 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
02-11-2008, 02:01 PM
|
#5 (permalink) |
|
مسافرجديد
تاريخ التسجيل: Nov 2006
رقم العضوية :114552
المشاركات: 28
|
ثااااااااااني رد محجوووووووووووووز
اويلي ياقلبي واصل لالالا يووقف لالايوووقف والله اهم شي مستانسين واصل واصل بس ليت تقوول الصوره الاول وين والثانية وتذكر الاسعار بكم وكل شي واي مدينه بتفصيل ادري بنثقل عليك بس تمحل شوووي اخوووي اودي تي تي |
|
|
|
02-11-2008, 02:01 PM
|
#6 (permalink) |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
راح اكتب لكم تقرير خفيف جداً عن رحلتي الى جاكرتا و اللي كانت من تاريخ 15/10 الى 24/10/2008 طبعاً رحلة نقاهه و شوية نوم  بسم الله الرحمن الرحيم بالأول و الآخر الأرقام بالريال العماني مو السعودي و تطبون علي و تقولون من وين جبت هالاسعار  طبعاً حجزت للسفر الى اندونيسيا من منتصف رمضان و حصلت التذكره على طيران الاتحاد بمبلغ و قدره 217 ريال ( اذا حد يبغي يتبرع ) لأني إذا حجزت قبل السفر بإسبوع كانت بتكون سعر التذكره 455 ريال سياحيه هذا اذا حصلت كرسي او تجيب معاك كرسي في يوم السفر كنت متردد ابغي الغي لكني مواعد شباب من الامارات اصحاب لي و اخوان اعزاء انا نلتقي على نفس الرحله رحت للمطار الساعه 9:30 و طارت الطيارة الساعه 11:55 دقيقه يعني تأخير لا يذكر لغاية ما السواق يسخن الطياره و يحركها مو تعرفون مطار مسقط الوحيد على مستوى العالم ما يحب الخراطيم المهم الخير جاي لكم ركبنا الطياره الساعه 11:20  و جلسنا كافة الركاب و طارت الطياره و يزيد السرعه السواق  الا و 35 دقيقه و احنا على اجواء ابو ظبي و يقول الطيار ما نقدر ننزل كلنا قلنا - ها ليش الا هو يقول ابوظبي كلها ضباب  قلنا ما عليه ننتظر بالطياره و جلس يحوس بالجو فوق مطار ابوظبي تقريباً 20 دقيقه و بعدين قال حصلنا تصريح انا نروح نسهر بمطار العين قلنا ها ما عليه وصلنا بعد 15 دقيقه مطار العين الا على كل ساعه يقول ما حصلت اوامر انزلكم من الطياره  و جلسنا بالطياره و هي واقفه بمطار العين لغاية الساعه 11:30 قبل الظهر طارت من العين و راحت ابوظبي و نزلنا ابوظبي الساعه ما اعرف كم لأن قالوا نشوف لنا موقف وقفونا بعيد و ركبونا باص - |
|
|
|
|
02-11-2008, 02:07 PM
|
#7 (permalink) |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
نزلنا ابوظبي و الكل معصب و القى مطار ابوظبي زحمة كأنك داخل كارفور ايام المعاشات نشوف ناس نايمه هنا و هناك من كل الاجناس في العالم ريحة التاتا و ريحة الكريستيان ديور المهم القى مدير طيران الاتحاد و استلمه و قال لي كلمه وحده كان افش على طول قال اذا قلت لك انا غلطان بتسامحني قلت له نعم قال انا غلطان قلت له سامحتك  لفني  و عطاني وجبتين اكل علشان اسكت المهم الطياره من الاساس كانت المفروض تطير من ابوظبي الساعه 2:15 فجراً و توصل جاكرتا بتوقيت جاكرتا الساعه 1:15 ظهراً كان تطير الساعه 4:30 عصراً و توصل جاكرتا الساعه 3:30 فجراً  يعني يوم كامل ضاع علينا المهم وصلنا مطار جكجك الا و عيال الاندومي ما في محل لحجز الفنادق فاتح كلهم غامقين اقصد مقفلين قلنا خير ان شاء الله نوقف تاكسي رقم خصوصي  و نتفق معاه على ربع مليون روبيه مالتهم وقلت له خذنا على سيبوترا قال تمام رحنا سيبوترا طلعوا الجماعه غلوا نفسهم كثير من 440 الف روبيه الى 1250000 روبيه كان اعصب و اقول لهم هذا اذا كنت اشجع ريال مدريد ضحكوا علي لأنه انا اشجع ريال صنعاء المهم قلنا حق التاكسي ودنا على مريكيور قال تمام  شوي و الا هو معدي مركيور يا رجال وين رحت قال لا مركيور مليان هو اصلاً نسى اللفه  قلنا له زين هذا التوين بلازا وقف عنده لو كان ب 2 مليون روبيه راح ناخذ وقف الى يقول 1250000 روبيه خذينا 3 غرف بتقول زين ليش ماخذينا سيبوترا ترى اذن علينا الفجر و ما قدر نستحمل أكثر قلنا ليلة و تعدي طلعت ليلتين لأن نمنا لغاية بعد الساعه ثنتين الظهر |
|
|
|
|
02-11-2008, 02:11 PM
|
#9 (permalink) |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
بعد ما قمنا من النوم الساعه 2 الظهر تقريباً و تعدلنا و كشخنا قلنا ناخذ تاكسي بلو بيرد و سحبنا على طول شارع صالح ردن او ردن صالح و في هالشارع مطعم الباشا و مطعم اميره طبعاً مطعم اميره خدمات متكامله لتغيير العمله و حجز فنادق لأن مكتب ( كاها KAHA ) فاتحين فرع هناك و ايضاً اذا تبغي سواقين و اذا تبغي تاكل و تشرب شاي و تشوف الناس العرب و الهواشه مالتهم اوقات مو دايماً تجلس هناك طبعاً المطعم مو مرتب مثل مطاعم الجراك و الشيشه  صرفنا العمله مع فرق بسيط من غيره الا انه واصلين و ضربنا لنا مندي و انا اخذت كباب و حجزنا 4 ليالي في شقق ( aston rasuna ) استون راسونا عباره عن 3 غرف نوم وحده بالتواليت بتاعها و غرفتين و مجلس بتواليت واحد المكان نظيف و حلو و فيه ميني ماركت و فيه انترنت بسعر 83 الف روبيه ليوم كامل |
|
|
|
|
02-11-2008, 02:15 PM
|
#10 (permalink) |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
بعد ما كلينا و حجزنا من كاها التقى أمير الجماعه عندنا بأخ سعودي و قام يشرح له عن الجبل و الفلل الراقيه و الموراقيه و عطى اميرنا رقم تلفون سواق اسمه حبيب لقبناه ( حبيب قاتل ) هو زين هذا السواق بس عليه طلعات شوي قام الامير و اتصل بحبيب قاتل و اتفق معاه على ان يمر حبيب اليوم الثاني من الصباح الساعه 10 و نطلع معاه للجبل و الرحله من جكجك الى الجبل بدون زحمه من 45 دقيقه الى الساعه مع الزحمه توصل ساعتين و هذا الوقت اللي اخذناه نرجع لموقع مطعم اميره طلعنا من المطعم و قلنا لصاحب التاكسي و اسمه زين الدين ( بوقور ) طبعاً بوقور هذا اللقب ماله لأن طول الفتره و هو يقول بقور بقور ذبحنا قلنا له خذنا على سوق الأتريوم هذا مجمع تجاري حلو و تحصل العرب الخليجين منسدحين لفين بالأتريوم و نلقى شباب كانوا متبهدلين معانا بالرحله تطمنا عليهم عسى بس كل شي مضبوط قالوا مضبوط و بعدها خذنا عشانا روبيان و قباقب و هالاشكال يعني و رجعنا الفندق علشان نخلص عليهم و نتجهز للطلوع للجبل ثاني يوم |
|
|
|
|
02-11-2008, 02:29 PM
|
#11 (permalink) |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
كنا متفقين مع السائق ( حبيب قاتل ) على أن يكون موجود بالفندق الساعه 10 صباحاً الا ان الرجال واصل من الساعه 6 صباحاً قمنا من النوم الساعه 9 صباحاً و تجهزنا و تريقنا و نزلنا الاغراض و سوينا شيك اوت من الفندق وحملنا الاغراض بسيارة ( حبيب قاتل ) و تحركنا تقريباً الساعه 12 منتصف النهار من الفندق و طريقنا الى جبل بونشاك الرائعوصلنا الجبل حوالي الساعه 2:30 ظهراً على طول الاخ السائق كان حاجز لنا فيلا بها 4 غرف و 4 دورات مياه و صاله و بلكونه روعه و حديقه اماميه و حديقه من الظهر و حمام سباحه فاضي ما فيه ماي بقيمة نهاريه 700 الف روبيه كانت غاليه بس كان الويك اند خذيناها يومين بليلتين حلوه هذي سكنا و عينا خير و قلنا للحارس نبغي شغاله جاب لنا شغاله و النعم فيها شفتوا صورة المندي هذا شغل ايدها و عمرها ما طلعت من اندونيسيا قلت لها اذا تشتغلين بعمان انا جاهز قالت لا احسن اشتغل هنا اتفق الامير معاها على 100 الف باليوم و السائق 350 الف باليوم طبعاً جلسنا بس في الفيلا بالجبل و ريحنا ترانا كلنا شيّاب يعني مو مال براشوت و هالسوالف بس لفينا على بياعين الخشب و ما حصلنا منهم لا ابيض و لا اسود و رحنا بقور في مجمع تجاري زوين هناك ناسي اسمه و شفناهم يسوون برنامج تلفزيوني يعلمون العيال كيف يستفيدون من الجرايد و يسونها اكياس للأغراض قمنا و شاركنا وياهم انا و الامير |
|
|
|
|
02-11-2008, 02:30 PM
|
#12 (permalink) |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
بعد يومين توجهنا الى جاكرتا لأربع ليالي في شقق استون راسونا كما ذكرت كانت ايامنا بالمجمعات التجاريه و لف و دواره و صرف فلوس و مطاعم عربيه و اكل و لهط يعني اجازه و بس و عدنا الى ديارنا يوم الجمعه بتاريخ 24/10/2008 محملين بالهدايا الخاصه و بس  هذا و سلامتكم |
|
|
|
|
02-11-2008, 02:34 PM
|
#14 (permalink) | |
|
مسافر متالق
تاريخ التسجيل: May 2005
الدولة: سلطنة عمان - مسقط
رقم العضوية :22824
المشاركات: 739
|
اقتباس:
شوف و استمتع بس |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:07 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||