز من كثر ما يرسلك ايميلات ما تدري أي واحد منهم الفوتشر .. ويمكن تختار فندق يقول اوكي بعدين يجبرك تاخذ فندق ثاني .. خصوصا اذا ما عندك وقت كافي تلغي العميلة ويرجعون لك فلوسك .. اما موقع آسيا ترفل ممتاز ايميلين وموضوعك خالص .. وفيه موقع booking خطوة وحدة وحجزك أوكي لأن ميزته .. الحجز فيه مباشر ما يعطيك إلا المتوفر بس مشكلته خياراته قليله .. Booking.com online hotel reservations اللوبي ..     في الغرفة .. كانوا بانتظارنا بالورد والفواكه .. الكيك ..     في اليوميين التاليين .. تسوق .. أحسن البضائع .. هي المشغولات اليدوية والخشبية والتحف .. غير كذا مو ذاك الزود .. والأسعار تقريبا مثلنا ما فيه فرق كبير .. أحسن المولات .. ام بي كي وطوكيو .. والمحيط به من محلات تسمى سيام سكوير .. من ضمنها محل تايلندي عجبتني بضاعته بس مشكلته المقاسات .. مرة صغيره .. هذا وأنا والله نحيفة ويالله يالله لقيت شي يصلح لي .. طبعا هالمشكلة تصادفني في أي شي تايلاندي .. مقاساتهم جدا صغيرة علينا .. ممكن تساعدكم هالصورة ..  ولملابس الأطفال .. مركز باتونام .. مرة رخيص .. ولقيت بضاعة موجودة عندنا وأسعارها مضاعفة .. في ختام الرحلة وعند توجهنا للمطار .. بالطبع .. أخذنا تاكسي (ما يبيلها كلام لا وهو الي يركب العفش ) .. وفي ختام التقرير .. أي أحد عنده سؤال لا يرده شي .. أنا برسم الخدمة ..  وإن شاء الله أكون وفقت أني أنقلكم صورة بسيطة عن رحلتنا .. <> <> |
|
|
|
|
16-11-2008, 03:47 AM
|
#11 (permalink) | |
|
مسافر متميز
تاريخ التسجيل: Jun 2005
الدولة: ksa
رقم العضوية :24464
المشاركات: 277
|
اقتباس:
|
|
|
|
|
|
16-11-2008, 07:17 AM
|
#15 (permalink) |
|
مسافرجديد
تاريخ التسجيل: Oct 2008
الدولة: الجبيل الصناعية
رقم العضوية :223208
المشاركات: 20
|
يعطيك ألفــ عافية على الصور الرائعة جداً جداً جداً والتعليقات الأروع ....  عز الله ببطي عظم لين اسكن بالمنتجع ابو $$$$ تصدقين اكثر من مره ارجع ابي اتأكد انتي كاتبه بات ولا ريال مع اني كنت متأكد انه مكتوب ريال  ...بس من جد يستاهل وهذي السفرة مو 20 نجمة الظاهر 4200 نجمة |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 01:43 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||