 |
 |
 |
||
|
|
|
||
 |
|
 |
|
|||||||
| بوابة السفر إلى الفلبين Philippines في هذا المنتدى يتم تزويد المستخدم بالتقارير المصورة الخاصة بالفلبين. |
 |
|
|
أدوات الموضوع | انواع عرض الموضوع |
|
|
31-10-2008, 06:06 PM
|
#1 (permalink) |
|
مسافر متميز
تاريخ التسجيل: Mar 2006
رقم العضوية :64512
المشاركات: 333
|
تقرير زيارتي الثانيه للفلبين
عدنا بعون الله وحفظه بالسلامة من الورده الفلبين امس في حوالي الساعه ال 9 ونصف صباحا بعد رحله مليئه بالمغامرات و من افضل الرحلات التي قمت بها على الاطلاق انتظروا تقريري قريبا ان شاء الله عن ثاني زياره لي للفلبين ودمتم سالمين..
|
|
|
|
01-11-2008, 01:10 AM
|
#5 (permalink) |
|
مسافرجديد
تاريخ التسجيل: Sep 2008
رقم العضوية :220627
المشاركات: 17
|
الحمد لله على سلامتك ياMns506 وان شاء الله تكون استانست هناك
اخوي انا ناوية اسافر فلبين في بداية السنة2009 باذن الله ابغى اعرف كيف العيشه ... والدراسة وخاصة اللغة الانجليزية؟؟ وكيف وضع الفتاة المسلمة هناك؟ انا لدي بكالوريورس نظم معلومات وابغى اخذ ماستر واللغة ياريت تفيدني وشكرا واقول لك الحمدلله على سلامتك مره ثانية |
|
|
|
|
01-11-2008, 03:19 PM
|
#10 (permalink) |
|
مسافر متميز
تاريخ التسجيل: Mar 2006
رقم العضوية :64512
المشاركات: 333
|
الاخوان الساحر و waw991 و كنون و nief766 ورجنت وجامعي 1 الله يسلمكم ان شاء الله ومشكورني على الردود.
الاخت lila_84 الله يسلمك ان شاء الله ومشكورة على مرورج بالنسبة لتساؤلاتك ما اقدر افيدك عنها لاني رحت سياحه شوفي الاخوان مايقصرون ان شاء الله يفيدونك.. اخوي the net الله يسلمك ومشكور على المرور وجاي التقرير فيه كل المعلومات.. |
|
|
|
|
02-11-2008, 05:13 PM
|
#15 (permalink) |
|
مسافر متميز
تاريخ التسجيل: Mar 2006
رقم العضوية :64512
المشاركات: 333
|
اخواني واخواتي رواد المنتدى
تحية طيبة وبعد احب ان اكتب لكم تقريري الثاني لزيارتي الثانيه للوردة واتمنى ان يحوز التقرير على اعجابكم ورضائكم.. بما انه الورده هي اكثر بلد اعجبني وكانت اخر زيارة لي في ديسمر الماضي في السنه الماضية فقد خططت لزيارتي الثانيه قبل مرور سنه على زيارتي الاولى وقد قررت السفر بتاريخ 15- 10 ولكني غيرت الحجز لتاريخ 14-10 وذلك لظروف العمل. الحجز كان على طيران الاتحاد وقد اشتريت التذكرة ب 289 دينار بحريني ولكني قد حجزت مسبقا على طيران الامارات وكان سعر التذكرة ب 273 يعني ارخص من الاتحاد لكن المشكله توقيت وصول الاماراتية متأخر توصل مانيلا الساعه 10 ونص ليلا يعني طول اليوم يضيع عليك فحجزت على طيران الاتحاد بما انه توقيت الوصول افضل توصل مانيلا الساعة 2 ونص ظهرا وبما ان عندي عضوية معاهم عشان ازيد الاميال  ..الرحلة كانت الساعه 10:40 دقيقه ليلا من مطار البحرين. رحت المطار مبكرا الساعه 8 ليلا حتى كان الكونتر مال البوردنج مصكر. رحت اقص البورنج بعد مافتح الكونتر الساعه 8 ونصف الموظف اخذ الجواز والتذكرة وقعد يقلب صفحات الجواز الموظف: وين الفيزة؟؟  انا: مايحتاج فيزة انا رايح الفلبين مو امريكا الموظف : لا لازم فيزة مايصير انا : حبيبي روح اسأل مايحتاج فيزة هذي مو اول مره اروح فيها الفلبين الموظف: طيب لحظة راح يسأل مسؤوله ورجع الموظف: اوكي اذا كنت بتقعد اقل من 21 يوم ماتحتاج فيزة. انا : سواءا قعدت اقل او اكثر من 21 يوم هذا الموضوع يخص السلطات الفلبينية مو هني اخوي الموظف:طيب تفضل هذا كرت البوردنج. ادري رديت عليه بجلافة بس لو شايفين اسلوبه معاي لما قالي عن الفيزا كأنه مايبيني اركب الطائرة  المهم اخذت البوردنج ورحت السوق الحرة افتر وقعدت شوية بالكوفي شوب بعدين رحت جنب البوابة انتظر وكان باقي على الاقلاع ساعه ونص فأستغربت انه الي قاعدين هناك اكثرهم مشغلين الاب توب واقول بيني وبين نفسي تعال لايكون فيه خدمة الوايرلس بالمطار وانا مادري سألت وقالو لي انه الخدمة متوفرة اخيرا مطار البحرين تطور ووفر هالخدمه وعلى طول شغل الاب توب ودش على النت الى ان صار وقت النداء الاخير ولاخر وقت حتى انهم نادور بأسمي استغرقت الرحلة من البحرين الى ابوظبي 45 دقيقه وصلنا المطار ونزلنا عن طريق الباص الى مبنى المطار وهذي صور مطار ابوظبي     بعد ترانزيت لمدة ساعه تقريبا ركبت الطائرة المتجهة الى مانيلا واقلعت بالوقت المحدد بالضبط الساعه 1:55 دقيقه صباحا بنفس اليوم انا ماكنت نايم وايد نمت بس ساعتين ووقتها كنت تعبان وايد وبعد ماقدرت انام بالطيارة الى ساعة وحده بس وقضيت الوقت على كم من فلم .. الخدمة ممتازة على طيران الاتحاد من حيث تعامل المضيفيين والاكل ممتاز.. في حوالي الساعه 1 ونصف بتوقيت الفلبين قربنا نوصل وشيئا فشيئا بدت تظهر الورده وهذي بعض الصور            هبطت الطائرة بسلام في المطار والحمدلله على السلامة     نزلنا مبنى المطار وكنت حجزت كرسي الطائرة في الصفوف الأمامية عشان مثل ماتعرفون ابي انزل بسرعه دخلنا مبنى المطار وقعدت اتلفت يمين ويسار  ابي اشوف الفرقة الي يتكلمون عنها ماشفتها للأسف مادري يمكن طالعين اجازة اليوم لاني في زيارتي الاخيره للفلبين وصلت عن طريق مطار سيبو وهذي اول مره عن طريق مطار مانيلا..وصلت مكان تختيم الجوازات وخلصت الاجراءات بسرعه بعدها رحت مكان استلام الشنط وتاخرت على ماوصلت شناطي اخذتها وقبل الخروج كان فيه رجل امن يطابق الارقام الي على الشنط مع التذكرة... انتظرو البقية في المشاركة القادمة ان شاء الله |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:21 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||