 |
 |
 |
||
|
|
|
||
 |
|
 |
|
|||||||
| بوابة السفر إلى ماليزيا Malaysia في هذا القسم يتم تزويد المستخدم بالتقارير المصورة الخاصة بماليزيا. |
 |
|
|
أدوات الموضوع | انواع عرض الموضوع |
27-10-2008, 01:40 PM
|
#1 (permalink) |
 
تاريخ التسجيل: Feb 2006
الدولة: *البحرين دار الزين*
رقم العضوية :61701
المشاركات: 4,380
|
تقرير الزياره الـ3 لماليزيا من بعد غيااااب ..
بسم الله الرحمن الرحيم ..
اولا اخص بالشكر مشرفنا وخالنا الغالي بوعمر لكل مايبذله من جهد عشان هالبوابه ولكل معلومه منه قريتها وفادتني بالسفر وبعد السفر (الدعم الفني للتقرير) اخواني واخواتي الاعضاء لي الشرف اني اكتب لكم اليوم واقدم لكم تقريري المتواضع جدا بين ايديكم واتمنى انه يحوز على رضاكم .. وللمعلوميه فقط انه ماراح اوصل لمستوى تقارير اخواني فهد بن محفوظ وبدر بوناصر .. لا.. هو مجرد بعض الصور اللي التقطتها وماكان بالحسبان اصلا اني انزل هالتقرير .. عموما رحلتنا كانت المفروض بالصيف وماكانا مخططين لزيارة ماليزيا وجهتنا المفروض اوروبا لكن مع بعض الظروف رجعنا لمعشوقتنا ومع ظروف اخرى تأجلت الى بعد العيد.. وكانت سفرتنا بس للراحه وللتسوق بحكم ان البلد عارفيينه وزايرينه مرتين ورحنا اغلب الاماكن السياحيه فقلنا بما ان معانا الولد فمانبي تنقلات كثيره واللي شفناه من قبل مانبي نروحه, فالبرنامج صار اربع ليالي كوالا واربع ليالي بينانغ ونرجع اربع ليالي كوالا . والفنادق كانت قراند ملينيوم  وقولدن ساندس اللي انصدمت فيه من بعد آخر زياره من اربع سنوات السفر كان يوم الجمعه 3 اكتوبر 2008 الساعه 8:40مساءا على طيران الخليج واخترنا هالخطوط عشان انها دايركت الى كوالالمبور..وصلنا يوم السبت4 اكتوبر الساعه 9:30صباحا بتوقيت ماليزيا على طول من المطار الى قراند ملينيوم بشارع العرب وكان من احلى الفنادق اللي سكنت فيها .. كانت معاملتهم جدا لطيفه وحلوه لنا والشيك ان كان بسهوله وسرعه ماأخذ وقت وعلى طول ركبنا الغرفه نريح .. وهذي بعض الصور من طريق المطار وبعضها للفندق..   لوبي الفندق والسموحه لعدم وضوح الصوره ..  نافوره باللوبي وولدي كل يوم يبي يقط روحه فيها يسبح (انتحاري الولد)  مدخل الغرفه   منظر الشارع من الغرفه واذا تلاحظون البافليون عاليسار  فندق الماريوت وبعده الوستن  وهذا باص لمنتخب قطر لانهم كانو ساكنين معانا بس للحين ماعرفنا تبع اي لعبه هم   اريح شوي وارجع لكم بعدين واتابع لكم رحلتي اللي اعتبرها مميزه بوجود ولدي معانا ولاول مره نطلع فيه خارج نطاق الخليج  |
|
|
|
27-10-2008, 02:02 PM
|
#2 (permalink) |
|
تاريخ التسجيل: Feb 2006
الدولة: *البحرين دار الزين*
رقم العضوية :61701
المشاركات: 4,380
|
نتابع.. اليوم الاول من بعد الراحه طلعنا نتغدى بالطربوش ومن بعدها نمنا لين المغرب وقضينا باقي اليوم تمشيه بشارعنا  وثاني يوم فطرنا الصبح وطلعنا اكواريا عشان ولدي يشوف (السميكا) على قولته       وبعدها طلعنا ورحنا مجمع البرجين نتمشى ونتغدى..وصورت صوره وحده وتذكرت ان التصوير ممنوع بأماكن معينه من المجمع وقلت بلا مشاكل مانبي نصور شي..  |
|
|
|
|
27-10-2008, 02:31 PM
|
#5 (permalink) |
|
تاريخ التسجيل: Feb 2006
الدولة: *البحرين دار الزين*
رقم العضوية :61701
المشاركات: 4,380
|
وكالعاده نريح العصر شوي ونتابع تمشيتنا بالشارع والمجمعات اللي قريبه منا او مرات كنا نطلع مجمعات
بالتاكسي.. اليوم الثالث خصصناه للصن وي لاقون من بعد الفطور لين قبل المغرب.. واخذنا التذاكر ثيم بارك+الوايلد لايف وطلعت لشخصين 150 رنقت على ماأعتقد والولد لأن اقل من سنتين مجانا..       بعد ماخلصنا من الالعاب المائيه شوفو شصار فيه من التعب مسكين مايدري وين الله حاطه ..  الوايلد لايف   المعادله الصعبه  عدوي اللدود   الحسناء النائمه  وخلصنا من الوايلدلايف وانطلقنا الى المجمع نتمشى ونتسوق ونتغدى.. وقبل المغرب رجعنا الفندق .. وباقي الايام قضيناها تمشيات وقعدات بالكافيهات وتسوق.. ارجع لكم ان شاءالله بتقريري لبينانغ.. انتظروني |
|
|
|
|
27-10-2008, 11:32 PM
|
#15 (permalink) |
|
تاريخ التسجيل: Feb 2006
الدولة: *البحرين دار الزين*
رقم العضوية :61701
المشاركات: 4,380
|
بينانج..
يوم 8 اكتوبر بعد الفطور انطلقنا الى المطار ووجهتنا بينانج على طيران آسيا .. المطار كان مش ولابد .. لازم تحطون فبالكم انكم تاخذون اكثر من شنطه وحجمها من صغير الى متوسط عشانهم يحاسبون ان الشنطه الوحده مايزيد وزنها اكثر من 30 كيلو ومافي فايده انكم تقولون بندفع وزن لانهم بيجبرونكم تخففون من وزن الشنطه الى 30 لكن اذا اكثر من شنطه الوزن بيتوزع عليهم .. المهم وصلنا الى بينانج على ال2:30 وعلى طول قولدن ساندس وطبعا الاجراءات ماطولت بس10 دقايق وعطونا كرت الغرفه .. طول اليوم قضيناه بالفندق والسوق الليلي .. واخليكم مع الصور.. منظر الجبل من الغرفه وكانت الدنيا مغيييمه والجو ولله الحمد حلو  بركة السباحه   قعدات قبال برك السباحه والبحر  شاطئ الفندق والالعاب البحريه   وفي كذا صوره مب راضيه تتنزل ماعرف ليش.. المهم ثاني يوم بعد الفطور نزلو الشباب يسبحون بالبركه ومحسوبتكم قاعده تطالعهم وتتحسر  وبعد الغدى ريحنا شوي وطلعنا عالمجمعات .. وثالث يوم العصر رحنا متحف الالعاب الصراحه مع انه صغيرون رهييييييييييييييييب انه فصخ عقلي .. مدخل المتحف  ضاااايع مب عارف من وين يات كل هالالعاب  مسيو بين  101 مرقش  ليت الطفوله تعود يوما  سبايدرمان  سوبر قيرل نيهااهاها..  مستحي الولد   مع السلامه عموووو  والمتحف عباره عن مجهود شخصي,صاحب المتحف يشتري الالعاب ويعرضهم فيه والدخول للبالغين 20 رنقت وطبعا هذي اللي بجعبتي من صور لبينانج ونرجع لكم بالجزء الاخير من الرحله.. فاصل ونواصل |
|
|
|
|
«
ماليزيا بـ 3 ايام والرابع بعنيزة
|
تقرير عن فندق ويستن لنكاوي (تحفة الفنادق بجزيرة لنكاوي ) The Westin Langkawi
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:38 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||