 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E مخصصة للتقارير المصورة لأعضاء المنتدى عن دولة الإمارات |
 |
|
|
أدوات الموضوع | انواع عرض الموضوع |
10-11-2008, 06:43 PM
|
#18 (permalink) |
|
مسافر خبير
تاريخ التسجيل: Feb 2005
الدولة: دار زايد
رقم العضوية :17970
المشاركات: 2,345
|
اخوي The Watcher خبير الامارات .. اظن دبي ما حد فينا يعرفها كثرك  تقريرك رائع و بتضم فيه تقارير كل الفنادق و الشقق الفندقيه اللي سكنتهم ماشاء الله عليك طبعا اسمحلي على الانقطاع عن المنتدى في الفتره الاخيره .. بس الحين خلاص متابع وياك .. |
|
|
|
10-11-2008, 10:15 PM
|
#19 (permalink) | |
|
خبير الامارات
 
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
اقتباس:
حيالله الغايبين وما اعتقد اني أكثر واحد يعرف دبي أنا بس مشكلتي اني من كثر ما أروح دبي صرت اتردد على اماكن معينة فصعب اني كل مرة اسوي تقرير مختلف الشي الثاني اني ما اصور كل الأماكن اللي اروحلها احياناً أنسى .. وأحيانا احس المكان مش مستاهل .. وأحيانا يكون التصوير صعب نورت التقرير |
|
|
|
|
|
10-11-2008, 10:50 PM
|
#20 (permalink) |
|
خبير الامارات
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
مقهى السمر
فندق ميناء السلام في الصيف الماضي اتفقت أنا والأخ fahad31 اننا نلتقي في دبي واتفقنا على الموعد والمكان وتشرفت باللقاء معاه في فندق ميناء السلام كانت أول مرة لي أقعد في هذا المقهى ومن يومها وأنا كل ما أسافر دبي أروح أقعد هناك  (أشكرك أخوي فهد لأنك عرفتني على هالمكان) وفي هذي الرحلة رحت هناك أنا وأحد أصدقائي  بما ان الجو كان روعة .. فقعدنا في البلكونة الخارجية للمقهى  هذي المنظر اللي تطل عليه البلكونة .. القناة المائية والبحر  منظر للقناة المائية .. وتظهر فيها بعض السفن الصغيرة اللي ممكن تاخذكم في لفة صغيرة (بس أعتقد انها لسكان الفندق فقط)  فندق ميناء السلام كما يبدو من المقهى  صاحبي طلب كابتشينو (شعار فنادق الجميرا على الكابتشينو)  أنا طليت كولادا بنش (عجييييييييييييب ) استمتعنا بمنظر الغروب  الحساب طلع 60 درهم (أعتقد رخيص مقارنة مع هالمناظر)  وانتوا طالعين .. لا تنسون تختمون على بطاقة المواقف (البطاقة اللي يعطونكم اياها لما تسلمون سياراتكم عند المدخل) ولا ترى بيحسبون عليكم 50 درهم مقابل ايقاف السيارة  بصراحة أنصح أي واحد يروح دبي انه يمر على هالمقهى وخصوصاً إذا الجو حلو  ولا تفوتكم القهوة العربية  بتحصلون واحد سوري يصب قهوة ويوزعها على ضيوف الفندق .. طبعاً القهوة مجانية بس للأسف لما انا رحت هالمرة ماكان موجود  تحذير هذا المقهى يقدم بعض المشروبات والعصائر التي تحتوي على الكحول .. لذا يرجى التأكد من أي طلبكم |
|
|
|
|
11-11-2008, 01:52 PM
|
#23 (permalink) | ||
|
خبير الامارات
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
اقتباس:
بس ترى مش وايد .. لأني هالسفرة ماصورت وايد وانت الأروع دائماً اقتباس:
هو اللي أعرفه ان في شيشة في الفندق بس مش في هالمقهى |
||
|
|
|
|
11-11-2008, 07:46 PM
|
#24 (permalink) |
|
خبير الامارات
تاريخ التسجيل: May 2005
رقم العضوية :22445
المشاركات: 2,363
|
جوله حلوه .. ذكرتني بميناء السلام .. وشرفني مقابلتك يومها .
الجلسه ( في مقهى لابي ميناء السلام ترد الروح للواحد ) .. وهذي الجلسه لابد منها في كل زياره لدبي سواء كانت الجلسه داخليه في نفس المكان اللي جلسنا فيه بالصيف او الجلسات الخارجيه اذا الجو معتدل . وهذي الجلسه في اللابي في مدخل ميناء السلام يا مزون وبدون شيشه طبعا . واحتمال اكون بدبي بالعيد إن شاء الله لنا لقاء ثاني . تحياتي لك ... |
|
|
|
|
12-11-2008, 08:50 AM
|
#25 (permalink) | |
|
خبير الامارات
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
اقتباس:
أنا للحين ماقررت وين بروح في العيد بس غالباً دبي أو البحرين بس إن شاء الله اذا تحدد بنتفق .. ونتشرف بلقائك |
|
|
|
|
|
12-11-2008, 11:42 AM
|
#26 (permalink) |
|
خبير الامارات
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
فندق أتلانتيس
قمت بزيارة سريعة لفندق أتلانتيس وفندق أتلانتيس من الفنادق الجديدة في دبي ويعتبر حالياً أحد معالم دبي وهو مملوك لحكومة دبي وموجود في جزيرة نخلة جميرا ويتميز الفندق بمبناه الضخم والمميز وهو أول فندق ملحق به مدينة ترفيهية في الشرق الأوسط فيوجد به اكوافنشر وهي أكبر ملاهي مائية في الإمارات (وربما في الخليج) ويوجد به أيضاُ لوست شامبر .. وهو حوض كبير للأسماك والكائنات البحرية وتستطيع زيارة الفندق حتى لو لم تكن تسكن فيه ولكن عليك أن توقف السيارة في مواقف مخصصة للزوار وهي بعيدة عن الفندق .. ويوجد باص لأخذ الزوار من المواقف إلى الفندق والحديقة المائية والعكس  مبنى الفندق   عند الدخول للفندق  يوجد في الفندق بعض المحلات والمطاعم  اطلالة الفندق (للأسف الكاميرا اللي عند مش ليلية .. ولا ترى المنظر حلو)  تستطيع أن ترى أجزاء من حوض الأسماك ولكنك يفضل أن تذهب إلى لوست شامبر إذا أردت رؤيته كاملاً  صورة مقربة لحوض الاسماك  مجسم غريب في بهو الفندق كزائر للفندق .. تستطيع الذهاب في بعض ممرات الفندق .. وخصوصاً تلك التي يوجد بها محلات ومطاعم ولكن هناك بعض الأماكن المخصصة فقط لساكني الفندق أعتقد ان الفندق يستاهل ان الواحد يسكن فيه لو ليلة واحدة مع ان سعره يعتبر غالي بعض الشئ (أقل غرفة مايقل سعرها عن 2000 درهم) .. بس الحلو انك تقدر تروح لوست شامبر واكوافنشر مجاناً (رسوم الدخول للأكوا فنشر 285 درهم .. ولوست شامبر 100 درهم .. للشخص الواحد) |
|
|
|
|
13-11-2008, 11:48 AM
|
#27 (permalink) |
|
خبير الامارات
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
The Walk @ Jumeirah Beach Residence
الممشى .. أو The Walk موجود ضمن مشروع مساكن شاطئ جميرا Jumeirah Beach Residence JBR هذا المشروع هو عبارة عن مجموعة أبراج فيها شقق سكنية فخمة (إلى حد ما) ومطلة على البحر .. وهالمشروع مملوك لشركة دبي العقارات المملوكة لحكومة دبي .. ويحتوي الممشى على محلات للتسوق بالإضافة إلى المطاعم والمقاهي ذهبت في زيارة للمشى  .. وهذه بعض الصور الممشى كما بدا لي   هناك محلات تكون محاذية للشارع .. وبعضها بين الأبراج .. وهذا المكان يسمى The Plaza وهو بين الابراج وهناك مجموعة من الفنادق المطلة مباشرة على الممشى مثل  فندق شيراتون جميرا  فندق هيلتون الجميرا  فندق ريتز كارلتون دبي (أعتذر عن رداءة التصوير)  ابراج شاطئ الواحة .. وهي شقق فندقية (المفضلة عند اخونا fahad31) وهناك فنادق وشقق أخرى ستفتح قريباً بشكل عام .. أنصح بزيارة الممشى فقط إذا كان الجو رائع ولكن لايزال الممشى في مرسى دبي هو الأفضل |
|
|
|
|
13-11-2008, 04:34 PM
|
#29 (permalink) | |
|
خبير الامارات
تاريخ التسجيل: Jan 2005
الدولة: Q@T@R
رقم العضوية :17304
المشاركات: 6,038
|
اقتباس:
بينما هذا ماتشوفين البحر .. بس تشوفين الفنادق اللي على البحر الشغلة الثانية ان لما تقعدين في اي مكان .. تشوفين السيارات تمشي قدامج بينما في المارينا التصميم وايد احسن .. لأن السيارات ماتمشي مباشرة جنب الممشى يعني من ناحية المناظر .. المارينا احلى بس صح من ناحسة المطاعم والمحلات .. فهذا أكثر |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:12 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||